اذهب الي المحتوي
منتديات ياللا يا شباب
الجندى المجهول

رباعيات جاهين

Recommended Posts

الطريق شوك لكن هايش

والحمرة مش يعنى الطريق حايش

ده دمنا السيال وبشرة خير

ان انت عيشة وان انا عايش

عجبى

دى رباعيه من رباعيات صلاح جاهين

كان نفسى من زمان انزل ربعيات صلاح جاهين بس كنت مستنى افضى لو الربعيه عجبتكم نكمل وياريت اى حد عنده رباعيه يشارك

شارك هذه المشاركه


رابط المشاركه
شار ك علي موقع اخر

جميلة جدا ياجندي يامجهول

وانا بحب ربعيات جاهين كتير

وانا حابةاشارك برباعية بحبها اول لجاهين

أنا شاب لكن عمري ألف عام

 

وحيد لكن بين ضلوعي زحام

 

خايف و لكن خوفي مني أنا

 

أخرس و لكن قلبي مليان كلام

عجبي !!!!

 

وكمان الرباعية دي

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

وكفاية كدا لان

اتمني اشوف مشاركات تاني

 

تقبل مروري ومشاركتي

شارك هذه المشاركه


رابط المشاركه
شار ك علي موقع اخر

خرج ابن آدم من العدم قلت : ياه

 

رجع ابن آدم للعدم قلت : ياه

 

تراب بيحيا ... وحي بيصير تراب

 

الأصل هو الموت و الا الحياه ؟

 

عجبي !!!

 

 

 

ضريح رخام فيه السعيد اندفن

 

و حفره فيها الشريد من غير كفن

 

مريت عليهم .. قلت يا للعجب

 

لاتنين ريحتهم لها نفس العفن

 

عجبي !!!

 

 

 

ياما صادفت صحاب و ما صاحبتهمش

 

و كاسات خمور و شراب و ما شربتهمش

 

أندم علي الفرص اللي انا سبتهم

 

و الا علي الفرص اللي ما سبتهمش

 

عجبي !!

 

 

 

و الكون ده كيف موجود من غير حدود

 

و فيه عقارب ليه و تعابين ودود

 

عالم مجرب فات و قال سلامات

 

ده ياما فيه سؤالات من غير ردود

 

عجبي !!!

 

 

 

أنا شاب لكن عمري ألف عام

 

وحيد لكن بين ضلوعي زحام

 

خايف و لكن خوفي مني أنا

 

أخرس و لكن قلبي مليان كلام

 

عجبي !!!!

 

 

 

يا باب يا مقفول ... إمتي الدخول

 

صبرت ياما و اللي يصبر ينول

 

دقيت سنين ... و الرد يرجع لي : مين ؟

 

لو كنت عارف مين أنا كنت أقول

 

عجبي !!!

 

اجمل ما في الكلام كلام بيحتويه الكلام ولسان العقل يتكلم بأداب الكلام

شارك هذه المشاركه


رابط المشاركه
شار ك علي موقع اخر

 

 

 

انا مشارك من بدري .. لان التوقيع فيه واحده

وخدووووو دي

 

حاسب من الاحزان وحاسب لها

حاسب علي رقابيك من حبلها

راح تنتهي ولابد راح تنتهي

مش انتهت احزان من قبلها

وعجبي

 

409217039.jpg

 

حدوته عن جعران وعن خنفسه

اتقابلوا حبوا بعض ساعة مسا

ولا قال لهم حد اختشوا عيب حرام

ولا حد قال دي علاقة متدنسة

وعجبي

 

818937843.gif

 

 

 

شارك هذه المشاركه


رابط المشاركه
شار ك علي موقع اخر

<script language="Javascript"></script> <script language="Javascript"></script>الرباعيات دى جميلة جدا وبأحيك عليها لأنه كان نفسى كتيير أعرفها وإنشاء الله حشارك فيها فى أقرب وقت.

شارك هذه المشاركه


رابط المشاركه
شار ك علي موقع اخر

الف شكر لكل اللى شارك فى الموضوع

ونفسى الناس اكتر تشارك فى المضوع

يومي علي الله تنتهي و تغيــــب

الشمس و تعود تاني يوم لهاليب

زي الحياة مأساه و من كترهــــا

بقي لا انتهاءها و ابتداءها عجيب

عجبي !!

الدنيا صندوق دنيا .. دور بعــــد دور

الدكة هي .. و هي كل الديكـــــــــور

يمشي اللي شاف ويسيب لغيره مكان

كان عربجي أو كان امبراطــــــــور

عجبي !

فوق تحت . ورا قدام . يمين شمـــال

في الجو . تحت الميه . أو في الرمال

طلب الكمال يحرم علي الممـــــــــكن

و الممكنات دول محرومين م الكمال

عجبي !!!

شارك هذه المشاركه


رابط المشاركه
شار ك علي موقع اخر

وصيتك يابني لما صوتي اتنبح

اوعك تخاف من عفريت أو شبح

وان هبك فيك عفريت قتيل اسأله

ما دافعش ليه عن نفسه يوم ما اندبح

وعجبي

 

الجندي المجهول

اخويا وصديقي

كان في اتفاق بينا

بس واضح ان حد فينا غير كلامه

تقبل مروري ومشاركتي

 

ياريت يا جماعة اللي يضيف ما يضيفش اكتر من واحدة

علشان يدي فرصة لغيرة في المشاركة

شارك هذه المشاركه


رابط المشاركه
شار ك علي موقع اخر

مع ان كل الناس من اصل طين

وكلهم بينزلوا مغمضين

بعد الدقايق والشهور والسنين

تلاقى ناس اشرار وناس طيبين

 

عجبى عليك عجبىعليك يا زمن

يا ابو البدع يا مبكى عينى دوما

ازاى انا اختار لروحى طريق

وانا اللى داخل فى الحياة مرغما

 

مرغم عليك يا صبح مغضوب يا ليل

لا دخلتها برجليا ولا كانلى ميل

شايلنى شيل دخلت انا فى الحياة

وبكره هخرج منها شايلنى شيل

 

سنوات وفايتة عليا فوج بعد فوج

واحدة خدتنى ابن والتانية زوج

والتالتة اب خدتنة والرابعة ايه

ايه يعمل اللى بيحدفه موج لموج

 

وانا فى الضلام من غير شعاع يهتكه

اقف مكانى بخوف ولا اتركه

ولما ييجى النور واشوف الدروب

احتار زيادة واقول ايهم اسلكه

 

نظرت فى الملكوت كتير وانشغلت

وبكل كلمة ليه وعشان ايه سألت

اسال سؤال الرد يرجع سؤال

واخرج وحيرتى اشد مما دخلت

 

خرج ابن ادم من العدم قلت ياه

رجع ابن ادم من العدم قلت ياه

تراب بيحيا وحى بيصير تراب

الاصل هو الموت ولا الحياة؟

 

ضريح رخام فيه السعد اندفن

وحفرة فيها شريد من غير كفن

مريت عليهم قلت يا للعجب

لاتنين ريحتهم فيها نفس العفن

 

ياما صادفت صحاب وما صاحبتهمش

وكاسات خمور وشراب مشربتهمش

اندم على الفرص اللى اناسبتهم

ولا على الفرص اللى انا مسبتهمش

 

والكون ده كيف موجود من غير حدود

وفيه عقارب ليه وتعابين و دود

عالم مجرب فات وقال سلامات

ده ياما فيه سؤالات من غير ردود.

 

 

وعجبى!!

شارك هذه المشاركه


رابط المشاركه
شار ك علي موقع اخر
وصيتك يابني لما صوتي اتنبح

اوعك تخاف من عفريت أو شبح

وان هبك فيك عفريت قتيل اسأله

ما دافعش ليه عن نفسه يوم ما اندبح

وعجبي

 

الله بجد دى جميلة خالص

 

أصلى بخاف وكنت دايما بفكر لو اتحطيت ف الموقف ده

 

بس خلاص عرفت هعمل أيه ..... :):2::2::):):2:

 

 

 

 

ليه يا حبيبتي ما بيننا دايماً سفر

 

ده البعد ذنب كبير لا يُغتفر

 

ليه يا حبيبتي ما بيننا دايما بحور

 

أعدي بحر ألاقي غيره اتحفر

 

عجبي !!

 

 

شكرا عالموضوع الجميل

 

بجد عملت روح حلوة خاالص

شارك هذه المشاركه


رابط المشاركه
شار ك علي موقع اخر

بجد انا بشكر كل الى شارك فى الموضوع

عيني رأت عصفور ووياه ابنه

 

بيحدفه في الريح وياخده ف حضنه

 

نوبتين وتالت نوبه - عجبي عليهم -

 

كانوا سوا بيرفرفوا ويغنوا

 

عجبي !

شارك هذه المشاركه


رابط المشاركه
شار ك علي موقع اخر

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!

 

أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!

 

إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

 

 

 

 

إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

 

 

 

 

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!

 

 

 

 

علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!

 

 

 

إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!

 

نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!

تم تعديل بواسطه الجندى المجهول

شارك هذه المشاركه


رابط المشاركه
شار ك علي موقع اخر

صبرك ويأسك بين ايديك وانت حر

تيأس ما تيأس الحياة راح تمر

انا دقت مندا ومندا عجبي لقيت

الصبر مر وبرضك اليأس مر

شارك هذه المشاركه


رابط المشاركه
شار ك علي موقع اخر

Join the conversation

You can post now and register later. If you have an account, sign in now to post with your account.

زائر
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..