يوميات زوجان متحابان فى الله (يوميات علي ودعوه)(1)

[دعوه للجنه 457]

 

 

حان الآن موعدنا مع حلقات جديده من يوميات زوجان متحابان فى الله

(يوميات علي ودعوه)

 

كان علي قايل انه بيحب المحاشي اوي

فقولت اعمله ورق عنب كده

المهم عملته عل الفطار بس مكنش مظبوط حبه

بالفعل قعدنا نفطر بعد المغرب ما أذن و علي اكل واحده كده و لقيته مكملش لما سئلته مكملتش ليه قاللي مش بحبه اوي المهم اكل سلطه و كمل فطاره

اللي اكتشفته بعد يومين لما كنا معزومين عند عيله علي

كان قبل المغرب بعشر دقايق و انا واقفه مع ماما " اللي هي مامه علي"

قاتللي خدي ورق العنب ده اغرفيه و المهم زودي الورق عند علي حبه عشان علي جوزك بيموت في ورق العنب " قولتلها بيموت في ورق العنب !!!!

قالت اه بيحبه اوي على فكره

عرفت اني كنت عملاه وحش جدا في اليوم ده و لما راجعت نفسي كده

قلت لازم اتعلم اعمل محشي ازاي

كل يوم كنت بستأذن علي اروح ازور مامته و كنت بتعلم منها ازاي اعمله

لحد في يوم ما عملته عل الفطار و قولت له يا علي ماما بعتت ليك المحشي ده

علي اكل و عجبه جدا اكل كتير جدا منه

و لما خلصنا قولتله على فكره انا اللي كنت عملاه و على فكره انت بتحبه و قولتللي انك مش بتحبه قوللي ليه بقى

قللي " حديث للنبي بيقول""""عَنْ أَبِي هُرَيْرَةَ رَضِيَ اللَّهُ عَنْهُ قَالَ مَا عَابَ النَّبِيُّ طَعَامًا قَطُّ، إِنْ اشْتَهَاهُ أَكَلَهُ وَإِلاَّ تَرَكَهُ ( البخاري"

فمرضتش بعد ما تعبتي في انك عملتيه اقولك انه وحش فقولت لك اني مش بحبه

قلت له وعشان كده انا روحت اتعلمت اذاي اعمله و هفضل ديما اطور في نفسي لحد ما ابقي زي ما تحب.

 

تابعونا فى حلقات جديده إن شاء الله

 

 

 

 

 

 

 

منقول بتصرف

[NADA 34]

شاطرة يا دعوه

 

ربنا معاكي و يهديكوا لبعض ,,,

[حورية الجنة 114]

وباقى المحشى الأولانى راح فين يا دودو ؟