الحياة فواكة ... 2- البرتقالة

[المدرب حسام الدين محمد 20]

سلسلة الحياة فواكة ... 2- البرتقالة

 

خير الله اللهم أجعله خييير

قال انا ايه ماشى فى طريق طويل ، والناس كلها لابسة فواكه ههههه ايوووة فواكه

من موز وبرتقال وبطيخ وعنب وكلهم ماشيين وراء دكاترة لابسين أبيض فى ابيض ودخلوه مكان مكتوب عليه ( مدرسة التشريع بامريكا ) ، قولت يالا أمريكا مرة واحدة

طلعت اجرى عليه ، يا دك دكتورررررر

قالى : نعم   ، قولتله : هو فى ايه ؟    قالى : لا عادى احنا داخلين المدرسة نختبرهم انماط الناس وحكالى ان تحليلنا فى المدرسة اننا مقسمين الناس الى اربع اقسام حسب الفواكة ؟؟

قولت : الله انا فعال جعاااااااان

ضحك عليه وقالى : لا لا مش على حسب ما تحب على حسب الصفات

زمااااااااااان قامت مدرسة التشريع فى بولاية كارولينا الشمالية فى الولايات المتحدة الامريكية بعمل تمرين تم اخذه من بحث كاتلين بوتلر بعنوان كل شئ بداخل عقلك

المهم يعنى التمرين ده عبارة عن تحليل للشخصيتك ومن خلاله نشوف ايه الفاكهة اللى تشبهلك وبكده تبقى الحيااااااااااة فواكة .

وقعدت يشرحلى صفات الشخص البرتقال

 

صفات الشخص البرتقال :

بصيت كده أوى لقيت برتقالى كده ورايح جاى يبص على كل حاجة ويمسك كل حاجة بايده قولته ماله ده يا عم الدكتور

قالى : هو كده شخصية تعشق البحث والتجريب بيحب دايما يشوف تغيير ومش بيحب يسمع حاجة غير لما يجربها حتى بص يا عينى عليه تلاقى كل شوية مكسور فى دراعه رجله مشوخه ولا عينه تلاقيها مفقوعه هههههههه ، بس ايه خد منه احسن الاختراعات

قولت انا : واااااااااااو اخترااااااااعات هو ده اللى عاوزة الفترة الجاية .

انت عارف يا دكتور اننا احنا كعرب اصحاب الريادة فى المجالات كلها ومفيش اى اختراع فى الكون الا وليها اصل عربى حتى الطب .. ولا عندك شك فى كده دى كمان

قالى : اكيييييييد بسسس

قولته : من غير بس ، استنى عليه بس امسك فكام برتقاله من دول وهنشوف هنعمل ايه

وبشغف قولته : احكلى كملى صفات البرتقال

قالى فى 4 اسئلة بسالهم لكل فاكهة من دول

اولا : ايه القدرات اللى بتشمل عليها البرتقال :

• التجريب : عاشق للخطوات التجريبية ولا يثق بالشى الا اذا قامت يده بالبحث وانتاجه بنفسه .
• الاستقلالية : مستقل بذاته ومنطوى فى اختراعاته يعشق الصمت ولا احد يدخل فى حياته الانجازية .
• الفضول : مقولش بقى بيسال كتير اوى ، ويا ساتر يارب لو شاف علبه مقفوله ولا اختراع جديد لازم يعرف ايه هو وازاى اتعمل .
• ابتكار طرق جديدة مختلفة : من شده فضوله الزائد ايجابى جدا ممكن يصنعلك طرق جديدة لاى اختراع ممكن يشوفه او اى شئ صعب حله .
• ابتكار التغيير : مبيحبش حاجة اسمها منطقة الراحة ، دايما بيغير شغله ومن شغل لشغل مش علشان الشغل ممل ولكن التغيير عنده حياااة .

قولت انا : الله الله وبعدين كمل كمل وايه السؤال التانى

قالى : ثانيا : ازاى ناخد افضل ما عنده ؟:

• دايما حاول انك تشاركه فى منافسه مع اى مخترع زيه .
• وجهه ذاتيا يعنى كلمه هو لشخصه وحركه زى ما تحب فى اى عمل جديد .
• اتركه يقدم لك نتائج عديدة فى تجاربه وابحاثه وشجعه على ان يقدم نتائج اخرى .
• دعه للتجريب واستخدام مبدا الخطا والصواب حتى يحصل على النتيجة الصحيحة لانه لايمل من التجريب .
• ومتنساش التوجيه الذاتى علشان ميدخولش فى متاهات فى حياته وخاصه لو فى التفكير شاركه فى عالمه الخاص وكمان علشان ينتج اكتر .

 

قولت : بس كده دى شخصية صعبة جدا

قالى : المشكلة فى المتاعب اللى بيواجها هو من نفسه بيرجع يصلح من حاله مع التوجيه الذاتى ليك ..

قولت : اكيد بقى ده السؤال التالت

 

قالى : ثالثا : المتاعب التى يواجهها :

• الوفاء بالمواعيد النهائية : مفيش حاجة عنده اسمها ميعاد صحيح دايما بيخالف مواعيده نتيجة تجاربة وابحابثه وبالتى لازم تتابع معاه وتوجهه قياديا وتحفزة دائما
• متابعه المحاضرات بتركيز : بيركز جدا فى المحاضرات والدروس وكثير الاسئلة .
• يمتلك القليل من الاختيارات : دايما خياراته قليله جدا حاول تساعده فيها حتى تسطيع ان تستغله فى العمل بطريقة رائعه .

 

تمااااااااااااام واخيرا : رابعا : ازاى تحسن من  اسلوبه :

• تفويض المسؤلية : حركه واعطيه مسؤليه وحفزه على العمل بها
• ادارة الاولويات : علمه دائما كيف يستخدم اولوياته وادارة وقته
• اعطيه الكثير من افكار الاخرين

علشان كده انا بنصحك وبنصح اى حد صفاته برتقال انه يركز فى اللى بقوله كويس ويستخدمه فى تطوير ذاته صح

ياااااااااا وببص ورايا لقيت برتقال كتييييييييييييييير كتيييييييييييييييييييير

وواحد بيقولى كام كيلو يا استااااااااااذ

يا استااااااااذ تاخد برتقال

ده ال3 كيلو ب5 جينه

قولت : لو البرتقال اللى معاك هو اللى فى بالى انا عاوز منه طن مش 3 كيلو

واظن واضح انه عاوز كده لييييييييه

شخصيات مخترعه زى دى احنا محتجين منها كتييييييير اليومين دول

نفسنا نعيد امجادنا تانى ونصنع ونعمل الغرب وننافس على ريادة العالم مرة اخرى

 

واستونى فى الحلقة الجاية

على فكرة تابعوا مقالة ( الحياة فواكة ، 1- الموز ) فى ملاحظاتى

شكراااااااااااا واتمنى انى اعرف رايكم

 

حسام الدين محمد .... مش برتقاله ههههههه

[عاشق الصداقه 525]

أسلوبك ..

أروع ما في كتاباتك حبيبي حسام هو أسلوبك الرائع .. واللي بيخللي اللي بيقرأ لا يمل أبداً ..

أنت رائع !

 

جزاك الله كل الخير ولا حرمنا الاستفاده منك

متابع باستمرار طبعاً ..

مستني أشوف شخصيتي مقاربة لأنهي فاكهة

[دعوه للجنه 457]

بانتظار باقى الفواكة لتصنيف شخصيتى،،، بوركت اخى الفاضل.......

 

 

 

متابعه,,,,, .......