التييتة للأسف في الخرييطة

[رجل من الصحراء 36]

التيتة للأسف في الخريطة

قرات نقدا ساخرا لحال البلد اعرضه عليكم بعد حذف وتعديل كثير من الكلام (اللي يودي في داهية) وهو وصف لخريطة مصر اليكم بعضا منه:

 

*دمياط

 

الشعار:تتعشى ولا تنام خفيف

 

المقولة الشهيرة: ومامصر الا قرص مشبك كبيير

 

البيانات: خيوط متعرفش من ايه واتعملت ازاي ودخلت في بعضها ازاي المهم انها في النهاية هاتعطيك قرص الشمس الا وهو(المشبك)

 

بالمناسبة المشبك عايز اسنان قوية وتحدي

 

................................................................................

............

 

*بورسعيد

 

الشعار:احنا اللي دهنا الهوا دوكو

 

المقولة الشهيرة: حط ايد على ايد ابوالعربي مات شهيد

 

البيانات:جمرك بورسعيد دليل حي على عبقرية المصريين وصياعتهم لو عايز تتعرف على المصريين بجد عليك وعلى بورسعيد

 

................................................................................

............

 

*الاسكندرية

 

الشعار:اسكندرية مارية وعنبها برتقان

 

المقولة الشهيرة: بحر وحب ومكتبة وقراية مفيش

 

البيانات: ساعة مغربية ونسمة هوا طلة والموجة بتجري ورا الموجة عايزة

 

تطولها... تبص تلاقي كل الناس فريش ومافيش حد قااااااااااااااااافش

 

................................................................................

............

 

*طنطا

 

الشعار: بلدي طنطا ومليش في الاونطة

 

المقولة الشهيرة: مدد ياسيد يابدوي ...مداااااااااااد

 

البيانات:وانت عند مقام السيد البدوي خرج كل اللي جواك من كابة ومشاكل واهي فرصة حلوة تعبر فيها عن نفسك وتقول اللي في قلبك ولكن نصيحة

 

خلي بالك من جيبك وانت بتدعي

 

................................................................................

............

 

*القاهرة

 

الشعار: زحمة يادنيا زحمة

 

المقولة الشهيرة: عتبة.. رمسييس... عبوووووود.....مؤسسة

 

البيانات:عربيات قافلة الشوارع يمين وشمال وتحت المترو عطلان وواقف وفوق الكباري مقفولة وعسكري المرور لايص في وسط الشارع عمال يشاور ويلف واتوبيسات فيها ناس متشعبطة برده في ناس تانيين متشعبطين في ناس غيرهم ماسكين في اكصدام الاتوبيس اللي مربوط بحبل في

الاتوبيس نفسه....

 

..................

*المنوفية

 

الشعار: قاعدين عالمصطبة وياك

 

المقولة الشهيرة: الله يجازي اللي كان السبب

 

البيانات: بلد الحكام من 35 سنة, والولد المنوفي الصغير بيطلع واخد رقم في معهد اعداد الرؤساء

 

................................................................................

............

 

*شرم الشيخ

 

الشعار: كل ماتتزنق .... اقلع

 

المقولة الشهيرة: هنا المبدعون يلتقون ويظبطون ....... مع شاروووووون

 

البيانات: المكان ده للاسف داسه شاروون وكثيير من اليهوود الاسرائليين

 

التراب ده بيكره نفسه ياناس

 

................................................................................

............

 

*الصعيد

 

الشعار:الرجولة ادب مش هز سلاح

 

المقولة الشهيرة: اوعى قطر الصعيد يفوتك كفاية قطر الزواج

 

البيانات: وانت في قطر الصعيد(حورس) خالد الذكر احترس من الكمسارية الذين يسالون عن التذاكر كل نصف ساعة ومن الركاب الرغايين .

 

................................................................................

..........

 

 

 

*الاقصر

 

الشعار: بلدنا احنا.... مش بلد السياح

 

المقولة الشهيرة: احنا بتوع المسلات

 

البيانات: المعابد والمتاحف والاثار وحضارات من الاف السنين وكليوا باترا اللي ماتت بسم التعبان هذا كل مانعرفه ونسرده عن الفراعنة .اكتفينا بالانبهار ولم نفعل اي شيء عظيم

 

................................................................................

...........

 

*أسوان

 

الشعار: توشكى لمين.. واحكي لمين

 

المقولة الشهيرة: قلنا هنبني وادينا بنينا السد العالي

 

البيانات: بكار هيحكيلكم عليها عشان انا لو كتبت هتحبس

 

................................................................................

............

 

طبعا كان فيه كلام اكتر من كده ومناطق اخرى ولكن انا بصراحة عدلت الموضوع نفسه تعديل كامل وغيرت الصيغة باسلوبي والكلام، بس بيحمل نفس المعنى و اكتفيت بدول عشان التيتة تبقى في الخريطة

[رجل من الصحراء 36]

شعرت بضيق كثير حينما قرات هذه المقالة الناقدة لبلدنا

وقد ذكر فيها كلاما اكثر من ذلك ليس من المستحب ذكره

ولكن للاسف حينما فكرت وجدت ان ماهو مكتوب واقعي تماما

اسال الله لبلدنا الحبيبة الاستقرار والرخاء الدائم

وتحيا مصر دائما في كل وقت وكل حين

[NADA 34]

شكلك كده مش هتعديها ولا ايه

 

انت بقى ف الصحرا وضامن نفسك ف الامان

 

هيخافو يجو عندك تسلط عليهم الديابة,,

 

طيب لو مش خايف علينا خاف على عاشق الصداقة

 

ده حتى غلبان خالص وبيجرى على منتدى

 

و هو يا عينى اللى هيروح فيها ,,,

 

 

بس إن شاء الله مصر هتكون أحسن من كده

 

المهم بجد الناس احنا اللى ف ادينا ده

 

 

شكرا ليك على اهتمامك ومواضيعك الرائعة بجد

 

أنا بحب مصرررررررررر موووووووووت جداااااااااااااا

 

ونفسى تبقى أحسن بلد ف الدنيا كلها

 

 

بس صح مقولتلناش

 

نروح التيييته ازاى؟؟

 

مش دى اللى على اول الشارع يمين ف شمال

 

ولا اللى فين دى؟؟؟؟

[رجل من الصحراء 36]

هههههه اشكرك اختي العزيزة على ردك الجميل

الذي انار موضوعي

بالنسبة لاخي عاشق الصداقة وعد مني لو اتمسك هنعمله حملة اغاثة وسوف يقودها ابوتسنيم

عشان هوه اللي عرفني بالمنتدى ده

والله بجد الواحد فرحان جدا بانه فبي المنتدى والجروب ده وربنا يوفقنا جميعا ان شاء الله لاصلاح مانستطيع اصلاحه

تقبلي تحياتي وتقديري وشكرا لمرورك الجميل

[«۞۩ أبو سليمان ۩۞» 179]

ههههههه طب استني لما عاشق الصداقة يخلص امتحانات

 

خليه يتهني بكلية آداب شوية ده لسه اول ترم

 

عموما ممكن نجيب له مشبكة من طنطا و شوية عيش عشان يبقي عيش و حلاوة :lololo:

[حياتى من اجل ربى 22]

جميييييييييييييل

موضوع رائع ككل موضوعاتك اخى

جزاك الله خيرا

نفسى نلاقى حاجه حلوه فى مصر

[رجل من الصحراء 36]

شكرا دكتور على مرورك الذي شرفني

واتمنى التوفيق لاخي عاشق الصداقة في الامتحانات وربنا يسترها عليه

________________________________________________________________________________

_______________

كل الشكر لاختي الفاضلة حياتي من اجل ربي على مرورها الجميل

وبعدين احنا نيجي فين جنب مواضيعك المتميزة والرائعة

________________________________________________________________________________

______________

تقبلوا جميعا تحياتي وتقديري

 

[ABOTASNEEM 117]

كنت عارف انك لما تدخل المنتدى

 

هتاكل الجو

 

لانك صاحب فكر عالى ومتميز

 

وده رايى فيك وانت عارف .. بس بس استنى متتغرس قوى

 

---------------------------

 

بجد والله رائع جدا .. وننتظر المزيد

[رجل من الصحراء 36]

حبيب قلبي ابوتسنيم

اشكر مرورك الذي يزيدني شرفا

بس بالنسبة لحملة الاغاثة بتاعة كرينكل ايه النظام؟؟

[مصطفى بهجت 2]

من الطبيعي إن كل أصدقاء أبوتسنيم ..

 

يكونوا زيك يا صديقنا رجل من الصحراء ..

 

موضوعك بجد أكثر من راااااااائع ..

 

بس بصراحة .. ربنا يصلح الأحواااااال ..

 

لكن كنا عايزين الصعيد محافظة محافظة .. مش كله مع بعضه ..

 

ولا أقولك بلاش يا عم ..

 

خلينا قاعدين على حيلنا و كافيين خيرنا شرنا ..

[رجل من الصحراء 36]

شكرا لمرورك اخي مصطفى

وان شاء الله ربنا يصلح الاحوال

[اعتز بحجابى 0]

thank you

[رجل من الصحراء 36]

اعتز بحجابي

 

no thanks on home work

يعني لا شكر على واجب

بلغة الصحراء

 

خير ان شاء الله

[حياتى من اجل ربى 22]

والله رديت يا ابنى اعمل ايه تانى

ان شاء الله هيشاركو ماتقلقش

[رجل من الصحراء 36]

شكرا اختي الصغيرة