يا قدس

[الجندى المجهول]

القدس قدسي..

 

يمامة صيف في غيتها.

 

تطير . تيجيني..

 

بأشواقها .. وغيتها.

 

فاكراني من يد صيادها

 

أنا اغيتها !!

 

فاكراني صوت الأدان الحي

 

في "حطين"

 

ومخبي في ضلوعي قلبك

 

يا "صلاح الدين"..

 

شايل صراخ اليتامى

 

ولوعة المساكين

 

فاكراني كفن الشهيد

 

وخيمة اللاجئين

 

وأول الأتقيا..

 

وآخر الهاربين..

 

***

 

 

 

 

 

 

 

تجيني وتبوسني

 

وتملس على خدودي

 

هاربة بـ حدودها القدام

 

تتحامى في حدودي

 

تبكي على صدري

 

دبكة حزن على عودي

 

تبكي وفاكرة حد هدها

 

وأسكتها !!

 

أنا..

 

ياللي من موت شراييني

 

اتنسج موتها

 

وصوتي..

 

يوم الغنا الباطل

 

بلع صوتها

 

مافيش في قلبي

 

ولا آهة أموتها

 

كل الآهات ميتة

 

أنا حبيس همسي

 

نزعت صورتها من بُكرايا

 

من أمسي

 

حطين ولا حطيني

 

ولا قدس الهموم.. قدسي

 

ولا عارفة تنساني

 

زي ما تهت.. ونسيتها !!

 

***

 

 

 

 

 

 

 

القدس..

 

تيجي يمامة نور

 

مطفية

 

طالعالي م البرد

 

للصيف الجديد تسعى

 

فاكرة في كفي طعام

 

وف قلبي أخوية

 

هية اللي مش واعية..

 

والا أنا اللي مش باوعى..؟

 

لا دمع يسقى عطش عيني

 

ولا مية.

 

يا حزن لا تترجمه أهة..

 

ولا دمعة..

 

...

 

ما كنا فاكرينا

 

أطفالك

 

يا ست الكل.

 

الكدب ما يجيبش همه

 

إحنا مش أطفال

 

وكنا فاكرينا أبطالك

 

أيادي السيف

 

سيوفنا من قش

 

ودي..

 

ماهيش إيدين أبطال

 

ضيعنا ع القهوة

 

نص العمر

 

نتاوب

 

نتمنوا من ربنا..

 

تتحسن الأحوال !!

 

***

 

 

 

 

 

 

 

يا قدس

 

لمي جناحك وارجعي تاني.

 

ولا تصدقي قولي..

 

ولا تتمني

 

أحضاني

 

نامي في حضن العدو

 

هوه العدو الأول

 

يا قدس..

 

خافي قوي..

 

من العدو الثاني.

 

الخنجر المختفي

 

وانتي فاكراه

 

ضلع

 

الأفعى ورا

 

ضحكتي..

 

والموت في أسناني.

 

وصفحتي في النضال

 

بيضا بياض التلج !!

 

***

 

 

 

 

 

 

 

لمي الجناح يا قدس

 

لمي الجناح..

 

"البناني" ف قلبي مسكونة

 

بيمام .. غريب الوطن.

 

يوم ما التهم خضرتك

 

فدان ورا فدان.

 

يوم ما طرد أسرتك

 

إنسان ورا إنسان.

 

يوم ما هدم مادنتك

 

وكسَّر الصلبان

 

***

 

 

 

 

 

 

 

يا قدس..

 

قولي لحيطانك

 

اثبتي بقوة

 

حيخلصك ابنك

 

اللي أنا .. مانيش هوه

 

لا تبحثي عن حلول

 

الحل من جوه

 

احل من جوه

 

الحل من جوه !! .

[eng_alaa]

لمي الجناح يا قدس

 

لمي الجناح..

 

"البناني" ف قلبي مسكونة

 

بيمام .. غريب الوطن.

 

يوم ما التهم خضرتك

 

فدان ورا فدان.

 

يوم ما طرد أسرتك

 

إنسان ورا إنسان.

 

يوم ما هدم مادنتك

 

وكسَّر الصلبان

 

معه والله ألف حق ..شكراً جندينا المجهول ...

[NADA]

اهى لمتها

 

خير يارب ان شاء الله

 

بس بيتهيألى الكلام ده مقصود من وراه حد معين ؟!

 

ولا انا شكلى بيتهيالى علشان منمتش كويس..

 

بس بجد شكرا ليك

[تقوى القلوب]

أنا..

 

ياللي من موت شراييني

 

اتنسج موتها

 

وصوتي..

 

يوم الغنا الباطل

 

بلع صوتها

 

مافيش في قلبي

 

ولا آهة أموتها

 

كل الآهات ميتة

 

انا بحب اقرا لعبد الرحمن الابنودى جداَ

 

كانت اول حاجه خليتنى اقراله الرسائل كنت سمعتها بصوته وحبيتها جداَ

 

بتاعت (لاوسطى حراجي القط العامل في السد العالي ).

 

يا ريت حد يسمعها او على الاقل يقراها هيحبها

 

 

 

الجندى المجهول

 

 

ربنا يكرمك

ويوفقك يا رب

تم تعديل January 26, 2009 بواسطه تقوى القلوب

[الجندى المجهول]

شكرا بجد على كل المشاركات

اختى تقوى القلوب قريبا ان شاء الله انتظرى

جوبات حراجى القط

[لميس المهدى11111]

بجد والله جميلة

[نونا19]

أخي الجندي المجهول

الموضوع دة حلو اوي وكمان

احب اشكرك علي المقتطفات الرائعة

التي تعرضها

ياشاعر المنتدي

[الجندى المجهول]

اختى الكريمه

جزاكى الله خيرا

ردك رائع

ربنا يسعدك والجنه يوعدك

[لامار]

بارك الله فيك

[الجندى المجهول]

وبارك فيكى اختى الكريمه

جعل الله كل ماتكتبى فى ميزان حسناتك

اللهم ارزقها الجنه