برافو : صور جديدة على علب السجاير

[مصطفى بهجت 2]

أكد عبد الرحمن شاهين المتحدث الرسمى باسم وزارة الصحة، أنه سيتم تغيير الصورة الموجودة على علب السجائر، كل 6 أشهر، وستستمر الحملة التى تشنها وزارة الصحة حوالى 24 شهراً، ستضع خلالها أربع صور.

 

الصورة الأولى لشخص مريض على جهاز تنفس صناعى، ومساحة الصورة 50%من مساحة العلبة على الوجهين، وتوجد رسالة تحذيرية على العلبة تقول "التدخين يسبب أمراض القلب والشرايين".

 

وأضاف شاهين كل شركات التبغ والسجائر ملتزمة باللائحة التنفيذية، ولم يتم حتى الآن ضبط أى كميات مخالفة، وفى حالة ضبط علب غير مطابقة سيتم مصادرتها، وذلك بالتعاون بين الإدارة العامة لمكافحة التدخين بوزارة الصحة، والإدارة العامة للتموين بالداخلية، وإذا تكررت المخالفات سيتحول المخالف للنيابة العامة.

 

ويضيف شاهين، أما بالنسبة للصورة الثانية، التى سيتم طرحها فى الأسواق فى الفترة المقبلة، فستكون لطفل فى السابعة من عمره، بجانبه شخص يدخن بشراهة، وسيرافق الصورة جملة تحذيرية نصها "التدخين يؤثر على الأطفال سلبياً.. حافظ على أطفالك من التدخين".

 

وفيما يتعلق بالصورة الثالثة، فهى موجهة للحوامل، وتشمل سيدة حامل بجانبها شخص مدخن والجملة التحذيرية "تواجد الحامل مع المدخنين يضر الجنين ويسبب الإجهاض".

 

ووصف شاهين الصورة الرابعة والأخيرة للحملة، تستهدف الأزواج، والصورة ستكون سيجارة فقط، والجملة التحذيرية الموجودة عليها "التدخين لفترة طويلة يؤثر على العلاقة الزوجية".

 

وأشار شاهين، أنه سيتم تفعيل العقوبات بعد العمل بالقانون الجديد بداية من شهر مارس القادم، والذى يمنع التدخين فى المستشفيات والوحدات التابعة لوزارة الصحة والجامعات والمواصلات العامة والنوادى الرياضية والاجتماعية والمصالح الحكومية، وسيتم تغريم صاحب المكان 1000جنيه والمدخن 100 جنيه.

 

م ن ق و ل

[حياتى من اجل ربى 22]

يا سلالالالالالالالالالام مش عارفه يعنى طب ماهى علب السجاير مكتوب عليها من ساعت ما تصنعت ((التدخين ضار بالصحه ويسبب الوفاه ))

يعنى الناس كان عملو ايه

يا سبحان الله --بصراحه مكافحه مؤثره جدا جدا

عادى هذا الحال لايختلف كثيرا عن حالنا ونحن نحرق اعلام اسرائيل وهم يقتلوننا

البرود ده بقى صنعه

جزاك الله كل خير اخى مصطفى يشرفنى ان اكون اول من رد على هذا الموضوع

متميز كعادتك --ردى لن يضيف شيئا الى تميزك

اسال الله لك المزيد وان ينصر امتنا ممن ارادو بها السوء

وان يعافى كل المدخنين

وان يردنا الى الحق ردا جميلا ولا يؤخذنا بما فعل السفهاء منا

يارب سامحنا وتب علينا

شكرا لك وتقبل منى فائق الاحترام والتقدير

[NADA 34]

موضوع جميل جدا مصطفى

 

بس انا فعلا كانت هقول الكلمتين اللى قالتهم حياتى

 

ومعتقدش ف كلام تانى ممكن نقوله ,, الشباب مش خايفين على نفسم

 

تفتكر حد تانى ممكن يخاف عليهم ؟!!

 

ربنا يهدينا جميعا ويحفظنا

[ABOTASNEEM 116]

اللى ميخافش على نفسه

 

مش هيلاقى حد يخاف عليه

[مصطفى بهجت 2]

حياتي من أجل ربي

 

أنا معاكي إن الناس ما عملوش حاجة على الرغم إن جملة التدخين ضار بالصحة ويسبب الوفاة مكتوبة من زماااااااان ..

لكن لا حياة لمن تنادي ..

لكن كل دي محاولات و هذا أضعف الايمان .. أحسن من السكوت ..

لكن هما لو عندهم احساس كانوا بطلوا تصنيع السجاير في مصر أو منع استيرادها من الخارج ومنع تصديرها ..

بس ياريت يطبقوا موضوع الغرامات على السجاير في الأماكن العامة والمصالح الحكومية ..

لكن أؤكد لكي إن ردك حيضيف لي الكثيييييير ..

ربنا يسامح الجميييييع ..

 

ندى

 

لعلمك بقى لو الشباب مش خايف على نفسه ..

أحنا لازم نقف ونمنعهم من التدخين بكل الأساليب والطرق ..

لأن الضرر بيكون على الجميييييييييع ..

لأننا غير مدخنين لكن بنستنشق هوا مليان دخان سجاير ..

 

أبوتسنيم

 

اللي ما يخافش على نفسه ..

لازم احنا نراعي ربنا ونمشي على تعاليم الدين الاسلامي ..

ونخاف عليهم ونبذل كل ما في وسعنا علشان نخليهم يبطلوا ..

 

مرة في مرة حينصلح الحاااااااااال ..

[بنت مصرية 66]

الموضوع جميل جدا اشكرك مصطفي عليه جدا

والله بصراحة موضوع الصور ده مش هيجيب نتيجة اوي

لان هما بالفعل الان الصور بجد تخلي الواحد يكره نفسه لما يشوفها علي العلب

ومع ذلك المدخنين عندهم تبلد وعادي ولا كان للصور دي وجود

اللي فعلا هيجيب النتيجة هو الغرامات

لان احنا نشتغل علي شعار اقتل نفسك بعيدا عني

المدخن حر مدام كل اطرق مانفعتش لكن ذنبي ايه انا لما اتأذي من دخان السجاير

اذكر مثال عن مجموعة من الاصدقاء

اصاب مرض التدخين صديق منهم كانوا يحبون صديقهم كثيرا ولكن عند وقت السيجارة وضعوا معه قاون البعد عندما يدخن يبتعد عنهم ويتركهم ويعود بعد ان يطفيء سيجارته

الطريقة قاسية واشعرته وكان به مرض معدي او كانه منبوذ وغي مرغوب فيه

بالتدريج اقلع عن التدخين فهو بالطبع لايود ان يتركه اصحابه

بجد راي هو ان عير المدخنين هما اللي يدفعوا عن نفسهم

يمكن مع الوقت المدخن هيلاقي نفسه متهضد ومنبوذ من المجتمع

اللي لسه ليهم وقت قصير في التدخين مكن يقلعوا والأخرين سيخففوا علي الاقل

ماهو للأسف انا شعب مانجيش الا كدا

شكرا علي طرحك الموضوع الجميل جدا كا عودتنا

جزاك الله كل خير

[مصطفى بهجت 2]

اسمحوووولي أصدقائي أحكيلكم مواقف حصلت معايا شخصيا بخصوص التدخين ::

 

الموقف الأول ::

أول ما استلمت شغل كان كل اللي داخل واللي طالع من المكتب بيدخنوا بشكل مشين جدا جدا

واللي أسوأ من كده بعضهم بعد ما يشرب الشاي أو القهوة يطفي عقب سيجارته داخل الكباية ..

منظر مقزز جدا جدا جدا ..

لكن الحمد لله ربنا قدرني وعملت حملة ضدهم وعلقت يفط تمنع التدخين بشدة داخل بعض المكاتب وفي الطرقات ..

 

الموقف الثاني ::

كنت في زيارة في الجامعة و أثناء حديثي مع بعض الطلاب ولع سيجارة رحت أنا أخدتها من إيده وروميتها في الأرض و فرمتها عفوا بحذائي ..

وقولتله تخيل إن السيجارة دي فلوس و إنت بتولع فيها بالنار مش حرام عليك تحرق الفلوس ..

ضحك حضرته ضحكة صفرا و ما عرفش يعلق لأنه خاااااايب وما عنده رد ..

 

الموقف الثالث ::

الليلة كنت راكب ميكروباص و جنبي 3 شباب من العينة بعيد عن السامعين ..

أصحاب البنطلونات الجينز اللي على الموضة الغربية ..

ولابسين الكابات أحدث ماركات .. وعاملين شعرهم فانكي ..

أعمارهم لم تتعدى 18 سنة ..

واحد فيهم طلع علبة السجايرمن جيبه وف إيده ولاعة بيلعب بيها وبدأ يستعد يولع سيجارته ..

أنا طبعا قولتله بلاش السجاير دي ..

قالي : هوه ممنوع ..

قولتله : المفروض يعني .

قام صاحبه قاله : أيوه يا واد إنت مش شايف اليفط ماليه الشارع ..

وطبعا سكت وما علقت كتيير وقولت ف نفسي بلاش أصغر نفسي مع شوية عيال مش فاهمين حاجة خاااااالص ..

 

معلش أصدقائي طولت عليكم في الكلام ..

 

يهمني أعرف آرائكم

 

معا لنكافح التدخييين ..

[مصطفى بهجت 2]

شكرا ليكي بنت مصرية ..

فييييييييينك .. نورتي المنتدى ..

أولا ربنا معاكي في الامتحانات ..

ثانيا : متشكر جدا على ردك المقنع جدا .

فعلا زي ما قولتي أهم حاجة الغرامات ..

نفسي أغمض أفتح أشوف المدخنين مختفيين من الدنيا كلها ..

ياااااااااااااااارب ..

[eng_alaa 114]

بصراحة المدخنين لن يمتنعوا عن التدخين من تلك الصور ...

لكن لا مانع من تلك المحاوله فهي بداية جيدة وبصراحة احسن من مفيش ..

 

موقف حدث معي ..

 

أحد اصدقائي عندما كانت تلك الصور جديدة علينا قام بلصق ستيكر على الصورة علي شكل وردة ...

سالته طيب إنت مش بتقرف حتي من الصورة نفسها لما تشرب السجاير ؟؟؟

قاللي .. والله لو طلعلي واحد من جوه العلبه يكلمني برضه مش هبطلها ...

 

شكراً مصطفي .. موضوع مهم جداً ...

[مصطفى بهجت 2]

السلام عليكم يا بشمهندس

ردك أكثر من راااااائع ..

موقف مهم جدا اللي حكيته ده ..

للأسف فكر بعض المدخنين سيئ جدا ..

أصبحوا عبيد للسجاير ..

ربنا يسترها ..

[sindrella 26 0]

ياسلااااااااااااااااااام فعلا البلد دى بتخاف علينا

أشكرك مصطفى على الموضوع

تقبل تحياتى

تم تعديل January 28, 2009 بواسطه sindrella 26

[الحياه 20]

شكرا أخي مصطفي بهجت

ولكن تخيل معي أيه أكثر جمله تؤثر علي راجل وشاب يدخن

حرام

أتقي الله

عيب

..................

.................

.................

وله لازم نعمل حاجه أقوي

هي ........... رجاء من يوسف والعارف وبنت مصريه

وأي حد بيعرف فتوشوب كويس

عمل فلم عن حالات واقعيه عن شباب

كان التدخين لهم تدمير لحياتهم

وكيف أنتها بهم الحال

وأنا عندي الحالات التي ستوافق علي عرض قصصها المميته بسبب التدخين

أنا أسفه علي الأطاله

وأنا عارفه أن أدارة المنتدي لا تمانع عن نشر هذا الفيلم لأنه نوع من التنميه

من أجل شباب عربي أفضل

تم تعديل January 28, 2009 بواسطه الحياه

[حيرانة 0]

برافو ليك يا مصطفى بهجت على نشرك للموضوعات دى ، هيه محاولة الصور أه محاولة بس من رأى إنها مش هتغير حاجة طبعا أنا بأدعو الله إنها تأثر فى الناس بس صدقنى اللى بيدخن ده مش بيقتنع برأى حد غير رأيه هو مهما قولنا، طيب تقول إيه لواحد أكتر من إن السجاير بتجيب مرض السرطان بعد الشر علينا كلنا و أمراض تانية كتير ،رأئحة السجاير بتضايق جدا جدا جدا ،المفروض إحنا نفكر فى محاولات فعالة فكروا معايا و من خلال المتندى ننشرها وفقك الله أخى مصطفى بهجت

[مصطفى بهجت 2]

سندريلا ...

يارب يكونوا بيخافوا علينا فعلا زي ما بتقولي ..

للأسف لو خايفين علينا ما كانوا عملوا مصانع سجاير في مصر ..

كانوا عملوا حاجات أقوى من كده لمحاربة التدخين ..

كانوا عملوا أفضل من كده بكتيييير ..

لكن نقول الحمد لله : هذا أضعف الإيمان .

 

 

الحياة ...

فكرتك مهمة جدا جدا وأتمنى أكون أول مشارك في تنفيذها ..

لكن اسمحيلي أضيف حاجة كمان ..

إحنا ممكن ندعي بعض الجمعيات الأهلية لتبني الفكرة ..

ونخصص مناطق و شوارع داخل مدينة قنا مثلا ممنوع فيها التدخين ..

شارع كذا بلا تدخين ..

وتعلق فيه يفط تدعو لذلك ..

لكن بصراحة فكرة الأفلام اللي فيها قصص الشباب المدخنيت فكرة رااااااااائعة ..

نورتي موضوعي ..

 

 

حيرانة ...

مقتنع بكلامك جدا مهما قولنا ولا عدنا المدخن مقتنع باللي بيعمله ..

لكن والله يا أختي ثقي تمام الثقة لو وقفنا كلنا قدام المدخنين يد واحدة حيبطلوا بإذن الله ..

مش عايزين نفقد الأمل ..

أنا مع دعوتك كماااان لكتابة أي فكرة عند أي صديق ممكن ننفذها لمحاربة التدخين ..

 

منوريييييييييين المنتدى ..

تحياتي ..

[بنت مصرية 66]

انا حبيت ارد تاني علي الموضوع الرائع ده

لان رد الحياة لفت نظري

اولا ياجماعة فيه مشروع بتنفذه المؤسسة الإستشارية للتنمية بالاشتراك مع الجامعات

اسمه جامعات بلا تدخين

وجمعية الشباب للسكان والتنمية متبنية فكرة محاربة التدخين وابسط شيء منع التدخين في مقر الجمعية علي مستوي الجمهورية

كمان بالنسبة لفكرة الافلام دي

فعلا موجودة وكمان كنت عاملة افلام عن المخدرات بصورة اكتر

وان شاء الله هرفعها علي المنتدي

بس انا مازلت عند راي

القانون اولا ثم التوعية

وكل ده هيشكل ضغط ...

جزاكم خير جميعا واخونا مصطفي بهجت علي الموضوع الجميل

[مصطفى بهجت 2]

شكرا ليكي جدا جدا يا بنت مصرية على ردك للمرة التانية ..

تحية احترام وتقدير بفكرة جامعات بلا تدخين ..

أتمنى اشارك مع الجهة المنظمة لهذا المشروع ..

عايزين نشوف انتاجك من هذه الأفلام التوعوية المهمة جدا ..

تقبلي مروري وتحياتي ..

[تقوى القلوب 12]

شكرا مصطفى على الموضوع الرائع ده

 

بس عاوزه الفت نظرك الى انه مش كل العلب بتاعت السجاير بيبقى عليها صور

 

لا فى علب كتير بتطلع وبتتباع من غير صور وكمان تمنها بيبقى اغلى من التانيه

 

طبعا ناس كتير عارفين كدا

 

لكن الصور مش هتعمل اى حاجه اذا كان مفيش رغبه من داخل الشخص نفسه انه يقلع عن التدخين

 

لازم الدوله تتدخل بطريقه حازمه شويه

 

بدل ما يعلقو صور ودى طبعا طريقه سلبيه نوعا ما

 

كانو منعو ا تصنيع السجاير( وهى قادره على ذلك)

 

او حتى بما انه صدرت فتوه بتحريم شرب السجاير كانت اعتبرتها جريمه او مخالفه(اظن انها مش هتكون اقل خطرا من حزام الامان فى السياره عشان يعملو عليه مخالفات والسجاير لا)

 

 

احنا كشباب مش لينا سلطه على الناس يادوب نقدر نعمل توعيه او نشارك فى حمله زى ما الحياه ربنا يكرمها اقترحت

لكن احنا بنتكلم فى الموضوع عن جهه تنفيذيه ذات سلطه

 

اعتذر للاطاله ولكنى نفسى يبقى فى حزم شويه

 

جزاك الله كل خير يا مصطفى

موضوعاتك دايما مميزه

تم تعديل January 30, 2009 بواسطه تقوى القلوب

[مصطفى بهجت 2]

شكرا ليكي تقوى القلوب ..

مهمة جدا جدا الملحوظة اللي قولتيها بخصوص بعض علب السجاير اللي مش مرسوم عليها صور لخطورة التدخين ..

أما دور الدولة أنا اتكلمت عنه في تعليقاتي السابقة ..

فعلا ذي ما قولتي يا تقوى القلوب المفروض يبطلوا تصنيع السجاير ..

جزاك الله خير ..

نورتي موضوعي ..