مما كتبت .. جاتلي تقولّي !!

[عاشق الصداقه 525]

مما كتبت .. جاتلي تقولّي !!

 

كتبته أثناء سفري 24-09-2013 في الطريق للقاهره ..

وحشني قسم الشعر في المنتدى جداً جداً فقلت أشارككم بحاجه من اللي كتبته الفترة اللي فاتت

 

 

 

جاتلي “تقولّي” ..

تعرف أنا بحبك ليه !!

قولتلها ليه ..

قالتلي انت كتير حنين .. عشري قوي .. وكمان “مسلّي” ..

كل اللي قابلوني سابوني .. أخدوا اللي عاوزينه ورموني ..

معرفش مين غيرك “فاضلّي” ..

انت الوحيد اللي مصاحبني .. علشان حاببني ..

فضلت جمبي كتير قوي ؛ وحاططني في عيونك “تملّي” ..

لكن الحقيقة أنا مش حاببها !! وكمان هسيبها ..

أنا كنت بس أحكي معاها بصوت دموعي .. ولما ببكي .. بلقيها مني زي “ضلّي” ..

 

وانتوا اعرفوها .. صدقوني هتحتاجوها ..

الاسم والعنوان بتاعها :

مناديل ورق .. تصنيع “محلي” !

 

 

 

أنصحكم بإعادة قرائتها .. بعدما اتضحت حقيقتها    ، ورأيكم يهمني بكل تأكيد

الحقوق محفوظة - عاشق الصداقة