تقوى القلوب 12 قام بنشر January 30, 2009 (تعديل) فى الموضوع ده هندردش شويه كاننا قاعدين مع بعض هنختار موضوع نتكلم عنه ولما يخلص الموضوع نفتح موضوع تانى وهكذا نستفيد ونفيد بعض ونتناقش فى مواضيع فى كل المجالات سواء كانت المواضيع اللى هنختارها دينيه او رياضيه او علميه او ادبيه او سياسيه او اقتصاديه او اى حاجه اى حد هيقترح موضوع مهم نتكلم فيه وانا هبدأ الموضوع اللى هنتكلم فيه المره دى هو احنا الشباب شباب يالا يا شباب ايه اهدافنا ايه طموحاتنا احلامنا ايه اللى محتاجينه المعوقات اللى بتقابلنا انتظر مشاركاتكم تم تعديل January 30, 2009 بواسطه تقوى القلوب شارك هذه المشاركه رابط المشاركه شار ك علي موقع اخر
مصطفى بهجت 2 قام بنشر January 30, 2009 صديقتنا الغالية :: تقوى القلوب . يسعدني أكون أول واحد أدردش في موضوعك الجميل .. أهدافي : أراعي ربنا في كل صغيرة وكبيرة .. طموحاتي : أحصل على درجة الماجستير في الإعلام .. أشوف قلمي الصحفي في أشهر الصحف .. أحلامي : أكون إعلامي ناجح ومشهور .. أكون مدرب محترف .. أسافر للخارج أتعلم من تجارب الآخرين .. احتياجاتي : محتاج مكان قوي أبرز فيه كل مهاراتي في الإعلام .. محتاج دورات تدريبية مكثفة تنمي مهاراتي و قدراتي . العوائق : أعداء النجااااااااااح كتييييير .. الواسطة والمحسويية كتييييير .. ربنا يحمينا و يبعدنا عنهم .. تقبلي مروري .. شارك هذه المشاركه رابط المشاركه شار ك علي موقع اخر
تقوى القلوب 12 قام بنشر January 30, 2009 شكرا لمرورك اخى العزيز جزاك الله كل خير و ربنا يحققلك كل اللى بتتمناه و تاخد دكتوراه مش ماجيستير وبس و فعلا والله عندك حق اعداء النجاح كتير جدا وكل شىء بقى بالواسطه والمحسوبيه بس انا نفسى تكون مصر احسن حال من كدا نفسى نلاقى حد يسمعنا ويشوف مشاكلنا ويحاول يحلها بدل ما بنلجأ لناس كتير ويطلع اختيارنا مش فى محله نفسى كمان كل الشباب يبقو عارفين كويس ما عاوزين ايه ومخططينله الحمد لله احنا هنا فى منتدى يالا يا شباب كلكم شباب يحتذى به من اكبر لاصغر واحد فى امل فى حركه مش عاديه فى المنتدى وفى تصميم جميل من كرينكل على انه المنتدى يبقى هو نفسه مثل يحتذى به بين المنتدات كلها منتدى اسلامى علمى هادف على كل المستويات نفسى كمان صوتنا يطلع من هنا من المنتدى ده للعالم يبقى منتدى عالمى والناس تقول صح هما دول المسلمين بجد ويحاولو يقلدونا شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر January 30, 2009 حبيبتى تقوى القلوب اشكرك جدااااااااا على موضوعك المتميز والرائع فانا فعلا بجد يعنى حقيقى احبك فى الله اسال الله ان يوفقك الى ما فيه الخير والى مايحبه ويرضاه المهم بقى ايه اهدافنا ان هدفى فى هذه الحياه ان اكون خير مثال للفتاه المسلمه ليس على نطاق ضيق ولكن للعالم اجمع يااااااااارب ايه طموحاتنا طموحى ان اكون من الشباب الذين يرضى عنهم حبيبى محمد صلى الله عليه وسلم وان يوفقنى الى كل ما يحبه ويرضاه ويجعلنى من الهداه المهتدين الامرين بالمعروف والاهين عن المنكر قال تعالى((كنتم خير امه اخرجت للناس تامرون بالمعروف وتنهون عن المنكر وتؤمنون بالله)) احلامنا حلمى بقى ؟؟؟؟؟؟؟؟؟؟؟؟ ان تصبح لنا امه اسلاميه موحده تتتحدى صعاب الواقع لتككون افضل امه اخرحت للناس ايه اللى محتاجينه بصراحه الامه كلها محتاجه لعقليات زيكو وشباب زى شباب يالا يا شباب فانا احب هذا المنتدى الغاااااااالى جدااااااااااااااااااااااااااااااااااا المعوقات اللى بتقابلنا المعوقات هم اعداء هذا الدين وما اكثرهم يااااااااارب انصرنا شارك هذه المشاركه رابط المشاركه شار ك علي موقع اخر
تقوى القلوب 12 قام بنشر January 30, 2009 حياتى من اجل ربى ربنا يوفقك يا رب ونكون سبب من اسباب نصر الدين الاسلامى يا رب انا بحبك فى الله ومكنش عندى شك فى انه دى تكون طموحاتك بس احنا عاوزين نعرف تقدرو تقدموا ايه للامه الاسلاميه ايه اللى نعمله نخلى رسولنا صلى الله عليه وسلم فخور بينا بين الامم اكيد فى احلام فى كل المجالات كل واحد يقدر يخدم دينه بطريقته شارك هذه المشاركه رابط المشاركه شار ك علي موقع اخر
life tune 0 قام بنشر January 30, 2009 بسم الله الرحمن الرحيم فى البداية انا عايزة اشكر حبيبتى تقوى القلوب على الموضوع الرائع وكمان احب اشكر المنتدى الرائع اللى جمع الشباب الرائع بحق هنا فى مكان واحد وبجد اتمنى ان يصبح منتدى عالميا بالفعل اما عن الموضوع الاهداف : العمل على مرضاة الله ورسوله بكل سبيل "وعجلت اليك ربى لترضى" الطموحات: ان اكون دكتورة ناجحة وكبيرةمثل الاطباء الكبار وان استطيع انا ارسم البسمة على وجه كل مريض وكل انسان واحافظ على الطب كرسالة مش هدف مادى الاحلام: انا اعمل على رفع شان هذا الدين واعادة المجد الاسلامى من جديد واعلاء رايته فى العالم انا اكون جديرا بحمل رسالة الطبيب والحفاظ عليها وان اقدم للطب شىء جديدا يستفيد به الناس وبحلم اشوف بلدى افضل بلد فى الدنيا الاحتياجات: ان ربنا يكون معايا ده اولا محتاجة ناس تؤمن بالرسالة وباننا نقدر نبنى الامة دى من تانى محتاجة جهد وتعب ووقت وثقافة وعزيمة وايمان واصرار وكمان محتاجة رفقة صالحة تشجعنى وتقوينى زى اسرة المنتدى يلا شباب اللى انا سعيدة انى عرفتها المعوقات : الله معى فهو حسبى اذن ان شاء الله ليس هناك معوقات فلقد قررت ان لايمنعنى اى شىء مهما كان عن الوصول لهدفى اما اعداء النجاح فالكلاب تعوى والقافة تسير ده كان عن الموضوع العام اما عن سؤالى اختى تقوى القلوب نقدر نقدم ايه للامة الاسلامية فنقدر نقدم كتير بالعلم اقدر اقدم للامة دى علم يخليها تتقدم وتكون من افضل الامم وبسلاح العلم هجبر الغرب اللى بيتفاهم بلغة الماديات انه يحترمنى وبالتالى يحترم دينى ولما اعرف دينى اكتر اقدر انشره بين الناس صحيح واقدر اشيل الصورة اللى رسمها الغرب للاسلام والمسلمين لما اكون ام اقدر اعلم اولادى عظمة الدين الاسلامى واعلمهم ازاى يكونوا شباب يفخر بيهم رسول الله يارب اكون وفقت فى الاجابة جوانا كتيييييييييييييييييير اوى ممكن نعمله وبشكرك تقوى القلوب على فتح باب النقاش فى هذا الموضوع جزاك الله خيرا تقبلى تحيتى اختك فى الله لايف تون شارك هذه المشاركه رابط المشاركه شار ك علي موقع اخر
eng_alaa 114 قام بنشر January 30, 2009 بســم الله الـرحمــن الرحيــم الموضوع جميل جداً جداً وأعجبتني فكرته جداً يا تقوي القلوب ... وفرصه كبيرة نتعرف علي تفكير الشباب العربي متجه لأي إتجاه ..... أهدافي أكبر هدف في حياتي أن يرضي عني ربي - عز و جل - وأن يدخلني الجنة برحمته وفضله ... طموحاتي أن أتعلم الكمبيوتر وبالأخص مجال التصميم والبرمجة للمواقع بإحتراف وتمكن أحلامي أن أصبح رئيساً لشركة ميكروسوفت " واسعه دي .. صح ؟ " ايه اللي محتاجه الصبر والإجتهاد وقبل ذلك كله رضا ربي عني فهو من سيساعدني لتحقيق ذلك المعوقات اللي بتقابلني الوقت والتقصير الكبير من جانبي شكراً مرة تانيه يا تقوي القلوب علي الموضوع الرائع ده ... شارك هذه المشاركه رابط المشاركه شار ك علي موقع اخر
تقوى القلوب 12 قام بنشر January 30, 2009 (تعديل) عزيزتى لايف تون يا رب تبقى احسن واكبر دكتوره فى مصر وفى العالم كله مقاما وتقدرى تنفعى دينك وبلدك والامه الاسلاميه كلها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! شكرا ليك يا بشمهندس دايما واقف جمبنا وبتساعدنا بآراءك الجميله والمميزه جزاك الله كل خير ايه رايكم تغير الموضوع ايه رايكم فى الازمه الاقتصاديه وازاى نساعد بلدنا ونتخطى الازمه دى اللى اثرت على معظم دول العالم اذا مكانتش كلها ايه مقتراحكاتكم؟؟؟؟؟؟؟؟؟؟؟؟ تم تعديل January 30, 2009 بواسطه تقوى القلوب شارك هذه المشاركه رابط المشاركه شار ك علي موقع اخر
eng_alaa 114 قام بنشر January 31, 2009 أنا شايف إنها فاتحة خير علي مصر لأن التصدير للمنتجات الغذائية توقف وده بدوره إنعكس علي المواطنين الغلابه إزاي ؟؟؟ أقوللكم إزاي ... التصدير كان يأخذ أجود ما في المنتجات المصريه ويترك القله القليله من الأصناف الغير جيدة ... بالتالي كانت الكميه المعروضه تقل ... وبالتالي السعر يزيد للإقبال علي المنتجات ... وأعتقد أن أسعار الخضروات مثلاً هي أكبر مثال علي صدق كلامي ... ليها كام سنه مانزلتش للأسعار دي ؟؟؟؟؟ ربما أكون علي حق أو مخطئ فما رأيكم أنتم ؟؟؟ شارك هذه المشاركه رابط المشاركه شار ك علي موقع اخر
«۞۩ أبو سليمان ۩۞» 179 قام بنشر February 1, 2009 (تعديل) شكرا اختي علي موضوعك الرائع للأسف كنت متغيب علي المنتدي اليومين اللي فاتوا كنت في معركة مع الفيروسات بس الحمد لله انتهت بأقل خسائر عشان كده هقول رأيي في جزئي الموضوع ,,, ايه اهدافنا ايه طموحاتنا احلامنا ايه اللى محتاجينه المعوقات اللى بتقابلنا الاهداف احقق رضا الله عز و جل و اكون سبب في هداية الناس لديننا الحنيف الطموحات هي كتير جدا بس هي عباره عن خطوات مترتبه و اول خطوه من طموحاتي انهي الماجستير و يكون ذي ما اخطط ان شاء الله عباره عن حل لمشكله حقيقيه او تطوير تقنية معينه توفر الكتير من المال و الجهد في صناعة الالومنيوم و بعد كده اكمل الدكتوراه احلامي ترجع امتنا الاسلاميه الي الترابط و التواصل و تصبح اقوي امة في الوجود بسواعدنا و تسود العالم كما كانت من قبل ايه اللى محتاجه رضا ربي و توفيقه اولا ثم دعاء امي و حب اصدقائي المعوقات اللى بتقابلني الروتين ,,, و تقصيري الجزء الثاني من الموضوع ايه رايكم فى الازمه الاقتصاديه وازاى نساعد بلدنا ونتخطى الازمه دى اللى اثرت على معظم دول العالم اذا مكانتش كلها ايه مقتراحكاتكم؟؟؟؟؟؟؟؟؟؟؟؟ الازمة الاقتصادية دي كانت خير دليل علي ان الاقتصاد الغربي هو اقتصاد هش ضعيف و ان الحل الامثل هو الاقتصاد الاسلامي اقتراحي هو اعادة تنفيذ الاقتصاد الاسلامي ,,,, الغاء نهائيا البنوك الربوية لأن اي فرد متابع للأزمة دي هيعرف ان السبب الرئيسي في الازمة دي هو البنوك الربوية اقترح ايضا الاعتماد اكتر علي الزراعات الاستراتيجية (( كلام كبير صح؟؟؟ )) يعني الزراعات اللي تخلينا منتزلش لأي حد عشان لقمة العيش ,, يعني الاعتماد علي زراعة القمح اكتر و الذرة و الحبوب الغذائية ,,, توفير الامكانات الجاده للشباب عشان يزرعوا و يستثمروا ,,, موش يعطوا الارض حتة ارض صحره مفيهاش غير خيمه او سكن من غير اي امكانات بالظروف دي مفيش بني آدم هيرضي يزرع حتي حتة ارض متر في متر اقترح برضه الاعتماد علي الصناعات الثقيله ((( كلام اكبر ؟؟؟؟ ))) يعني موش صناعة الشيبسي و الكاراتيه و الكيك و البسكوت و الحاجات العبيطه دي يعني نصنّع الحديد,,, موش تسليح بس و لكن تصنيع الحديد لتركيبات المصانع و المعدات ,,, و كمان الصناعات التكنولوجية ذي الاجهزة و المحركات و السيارات و رقاقات الكمبيوتر و غيرها ,,, و الاهم من ده صناعة دواء حقيقية موش العبط اللي احنا فيه تعرفوا ان معظم صناعة الدواء في مصر اذا ما كنتش كلها عباره عن تعليب الماده الفعالة فقط (( كارسه طبعا )) تفعيل البحث العلمي يعني عيب علينا ان تبقي ميزانية اسرائيل في البحث العلمي اكبر من مجموع ميزانيات البحث العلمي للدول العربية كلها (( حاجه تكسف )) في اقتراحات و افكار كتير عندي بس كفايه كده انا صدعتكوا بالكلام الكتير آسف جدا علي الاطاله بس بجد الموضوع يستاهل صفحات كتير شكرا اختي تقوي القلوب علي موضوعك المتميز تم تعديل February 1, 2009 بواسطه Dr Abcarino شارك هذه المشاركه رابط المشاركه شار ك علي موقع اخر
تقوى القلوب 12 قام بنشر February 11, 2009 التصدير كان يأخذ أجود ما في المنتجات المصريه ويترك القله القليله من الأصناف الغير جيدة ...بالتالي كانت الكميه المعروضه تقل اخى العزيز بشمهندس علاء انا بشكر مرورك الكريم وتطرقك للموضوع ده هى فعلا افادت المستهلك المصرى بسبب الجوده فى الانتاج لكن تفتكر الجوده هتظل ثابته لو التصدير توقف بلاش كدا وبس كمان التصدير كان بيجيب فلوس هى اى نعم بتتسرق بس كانت بتنفع اللى بيسرقوها الغلابه دول دلوقتى هيسيبو التصدير ويسرقونا احنا واظن المواطن المصرى البسيط مش طالبه معاه سرقه اكتر من كدا ده ناقص يمصو دمه يعني موش صناعة الشيبسي و الكاراتيه و الكيك و البسكوت و الحاجات العبيطه دي يعني نصنّع الحديد د/ عبقرينو افكارك جميله جدا وياريت فعلا على الاقل من رأيى انهم يتجهو للصناعات الثقيله عيب علينا نبقى عندنا حضاره فرعونيه محدش اتوصل ليها لحد دلوقتى فى العالم ونستورد اجزاء الالات والسيارات ونسميها صناعه واحنا يا دوب بنركبها بس اما عن ميزانيه اسرائيل فيا ريت كانت الميزانيه بس اللى تقيله انا سمعت فى برنامج قريب ان المقبلين على التعليم اكتر بكتير من نسبه المقبلين عليه فى الوطن العربى كله ربنا يتولانا عاوزين مشاركات اكتر الموضوع سخن اوى والمناقشه حاده شارك هذه المشاركه رابط المشاركه شار ك علي موقع اخر
