الموضوع ده مكانه فين؟؟؟؟

[omar_altawel 6]

رئيس وزراء تركيا ينسحب من مؤتمر دافوس

رجب طيب اردوجان طبعا كلنا عارفين انه رئيس وزراء تركيا وكمان عارفين انه مسلم ومن سلالة حكمت الامة السلامية على مدار سنين كتيرة

فى الفترة الاخير وبالتحديد فى وقت الحرب على غزة شفنا المواقف بتاعته وقد ايه كان تأييده للمقاومة فى فلسطين واستنكاره للى حصل فى غزة فى الوقت اللى ماقدرش فيه اى حاكم عربى انه يستنكر او يقول لاسرائيل عيب

المهم انه مازال على موقفه وده اللى بان فى المؤتمر الاقتصادى العالمى اللى كان منعقد فى دافوس

حصل ايه بقى؟؟؟؟؟؟؟؟؟؟؟؟؟؟

طبعا كل واحد او كل رئيس دولة بيتكلم كلمة عن الاقتصاد وكان الدور على الصهيونى شيمون بيريز انه يتكلم

فضل بيريز يتكلم يتكلم يتكلم وقعد يتكلم مدة 25 دقيقة ومحدش قاله كفاية لغاية دلوقتى ومافيش اى مشاكل الراجل حقه يتكلم وياخد الوقت اللى عايزه او المسموح بيه

ولما جيه الدور على الرئيس رجب طيب اردوجان انه يتكلم مافيش اول 5 دقايق والمدير اللى ماسك الجلسة كل شوية يقاطعه ويعقب عليه ويشوشر عليه

رجب ادايق وقاله ازاى تقاطعنى وازاى تخلينى ماتكلمش كلمتين على بعض انت اديت 25 دقيقة لشيمون ومحدش قاطعه يبقى من حقى انى اتكلم نفس المدة

وساعتها رجب ماكدبش خبر وانسحب من المؤتمر هو والوفد بتاعه وقال انا مش جاى المؤتمر ده تانى ولا جاى بلدكم دى تانى خالص

الغريب بقى انه كان موجود مين؟ عمو عمرو موسى طبعا كلنا عارفين انه الامين العام لجامعة الدول العربية

قام رجب وسلم عليه "هو بس" ومشى

بصراحة انا كنت مستنى عمرو يبقى راجل وينسحب معاه" ابدا" وفضل عمرو واقف مش عارف يمشى ولا يقعد يقعد ولا يمشى لغاية ما قاله بان كى مون الامين العام" للقلل" قصدى الامم المتحدة والراجل ماصدق وقعد

انا عارف انى طولت عليكم جدا بس شوفوا مواقف الراجل ده

بجد انا بحييه على مواقفه اللى مافيش حد من العرب عملها واتمنى له دوام العزة وانه يبقى احسن بلد فى الشرق الاوسط

ولا عزاء للعرب

[eng_alaa 114]

ولا عزاء للعرب

 

:keda: :wub:

بيتهيألي كده أحسن لأن الكلام مش هيقدر يعبر عن اللى جوايا ...

[رجل من الصحراء 36]

الموضوع ده مكانه فين؟؟؟؟

 

الموضوع ده مكانه في السجن ياريس

[عاشق الصداقه 525]

موقف رجولى جداً - وعجبنى فعلاً

وفعلاً الحكام العرب مش محتاجين كلام يتقال بعد مواقفهم اللى ما شاء الله فى حرب غزه

لكن معلش هعترض على جمله واحده

وانه يبقى احسن بلد فى الشرق الاوسط

انا طبعاً متمناش كده ، وواجب علينا محدش يتمنى كده

تركيا دوله معروفه انها دولة علمانية وغير مطبقه للإسلام ، ومهما بلغت خيبة حكامنا العرب .. لازم نتمنى العزه للدول العربية الاسلامية قبل اى حد

تحيتى لموضوعك الجميل

[NADA 34]

راجل راجل يعنى الصراحة ,, بس اتمنى يكون هو ده بس اللى حصل

 

عامة أنا أتمنى إن تركيا ترجع زى ما كانت دولة إسلامية

 

تركيا على فكرة مش علمانية ولا حاجه زى ما احنا متصورين

 

تركيا كشعب وكده ناس مسلمين وبيطبقو الحمد لله الدين كويس

 

لكن الحكومة والناس دى بقى مع نفسهم وهما اللى عايزينها علمانية وكده

 

أتمنى الكيان العربى الاسلامى يرجع واحد موحد بإذن الله

 

شكرا ليك جداااااا

[omar_altawel 6]

اشكركم اخوانى على ردودكم الجميلة وخاصة ردك يا رجل الصحراء ولكن ليا تعقيب على ردك يا عاشق

انا اقصد باحسن دولة انها احسن من حيث تطبيق الدين وربنا يكرمها وتكون نصير للامة الاسلامية

وجزاكم الله خيرا

[«۞۩ أبو سليمان ۩۞» 179]

من زمان و انا بحترم عمرو موسى ,,, كنت بعتبره احسن سياسي عربي

 

لكن بعد الموقف ده :keda:

 

موش هقول رأيي فيه :wub:

 

و كفايه كده عشان انا دمي محروق

[الجندى المجهول 37]

اولا الموضوع ده تمام

بص يا باشا عمر موسى راجل انا شيفه راجل سياسيا ممتاز

ورجب اردغان بعد الحركه دى بصراحه اخر جدعنه