الجلد عقاب التدخين في السعودية

[مصطفى بهجت 2]

ذكرت الصحف السعودية يوم الاثنين 2/2/2009

 

أنه تم الحكم على سودانى بالجلد ثلاثين جلدة، لتدخينه على متن رحلة للخطوط الجوية السعودية.

 

وذكرت صحيفة "سعودى جازيت" الناطقة بالإنجليزية ، أن الرجل رفض أن يطفئ سيجارته على متن الرحلة بين القريات وجدة ،

 

وألقى القبض على الرجل بعد أن حطت الطائرة فى جدة ، وحكم عليه بالجلد ثلاثين جلدة .

 

وبحسب ما ذكرته الصحيفة ، اعتذر الرجل وقال إنه كان يقصد عيادة طبية لمساعدته على الإقلاع عن التدخين ..

 

أصدقائي :: إيه رأيكم في الخبر ؟؟

 

أنا ما يهمنيش الراجل ولا اللي عمله .. إحنا يهمنا موقف السعودية كان إيه ؟؟

 

تخيلوا بقى الموقف ده لو حصل عندينا في مصر .. كنا حنعمل فيه إيه ؟؟

 

وتفتكروا إيه العقوبات المفروض تتعمل ضد المدخنين ؟؟

 

مع العلم :: إن في مدخنين فقراء و مدخنين أغنياء ..

 

هل العقوبة حتكون واحدة ..

 

إمتى بقى نشوف حياة بلا تدخين ..

 

تحياتي لكم جميعا ..

[حيرانة 0]

والله مش عارفة أقول إيه طبعا لازم تكون فيه عقوبة مفعلة بمعنى أنها تطبق الحلو إن فى السعودية عملوا عقوبة و طبقوها و ياريت فى مصر يشوفوا عقوبة مناسبة و يعملوا بها بس المشكلة زى م بتقول إن فيه فقراء و أغنياء , على فكرة المفروض الفقراء ما يدخنوا ده القرش بيلاقوه بالعافية يقوموا يدخنول بيه!!!!!ربنا يهدى الجميع وفقك الله مصطفى بهجت و حملتك ضد التدخين كلنا معاك

[حيرانة 0]

يا رب نشووووووووووووووووف حياة بلا تدخين و يسمع منك ربنا و إلى الأمام فى حملتك ضد التدخين و دعوة لكل من بالمنتدى للتفكير فى طريقة نمنع بها التخين أو نقلله

[مصطفى بهجت 2]

ربنا يخليكي يا حيرانة ..

متشكر جدا جدا على وقفتك معانا في الحملة ضد التدخين ..

فعلا زي ما قولتي : المفروض الفقير يحافظ على فلوسه أكتر من الغني ..

لأن الغني مش حاسس بقيمة القرش ..

ربنا يوفقنا جميعا ..

[che 0]

[من الجيد أن تكون هناك عقوبات على التدخين لكن كان من المفترض ألا يعاقب بالجلد ......

 

كون العقوبة أكبر من الجرم وإن كان في الطائرة ....وأرى أن يعاقب بطرق أخرى كأن تأخذ عليه غرامة أو يتم توقيفه

 

لك خالص شكري أخي مصطفى]

تم تعديل February 3, 2009 بواسطه che

[حياتى من اجل ربى 22]

اسال الله ان يوفقك اخى فى حملتك ضد المدخنين

ويااااااااااارب تكون حياتنا فعلا بلا تدخين

جزاك الله خيرا على الموضوع الرائع الذى يشرفنى ان يضاف اسمى ممن رد عليه

شكرا لك

[«۞۩ أبو سليمان ۩۞» 179]

لو مسكوا واحد في الطياره بيعمل كده في مصر ,,, هو بس هيطلع عشره جنيه و بعد كده محدش هيكلموا

 

أكيد ده هو اللي هيحصل ,,,, اكيد انت في مصر

 

ربنا يصلح الحال

 

 

بس ياريت يسمعوا قول الرسول صلي الله عليه و سلم

 

لا ضرر و لا ضرار

 

شكرا اخي علي حملتك و ربنا يقينا شر التدخين و يبعد عنا المدخنين و يهديهم

[مصطفى بهجت 2]

che .. حياتي من أجل ربي .. Dr Abcarino

شكرا لإضافاتكم ..

طبعا أنا مع الرأي اللي بيقول غن العقوبة أكبر من الجريمة نفسها ..

لكن الأهم نغرمه فلوووووس ..

ولو حصل ده في مصر مش حيحصل زي ما قولت يا عبقرينو ..

إيدكم في إيديا و أوقفوا معايا في حملة حياة بلا مدخنين ..

عايزين الأول ما يكونش أي عضو في يا للا يا شباب مدخن ..

تحياتي لكم جميعا ..

[تقوى القلوب 12]

أنا ما يهمنيش الراجل ولا اللي عمله .. إحنا يهمنا موقف السعودية كان إيه ؟؟

 

تخيلوا بقى الموقف ده لو حصل عندينا في مصر .. كنا حنعمل فيه إيه ؟؟

 

 

تخيل انت لو الراجل ده كان امريكى مش سودانى .............كانت العقوبه هتبقى واحده؟؟؟؟؟؟

 

 

 

جزاك الله كل خير

[مصطفى بهجت 2]

والله معاكي حق في كلامك يا تقوى القلوب ..

طبعا لو كان أمريكي كانوا كرموه .. مش جلدوه ..

لكن الأهم فكرة العقوبة نفسها ..

ياريت إحنا هنا في مصر نعمل عقوبات رادعة للمدخنين ..

وعايزين كمان العقوبة لا تفرق بين الناس المهمة والناس البسيطة ..

متشكر جدا جدا جدا لتعليقك المهم ..

جزاكي الله خيرا ..

[ثابت على قيمى 6]

ربنا يتوب على الجميع

شكرا يا درش

[مصطفى بهجت 2]

صديقي العزيز ثابت على قيمي ..

أهلا بيك صديق جديد في منتدااااااك ..

ربنا يسمع منك ويتوب علينا جميعا ..

منور موضوعي ..

أتمنى تكتب تعليقاتك الجميلة على كل الموضوعات ..

وعايزين نشوف كتاباتك اللي أكيد حتفيدنا كتييييييييييييير ..

جزاك الله خيرا ..

[رجل من الصحراء 36]

احنا نعاقبه باننا نطفي عقب السيجارة في ايديه

ههههههههههه بهزر طبعا يادرش

موضوع جمييل بس اعتقد ان الجلد ده صعب اوي

احنا ممكن نعاقبه بان احنا نعالجه (معاقبة بالنقيض)

مشكور يادرش

[مصطفى بهجت 2]

ههههههههههه

حل جمييييييل يا صديقي ..

أحسن حاجة فعلا نطفي السيجارة في إيديه ..

للأسف الشديد كل أغلب المحاولات في مصر باءت بالفشل ..

أكتر من إنه يكتبلك على العلبة التدخين ضار بالصحة ويسبب الوفاة ..

لكن اللي حيجنني بصراحة هيه ليه السجاير بتتصنع وبتدخل مصر من أساسه ..

بالذمة ما حرااااااااااااام الكلام ده ..

نورت موضوعي .