شــخــابــيـــط & مسيرها تيجي &

[المدرب حسام الدين محمد 20]

شــخــابــيـــط

& مسيرها تيجي &

كام مرة جربت تعمل سباق سلاحف ... لأنك فاضي ومستني حاجة مهمة ممكن تحصل فأي وقت

ولأنك قاعد متعرفش الالهام الالهي ده ممكن ينزل أمتى وتيجي ، بتعمل اى حاجة يمكن الوقت يجري

 

شوية تعمل سباق سلاحف ، شوية تعمل داونلود علي النت فى مصر وده اصعب من السباق طبعا 

تتجن فى عقلك وتعمل زار يمكن اللى جواك يطلع ... طبعا محدش فاهم حاجة ايه الهبل ده ..

معلش اصلي دى شوية شخابيط بس ليها دلالات جوايا ... بس مطلعتش لوحدى كده ناس كتير

زي فى انتظار لحظات الهامه ويخرجوا اللى جواهم لانها مسيرها تيجي ...

 

فكرت كتير ارجع واكتب تاني بس كان صعب شوية طيب اكتب ايه وفى ايه وليه وازاي واشمعني

اسئلة كتير دارت فى بالي وذهني لاني بحب اكتب بس لقيت غيري كتير عندهم مواهب وقدرات

بس مفيش جواهم استعداد او مستنين لحظات انتظار لحين خروج الروح الابداعية

 

فى الشخبوطة دى حكتب سر الهامي فى الرجوع للكتابة مرة تانية وحنحاول ندمجها لكل قدرة

ومهارة عندنا بحيث نستفيد بيها كلنا

 

هي مقولة وقالها كاتب اسمه (تشارلز بوكوفسكي) وكانت نصيحة لكل الكتاب والناس اللي شايفه

نفسها بتحب او بتعرف تكتب مقالات او خواطر او شخاااابيط زي كده بالضبط

قال ( الكلمات اذا لم تخرج منك متفجرة برغم كل شئ فلا تفعلها ..

 

اذا لم تخرج دون سؤال من قلبك وعقلك وفمك ومن داخلك فعلا تفعلها

اذا كان عليك ان تجلس لساعات محدقا أمام الكمبيوتر او منحنيا امام الاله الكاتبة باحثا عن الكلمات فلا تفعلها

 

اذا كنت تفعلها للمال والشهرة لاتفعلها

اذا كان عليك ثقل كبير فى فعلها فلا تفعلها

 

اذا كنت تحاول الكتابة مثل اي شخص أخر  فانس الامر ) للمقولة بقية ...

 

بس هنا استغربت يعني ايه لو انا جوايا افكار وقدرت مطلعهاش الا اذا كانت هى عاوزة تطلع من جوايا ... وده كلام صحيح جدا لان بينطلق من منطلق الدوافع بالعكس ده اقوى انواع الدوافع يكون جواك دافع من جواك من ذاتك انك عاوز النقطه دى ومحتاجها فعلا شايف ان من غيرها متقدرش تعيش فالدافع الداخلي اساس انجازك وتخطيك مرحلة المستوي العادي الي الوصول الي النتائج العظيمة وكمان الدوافع الداخلية تعتبر القوى الكامنة وراء نجاح الانسان ... علشان كده اول نصيحة نخرج بيها هي الدافع اخلق لنفسك دافع دائما فى اعمالك واهدافك ...

 

 

وعلشان تحقق الدافع ده عندك طريقتين مهمين جدا اولهم التاكيد : انك تاكد علن نفسك وذانك انك قادر وتقدر على تنفيذ كل ما لديك من امكانيات ووقدرات وتصبح واضحة فى الواقع وكل ما عليك فيها ا وان تردد دائما عبارات فيها تشجيع لذاتك .

 

 

تاني طريقة هو انك تربط تاكيداتك باحساسيك يعنى وانت بتردد الكلام لنفسك بقوة حاول انك تشعر بيها وتحسها جواك انك فعلا تقدر وتستطيع فعلها ودول من اهم الطرق اللي بتساعدك على خلق الدافع جواك ..

 

 

ويستكمل (تشارلز بوكوفسكي) مقولته قائلا (اذا كان عليك انتظارها لتخرج مدوية منك

فانتظر ... واصبر ... فاذا لم تخرج مدوية منك ... فافعل شئ أخر

اذا كان عليك ان تقراها اولا او يقراها غيرك اولا فلا تفعلها ... فانت لست جاهزا ) للمقولة بقية..

 

ودى نقطه مهمة جدا الشعور من الداخل ان جواك قوة عاوز تطلعها بس مش قادر او مش شايف طريقة تستغلها صح استني شوية واصبر اكيد حتيجي اللحظة اللى تثبت فيها نجاحك وانك فعال ومتميز فيها ... بس لو جتلك اللحظة وشعرت بان مش هو ده اللى كان فبالك منها يبقى غيرها انتجها بشكل افضل كلنا قدرات ومهارات بس طريقة تنفيذها على شكل افكار هى اللى بتنجحها مش لازم تعمل شئ يهز الكون والعالم كله يتفرج عليها افعل ما يسعدك اولا ونصيحه خد رايك فى اللى بتعمله وبتصعنه اولا قبل اى حد ....

 

 

 ويستكمل (تشارلز بوكوفسكي) مقولته قائلا (لا تكن مثل كثير من الكتاب .. لا تكن مثل الاف البشر الذين ظنوا أنهم كتابا .... لا تكن بليدا ومملا ومتبجحا ... لا تدع حب ذات يدمرك

 

فالمكتبات قد تثاءبت حتى لانوم من امثالك .. لا تفعلها .. الا اذا كانت تخرج من داخلك كالصاروخ ... لا تفعلها الا اذا كان ينتابك شعور بالجنون او الانتحار اذا لم تخرج ... لا تفعلها الا اذا تشعر بان الشمس من داخلك تحرقك حتى تخرج ) للمقولة بقية ...

 

خلال فترة انتظارك لخروج ابداعاتك علي ارض الواقع فى حياتك وشغلك وعملك حتى فى طريقة كلامك مع الناس حاول انك تفكر عندما تاتى الفرصة لابدع علي اي شكل سوف تكون ابداعاتي وافكاري التي اتميز بها عن الاخرين

 

 

ويستكمل (تشارلز بوكوفسكي) مقولته قائلا (عندما يكون الوقت المناسب اذا كنت مختارا

ستتحدث الكتابة من تلقاء نفسها

وستستمر بالحدوث مرة بعد اخري .. حتى تموت ... او تموت هى داخلك

فلا توجد طريقة اخري ولم توجد قط )

 

فعلا اذا حققت معادلة انك تخلق دافع قوى من داخلك لخروج افكارك على ارض الواقع مع الصبر حتي تخرج من داخلك من شدة تشكيلها مع خروجها بفكرة جديدة متميزة اذا فكرتك وقدراتك ومواهبك ستخرج للواقع بشكل مستمر وناجح ومتميز ...

 

 

واسيبكم بقى مع سباق السلاحف لغاية ما تخرجوا افكار ومواهب وقدرات تغير الكوووون

ومسيرها تيجي