يا راجل عيب على دقنك

[حياتى من اجل ربى 22]

يا راجل عيب على دقنك

كتيييير بنسمع الكلمه دى ------صح

بل اننا كتير بنقولها كمان ..........

بس قبل ما ابدا فى الموضوع عايزه اسالكم سؤال؟؟؟؟؟؟

*

*

*

*

*

هو الواحد لو التزم او ربى دقنه او لبست حجاب شرعى يبقى انتفت عنه صفه الادميه ؟؟؟؟؟؟؟؟؟؟؟؟؟؟؟؟؟؟

بيقى اصبح من الملائكه خلاص؟؟؟؟؟؟؟؟؟؟؟؟؟؟؟؟؟؟

المفروض يعنى مايغلطش؟؟؟؟؟؟؟؟؟؟؟؟؟؟؟؟؟؟؟

ليه اما حد فينا بيلتزم حتى بالصلاه فى المسجد((اللى هى المفروض شئ اساسى للرجال)))

اول حاجه نفتكرها على طوووووول نقولوا((يا راجل ده حتى عيب على الصلاه اللى انت بتصليها))

بل اننا يمكن ان نسامح من الناس اللى حتى على غير ملتنا

ونقول خلاص غلط يعنى هو مافيش حد مش بيغلط

عندما فتحت باب النقاش فى هذا الموضوع مع احدى صديقاتى قالت::

والله هو اللى عمل فى نفسه كده وهو اللى يستحمل ولازم يلتزم

يعنى ايه هو اللى عمل كده فى نفسه؟؟؟؟؟

هو مش ربنا امرنا كلنا بالالتزام ولا امر وا هو لوحده؟؟؟؟؟؟؟؟؟؟

فى اعتقادى ::::اننا فاهمين الموضوع غلط يا جماعه

ربنا اعطى لنا واجبات يجب ان تنفذ

على سبيل المثال::

1-يجب عليك الصلاه

2-يجب عليك الزكاه

3-يجب عليك الصوم

4-اللحيه

5-النقاب

6-صيام النوافل

7-الصدق فى التعامل

8- حفظ القران

الخ.............

حقق فرد ما

معظمها ولم يستطع او غفل عن تحقيق الباقى

فهو بذلك ليس مذنبا

لانه استطاع ان يفعل ما تستطع انت فعله.......

فهو استطاع ان يخالف هواه وان يطلق لحيته مع اغفاله مثلا لجانب اخر انه على سبيل المثال عصبى ولا يستطيع تحمل احد

تاتى انت لتلوم عليه وتقول له ::((ياراجل عيب على دقنك ))

انا متهيالى عيب عليك انت بقى ؟؟؟؟؟؟؟؟؟؟؟

اعذرونى على طريقتى ولكن هذا الامر يغضبنى

سبب كتابتى لهذا الموضوع كانت لعده مواقف حدثت لى شخصيا او رايتها فى حياتى ابكتنى

ومنها

((((كنت انا واختى الصغيره فى سوبر ماركت نشترى بعض الحاجات وعندما اتينا على الماكينه للحساب

كانت ((الكاشير))

مشغوله برص بعض الحاجات مع اننا واقفين منذ مده حتى الصف بقى ورانا ناس تانيه كتير

وهى غير مباليه ----اختى مع احترامى الشديييييييييييييييد لها قالت لها بادب

((هو حضرتك مش شايفه الناس اللى واقفه))

نظرت شذرا ثم اكملت ما كانت تفعل

طبعا الوقف ده ينرفز اللى مش بيتنرفز

فرفعت اختى صوتها وقالت((هو احنا هنفضل واقفين كتيييير))

صرخت بقى الكاشير ::::::هو انتى مش شايفه انى مشغوله ثوانى يا فندم

ردت اختى انا واقفه بقالى كتير ....وواجب حضرتك انك تحاسبيلى علشان امشى

قالت :::انتى هتعلمينى انا اعمل ايه ...اتكلمى باحترام شويه ده حتى عيب على اللى انتى لابساه

على اعتبار ان اختى تلبس النقاب

((ماتسالوش انا كان دورى ايه انا كنت واقفه بتفرج عليهم طبعا))

المهم

لن اقول ان اختى كانت محقه وانها لم تتجاوز حدود الادب على الاطلالالالاق

بل ساترككم تحكمون بانفسكم ........

ايه رايكم فى الكلام يا جماعه

ومثل هذه المواقف الكثيييييييييير

التى قد تكون قد حدثت معكم ايضا

ارجو ان تفهموا ما اقصد

والمفهوم الذى ارمى الى تصحيحه ؟؟؟؟؟؟؟؟؟؟؟؟؟؟؟؟؟؟؟؟؟

احب ان اسمع ارائكم

فهى تهمنى

[رجل من الصحراء 36]

اولا :عيب عليكي اللي بتعمليه فينا عشان بصراحة مش هنقدر نتحمل كل المواضيع المتميزة دي

ثانيا: انا شايف ان التزام القلب والروح اولا ثم التزام الشكل لانه ماشاء الله الايام دي كتيييييييييييييير بدقون لاغراض معينة وليست التزاما وقس على ذلك انماط مختلفة ,فاذا صدق الانسان مع نفسه وصح التزامه من الداخل بالتاكيد سيلتزم بكل ماهو متبقي بالتدرييج

ثالثا: { كل ابن آدم خطاء وخير الخطائين التوابون } [رواه الترمذي وحسنه الألباني]. وصدق حبيبي رسول الله صلى الله عليه وسلم

والحديث خير رد وختام

تقبلي مروري وتحياتي وتقديري وخفي علينا شوية مش قدك احنا يااختي الفاضلة ولا قد تميزك

[ديدو 3]

لااله الا انت سبحانك انى كنت من الظالمين

عندك حق حياتى من اجل ربى وبيحصل كتير قدامى مواقف زى دى , يبقى الواحد علشان ملتحى ومحترم ويجى يتكلم مع بائع مثلا ويناقشة تلاقى البائع على طول يقولة ياأخى عيب على ذقنك الا ياعنى علشان مربى ذقنة يكون مغفل بقى ويسمع بس

وفى ناس تانية بتربى ذقنها لهدف تانى خالص غير اتباع السنة ولكن لاهداف ليهم هما فممكن يكون مربى ذقنة ويعاكس بنت ماشية فى الشارع فيرد علية واحد يقولة عيب على ذقنك وغيرها من المواقف اللى بنشوفها كل يوم

ربنا يسامحنا جميعا ويتقبل اعمالنا ويجعلها خالصة لوجهة الكريم اللهم امين

شكرا حياتى من اجل ربى , ورزقكى الله التقوى والهداية واتباع الحق وسنة حبيبنا محمد علية الصلاة والسلام

[حياتى من اجل ربى 22]

رجل من الصحراء

 

اعتز جداااااا وافخر ان تكون اول من رد على موضوعى

 

جزاك الله خيرا اخى

 

اسال الله ان يوفقك الى كل ا يحبه ويرضاه وان يرزقك من حيث لاتحتسب

 

ديدو

 

سعييييييييييييييده بمرورك اخى اسال الله ان يجعلك من الشباب الذين صدقوا ما عاهدو الله عليه وان يحقق لك كل ما تتمنى

[مسلم وافتخر 0]

مع احترامي لكلامك وفعلا حاجات كتير من ده بتحصل

لكن هناك اشخاص تستتر خلف هذه الاشياء فمثلا الرجال التي تتخفي في زي المنتقبات ويعطو فكرة سيئ لهذه اللبس العظيم من وجهة نظري وهذا حدث اماما رجل متخفي في زي منتقبة وهو يعبر الشارع في الهرم صدمته سيارةومات وعندما اخذو يبحثو في الشنطة اللتي معه وجدو يد سيدة مقطوعة ومليئة بالاساور الذهبية وايضا الذقن فمثلا من يتخفي ورائها لافعال صعبة فصديق لي حاول من يدع انه ملتحي سرقة هاتفه فيوجد بعد الناس تحرص علي الاحتراص ومنهم من يكون قليل الذوق ااسف للاطالة

[حياتى من اجل ربى 22]

محمد نبينا

وجهه نظرك لايمكن اغفالها

ولكنها قاعده لايمكن ان تعمم

كل شئ وفيه الكويس وفيه الوحش

مافيش حد كله خير

بس انا بتكلم عن الاعتقاد بان من التزم قد اصبح ملاكا لايخطئ

شكره اخى على المرور وفتح باب النقاش

اسال الله لنا الخير والصلاح وان يستعملنا ولا يستبدلنا وان يجعلنا هداه مهتدين

شكرا لك

[ABOTASNEEM 117]

من المؤكد طبعاً

 

ان الملتزمين اولا واخيراً ... بشراً

{ كل ابن آدم خطاء وخير الخطائين التوابون } [رواه الترمذي وحسنه الألباني].

 

ومطلوب من كل الناس ومن الملتزمين بشكل خاص

 

الحرص الشديد فى التعامل .. لانه قدوة

 

ومع ذلك فانه .. سيخطأ

 

لأنه ببساطة شديدة

 

بشــــــر

[sawsana_almotaim 0]

السلام عليكم

 

بصراحة موضوع حلو بس الكلام فيه يطول

 

فعلا اللى بيطلق لحيته او اللى بتلبس الخمار او النقاب

بيكونوا محاسبين قدام الناس على تصرفاتهم كلها

 

على اعتبار انهم متلزمين و لا يمكن تخرج منهم العيبة زى ما بيقولو

 

طبعا انا مش لقصد اختك خالص ..موقف اختك لا غبار عليه و معاها حق

 

 

انا قصدى ان اللى بيختار طريق الالتزام قلبا و قالبا ..يعنى جوة و برة

المفروض ياخد باله من تصرفاته قدام الناس لآنه فعلا بيكون قدوة

 

بس المشكلة ان الناس بتفكر ان اللى اتزم ده لايمكن ابدا ابدا هيغلط او يتنرفز او بتعصب

 

و بصراحة

كلنا مهما كان التزامنا بصلاتنا او تعاملاتنا و مظهرنا المحتشم قدام الناس ..فأكيد احنا يعنى مش ملايكة و مستحيل نغلط ..و بردو احنا مش حجر عشان الى قدامنا يستفزنا و يغلط فينا و هو مفكر اننا مش هنرد او يكون لينا رد فعل ممكن بردو يكون غلط

 

ربنا يهدى الجميع

[حياتى من اجل ربى 22]

ABOTASNEEM

 

اخى ابو تسنيم

جزاك الله خيرا على الرد الرائع فعل والله ((نحن بشر يخطئ ويصيب))

انار موضوعى ردك عليه

تقبل منى فائق الاحترام والتقدير

 

 

sawsana_almotaim

 

حبيبتى اعجبنى ردك جداااااااااااا

جزاك الله كل خير وحقق لك كل ما تتمنى ويسر لك ورضى عنك

احبك فى الله

واشكرك من اعماق قلبى

[بنت مصرية 66]

موضوع مالهوش حل ياحياتي من اجل ربي مرة تاني

انا راي من راي ابو تسنيم وسوسنة

ولكن اضيف ...

آية جميلة جدا قالها استاذي لي من فترة طويلة

(وكذلك جعلناكم أمة وسطا)

الآية دي بجد منهج لو اتبعناه في جوانب حياتنا هنرتاح ...

انا معاكي كمان في كلامك

انا بدايق جدا من المسميات التفريقية جدا

الشباب المسلم كله قدوة

ليه نطلق علي شخص انوا ملتزم ونعد نعد عليه ل حاجة ونحاسبه وكان ربنا طلب منه انه يعمل الواجابات الدينية هو فقط

كلنا مطلوب مننا الطاعة

وكلنا لازم نكون قدوة

ان كنت ملتزما فانا انفذ ماامرني الله به ...كرمني الله بان هداني واعطاني عقلا وتفكيرا

لاميز به الافضل ...ويجب عليا الدعاء لباقي اخواني ليعودوا للرشد

الحياة الصح انك تعيش بدين الحياة وفقه التعامل الإنساني

ولاتطلقوا الفاظا علي الناس

شيء اخر

نحن جميعا مهما فعلا من واجبات وحسنات او حتي سيئات

نحن في النهاية نجزي برحمة الله

وتنفيذ الاوامر ماهو الا اختبار من الله علي قدرتنا علي التحمل والطاعة

لذا هذه الحكمة بالذات دليل قوي علي وسطية منهج الحياة الأسلامي

صدقوني

اعقلها وتوكل هذا هو مافي الأمر

شكرا ياحياتي علي الموضوع جعله الله في ميزان حسانك اللهم آمين

[حياتى من اجل ربى 22]

رد ر ااااااااااااااااائع حبيبتى

جزاك الله كل خير