ميتافيزيقيا

[طائر السكون 2]

السلام عليكم

نبدأ اليوم بموضوع جديد من نوعه

أرجو من كل من له خبرة فيه ان يساعدنى لانه موضوع صعب الاجابه عليه و البحث فيه و معرفه الحقيقى من الكاذب

اننى اتكلم عن ما وراء الطبيعه فى ظل الدين الاسلامى لأن الكثيرين يرون ان الاثنين متناقضين و نحن نرى ان الاثنين ممتزجين و يستطيعا التواجد معاً فى نفس العقل بدون أى خلاف

اتكلم عن الظواهر التى لا يجد العقل لها تفسير و مع ذلك لا يستطيع ان ينكرها

اتكلم عن ذلك النوع من العلوم الذى بسببه تقدم علينا الغرب و نحن من لنا فيه ما لنا من باع طويل

الان اسمحوا لى ان ابدأ فى أولى الحلقات التى انوى بإذن الله أن اقدمها لكم بمعدل على الاقل موضوع اسبوعيا

اليوم سأتكلم عن أصول علم الميتا فيزكس أو ما وراء الطبيعه

لأنك إن أردت أن تعرف شيئاً فعليك بأصله

و سأنتظر جميع مشاركات الجميع بصدر رحب على الايميل

 

 

و الان إلى الحلقه الاولى:

بسم الله الرحمن الرحيم

إن الميتا فيزكس أو ما وراء الطبيعه هو علم يختص بدراسه كل ما هو خارق للطبيعه من ظواهر و التى لا يحكمها مقياس فيزيائى و مادى وواقعى واضح كالجن و الاشباح والاساطير التى ليس لها تفسير محدد و هو علم يدرس الجوانب النفسية و الروحيه للموضوع.

و يعتبر الفيلسوف اليونان أرسطو من أوائل من كتبوا فى هذا العلم الشيق و الذى فعله هو أنه كان يلقى محاضرات فى الامور التى لا يستطيع العقل ان يميزها و يفسرها و لكن بعد موته وجد تلامذته كتاباته فى هذا الشأن وراء كتاب الفيزياء physics و كان ارسطو لم يطلق عليها اسم فكان الاسم هو ميتا فيزكس.

Meta-physics و لفظه ميتا باليونانيه تعنى ما وراء فكانت التسميه هى ما وراء الطبيعه.

و لكن يلزمنا أن نعرف أهم الموضوعات و الأشخاص البارزين فى هذا الموضوع لنلم بجميع جوانبه قدر المستطاع.و نقول أن اشهر من تحدثوا فى هذا الموضوع هم:

أرسطو المؤسس و الاب الروحى لعلم الورائيات

لافكرافت الكاتب الغربى الذى تكلم عن عبد الله الحظرد و الذى سنفرغ له حلقات قادمه بإذن الله و سوف نتحدث فيها عن الحظرد كناحيه تاريخيه و أيضاً عن كتابه الاشهر العزيف

و بالطبع الراهب الاشهر نوسترداموس

و بالطبع لن ننسى الكتاب الاشهر نيكرنوميكون و ينتظرنا معه الكثير من المفاجئات

كما سنتحدث عن الكثير من الموضوعات التى سأجعلها بإذن الله مبسطه و سهلة التناول و هذا كله لأننا نرى أن هذا العلم الرائع لابد و أن يكون للعرب الكلمه العليا فيه كما كانت كلمتهم هى العليا فى جميع الفروع العلميه و الادبيه المختلفه.

و لن أطيل أكثر من ذلك بعد أن شرحنا معنى ما وراء الطبيعه ووضحنا سبب التسميه سأدعكم الآن فى رعايه الله و أمنه راجيا لكم امسيات حافله بالمرح و أعدكم عهد أنا نفسى أعاهدكم به أمام الله أنى سأبذل قصارى جهدى كما سأحاول أن نأخذ بأراء العلماء الذين لهم الكلمات العليا فى هذا العلم و يجب أن لا ننسى العالم د/ أحمد خالد توفيق الذى يطل علينا كل نصف عام بعدد من سلسلته الشيقه ما وراء الطبيه

 

 

أرجو من كل من له خبره أو يود لمشاركه بموضوعات أن يرسلها إلى

مع العلم أن كافه الاعمال ستنشر فى المنتدى حسب الاقدميه بإسم الكاتب

و أرجو ممن يرغب فى التساؤل عن أى شئ فى هذا العلم الغريب أن يراسلنى.

و من يود النشر برجء كتابه مصادره.

و شكراً

 

طائر السكون

تم تعديل September 14, 2007 بواسطه طائر السكون

[عاشق الصداقه 525]

مرحباً بك أخى الكريم ..

ومرحباً بموضوعك .. ومعذرةً لتعديل الموضوع .. ولكن التعامل كله يتم من خلال المنتدى ..

ورجاء مراجعة قوانين المنتدى بخصوص وضع ايميلات فى المشاركه ...

[BLACKDREAM 5]

اخي الكريم و شكرا على هذا الموضوع :

 

انا بصراحه بحب اتكلم في الفراغ الزمني

يعني عايز اعرف عن الفراغ الزمنـــــــي

لو تادر تكرمنا و توضحلنا بعض من هذه المعلومات القيمه و لك جزيل الشكر

[طائر السكون 2]

الاخ الكريم برجاء تحديد الموضوع المراد البحث فيه

لاننى و بالفعل بحثت فيه ووجدته انه من ضمن التعريفات التى هى له

انه ما معناه انه الوقت الذى يعيشه الانسان او ما شابه ذلك

[BLACKDREAM 5]

انا كنت بقصد الفراغ الزمني في الفضاء

 

يعني فجوات الزمن او الثقوب السوداء

 

و ما هي بالظبط

[صناع الحياه 14]

في البدايه احب ارحب بزميلنا العزيز طائر السكون

واحب اهنيك بموضوعك الجميل

اللي بتمني انك تكمل فيه المسيره

اقدر اقول دلوقتي ان خمسه لعقلك دلوقتي اصبحت مكتملة الاركان لانها بتضم نجوم كتيره بيكتبوا في معظم اركان الفكر والحياه

اما بالنسبه لموضوع علوم ماوراء الطبيعه

انا من عشاق سلسلة ماوراء الطبيعه للدكتور احمد خالد توفيق ومتابع جيد لكل كتاباته

وايمانا مني باهمية العلم ده لانه بيساعدنا علي تفسير وتقنين معظم الظواهر الخفيه في حياتنا

يسعدني ويشرفني اني اكون متابع معاك موضوعاتك الشيقه دي

 

اما بخصوص موضوع الثقوب السوداء والزمن والفجوات الزمنيه

كان لي بعض الخواطر الفيلوعلميه عنهم " ان جاز التعبير"

ويشرفني اني اعرضهالكم ان شاء الله وانا قشكم فيها

وانا سعيد فعلا ان خمسه لعقلك تتطرق للمواضيع دي

حتي ولو كانت اجتهادات

لان اسلوب التعلم الذاتي والعصف الذهني هما اللي خللو الغرب متقدم علينا

وان الاوان اننا نصحي شويه ونفوق

مع خالص تحياتي

[صناع الحياه 14]

بعد عملية بحث في الكتب عن موضوع الزمن والسفر عبره وتفسير بعض الظواهر وجدت بعض من المعلومات تنص علي

 

الاجسام تقسم لثلاث اقسام

1) اجسام كتلتها عند السكون اكبر من صفر

وهي طبعا لا تتحرك الا بسرعات اقل من سرعة الضوء ومن امثلتها الالكترون والبروتون والنيترون .....الخ وهي نسميها التارديونات " وهي الكون المنظور او عالم الشهاده"

 

2 )اجسام كتلتها عند السكون تساوي صفر

وهي طبعا تتحرك بسرعه تساوي سرعة الضوء ومن امثلتها الفوتون والنيوترينو والجرافيتون

" وهي مانسميه البرزخ "

 

3) اجسام كتلتها تخيليه عند السكون لانها اقل من الصفر

وهي طبعا تتحرك بسرعات اكبر من الضوء ومن امثلتها التكيونات

" عالم الغيب"

 

التاكيونات دائمة الحركه لذلك لن نستطيع تحديد كتلتها التخيله لانه لن يتواجد في صوره ساكنه لذلك لا تتعجب من كون كتلته تخيليه

 

التاكيونات تتحرك في خط زمني معكوس اي انها تمشي في اتجاه مضاد للزمن اي من المستقبل للماضي فاذا سافر التاكيون الي مكان معين اليوم فسوف يعود منه بالامس

 

النظريه النسبيه تقول ان جميع ما في الكون له خط زمني يمشي فيه وله بدايه ونهايه فنحن جميعنا نسير في افلاك الحياه

ويحيطنا اربع ابعاد وهي الطول والعرض والارتفاع والزمكان

 

الاحداث موجوده في خط الزمن وما نحن الا نمر عليها وقد حسم الاسللام هذه القضيه فجعلنا مسيرين في اعمارنا وفي خواصنا الجماديه والحيوانيه تماما كباقي اجزاء الكون بينما نحن مخيرون في الجوانب الانسانيه والروحيه الخاضعه لاختيار العقل البشري الذي تميز به الانسان مع التاكيد علي ان علم الله (شامل) و (محيط) و ( ازلي)

 

 

لكل جسيم قرين ( جسيم مضاد)يشبهه لكن معكوس الصفات ويعتقد العلماء بتساوي عدد الجسيمات مع عدد الجسيمات المضاده في الكون ولقد اعطي العالم ( هويلر) نقطة بحث لتلميذه ( ريتشارد فينمان) عن قرين الالكترون وهو يسمي طبعا ( بوزيترون)فاذا به يصل عن طريق ميكانيكا الكم والنسبيه الي نظريته الخاصه التي اعلنها عام 1965عن الجسيمات المضاده وحصل بها علي جائزة نوبل للعلوم لانه اثبت ان الالكترون عندما يعود الي الوراء في الزمن ينعكس ويصبح بوزيترونا .

[طائر السكون 2]

الحلقه الثانيه:

الثقوب السوداء

لما حددت عزيزى العزيز blackdream الشئ الذى تريده استطيع الآن أن أجيبك.

الثقوب السوداء عباره عن قوى امتصاص

يعنى ايه؟

دى حاجه بتتكون مكان النجوم اللى بتنفجر و بتعمل بالظبط زى –أسف على التعبير- الشفاط.

النجم أصلا عبارة عن مفاعل نووى أندماجى

يعنى احنا بنجمع حتتين صلصال مع بعض اكيد حتبقى النتيجه حته صلصال اكبر

هو ده بالظبط اللى بيحصل إن الهيدروجين بيتحد مع بعضه عشان يدى هيليوم و يستمر لتفاعل لدرجه إن النجوم القديمه ممكن نلاقى فيها ذرات كربون تتحول لماس أو حتى يتكون السليكون.

المهم الاندماجات الكتير دى هى السبب فى طاقه النجوم.

و بعد كده فى نهايه عمر النجم بينفجر و بتتشتت مادته زى ما الكل عارف

المهم ان الجسم الكبير جاذبيته جاذبيته اكبر من الجسم الصغير و كطل ما بتبعد عن الجسم كل ما جاذبيته بتقل

و لما النجم بينفجر بيضغط مادته لدرجه كبيره جداً

لدرجه ان بيبقى فيه جسم صغير جداً له جاذبيه نجم و كتلته

و لازم نقول ان الثقوب السوداء لم يتم تصويرها لغايه دلوقتى لأنها بكل بساطه بتمتص الضوء حتى اللى منعكس عنها.

و كمان بتقدر انها تبتلع الكواكب كأنها موائع.

ده من الناحيه العلميه.

 

 

 

أما من الناحيه الميتا فيزيقيه

فيعتقد ان الثقوب السوداء هى بوابات زمكانيه

يعنى فجوات فى الزمان و المكان م الاخر اللى يدخلها من ناحيه بيطلع من الناحيه التانيه فى مكان و زمان تانيين ده اللى بيتقال.

و كمان ان الجسم اللى بيدخلها بيتحرك بسرعه الضوء و هنا يجى اينشتاين بالنسبيه.و ده شئ انا ححاول انى ابسطه بعدين فى موضوع خارج السلسله.

المهم ان الثقوب السوداء دى واقع فى الطبيعه لكن المعلومات الحقيقيه عنه غير متوفرة و كل اللى بقوله ده نظريات ممكن تبقى صح او حتى غلط لكن السفر عبر الزمن موجود أفلام كتيره ممكن تتفرج على اى واحد و ارشحلك فيلم زى نتربرايز ممكن تستفيد منه او حتى من الحلقات

تحياتى..,

 

طائر السكون

[طائر السكون 2]

ممكن الناس تقولى ازاى يبقى الاسلوب احسن

انا كتبت الموضوع الاول بالفصحى و الحلقه التانيه بالعاميه

ممكن الردود عشان اعرف رأى الناس أزاى الاسلوب الاحسن و الاسهل

تحياتى طائر السكون

[عاشق الصداقه 525]

شكرا اخى طائر السكون على متابعة الموضوع ..

وقام مشرف القسم بتثبيت الموضوع لك ..

نتمنى منك المشاركه .. وننتظر المزيد فى الموضوع الشيق ..

ومتشكرين كتييييييييييييييييير يا عرابى يا عبقرى على المعلومات الرائعه ..

طول عمرك مهتم بطلبات قراء خمسه لعقلك .. وبتحاول تفيد على قد ما تقدر ..

ربنا يوفقك .. وانتظروا منى مفاجأه فى الموضوع ده .. بس بعد الامتحانات ..

ادعولــــــــــــــــــــــــــــــــــــــــــــــــــــــــــــــى

[صناع الحياه 14]

ربنا يوفقك يابوحميد ويوفق كل طلبة المسلمين يارب

[صناع الحياه 14]

الموضوع فعلا شيق جدا عشان كده انا ثبته وياريت تكتب حلقاتك ورا بعض عشان يكون الموضوع منظم

ربنا يوفقك ااحنا متابعينه

[BLACKDREAM 5]

حبيبي و اخويا العزيز :

 

خليك على طبيعتك و اكتب زي ما تحب

 

لانك اكيد لو كتبت زي ما انت عايز فتبدع اكتر

 

و احنا معاك في كل كتاباتك و ننتظر منك المزيد

 

 

انا من هواه هذه المواضيع على فكره

 

و دلوقتي يا حبيبي لو سمحت تشرحلنا عن مثلث الرعب

 

مثلت برمودا مثلث الخوف و الظلام

 

و ماهو سر اختفاء الطائرات و السفن

 

و هل للجازبيه دور بهذا الموضوع

 

ام انهم مخلوقات فضائيه تراقب تطورنا

 

ام ان للجن دور في هذه الاختفاءات

 

و ما هو دور الفراغ الزمني في هذا المثلث

 

 

لو سمحت حبيبي . . . . . . . . . . . . . . .. . . . . . .

[طائر السكون 2]

حبيبى استئذنك لانى بكرة مسافر و حوصل يوم الثلاثاء لمدينه قنا عشان الامتحانات و الذى منه

بس اوعدك انى حبحث لك و ارد عليك يوم الثلاثاء او الاربعاء على اقصى تقدير لأن فتره السفر من الاسكندريه لقنا حوالى 12 ساعه

تحيه.

[BLACKDREAM 5]

حبيبي الغالي ربنا معاك و الله يوفئك يا رب

 

و بشكرك على اهتمامك الكبير و خلي

 

بالك من مزاكرتك كويس ربنا يوفئك يا رب

[طائر السكون 2]

عزيزىالعزيزblackdream تحياتى

انا رجعت انهارده و حستريح شويه بعد كده ححاول انى اجمع اللزم لتغطيه الموضوع المحرج لأى كاتب انه يوفيه حقه

أوعدك انى حدور على المعلومات اللازمه و اول ما تكتمل حرد عليك

[BLACKDREAM 5]

حبيبي اخي الطائر

 

انا عايز منك خدمه ظغنطوطه اوي

 

انك تخليني اساعده في الموضوع دا

 

شوف انا بحب اوي المواضيع دي

 

و عندي خلفيه صغيره ممكن تساعدك

 

انت بس الي انت عايز ايه و ايه اهم النقط

 

اللي انت عايزها و انا حكون جنبك

 

 

 

 

BLACKDREAM

[طائر السكون 2]

لما طلبت منى يا blackdream ألذى أراه من النقط البيضاء فى المنتدى ان اتكلم فى موضوع مثلث برمودا و لكن حأعتذر بتأجيل الموضوع شويه يعنى حوالى أسبوع أكون بحثت كويس فى الموضوع و لكن أنهارده أنا جاى و معايا مفاجأة

 

 

 

 

 

انهارده حتكلم عن موضوع لفت نظرى و هو زى ما انا متوقع حيأخذه بعض الناس كبرهان عليا فى أنى بعترف بالكائنات الفضائيه

 

و لكن أرجو من اخوانا دول أنهم يقروا الموضوع اللى أنا بعتذر عن طوله الذى سيأخذ على بس أرجوكم تعذرونى بس علشان أكتب فى الموضوع أغلب النقط الهامه وأهم الاراء و كمان أهم الاستنتاجات و البراهين و كل الحاجات عن الموضوع

 

 

 

و الله الموفق....,

الحلقه الثالثه

الموضوع أنهارده يا جماعه أنا مش فاكر قريته فين لكن فى أُثناء بحثى على الانترنت لقيت الموضوع فحبيت أنى أناقشه وأرجو أنى أكون عند حسن الامتاع و الإفادة.

 

 

فى البدايه أبدأ بأشهر الحوادث فى الموضوع ده

 

انا كل ده لسه ما قلتش ايه الموضوع

 

انا بتكلم عن النيازك اللى المفروض أنها حتضرب الارض

 

و فى اخر لحظه

 

 

 

 

بووووووووووووم

 

 

 

انفجار كبير قوى و ما فيش اى اثار نيازك

 

لكن اللى بيحصل ان الناس بتبقى متيقنه انه حيضربهم

 

و الموضوع ان ....

 

 

تابع معايا كده شويه لقدام

 

 

 

فى يوم 30 يونيه 1908

 

 

 

دى الصوره اللى منشورةو تحتها عنوان

 

[/font]

 

 

هذه صورة قديمة لآثار الانفجار الغامض الذي حدث في منطقة ( تونجوسكا) في روسيا

 

عام 1908 وصار واحداً من ألغاز العلم حيث احتار العلماء في تحديد سبب هذا

 

الانفجار وظهرت نظريات مختلفة لمحاولة التفسير بين وجود نيزك ضخم أو مذنب اخترق الغلاف

 

الجوي للأرض إلى افتراض حدوث انفجار بركاني وفي أغرب النظريات انفجار مركبة فضائية غامضة

 

وأكثر ما يثير الحيرة في هذا الانفجار هو عدم وجود بقايا لأي نيزك أو خلافه ولكن بقيت هذه الأشجار

 

الشاهد الوحيد على ما حدث في تونجوسكا

 

ده هو اللى مكتوب تحت الصورة

 

 

 

و دى زى ما بيقول الموقع صورة حديثه للمكان

 

 

 

الناس اختلفوا على الوقت اللى حصل فيه الانفجار بالظبط لكن اللى هما اغلبيتهم استقر عليه هو الفجر و إن كان فيه ناس قالت أن الوقت هو العصر

 

ما علينا المهم ان اللى حصل هو كالآتى::::

 

فى الوقت اللى الحادثه حصلت فيه اخترقت كرة ناريه سماء سيبريا و فجأة

 

 

 

 

 

 

بووووووووووووووووووم

 

 

 

 

انفجار رهيب لم يشهد له العالم مثيل فى هذا الوقت و يقال أن قوة الانفجار بلغت 1000 ضعف

 

 

 

أنت مش بيتهيألك الرقم مظبوط

 

ألف ضعف قوة القنبله الذريه اللى امريكا ضربت بها هيروشيما

 

و بسبب الحراره المرتفعه طبعا احترقت الكثير من قطعان الرنه و صارت الاشجار كما هى فى الاعلى مجرد اخشاب محترقه و منالمعروف ان الدائره التى تحيط فى محيطها بالاشجار عباره عن مئات الاميال فى طول نصف القطر.

 

و بعد الانفجار بعده ايام ظل هناك ضوء برتقالى غريب اضاء اوروبا الغربيه لدرجه ان سكان اوروبا الغربيه كانوا بيقروا الجرايد بالليل بدون اضاءه

 

الجزئيه دى شرحها بسيط

 

و هى ان الحرارة العاليه سببت تفاعل اندماج نووى للهيدروجين لتكوين الهيليوم

 

و التفاعل ده هو سبب ضوء الشمس

 

اما الغريب فعلا

 

 

فهو ان فى المنطقه دى حصلت مجموعه من الزلازل متوسطه القوة و ده كان عن طريق القياس باجهزة قياس الزلازل و دى طبعا موجوده بكثرة

 

و كانت القياسات دى من قريه اسمها ابروكوتسك و الاجهزة كانت بتشير انه فى زلازل متوسطه القوة فى منطقه فى الشمال على بعد ألف ميل فى قريه اسمها هو تونجوسكا

 

المفاجأه الغريبه ان ما فيش اى علماء راحوا المكان ده إلا بعد 19 سنه لانها كانت القريه بعيدة و كمان كانت عبارة عن مستنقعات

 

و حاولوا انهم يلاقوا حل للكلام ده فبدأوا انهم يدورا عن فوهة بركان

 

لكن طبعا ما فيش اى براكين ولا احزنون

 

طبعا اللى لقوة كان منظر اشجار متفحمه من الاحتراق على طول امتداد البصر

 

و دمار شامل بجميع انواعه و طبعا ما كنش فى اى ادله غير ....الاشجار و شهود عيان من قرى قريبه ل تونجوسكا و بالفعل طول 88 سنه بعد طبعا البحث الممل و المتعب عن اى اثار لاجرام سماويه نيازك او حتى قنابل لكن طبعا ما فيش

 

و بالفعل و ده ايام الحادثه

 

 

 

لكن مع تقدم العلم لقوا انه فيه بقايا لمواد كيميائيه فى هيئه ذرات دقيقه فى جذوع الاشجار و بتحليلها لقوا انها من اصل مش ارضى

 

 

 

على فكرة كان فى عشرات النظريات زى الطبق الطاير او ثقب اسود صغير مر جنب الارض

 

و لكن

 

 

 

 

الحقيقه انهم لقوا ذرات من الحديد فى الجزيئات و فعلاً بتحاليل الكومبيوتر –اللى محدش يعرف بتحصل أزاى- لقوا انه كان فى مذنب صغير من كوكب ما هو الى ضرب الارض فى النقطه دى

 

لكن لغايه دلوقت ما حدش عرف السر وراء النفجار و ان كانت نظريه المذنب هى الاقرب الى الحقيقه

 

 

 

انا عارف ان الموضوع مش اللى كنتم متوقعينه لكن انا انصح اى حد انه يقرا قصه اسطوره الغرباء من سلسله ما وراء الطبيعه لأحمد خالد توفيق

 

و هو حيستمتع اكيد

 

تحياتى

 

 

طائر السكون

تم تعديل August 6, 2007 بواسطه :: ABOTASNEEM ::
لان الصورة كانت لينك لمنتدى اخر .. وذلك مخالف لقوانين المنتدى

[طائر السكون 2]

انا كنت بأدور على مواضيع بتتكلم عن مثلث برمودا

و المفاجأة

 

 

 

http://www.majddoc.com/main.aspx?function=...12588&lang=

 

 

أدخل شوف اللينك بنفسك

 

 

و ده اهداء خاص لحبيبى يامن

[BLACKDREAM 5]

شكرا اخي الغالي وبالفعل فيديو رائع بس للاسف

مش كامل و دا خلاني اتجنن بس سبحان الله في ايه

دا خل المثلث دا و كل حاجه بتختفي من غير اثر

[طائر السكون 2]

على فكرة لسه فى مفاجآت تانيه بس انا عندى امتحانات و ده اللى مخلينىمش عارف اشارك كتير

تحياتى

[طائر السكون 2]

زى ما وعدت فأرجو انكم تعذرونى على انى علشان الامتحانات و ده رابط عن حضارة الانكا

و هو مكون من جزئين

 

 

الجزء الاول

 

 

 

الجزء الثانى

 

 

أرجو أنهم يعجبوكم

[AMR DAWAM 7]

اخى العزيز وصديقى طائر السكون

مشكور كتييييير على مجهودك الكبير

ويارب تخلص امتحانات على خير علشان تكمل لنا الموضوع الشيق ده

وفقك الله ..........................

*******************************

[طائر السكون 2]

علش انا بعتذر من الجميع على الغياب الطويل و أوعدكم بأنى أكتب بقيه السلسله

بس انا مشغول شويه

و ده وعد

[سبرتو 2]

الصراحة مش لاقى كلام الذ ولا احلى ولا اجمل من الكلام دة كلة مش عارف اقول اية المفروض احنا نسمية لقاء العلماء او نسمية العهلم والحياة وتقريبا الاستاذ مصطفى محمود هيبطل يتكلم ويكتب تانى وانتو تكملو بدالة ربنا يخليكم يا رب لكل اجتهادلتم يا يامن وانتة ومحمد على واخويا عبدالله عررابى