إقتباس
شايفاك ياولدي سايبلي جواب .........بتقلي فيه انك هتغيب
عمرك ياولدي ماقلت هتبعد........ دايما تملي بتبقى قريب
خايفاك ياولدي تطول غيبتك وافضل هنا وحدي من غير ونيس ولا حتى حبيب
دي الغربة مليانة قساوي .........وجرح البعاد ملهش طبيب
حساك ياولدي في الغربة تايه.......... عايش وحيد زي الغريب
تلقاك ياعيني معرفش تاكل ولا حتى تشرب ولا ليك صحاب ولا حد منك يبقى قريب
فاكراك ياولدي بالدعاء دايما ..........وفكل سجدة من صلاتي ليك نصيب
واصبر ياولدي عالفراق واعرف ان الحياة مش كلها حلوة مرة تصيب ومرة تخيب
وامانة ياولدي عليك لتطمن امك وتقلها راجع ..........ده انت الضنى الغالي وانت الحبيب
ده انت الضنى الغالي وانت الحبيب
محدش يزعل منى بس انا مبحبش الشعر بس بحترم الشعراء
بس حلو ة الحتة دى
إقتباس
دي الغربة مليانة قساوي .........وجرح البعاد ملهش طبيب
ارجع ياولدي
, مما كتبت في الغربة
Oct 30 2009, 03:06 PM
