17 ردود على هذا الموضوع

[NADA]

Tweet

تبقى قاعد في امان الله مع مراتك وقاعدين تهرجوا تقولها بحبك يا توته وتقولك وانا ..... وفجأه يدق الباب


هو : خير الله اما يجعله خير من اللي جاي لنا الساعه ديه
هي: مش عارفه قوم افتح يا حبيبي
هو : ربنا يستر
ويروح يفتح الباب وللاسف ربنا ما استجبش لدعوته يلاقي في وشه حماته
هو: ( في سره اعوذ بالله من الشيطان الرجيم ) حماتي
حماته : ايوه امال عفريتها جاي يطل عليك ايه كل ده علشان تفتحوا الباب انت وقعت على ودنك ولا ايه
هو: في سرك ( يا رب الناس كبيره وصغيره بتموت وحماتي اللي خلاص العنكبوت عشش في مناخيرها لسه عايشه )
حماته : سرحان في ايه بقى يا راجل يا ناقص اكلمك في التليفون وافولك تعالى بتخانق مع المعلم عكوة الجزار تقوم متجييش
هو : طب ما انا افتكرت ان ولادك اكيد هناك يا حماتي
حماته : ليه هو انا مستغنيه عنهم
هو : يعنى ايه مستغنيه عنى انا وبعدين ده راجل مفترى اخر مرة كان اتخانق مع جاركو اسماعيل الله يرحمه وفضل معلقه في المحل تلات ايام
حماته : انت لو اتهببت مت هالاقي بدالك ميت عريس لبنتي اللي اتعمت لما خدتك واقولها يا بنتي بصيله تقولي بحبه ياماما يابنتي بصي كويس تقولي بحبه اقولها دققي في ملامحه تقولي الموكوسه مالها ياماما اجيبلها صورة قرد وقولها بصي للصورة وبصي له ايه يفرقهم ترد عليا تقولي بحبه ياماما وادي النتيجه اتجوزتك وعملت عمليه ليزر في عنيها ورجعت تشوف كويس ولما فاقت شافتك اتخضت واصرت ان الدكتور يرجعلها نظرها زي ما كان .
هو : كتر خيرك يا حماتي ( في سره يارب مش عايز غير الدعوه ديه وبس خدها خليها تبلع لسانها اكيد هتتسمم )
حماته: بنتي حبيبتي معلش نسيت اسلم عليكي اما لاقيت الموكوس في وشي
هي : نورتي يا ماما يا حبيبتي عامله ايه
حماته : كويسه بس الراجل اللي اتعميتي واتجوزتيه رفعلي الضغط
هو : معلش يا حماتي معلش
حماته : وبعدين ايه اللي انت لابسه ده شورت وفانله امال فين الكاب انت فاكر نفسك شغال في سيرك ولا كنت بتسليها وبتعملها فقرة المشي على الحبل طب هو انا غريبه اعملنا عجين الفلاحه ادخل غير واتحشم ، وبعدين جيب لي حاجه اشربها يا عديم الذوق يالا .
هو يدخل المطبخ ويعملها شاي ويبص لعلبة سم الفيران ويقول اخلص منها واخلص نفسي بعدين يرجع ويقول حرام هاروح من ربنا فين
يرد على نفسه ويقول اكيد ربنا هيسامحني لأ لأ اعوذ بالله من الشيطان بلاش ) ويخرج
حمانه : كل ده علشان كوباية شاي موكوس ومدهول يا حظك يا بنتي وتدوق الشاي ايه ده الشاي طعهمه زفت ادخل اعملي واحده عدله يالا
هو : من عنيا يا حماتي (وهو يبتسم مش خسارة فيها العلبه كلها )

Tweet

تم تعديل هذه المشاركة بواسطة NADA: 07 June 2009 - 05:42 PM

[تقوى القلوب]

هههههههههههههههههههههههههه

حرام عليكى يا ندا مش كل الحموات وحشة كدا كرهتينى فيهم

[سبرتو]

صدق اللى قال حماتك ملاك بس كان قاصد نكنتة طبعا

[NADA]

تخيل دى حماته تخيل بقى حماتها تكون ازاى
الصراحه مش عارفه اقولك ايه يا تقوى واضح انك اتعقدتى منى شخصيا
ف موضوع الجواز ده وقررتى الانتقام
بس تخيلى دى حماته تخيلى حماتها وحماتنا هتعمل ايه!!
بس مش تتعقدى اوى الحل الوحيد انكم تبقو صحاب وتتفقو عالواد الغلبان احسن
ههههههههههههه

[ABOTASNEEM]

يخرب بيت خفة دمك ياندى

خطييييير والحمد لله انه

ست تسنيم مش بتعرف تدخل عالنت

والا كانت هتبقى مشكلة كبيرة

[عاشق الصداقه]

ههههههههههههههههههههههههههههههههههههههه

والله خطيـــــــــــــــــــــــــــــــــــــــــــــر خالص خالص .. وضحكنى موت ..

ندى .. انتى مواضيعك كلها نار .. فكاهيه - ثقافيه - اسلاميه - عامه - .... وساكتلك ..

بس وحياتك لو عتبتى على قسم البرامج كمان .. هسيب المنتدى وأمشى


على فكره .. اكتر عباره فى الموضوع عجبتنى :

اقتباس

حماته : ليه هو انا مستغنيه عنهم

اقتباس

هو : من عنيا يا حماتي (وهو يبتسم مش خسارة فيها العلبه كلها )

بجد خطييييييييييييييييييير ..

اقتباس

والحمد لله انه ست تسنيم مش بتعرف تدخل عالنت والا كانت هتبقى مشكلة كبيرة

بس بس يا غالى .. اعتبر الموضوع اطبع وعندها فى البيت

[zoro_hf]

هههههههههههههههههههههههههههههه حماتى ملاك بجد موضوع خطير يا ندى والف شكر بس انا لسه ما تجوزت لو عندى حماه زاى كده ممكن اعمل حاجة فى نفسى

[NADA]

اكيد يا احمد انا ناوياها اصلا
لازم امشيك من هنا وابقى الادمن
انت فاكرنا بنهزر!!

بكره تدخل وتتنور يابوتسنيم
وتعرف اللى فيها
ربنا يستر شكلى هتضرب هنا ولا ايه

وان شاء الله تتجوز يازورو وربنا يرزقك بحماه كويسه
زى الحاجه دى بدعيلك من كل قلبى

[رجل من الصحراء]

هههههههههه ربنا يستر
بس الحمدلله حماتي كويسة
برده حرص ولا تخون
ربنا يهديكي ياندى

[NADA]

الحمد لله ربنا يخليهالك يا سيدي

بس أحب أعرف رأيك بردو بعد سنة جواز مثلاً ,, كويس كده ؟؟

اقتباس

ربنا يهديكي ياندى

يارب يهدينى ويهدي كل الناس يارب

بس إنت محسسني إنى بشد ف شعري

عامة نورت إنت و الراجل العجيب ده

[رجل من الصحراء]

اقتباس

بس أحب أعرف رأيك بردو بعد سنة جواز مثلاً ,, كويس كده ؟؟

لا سنة كتير ياشيخة
مش بقلك ربنا يهديكي

[YouTh~TiGeR]

هههههههههههههههههههههههههههه
العلبة دى جابها منين وبكام>>>>>متصدقوش لسه عازب

[حور الجنه]

جميل يا ندى بس انا عندى تعليق بسيط حبيبتى
على كلمة (افتكرها يا رب )الكلمه دى فيها نقص فى حق الله سبحانه وتعالى
لأن الله لا ينسى ولا يجوز فى حقه النسيان لانه الكامل سبحانه وتعالى
ويستحيل فى حقه اى نقص
أرجوا منك حبيبتى تعديل الموضوع وحذف الكلمه دى منه
أما باقى الموضوع فتحفه أرجوا ان تتقبلى كلامى بصدر رحب وانا اعلم انكى غير قاصده هذا الخطأ
فجزاكى الله خيرا وفى انتظار جديدك غاليتى

تم تعديل هذه المشاركة بواسطة حور الجنه: 07 June 2009 - 03:39 PM

[NADA]

اقتباس

هههههههههههههههههههههههههههه
العلبة دى جابها منين وبكام>>>>>متصدقوش لسه عازب

من عند بتاع الفيران,,

شكراً لك


تم التعديل حور الجنة ,, أنا عارفة إنها غلط لكن مش أخدت بالي منها

ربنا يكرمك وجزاكي الله كل خير,, منورة و اهلاً بيكي معانا

اقتباس

أما باقى الموضوع فتحفه أرجوا ان تتقبلى كلامى بصدر رحب وانا اعلم انكى غير قاصده هذا الخطأ
فجزاكى الله خيرا وفى انتظار جديدك غاليتى

ولا يهمك يا قمر,, حصل خير بجد أنا اللي بشكرك

أتمنى تواجدك الدائم معنا


شكراً لك نمر الشباب و حور الجنة,,



و مبسوطة جداً

[«۞۩ أبو سليمان ۩۞»]

بجد خطييييييييييييييييييييييييييييييييييييير

طب مادام الست دي مفترية قوي كده كان المفروض انها هي اللي تعلق عكوة الجزار ,,, هو صح راجل مفتري و كده بس هي مجرمة

ربنا يستر علينا ,, الواحد الايام دي لازم يختار حماته قبل ما يختار العروسة

و إلا هياخد فوق دماغه

[zizi]

[sizejj=5][/size]tyy

[NADA]

اقتباس

بجد خطييييييييييييييييييييييييييييييييييييير

طب مادام الست دي مفترية قوي كده كان المفروض انها هي اللي تعلق عكوة الجزار ,,, هو صح راجل مفتري و كده بس هي مجرمة

ربنا يستر علينا ,, الواحد الايام دي لازم يختار حماته قبل ما يختار العروسة wassat.gif wassat.gif wassat.gif wassat.gif

و إلا هياخد فوق دماغه

هههههههههههه

عندك حق,, بس ده زمانه مااات أصلاً,, اقرا له الفاتحة أحسن

ربنا معاك و عقبالك إنت كمان,,



أهلاً بيكي زيزي,, منورة الموضوع يا قمر

[الجندى المجهول]

طبعا بعد اللى حصل فوق الواحد يفكر الف مره فى الجواز ولازم ياخد رضى حماته قبل مراته
جزاكى الله خيرا اختى ندى