4 ردود على هذا الموضوع

[اعتز بحجابى]

Tweet

السلام عليكم ورحمه الله وبركاته

ازيكم يا احلى اعضاء

انا بشكركم كلكم على تعاونكم معايا ودعاؤكم ليا

سواء فى المشكله دى او فى اى حاجه

جزاكم الله خيرا

امبارح حياتى حاكتلى عن مشكله ما حصلت لها
فكرتنى بموقف حصل قبل كده معايا فى المستشفى
كان فيه عندنا مريض عمره يناهز 55
المفروض داخل يعمل اشعه
حاجه عاديه
لكن لانكم عارفين ان احنا بلد النظام كله
لازم نطلع عين الراجل علشان يوصل للهو عايزه
حاجه فعلا
الراجل دخل المستشفى الامن قالو دخل فين يا حاج
داخل اعمل اشعه
لا مش من الباب ده من الباب الجاى
دخل من الباب اللى بعده
قبلته ممرضه
لايابابا ده فى الدور الخامس
طيب يا بنتى مافيش اسانسير
طبعا فيه امشى لاخر الممر ده وهتلاقيه
بعد ما وصل الامن قالو
يا بابا الاسانسير ده بتاع الموظفين بس
والحاج طبعا خلص
مع ان دى المفروض مستشفى يعنى
بجد انا مش هكملكم الباقى علشان د مشوار طويييييييييييييييييييييييييييل
هتتعبو وانتو بتقراه بس
مابالكم لو مشيتو
المهم يعنى الموقف ده والموقف اللى حصل لحياتى امبارح
فكرونى بالنكته بتاعت الفراخ



((واحد كان عايز يشترى فرخه دخل محل كبير
قال للبياع عايز فرخه
قالو بيضه ولا حمرا
لا بيضه
الدور اللى فوق
طلع الدور اللى فوق
قال:::عايز فرخه بيضه
قالو::متنضفا ولا بريشها
لا متنضفا
خلاص اطلع الدور اللى فوق
طلع الدور اللى فوق
قالو ::عايز فرخه بيضه ومتنضفه
قالو طيب متقطعه ولا سليمه
لا متقطعه
خلاص اطلع الدور اللى فوق
قال::عايز فرخه بيضه ومتنضفه ومتفطعه
قالو طيب بكيس ولا من غير
لا بكيس
اطلع الدور اللى فوق
طلع
قالو عايز فرخه بيضه ومتنضفه ومتقطعه وفى كيس
قالو
والله احنا اسفين جدا بس مافيش فرخ انهارده
بس ايه رايك فى النظام



اهم حاجه عندنا النظااام



ههههههههههههههههههههههههه
منتظره ارئكم وتعليقاتكم على الموضوع
وليه احنا بنعانى من المشكله دى فى كل جزء من مجتمعنا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تحياتى ليكم كلكم

Tweet

تم تعديل هذه المشاركة بواسطة اعتز بحجابى: 28 July 2009 - 12:14 PM

[اعتز بحجابى]

الموضوع وحش اوى كده
ده مافيش حد رد خالص

[مي مادي]

هو دة النظام ولا بلاش



ياه دة النظام دة مسيطر على حياتنا بشكل

ونروح بعيد ليه

فاكرة الي حصل في غزة

الحكام العرب بكل نظام 

قرروا عقد قمة عربية بعد اول مزبحة بأسبوع

عشان النظام برده

وراح اطفال كتيرضحايا للنظام

حسبي الله ونعم الوكيل

شكرا اختي موضوع يستحق الاهتمام

[«۞۩ أبو سليمان ۩۞»]

شكرا اختي اعتز بحجابي على الموضوع الرائع

المشكلة في مصر عندينا ,, ان النظام و الروتين موش بيمشي الا على الجماعة الغلابة بس

طب اتخيلي لو ان الراجل ده كان مكانه واحد من الناس التقال ذي ما بيقولوا

موش بعيد كان الامن شاله على كتفه و طلع بيه لغاية الاشعة ,,, او كانوا فتحولوا قسم الاشعة في الدور الارضي

برضوا تخيلي لو الراجل ده طلّع اتنين جنيه للأمن ... على طول اسانسير الموظفين هيتحول بقدرة قادر لأسانسير للمرضى

اللي اعرفه انه في المستشفى المفروض ان الاسانسير يكون للعيانين موش الموظفين ,,, الا اذا كان الموظفين هم العيانين

ربنا يصلح الحال

بارك الله فيكي اختي

تحيتي و تقديري لكي اختي الكريمة

[ali desoky]

بجد هي بقت بلد كوسه

اللي مسنود وليه ضهر عمره ماحد يقدر يضربه علي بطنه

اما الغلابه يغوروا ومحدش يسال عنهم

وده مش في المستشفيات بس ده في كل حته
علي ارضنا الحبيبه مصر

في المصالح الحكوميه الواحد يقعد كذا ساعه عشان يخلص حتة ورقه
ملهاش اي لازمه غير الروتين الحكومي

وفي البنك لو واحد شاب غلبان عايز ياخد قرض عشان يعمل مشروع
ويكون نفسه . تكون مصيبته مصيبه .. ضمانات وشهادات وكلوا عشان كام الف جنيه

ولما واحد من الكبار يلطش كام مليون ويهرب .. ماتعرفش ايه الضمانات اللي قدمها


ويجعله عامر