3
حبا في شعب فلسطين وأرض فلسطين
حبا في الأقصى وتعاطفا مع الأحداث الجارية هناك
أنقل لكم هذه القصيدة وأرجو منكم الدعاء للمجاهدين والشهداء
للشيوخ والأرامل والأيتام بأرض فلسطين
الإبن
ماشي والشوك مرمي ع درابي
بتمنى بلهفة عودة أحبابي
من بعدك يايابا ما أصعب عذابي
و ع فراقك روحي ظلت محزونة
الأب
لا تبكي يا ابني يا روح الروح
حزنك جوايا فتحلي جروح
إنت وإخواتك أغلى من روحي
وعن بالي أبد ما بتغيبونا
الإبن
بتذكر يابا يوم اعتقالك
جيش الأعادي بأحقادو جالك
والتهمة كانت ثورة نضالك
وين العداله ياناس إفتونا
الأب
درب المجاهد ما في هوادة
والسجن عندو خلوة وعبادة
يستنظر يختم عمرو بشهادة
الأبن
راحوا وما نعرف وين مودينك
ولما إندلينا كانوا مقاضينك
ثلاثة مؤبد يارب يعينك
أحكام الضالم تيهزمونا
الأب
هذا قدرنا أنا و إخواني
لكن عاهدناربي بإيمان
نتحدى القيد وقهر السجان
وشو ماإتجبروا ما بيهزمونا
الأبن
دلت عليك عيون العمالة
مين يورجينا فيهم عدالة
يريح وطنا من هالنذالة
مش منا يابا هلي بيخونا
الأب
الخاين غدرو معشش في راسو
حرم ها الوطن من خيرت ناسو
بيجيلو يوم ونقلع أساسو
ونجعل نهارو أسود اللونا
الأبن
شعبي يايابا وحدو بيجاهد
ورغم المصايب ع أرضو صامد
مين إلي يوخذ بيدو ويساعد
بيرد الصدى وما بيردونا
الأب
لو كل العالم عن شعبي ولى
الله معانا يرعى ويتولى
وعن مبادينا ماراح نتخلى
تشهد علينا أرض الزيتونا
الأبن
وعدا يايابا والله نصيري
لخلي دربك دربي و مصيري
وأكسر مع شعبي قيد الأسيري
ونفدي الحرية بأغلى ما يكونا
وزندي مع زندك نهزم صهيونا
شعر _ شعراء _ قصائد _ قصائد شعر _ شعر عامى _ شعر فصحى _ شعر عاميه _ شعر ابن الاسير _ قصيده ابن الاسير
