19 ردود على هذا الموضوع

[بسمة الاقصى]

Tweet

السلام عليكم ورحمة الله وبركاته

ممكن لو سمحت يا دكتور احمد تقولى إزاى أعمل فلاش زى اللى فى صفحة حضرتك ومعلش على التدبيسة اللى على الهوا دى
او أى حد يعنى

ربنا يزيدكم من علمه يـــــــارب

Tweet

تم تعديل هذه المشاركة بواسطة Dr.A7md: 16 March 2010 - 01:39 PM

[لميس المهدى11111]

مش عارفة ههههههههههة
وضحكت عليكى تانى من الطبيعى انك كنتى مسنتينى أضيف لك معلومة لكن أنا من قبلك سألت لما تعرفى قولى لى
أختك لميس

[بسمة الاقصى]

لالالالالالالالالالالا
على فكرة أنا اول ما شفت اسمك قلت إيه البت الغيارة دى انتى مش هتبطلى الغيرة دى كنتى فاكراكى عايزة تعملى زى

[Dr.A7MD]

السلام عليكم

معلش ردى متأخر عشان عندى ظروف شغل وكمان بره البيت حالياً

هو فى حاجة من اتنين

يا اما حضرتك عاوزة تتعلمى طريقة عمل وتصميم الفلاش

يا اما حضرتك عاوزه حاجة على الجاهز

لو حضرتك عاوزة تتعلمى عمل وتصميم الفلاش يبقى ده مشوار طويل وهيكون فى برامج أو برنامج واحد تستعمليه

أما بقى لو عاوزة حاجة على الجاهز ... فكل اللى على حضرتك تجيبى الأنشودة اللى حابة تعمليها فلاش صوتى يشتغل علطول

تجيبيها وتقوليلنا عاوزة تحطى الفلاش ده فى موضوع ولا فى الملف الشخصى

بس كدا

أنا كنت هعمل فيديو شرح وكدا .... حتى كتبت فى الرد هنا أنى هعمل كدا

بس للأسف حصلت معوقات حالت دون أنى أكمل حكاية شرح الفيديو

مستنى رد حضرتك لأنه على أساسه هعرف ألبى طلبك

تحياتى ليكى

تم تعديل هذه المشاركة بواسطة Dr.A7md: 09 March 2010 - 07:40 PM

[بسمة الاقصى]

وعليكم السلام ورحمة الله وبركاته

لا عليك اخى
بس أنا كنت عاوزة أنشودة أحطها فلاش فى صفحتى زى بتاع حضرتك ويشتغل أول ما افتح الصفحة ويكفينى هذا

وبراحتك خالص يعنى اما تكون فاضى بس يعنى انا دلوقتى هحط الأنشودة فى المرفقات المرة الجاية ولا إيه؟؟


ومعلش لو فيها تعب بس ده العشم
شكر الله لك

[Dr.A7MD]

معلش بكرر أسفى لإنشغالى الخارج عن إرادتى

ممكن حضرتك ترفعى الأنشودة فى المرفقات ولو كانت مساحتها كبيرة ارفعيها على موقع حضرتك وهاتى اللينك

ملحوظة هامة

عشان يتحط الفلاش فى الملف الشخصى لازم ميكونش مساحته كبيرة عشان يحمل بسرعة ولازم كمان الملف الشخصى ميكونش بياخد وقت فى التحميل ... يعنى ميكونش فيه صور كتيرة خاصة لو كانت صورة متحركة أو ملفات فلاشية بتاخد وقت فى التحميل

كل ده بياخد وقت كتير على ما الفلاش الصوتى يحمل ويشتغل .... يعنى من الآخر لازم يكون الملف الشخصى خفيف ومش تقيل فى تحميله لأن الزائر للملف الشخصى ساعات مش بيستنى لغاية لما يخلص تحميل كل حاجة فى الملف وبيقفل علطول

يعنى الفلاش الصوتى اللى أنا حاطه فى الملف الشخصى وقته دقيقة واحده بس وكمان خفضت الكواليتى بتاع الأنشودة عشان تبقى مساحته أقل بقدر الإمكان .... بقت حوالى 400 كيلو بس

المطلوب حالياً أن الأنشودة بقدر الإمكان يكون وقتها قصير ومساحتها صغيرة بقدر الإمكان برضه بحيث لا تتجاوز الــ 600 كيلو على الأكثر

وطبعا الملف الشخصى يكون خفيف فى تحميله

فى انتظار ردك ومتأسف للمرة التانية لإنشغالى الدائم

[بسمة الاقصى]

لا عليك اخى ولا داعى للاعتذار هو انا كمان هتشرط

بس انا حاولت أرفع الملف من عندى بعد ما بيحمل شوية بيقولى لم تقم برفع الملف مش عااااااااااارفة ليـــــــه؟؟؟

مع ان مدته دقيقة وشوية بس


هو مقطع من اليوتيوب ممكن احطه وحضرتك تتصرف معاه ولا إيـــــــــه؟

[Dr.A7MD]

أختى الكريمة

حاولى تضغطى الأنشودة لو كانت عندك صوت بس ... حاولى تضغطيها ببرنامج الــ Winrar

وبعد كدا حاولى ترفعيها على واحد من الموقعين دول

Please Login or Register to see this Hidden Content

Please Login or Register to see this Hidden Content

وابعتيلى اللينك بعد الرفع

ولو الأنشودة على شكل فيديو فى اليوتيوب هاتى لينكها وأنا هتصرف وهعزل الفيديو عن الصوت وناخد الصوت منه

بس ياريت الأنشودة أو الفيديو متكونش مدته أكتر من دقيقة ولو حابه مقطع معين من الأنشودة مش كلها ياريت حضرتك تحددى المقطع ده

فى انتظار ردك

تحيتى ليكى

[توك توك]

السلام عليكــم ورحمـة الله وبركاتــة ،،


ممكن تحطلي الانشودة دي لو سمحت يا دكتور احمد لو سمحت

الرابط

Please Login or Register to see this Hidden Content

[بسمة الاقصى]

Please Login or Register to see this Hidden Content

أهو الرابط ومعلش على الإزعاج

[Dr.A7MD]

معلش أخى توك توك ... أتاخرت عليك فى تلبية طلبك

الأنشودة اللى حاططها تمام ... بصيغة mp3 وحجمها صغير وكله تمام

كل اللى عليك أنك تنسخ اللينك ده وتحطه فى ملفك الشخصى فى أى حته تعجبك ... بحيث أنك تكون فاكر المكان اللى هتحطه فيه

وعشان هتحط الفلاش فى الملف الشخصى فخلفية الفلاش هى هى خلفية الملف الشخصى فمش هيبان مكان الفلاش

انسخ الرابط ده

[flash=20,20]http://www.swfcabin.com/swf-files/1268595826.swf[/flash]

حاجة مهمة جداً

لما تيجى تعدل ملفك الشخصى لأى سبب ... تضيف تحذف صورة كلام أى أى أى حاجة

هيكون لازم عليك تحط اللينك بتاع الفلاش كل مرة .... وللأسف معرفش المشكلة دى أساسها ايه

لأنك لو عدلت الملف الشخصى لأى سبب من الأسباب ومش هتضيف لينك الفلاش كل مرة هتلاقى أن الفلاش مش موجود !!! .... ايه السبب ؟؟؟؟ الله أعلم

بلاش توجع دماغك ..... انسخ الرابط وحطه فى الملف الشخصى ونام عليه

====================================

بالنسبة ليكى أختى بسمة الأقصى

أولاً الفيديو بصيغة rm حاولت أحوله لأى صيغة فيديو أو حتى أوديو بلاقى الملف بعد كدا يشتغل تشويش علطول

ثانياً مدة الفيديو كامل دقيقتين إلا عشر دقايق وده كتير

ثالثاً الصوت مش واضح اوى

رابعاً حتى ولو اتعمل هيبقى كبير اوى ومش هينفع مع ملفك الشخصى

المطلوب من حضرتك أنك تجيبى الانشودة لوحدها لو عوزاها لوحدها بدون أى مقدمة ويكون صوتها واضح ومساحتها صغيرة وبصيغة mp3 او أى صيغة غير الـ rm اللى بتعمل مشاكل سواء كانت فيديو أو أوديو

وياريت تراجعى كل ردودى عشان قلت الكلام ده كله فيه سابقاً

تحياتى ليكى

تم تعديل هذه المشاركة بواسطة Dr.A7md: 23 March 2010 - 07:57 PM

[بسمة الاقصى]

معلش أنا اللى مش فهمت الأول بس الحمد لله دلوقتى فههمت

Please Login or Register to see this Hidden Content

[توك توك]

[Dr.A7MD]

طلبك أهو أختى بسمة الأقصى

[flash=20,20]http://www.swfcabin.com/swf-files/1268743046.swf[/flash]

وياريت حضرتك تقرى ردى اللى رديت بيه على أخى توك توك والملاحظات اللى أشرت ليها

==========================

شكراً لك أخى توك توك ..... ومبروك عليك

==========================

بعد إذنك أختى بسمة الأقصى

هنغير عنوان الموضوع عشان يناسب أكتر مضمون الموضوع والأعضاء يفهموا محتواه من العنوان

تم تعديل هذه المشاركة بواسطة Dr.A7md: 09 July 2010 - 11:51 PM

[بسمة الاقصى]

هو العنوان مناسب كده اكتر فعلا

هجرب دلوقتى وأقول لحضرتك

شكرا مقدما

[بسمة الاقصى]

تمــــــــــــــــــــــــــــام شغاااااااااال

رزقك الله المال والبنون وخدمك الولدان المخلدون

ممكن حضرتك بقى تكمل جميلك وتقولنا عملته إزاى عشان نتعلمه

أنا فهمت إن حضرتك رفعته على موقع رفع الفلاشات وبعد كده إيه ؟؟

[Dr.A7MD]

[center]

بسمة الاقصى, فى Mar 16 2010, 03:55 PM, يقول:

تمــــــــــــــــــــــــــــام شغاااااااااال

رزقك الله المال والبنون وخدمك الولدان المخلدون

ممكن حضرتك بقى تكمل جميلك وتقولنا عملته إزاى عشان نتعلمه

أنا فهمت إن حضرتك رفعته على موقع رفع الفلاشات وبعد كده إيه ؟؟

الحمد لله أنه اشتغل

فى الحقيقة والله مش عندى الوقت عشان أشرح بالظبط الحته اللى طلباها حضرتك

بس ممكن حضرتك تستعملى البرنامج ده

http://forums.yallagroup.net/25304

هو برنامج رائع وبسيط فى عمل ملفات الفلاش

والحته اللى بتتكلمى عنها حضرتك دى مشروحة فى دروس أساسيات التعامل مع البرنامج

وهدلك على موقع ممكن حضرتك تتابعى دروس البرنامج ده منه

Please Login or Register to see this Hidden Content

الموقع ده حضرتك جبته من موضوع دكتور ميدو فى قسم الكمبيوتر والبرامج

ده الموضوع ... تعلم جميع برامج الكمبيوتر باللغة العربية

وبعون الله بعد فترة هننزل اسطوانة أيزو بالدروس دى عشان تبقى متاحة للجميع بدون انتظار تحميل الشرح على النت

تحياتى ليكى

[بسمة الاقصى]

عموما شكر الله لك
وانا عارفة الموقع ده بتاع التعلم المجانى بابا بيذاكر فيه وبيتعلم منه

[بسمة الاقصى]

الســــــــلام عليكم دكتور احمد بعد إنك ممكن تعملى الفلاش ده

Please Login or Register to see this Hidden Content

[Dr.A7MD]

السلام عليكم

أختى بسمة الأقصى

احنا بنحاول نساعد الأعضاء أنهم يعملوا اللى عاوزينه بايديهم

فكل اللى بنعمله حضرتك زى اللى بيديكى سمكة تتغدى بيها النهارده على أساس بكره تصطادى بنفسك ... فهمتى قصدى !!!!

الغرض الأساسى فى المنتدى أننا نعلم نفسنا عشان نعتمد على أنفسنا مش فى كل مرة نطلب اللى عاوزينه من أى حد

أنا عملتلك مثال وحضرتك لو حابه الأمر تتعلمى أساسيات البرنامج وتعملى حاجات بايدك

وساعة لما تغلبى فى حاجة ... تيجى تقولى انا عملت كذا وكذا وكذا ياريت حد يساعدنى فى كذا

هتلاقى ألف واحد يدلك ويساعدك

العبرة من كل الكلام ده أنك تتعلمى تعملى حاجتك بايدك حتى ولو حاولتى وفشلتى

لأن التميز مش معناه أن عندى حاجة ممتازه وكويسه وبس

التميز معناه أن ليا لمسة خاصة بيا فى أعمالى تميزنى عن غيرى

ده مفهوم التميز

كل عضو له طلب واحد وبعد كدا لو عاوز يعمل حاجة يبقى يتعلم ويحاول ازاى يعملها واحنا هنكون مساعدة له بس

ياريت كلامى ميكونش زعلك ... ولو حابة تتعلمى وتجربى أنا هكون فى أتم الإستعداد لمساعدتك

ورفعنا الحمد لله اسطوانة تعليم البرنامج باللغة العربية - 27 درس بالصوت والفيديو

ممكن تشوفى موضوعها هنا .... http://forums.yallagroup.net/31375

تحياتى ليكى