اذهب الي المحتوي
منتديات ياللا يا شباب
سمر

أي عورتني

Recommended Posts

سلام عليكم

 

معليش سامحوني على عنوان الموضوع اللي ممكن يفسر تفسير ( غوغائي ) هههههه

 

ماعلينا

 

 

في الوقت اللي ننادي فيه بالرساوة والهداوة والرستكة .

 

بنلاقي ناس عاكسين الخط وكاشحين العالي على الآخر . وما همهم شي .

 

 

بصراحة في اشياء اذا زادت عن حدها تنقلب لضدها . وبدل ما نكون حبايب . نسير اعداء أو على الاقل تقل المحبة رويدا رويدا <<<<<< أحلى ياعربي

 

 

شوفو ياحبايب . الواحد فينا ما يكره إنه يعيش اوقات ولحظات سعيدة مع من يحب ويحرص على كدا مرارا وتكرارا .

 

لكن المفروض يحافظ على هادا التناغم وهادي السعادة .

 

كيف ؟

 

 

<<<<<<<<< ترى لسه ما خشينا في الموضوع هههه

 

طيب عشان لا اطول عليكم

 

 

المزح

 

وحطو تحت الكلمة ستمية خط . اللي يبغى يزيد عن ستمية يتحمل هو النتايج .

 

كنت بنغبش في البومات الصور ولقيت مجموعة صور لخرجات قديمة ليا مع الشباب ايام الصبا ههههه

 

وكان في واحد من الشباب يجيب علبة الريد البخاخ ويبخ ويولع الولاعة ويجري ورا الشباب .؟؟

 

 

طبعا متخيلين معايا لهب النار اللي بيطلع على مدى مستوى البخة

 

 

الله أكبر الله أكبر

 

لا تفكرو إنه ادااااااااااااان ؟

 

لكني مستصيب من هيك مزح .

 

بالله لو مسكت النار في واحد منهم وعلى بال ما نجري والحقو ما تلحقو ياترى نلحق نطفيه ولا لأ .؟؟

 

 

واحد نايم وربطو يده بحبل في صدام السيارة . طبعا السيارة واقفة . فلتنفرض لأي ظرف طاريء أحد شغل السيارة ومشي ؟؟

 

إيش حيكون الموقف . طبعا صاحبنا راح يتجلط في التراب ههههههه.

 

هادا اذا ما جاله شلل رعاش من الفجعة .

 

 

 

الا ابغى اقوله يجماعة للمزح حدوووود .

 

بمعنى لانضحك دقايق وقت الحدث وممكن لاسمح الله نبكي بقية عمرنا بعد كدا .

 

 

نمزح ونضحك بس لاضرر ولا ضرار .

 

ونصيحة اخوية حاولو على قد ما تقدرو بلاشي من مزح الايادي وابعدو عنو بشتى الطرق .

 

 

انا من صغري ولله الحمد ما احب مزح اليد ابدا . لأنه نتايجه احيانا بتكون وخيمة . ( خيمة ولا تيزار ) هههههه

 

 

 

 

خلاصة الموضوع

 

ياريت اللي شاف او مر بتجربة مزح كانت عواقبها مش كويسة يقلنا على الاقل نتعظ ونعتبر .

 

 

لأني بلاحظ هادي الايام شباب كتير للأسف مستهترين وعليهم مزح يقطع الخلف . على سبيل المثال شباب يحطو صاحبهم على كبوت السيارة ويفحطو بيها . ( إستعراااااااض )

 

 

طيب صاحبكم هادا جاته مصيبة وهو مكلبش في الكبوت جاله شد عضلي في إيده مثلا ...... الخ من الاشياء اللي ما نفكر فيها . ولا نحسبلها حساب ساعتها . وما قدر يتمالك نفسه وأتنفل من فوق السيارة وانكسر ضهره .

 

ممكن لاسمح الله يعيش بقيه عمره مشلول .

 

 

لو سوداني اقلكم ممكن يفرح هههههههههه

 

 

 

يجماعة قبل لا تمزحو فكرو في العواقب . ولا تخلو الفرحة والضحك تغيب عقولكم .

 

 

ترى الدموع غالية وماينفع الندم

 

 

 

وربي يحفظكم من كل سوء يارب

 

 

في انتظار مشاركتكم الحلوة فلا تحرمونا

شارك هذه المشاركه


رابط المشاركه
شارك

جميل جداً موضوعك .. وجه على الوتر الحساس

اولاً واضح انه منقول :) .. يا ريت كنتى ذكرتى كده .. لأن فيه كلام المفروض يبان انه منقول لمصلحتك :)

 

بالنسبه للهزار .. فعلاً .. فى ناس بتهزر بطريقه بشعه

من واقع خبرتى لأنى طالب (وما ادراكم سكن الطلبه وعيشتهم) شفت وعشت مع ناس .. مش ممكن تصدقوا طرق هزارهم

الله يمسيك بالخير يا شريف .. الهزار مع بعضهم .. عباره عن ان كل واحد يبقى ماشى بسكينه فى الشقه .. وفجأه تلاقى واحد انقض ورمى على قدمك السكينه :)

لو رشقت ودبست رجلك فى الارض .. يفضلوا يضحكوا .. ويبقى بكده صادك :)

 

والله الكلام ده حقيقى .. ده غير القرطاس (اللى مفيش واحد فى سكن طلبه مجربهوش) .. وهو ان الواحد وهو نايم بيعملوا قرطاس ويلبسهوله فى صباع رجله ويولعوا فيه :)

بسيطه دى ؟؟

وفيه امثله تانى كتير

 

ونصيحة اخوية حاولو على قد ما تقدرو بلاشي من مزح الايادي وابعدو عنو بشتى الطرق .

 

ده اللى احنا بنسميه (هزار البوابين) .. مع احترامى للساده البشمهندسين البوابين :)

وفعلاً النوع ده من الهزار بكرهه جداً .. بس بعرف اتعامل معاه كويس الحمد لله :)

 

شكراً لموضوعك الجميل .. ومنتظرين مشاركة الاعضاء

شارك هذه المشاركه


رابط المشاركه
شارك

شكرا يا سمر علي الموضوع فعلا انا بكره الهزار اللي من النوع ده جداااااااااااااا واوقات كتير اوي بتحصل مشاكل بسبب الهزار ده

شارك هذه المشاركه


رابط المشاركه
شارك

جميله اضافتك يا سمر

 

موضوع حلو فعلا الهزار لازم يبقى ليه حدود وشروط

 

جزاكى الله كل خير

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×