13 ردود على هذا الموضوع

[angel_of_mercy]

Tweet

للبيع: موظف يبيع محتويات شقته وهي عبارة عن:كنبة وقلة وكباية لظروف الصيف،الاتصال بعم سنوسي المكوجي 7878787. :blink: فرصةكبري:ميكانيكى يطلب صبية من حملة المؤهلات العليا بمرتبات لا يحلمون بها. للبيع:اجنبي يبيع ساعته في مصر لانه اكتشف عدم اهميتها مطلقا B) . مفقودات:شاب في الثانية والسبعين من عمره،حاصل علي بكالوريوس اداب شعبة محاصيل زراعية يطلب عملا في اي مجال،حيث انه يبني مستقبله تمهيدا لزواجه. :blink: وظائف خالية: شركة منظفات صناعية تطلب مندوبين من ذوي المؤهلات الاقل من متوسطة،يشترط البجاحة والغتاتة و ثقل الظل ويفضل من له سوابق في النصب والاحتيال. مفقودات: فقدت زكيبة نقود من معار الي الدول العربية الشقيقة في مطار القاهرة..من يجدها يتصل بصاحبها في مستشفي الصرع العام. -_- مفقودات: فقدت حماتي في سيارة تاكسي بوسط البلد لاتتصلوا برقم4242422. :o علي فكرة عمولتي محفوظة ..

Tweet

[صناع الحياه]

نسيتي حاجه اختنا العزيزه
خرج ولم يعد <_< طالب كلية طب بعد قضاء اتنين مليار امتحان ونص في اول ترم في الكليه
علي من يجده سرعة ابلاغه بان لديه امتحان بعد يومين فيجب الا يتغيب عليه :D

[نجمة الكتب]

اخر صيحة في علاج الامراض العصبية والنفسية:
بديل لجلسات الكهربا ...
فقط بالاستماع لعدة شرائط للمطرب الصاعد عبده صداع
... وشرائط اخري تصرح بها الرقابة :mellow: .


المقر الجديد لهيئة الاسلحة البيولوجية :
اي غرفة عناية مركزة في مستشفى حكومي .


كشف علمي جديد:
معمل ابحاث يكتشف افضل انواع مواد البناء...
مستخرجة من رغيف العيش :blink: .


دراسة حديثة:
اسرع وسيلة مواصلات في العالم.. قطارات سكك حديد مصر...
توصلك عالاخرة في ثواني B)


تنويه عن مفقودين:

عسكري المرور لما تكون رابط الحزام او لما يكون عربيتين لابسين
في بعض وموقفين الشارع. :blink:

البرامج اللي بتيجي قبل وبعد الفقرات الاعلانية!!!!

الموظف اللي قاعد على مكتبه اثناء مواعيد العمل الرسمية
بالذات لما يكون عندك ورق لازم تخلصه.

حقوق الانسان في المناهج التعليمية وفي طابور العيش

الدكتور اللي حاطلنا امتحان الباطنة ...
اللي يلاقيه يقولي اصلي عايزاه ضروري :D

[عاشق الصداقه]

موضوع خطييييييييييير جداً .. إنتوا إيه !! ليكو فى كل حاجه ..

بجد الموضوع والردود أكثر من رائعين
بس أنا عاوز أستفسر يا نجمة الكتب .. إنتى عاوزه الدكتور فى إيه ؟؟
ياريت تتمالكى أعصابك وبلاش تهور .. إحنا لسك مخرجينك من الأحداث بواسطه علشان عاوزينك فى المنتدى
مش حنقعد كل مره بقى نطلعك من السجن .. حينفع !؟؟

[نجمة الكتب]

<_< :( جعلوني مجرما :( <_<
نجمة الكتب خلاص بقت تعرف تدوس عالزناااااااااد :D



عارفين مين اللي جعلوني مجرما ...طبعا مش مخرج ومنتج الفيلم لا ، اللي خلوني كدة هما اللي وضعوا
نظام التعليم في مصر وبالذات نظام الدراسة في كلية طب، الناس في الدنيا كلها بتفهم وبعدين تحفظ الا احنا
بنحفظ وبعدين نحفظ.... لا والامتحانات في كل الدنيا اسئلة اختياري واسئلة قصيرة لكن احنا بقي يجيبلك عنوان
من الكتاب ييجي ١٢٠ صفحة واكتب ما تعرفه عن.. وعيش بقي حضرتك ، تطلع من اللجنة ايديك مش قادر تحركها
وعندك فقدان في الذاكرة وحالة من العته المفاجئ ماهو اصلك فضيت عقلك فجأة بعد ما كان محشور معلومات....
يعني قبل الامتحانات طريقك مسدود وبعدها انت مفقود مفقود مفقود وحسبى الله ونعم الوكيل.
بجد اللي يلاقي الدكتور يقولي ومحدش يسأل علي عاشق الصداقة لأنه هيبقى في قايمة المفقودين قريب ;) .

[عاشق الصداقه]

ليه كده !! والله العظيم يا عم أن ما دكتور " أحلفلك على رغيف عيش " ... إعتقينى لوجه الله
كده حيزيد عدد المنظمات اللى عاوزه رقبتى الى 143 منظمه .. وأنا معملتش ولا حاجه فى حياتى تستاهل كده إلا المنتدى ده .. بس لو كانت دى غلطه أنا غلطتها " إنى أعمل المنتدى ده " فأنا أسف ... وآخر مره .. وإذا كنتى ناويه على الغدر برضه .. أنا فيه ناس تدافع عنى فى المنتدى .. وكل واحد ماسك لوحة المفاتيح ومستعد فى أى لحظه للهجوم .. ولكن أفضل الصلح ..
بجد ربنا يكون فى عونكم وعوننا .. ومش إنتوا بس كل المناهج تعقد وتودى السجن فى المحاضرين .. تحسى إننا بنتعاقب علشان دخلنا كليات مش بنتعلم ؟؟

[طائر السكون]

نرجو من الإدارة التكرم بنقل الموضوع إلى مكانه الصحيح

[MOSTAFA_SHA3RAWY]

ههههههههههههه موضوع جميل اوي عجبني شخصيا

[zoro_hf]

هههههههههههههههههههه موضوع حلو اوى

[sawsana_almotaim]

السلام عليكم
موضوع جامد جدا
و كلها حاجات بتحصل
تحيا مصر

[Shetos]

خطيييييييييييييييييييييييييير يا angel_of_mercy والله روعه

اقتباس

نجمة الكتب خلاص بقت تعرف تدوس عالزناااااااااد

أوعى وشك


يا رب تكونى بتعرفى تنشنى يا نجمة الكتب مش عايزيين نيران صديقة تخرب الدنيا

تم تعديل هذه المشاركة بواسطة Shetos: 01 March 2008 - 09:40 PM

[EL3aref]

جميل اوى .. بس ربنا يستر من تنشين نجمة الكتب ..

[رجل من الصحراء]

جمييل جدا

[تقوى القلوب]

اقتباس

مفقودات: فقدت حماتي في سيارة تاكسي بوسط البلد لاتتصلوا برقم4242422

ههههههههههههههههه


رائع بجد

جزاكى الله كل خير