18 ردود على هذا الموضوع

[بنت مصرية]

Tweet

بسم الله الرحمن الرحيم

حكاية أم فاروق...

يا بنات ..يا بنات كانت أم فاروق

بتنده علي بناتها بشيء من الانفعال بعد ماخلصت

المكالمة اللي جاتلها وجابت معاها الخبر السعيد..

أخوكم جاي بعد أسبوع ونص

اخوكم جاي وهيعد شهر بحاله معانا

البنات فضلوا يضحكوا ويحضنوا بعض وامهم كمان مش مصدقين نفسهم

اصل هما ما شفوش اخوهم بقالهم 11 شهر

لأنه بيشتغل بعيد عنهم واخيرا الشغل سمح له باجازة شهر

بدأت أم فاروق تاخد نفسها من الفرحة اللي مش مخلياها تتلم علي بعضها

نزلت ام فاروق وخبطت علي ابواب جاراتها

أم مصطفي وأم أحمد وأم محمد

اتجمعوا الستات في بيت ام فاروق

ام فاروق فتحت الحوار: انا لازم انزل بكرة الصبح بدري هشتري حجات كتير

عشان لما يجي فاروق كل يوم اعمله الاكل اللي بيحبه

ردت ام احمد: فاكره فرش الكنب والسجاجيد اللي كنا

هننزل نشتريهم عشان عيد الاضحي أيه رأيك نجيبهم بدري عشان يجي يلقي البيت كأنه جديد

ردت ام فاروق بحماس: والله فكرة ياحببتي

وقبل ما يكون فيه لحظة صمت اتكلمت ام مصطفي ومن

غير ما تقولي يااختي انا وام أحمد هنعمل الحلويات ده فاروق غالي علينا كلنا

دعت ام فاروق للجميع ربنا يخليكم ليا ويبارك فيكم من غيركم ما كنتش هعرف اعمل اي حاجة

خلاص بكرة كمان اخلي البنات ينزلوا يشتروا الفرش الجديد

البنات كانت كل واحده فيهم بتفكر في عالم تاني خالص...

الاولي كانت بتعشق السهر قدام التلفزيون لحد الفجر اصلها مش

بتقدر تنام وتقوم تاني وكمان بتحب الفرجة علي التلفزيون اوي

افتكرت اخوها اللي دايما حذرها من العادة دي خوف علي صحتها

وخدت قرار بعد كل التفكير في الحجات دي انها من دلوقت هتعود

نفسها علشان لما يجي اخوها يلاقيها بطلتها خالص وعملت الأصلح

والثانية اللي بتحب الموضة جدا لدرجة انها ساعات ممكن تيجي علي حجابها

علشانها وتخيلت شكل اخوها لما يلاقيها ملتزمة بالحجاب الشرعي

محجبة بجد وشيك الله منظر جميل اكيد رد فعله هيبقي خرافي..

والثالثة كانت بتعشق الكمبيوتر وبتموت في التعرف علي الناس

من كل مكان وبتابع اخر اخبار الفنانين وأحدث الألعاب طبعا النت

موفرلها كل حاجة افتكرت اخوها ازاي كان بيقضي وقته علي

الكمبيوتر ياااااااااه ده هيفرح بيا اوي لما يلاقيني غيرت

كل حياتي علي النت وبدات اعمل كل حاجة صح وبمقدار ...

وقت قليل وحاجة افيد...

كان الثلاثة كل همهم انهم يفرحوا اخوهم باي طريقة هما عارفين

ان الكلام سهل ولكن الفعل يحتاج لصبر وعزيمة ولكنها بداية لرسم

فرحة في عين انسان بالنسبة ليهم كل شيء ...

نفذت ام فاروق وبناتها وجارتها خطتهم

مرت الايام والكل منشغل في تهيئة المنزل للمسافر الغائب

فالكل مشتاق لحضور الحبيب ....

اغلبنا وان ما كنش كلنا دايما عنده حد في عيلته غالي عليه

بيستني اليوم اللي يقوله انا جاي ازورك

حتي لو ليوم واحد

بنبقي كدا زي قصة أم فاروق ..ويمكن اكتر

ياه ياجماعة تخيلوا معايا للحظة كدا

ان فاروق ده هو رمضان رمضان الحبيب والعزيز والغائب

بعد غياب 11 شهر جاي علينا خلاص كلها ايام

وربنا ان شاء الله يبلغنا الايام المباركة دي

كام واحد فينا استعد بالشكل ده

كام واحد فينا مستنيه بفارغ الصبر

مين كدا ناوي انه يتغير ويبقي رمضان ده

احسن رمضان في حياته

طيب مين عايز يعمل كل ده

بس مش عارف

او خلينا نقول انه خايف من الكسل

لو أنت واحد من اللي عارفين او اللي مش عارفين

إحنا بنقدملك ايدينا

فاتحينها لان يد الله مع الجماعة

السنة دي رمضان لازم يكون فاروق في حياتنا

فارق يبعدنا عن الذنوب فارق يحطنا علي الطريق الصح

لازم نلبس فيه ثوب الحمد والشكر

لازم نعمل زاد الأعمال المصطفاة

من الآخر نتمسك بسنة الحبيب محمد صلي الله عليه وسلم

عارفين ام فاروق نجحت أنها تعمل اللي عايزة تعمله ليه ؟؟

لأنها نوت وتوكلت علي الله

لانها نظمت نفسها اصلها لو افتكرت نفسها فارس بني همام

ما كنتش هتنجز اي حاجة وحتي لو قدرت كان هيبقي فيه

تقصير في حاجة لانها ماقسمتش نفسها ورتبت خطواتها

وعملت حاجة مهمة جدا جدا في المعادلة نوت ثم نوت ثم نوت وتوكلت علي الله

تعالوا سوا

نفتح صفحة جديدة مع الله

نعمل كتاب جديد لحياتنا

تعالوا نتعلم ازاي إن شاء الله

نقدر نخلي بيتنا وحياتنا في رمضان زي خليه النحل

تعالوا ندوق لذة العبادة

كل اللي عليلكوا

انكم تعقدوا النية من كل قلبكم

وتشتركوا معانا في حملتنا

ياللا نتغير

لان بعد الخطة هيبقي فيه عمل والعمل مكافئته كبيرة وغير

معروفة لان ربنا هو اللي بيجزي بالصيام لانه عمل لوجه خالصا

حط البانر ده ف توقيعك

اوده

وكدا هتبقي رسمي معانا في الحملة إن شاء الله

ها يا أحسن شباب امة في الدنيا كلها

مستنين ايه

اشتركوا حالاً

لمتابعة باقي الدورة
اضغط هنا

Tweet

[الرّام]

اقتباس

بعد غياب 11 شهر جاي علينا خلاص كلها ايام

وربنا ان شاء الله يبلغنا الايام المباركة دي

يااااااااااااااااااااااااااااااااااااااااااااربي

[دعوه للجنـــــة]

مرحبًا رمضـــــــــــــــــــــــــان..



جزيتى أعالى الجنان يا مصرية..

[الفقيرة الى الله]

ورمضان مبارك

[Mr Hamdy Ahmad]

اقتباس

ربنا ان شاء الله يبلغنا الايام المباركة دي

[عاشق الصداقه]

جزاكى الله أختى بنت مصريه كل الخير على الدوره والحمله الجميله

ياللا نتغير ،، وبدايه قوية جداً - ما شاء الله ..

ياللا نتغير أولى فعاليات (ياللا يا شباب فى رمضان) ،، وكونها بهذا الشكل الجميل مبشر لنا جميعاً بنجاح كل اعمالنا فى رمضان

جزكى الله الجنه ،، وعاشق الصداقه من أول المشاركين بالدوره ،، والشريط بتوقيعى

الله أسأل ان يتقبل منا ومنكم ،، وأن يهدينا لعبادته وطاعته على الوجه الذى يرضيه عنا ،، وأن يبلغنا رمضان ويرزقنا فيه العتق من النار

تحيتى وتقديرى لخير شباب عرفتهم فى حياتى

[الجندى المجهول]

الله اكبر مشاء الله عليكى اختى بنت مصريه
ان شاء الله رمضان مبارك على الجميع

[Dr.A7MD]

دورة موفقة أختى الرائعة بنت مصرية

بعون الله تحققى مرادك من الدورة دى

ربنا يبارك فى وقتك ويرزقك سداد الرأى

تحياتى ليكى

تم تعديل هذه المشاركة بواسطة Dr.A7MD: 07 August 2010 - 01:46 PM

[ohabo raby]

جزاكى الله خيرا اختى / بنت مصرية

علي الفكرة المدهشة

ربنا يجعلها في ميزان حسناتك

اسأل الله ان يبلغنا واياكم رمضان

رمضان مبارك عليكم جميعا

تم تعديل هذه المشاركة بواسطة زهرة جهيّنة: 07 August 2010 - 02:11 PM

[ابن تيميــــة]

بسم الله الرحمن الرحيم


جزاكي الله خيرا اختي / بنت مصريه

وبارك الله فيكي علي الطرح الاكثر من رائع لهذا الموضوع

جعل الله ماقدمتي في ميزان حسناتك

ودمتي بحفظ الرحمن

تقبلي مروري

[بنت مصرية]

جزاكم جميعا الخير كله
ومرحبا بكل المشاركين
ان شاء الله نبتدي مع بعض ونتابع دروس الدورة
وربنا يتقبل منا باذن الله
بس بالنسبة لدكتور احمد وعيسي
انتوا مشكزورين علي ردكم واعجابكم بالدورة
لكن ايه انتوا مش معانا ولا ايه
نحسبكم علي خير ولانزكي علي الله احدا
لكن مافيش مانع يمكن تستفادوا حاجة صغيرة !!

[الدرة المصونة]

جزاكي الله خيرا كثيرا يارب




وإن شاء الله معكم أيها الأخوة الأفاضل







ومشاركة في دورة يلا نتغير


وعلا فكرة سبحان الله لأن والدي سيأتي غدا من السفر من أبوظبي ونحن كما قلتي حبيتي على أتم الاستعداد والتجهيز ونفعل ما يريده

تم تعديل هذه المشاركة بواسطة الدرة المصونة: 07 August 2010 - 06:44 PM

[حياتى من اجل ربى]

اكيد من غير ما اقول انتى عارفه ردى يا بنوته

بجد اسلوبك جميييييييييييل ورائع وده مش جديد عليكى انتى طول عمرك متميزه

ربنا يكرمك ويهديك الى كل خير

واشوفك احسن صحفيه واعلاميه
ناجحه تخدم الاسلام والمسلمين يااارب

ياااااااااااااااااااااااااااااااارب يا حبيبى


بجد موهبه متميزه

ربنا يخليكى ليا يا حبيبى

ربنا يوفقنا فى مضان الى كل ما يحبه ويرضاه
ويحقق لنا كل ما تتمنى
ويخرجنا من رمضان مغفورا لنا
وينصر الاسلام والمسلمين
ويرضى عنا يااااااااااااارب

كل احترامى وتقديرى دعائى بالتوفيق لك غاليتى


احبك فى الله

[بسمة الاقصى]

جزاكِ الله خيراً بنوتة مصرية مقدمة جميلة ومشجعة بس للأسف أنا مش معاكوا أنا سوف أقلع عن النت فى

رمضان كفاية التليفزيون هيبقى نت وتليفزيون أنا بشوف إنه رمضان المفروض ما تضيعش منه ثانية فى غير

عبادة

ربنا يكرمكم أجمعين وإلى الأمام دائماً

[ali desoky]

بسم الله ماشاء الله

بارك الله فيك

بنت مصريه

وجعل هذه الدورة في ميزان حسناتك
ان شاء الله
رمضان كريم علينا جميعا
باذن الله

[بنت مصرية]

اهلا بكل المشاركين
جزاكم الله جميعا الف خير
انتظروا بدأ الدروس وشرح للدورة ان شاء الله
وشكرا لك بسمة الاقصي
وجهة نظرك وهي صحيحة ايضا
ولكن كم اتمني ان تشاركينا فنحن هنا ايضا نعبد الله
لانضيع الوقت في شيء اخر
بارك الله فيك ووجهة نظر تحترم

ومرحبا بأي مشاركين آخرين

[عاشق الصداقه]

جزاكى الله كل الخير أختى بنت مصريه مره أخرى على الدوره المميزه
وإهدائى للدوره :

[ايهاب عمر]

جزاكى الله خيرا و اسأل الله سبحانه وتعالى ان يجعلة فى ميزان حسناتك

[Mego]

دورة مباركة بإذن الله أختى

بارك الله فيك على هذا المجهود الرائع وبعتذر عن التأخير لظروف قهرية

وأنا مشارك معكم