7 ردود على هذا الموضوع

[sawsana_almotaim]

Tweet

السلام على شباب المنتدى

******************************
ده موضوع كنت قريته و عجبنى جدا و الصراحة الاسئلة دى كانت ف دماغى من زمان و استغربت لما لقيتها بالصدفة
و حبيت انكم انتم يا شباب يا ولاد ابونا آدم تجاوبوا عليها

مش هطول هدخل ف الاسئلة علطول


1- هل تمنيت في يوم ان تكون بنت ؟؟ ولماذا؟

2- من تكون المراه التي تقف امامها ضعيفا[/color]؟ولماذا؟؟

3-عندما تكون معجب بفتاة[/color] ماهي طريقتك في الوصول لقلبها؟؟

4- ماشعورك اذا تزوجت طليقتك برجل افضل منك.اوعى تعمل زى الكورة دى ؟؟

5- في احد الاماكن العامة رأيت من كانت يوما تسكن القلب .. تمسك بطفله [/color].. كيف تكون ردة فعلك ؟؟

6- كم مرة تنازلت عن مبادئك من اجل امرأه !! ؟

7-أذا وقع نظرك على امراه [/color].. ماهو أول شيء يلفت انتباهك وتنظر اليه ؟؟

8- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟
وهل تنظر لراتبها اذا لم تبدي اي مشاركه وتطالب بذلك؟

9- هجرتك من تحبها[/color].. هل تبادلها الهجر [/color]ام تتودد لها حتى تنعم بوصالها مرة اخرى !!

10- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟

11- هل خضت يوما حربا [/color]من اجل الوصول الى قلب امراه.. وهل ظفرتِ بقلبها !!

12- هل تبوح لزوجتك أو حبيبتك..... باخطائك ..! وهل تتوقع منها ان تغفر لك تلك الاخطاء !! ولا ده ممكن يكون مصيرك ؟ [/color]

13- ماهي الكلمة التي تربكك من المراه !! [/color]

14-هل تتاسف اذا اخطات بحق زوجتك أو أختك او اى امرأة ؟

15- متى ترضى عن زوجتك؟ ومتى تشعر بضعفها؟



الاسئلة خلصت و معلش لو كانت طويلة شوية بس بأرجو منكم تجاوبوا بصراحة و من غير حب الظهور بشكل مثالى

مستنية اجابتكم
[/color]

Tweet

[sawsana_almotaim]

الله عليكم

عدد المشاهدات 11 و مفيش رد واحد يوحد ربنا جوه الموضوع

الله على التشجيع

[حنان القلب]

اصلي الاسئله للشباب مش للبنات

عشان تعرفي قيمة البنات في المنتدى

وعموما احنا كمان منتظرين نشوف الردود

ونقووووول:-

ابعت ياللي بتبعت

[تقوى القلوب]

هههههههههههههههههه

شوفتى لو كتبتيه للبنات
كنتى لقيتى ردود زى الرز جوة الموضوع دلوقتى

[أحمد سيف]

1- طبعا عمري ما اتمنيت اني اكون بنت هو انا فاضي كنس وغلس وطبخ وشيل الواد وحط الواد ربنا يعينكم يا اخواتي
2- اكيد المرأه بعد ما تموت ببقى ضعيف فقط لأخذ العبره والعظه لكن طول ما هي حيه بال.....
3- لما اكون معجب بنت ابعت السكرتيره الخاص بيه وطبعا هتيجي لحد عندي وتقولي شبيك لبيك انا تحت امرك وبين ايديك
4- بصراحه هروع اعمل عمره وادعيله ربنا يكون في عونه ( بس طبعا مش هعمل كده مع ال 239 واحد اللي هتتجوزهم بعدي)
5- اروح نحيتها واسلم على الطفله واديها مصاصه واقولها خلي بالك من ماما لتوه
6- دائما هو مين اللي نحافظ على مبادئه من اجل حواء
7- اول ما يلفت انتباهي ايه المخلوقات الغريبه اللي ماشيه في الشارع دي
8- لو زوجتي موظفه وراتبها عالي يبقى اصرف على البيت ليه مش كفايه بصرف على صحابي امال انا اتجوزتها ليه اصلا
9- الحمد لله جات منها سكت اللي يروح
10- انا طبعا ما اتمناش كده لأنها هتكون لعبه في ايدي مش خاتم في صباعي وبس
11- بصراحة ما خضتش حروب ده بإشارة من صباعي اجد العشرات منهن يتوددن لي
12- الرجل لا يخطئ ابد فهو كالملاك اما حواء فهو ده مصيرها لو اخطأت
13- الكلمه التي تربكني من المرأه هتتأخر النهارده ( طب وانتي مالك اجي براحتي )
14- اتأسف لمين ده انا....................
15- ارضى عن زوجتي عندما تموت واشعر بضعفها طول ما هي موجوده قدامي


انا عارف اني بعد الردود دي حتحصل حملة مقاطعه لأحمد سيف من عضوات المنتدى فقلت الحق نفسي


1- لو اتمنيت اني اكون بنت فده عشان اكون ام بس لأن الرسول اوصى بالام ثلاثا لكن برضه الجال قوامون على النساء بما فضل الله بعضم على بعض فالحمد لله اني رجل
2- امي هي المرأة التي اقف امامها ضعيفا لماذا أنها امي
3- اتقرب اليها وادعو الله ان يجعلها من نصيبي واكون لطيفا معها
4- هاراجع نفسي واشوف ايه الغلط اللي ارتكبته في حقها واتمنى من الله لو اكرمني بزوجه اخرى صالحه اني لا اظلمها ابدا
5- ادعو لها بالسعاده مع زوجها واتمنى من الله ان يرزقني خيرا منها
6- بصراحه في مثل كنا بنقوله وقفة الست بمية راجل واذا جات الست ( محدش يزعل ) يغور الراجل بس في مبادئ لا يمكن التنازل عنها لأيا كان
7- جمالها
8- انا المسئول بالانفاق على جميع متطلبات الأسره لكن ان كانت تريد ان تساهم في الانفاق فهذا شأنها وان أرادت ان تحتفظ بالمال فهذا مالها
9- اتودد اليها اولا فإن اصرت فهي وشأنها
10- انا اتمنى ان اكون لزوجتي مثل البوصله كلما ضلت الطريق ارشدتها وأن تكون هي لي مثل الأم كلما احتجت اليها وجدتها
11- نعم ونعم
12- طبعا ابوح ليها بأخطائي وان شاءت غفرت وان شاءت يبقى عالمستشفى
13- احبك ( ممكن برضه قبضت ولا لسه)
14- واتأسف ايضا اذا لم اخطئ
15- ارضى عنها طول العمر واضعف امامها اذا اخطأت في حقها



واي خدمة

[حنان القلب]

ما كان من الاول

صنف يخاف ميختشيش

اهو البركه حلت يا مسهل يا رب

ولا تزعلي نفسك يا سوسنا

[MOSTAFA_SHA3RAWY]

1 عمري متمنيش اني اكون اي حاجه بنت او حتي ولد تاني لاني راضي بنفسي وكفايه ان ربنا هو اللي خلقني
2 مفيش بس احياناا امي وليه دا لانها امي بس بقول احيانا
3 عندما اعجب بفتاه ولا عندما احب فتاه في فرق لو معجب هروح اقولها معجب لو بحبها هعمل المستحيل علشان تكون ليا والحمد لله انا بحاول احقق ده بعد موصلت لجزء كبير منه
4 لو طليقتي اتجوزت افضل مني او اقل مني لن ابالي لاني طلقتها يعني مبقتش تهمني في اي شيئ
5 لو رأيت من كانت يوما تسكن القلب تمسك طفلها وربنا ممكن اموت فيها
6 بصراحه مش عارف لاني مش عارف بس انا اعترف ان ده حصل بس بعدها اقسمت انه لن يحدث ابدا مهما كانت الظروف والتضحيات
7 عمري مبصيت لواحده هتقولوا كداب هقول والله دي حقيقه ولو بصيت بتبقي نظرات عابره يعني ببص مثلا ع الشارع ككل وفيه واحد مثلا عيني عدت عليها مش برجع ابحلق بقي وكده ................
8 والله المشاركة اساس الحياة بس انا عمري مهطلب منها مساعده الا لما اكون محتاج وليه لاء مطلبش ليه دي مراتي يعني انا وهي المفروض اننا شخص واحد مش كده ولا اييييييييييييييييييه
9 هجرتني هعيط وابكي واموت نفسي ............. ليه يعني علشان حبيتها ربنا هيرزقني باحسن منها مليون مره ويعالم كل واحد نصيبه فين
10 نعم انا منهم وبحب التحكم علي فكره لاني غيور جدااااااااااااااااااااااااااااااااااااااااااااااااااااااا
11 نعم / نعم
12 بعترفلها باي خطئ مهما كان والله مهما كان والحمد لله بتعاقبني عقاب بسيط وانا اللي بطلب منها انها تعاقبني علشان لو سامحتني اكيد هعمل كده تاني والحمد لله لانها بتحبني اوي
13 كلمة احبك تربك اي انسان علي وجهه الارض
14 نعم اتاسف لاي انسان اخطئت في حقه مهما كان رجل او امراة واحزن جدا اذا اخطئ بيا احدا ولم ياتي ليتاسف
15 ارضي عنها طول العمر لانها تحبني واحس بضعفها عندما تقول ليا بحبك

وشكرا ع الموضوع الرائع ده بجد اتشديت ليه جدااااااااااااااا

[*بنت مصر*]

شكرااااااااااااااااااااااا ياختى علي الموضوع الجميل
والاسئلة كانت شغلانى جدا
وشكرا جزيلا للشباب اللى اجابوا ع الاسئلة
ومحتاجين اجابات اخري من كل الشباب