15 ردود على هذا الموضوع

[تقوى القلوب]

Tweet

اختى السفروته اسراء اللى فى 6 ابتدائى مجننانى

عملت فيا فصل مش هنساهولها طول عمرى


انا معروفه بحبى لرسوماتى جداَ لدرجه الجنون


متعرفوش هى غاليه عندى ازاى

لما كنت اشترك فى مسابقه رسم

امسكهم وابصلهم


بعدين ميهونوش عليا


ارجع فى كلامى تانى


او انقى اوحش رسمه اللى مش عايزاها واديهالهم


ومره كان عندى رسمه جميله اوى


غزال صغير نايم وسط الخضره ومفتح عنيه


معلقاها فى اوضتى انا واسراء

الابله اسراء اختى بتخاف منه اوى

مش تقولى شيليه لا فقعتلى عنيه وشخبطت عليه بالالوان


انا اتجننت اقول لبابا لازم افقع عينيها زى ما فقعتلى عنيه

تقولى والله يا ابله كان بيبرقلى باليل وانتى نايمه

وانا مصممه افقعهالها



لو فقعتلى عين رسمه كمان هفقع عنيها

Tweet

تم تعديل هذه المشاركة بواسطة تقوى القلوب: 25 December 2008 - 08:10 AM

[Shetos]

اقتباس

وانا مصممه افقعهالها
لو فقعتلى عين رسمه كمان هفقع عنيها

ليه الشر ده بس؟؟؟؟؟؟

طيب يمكن الغزالة كانت مبررقة فعلاً..

متظلميش إسراء..

[NADA]

اقتباس

الابله اسراء اختى بتخاف منه اوى

مش تقولى شيليه لا فقعتلى عنيه وشخبطت عليه بالالوان

والله ده أقل واجب

وأكيد لو أنا مكان إسراء كنت هفرتك ليكى الرسمه

لانى بخاف مووووووووووووت

وعمرى ما كنت هفقع عنيه

لانى كده كنت هخاف أكتر وهخاف يجيلى ف الحلم

ويخلص تااااااااره

حبيبة قلبى إسراء**خوافة زيىىىىىىىىى

[تقوى القلوب]

اقتباس

طيب يمكن الغزالة كانت مبررقة فعلاً..

متظلميش إسراء..

والله ابدا دى كانت عنيها جميله بنى فاتح

اقتباس

حبيبة قلبى إسراء**خوافة زيىىىىىىىىى

هى فعلا جبانه اوى

وعشان اتلاشى انها تطلعلى فى حكايه الخوف دى
اقنعتها انها شجاعه وانى انا اللى جبانه
لانى بالفعل بخاف من الضلمه
فبقت متحبش تبين خوفها عشان تفضل شجاعه

[بنت مصر]

هههههههههههههههههههههههه
والله انتى زى العسل
يا تقوى الطيب احسن

[رجل من الصحراء]

تفقعلي عين وافقعلك عين ونعيش عور احنا الاتنين

[مصطفى بهجت]

هههههههه

على رأي صديقنا شيتوس .. ليه الشر ده كله يا تقوى القلوب ؟؟

ربنا يخليكو لبعض ..

حاولي تحسسي أختي الجميلة اسراااء إن الرسومات دي عندك حاجة مهمة قوي ..

ومرة ف مرة حتهتم بالحفاظ عليها وممكن أكثر منك كماااااااان ..

اتنين اخوات زييكم كده ..

واحد فيهم قال التاني ..

حفقعلك عين و أخلي التانية تتحسر عليها ..

إيه رأيك بقى ؟؟

اجعلي قلمك وفرشاة الألوان تجري على الأوراق ..

وترسم كل ما في نفسها ..

تقبلي مروري .. وتحياتي ..

[eng_alaa]

اقتباس

غزال صغير نايم وسط الخضره ومفتح عنيه

طيب إنتي بتقولي غزال نايم إزاي مفتح عنيه أكيد كان بيبرقلها فعلاً وإنتي مش واخده بالك
عموماً الغزال الجاي ارسميه بنضاره عشان تتلاشي المشكله دي ..
حاولي تفهميها قيمة الرسومات دي وتخليها تكون جنبك طول وقت الرسم وتحضر رسم صورة بالكامل
هي هتفرح بكده وهتساعدك بكل فرحه كمان .. لكن الهدف الاساسي هيكون إنها تعرف التعب اللى إنتي بتتعبيه في الرسمه دي .. ويا سلام لو تخليها تكتب اسمها تحت الرسمه مثلاً كأنها هي اللي رسمتها ..
واحده واحده هتلاقيها بتخاف علي الصور دي جداً جداً ...
وأهم شيئ إن الكلام معاها يكون فيه اقناع ليها يعني بالهداوه .. لأن السن ده بيكون بداية العند شويه ..
والإقناع ليه أفضل بكتييير ...
وبعد ماتحب الرسومات حاولي تعلميها الرسم كمان .....
جربي كلامي وأوصفيلي النتيجة يا تقوي وأنا واثق أنها بالطريقه دي هتحب الرسم جداً وممكن كل شويه تقوللك تعالي نرسم كمان ...

تم تعديل هذه المشاركة بواسطة eng_alaa: 23 January 2009 - 11:01 PM

[تقوى القلوب]

اقتباس

هههههههههههههههههههههههه
والله انتى زى العسل
يا تقوى الطيب احسن

بنت مصر شكرا لمرورك يا حبيبتى
انتى اللى عسل

اقتباس

تفقعلي عين وافقعلك عين ونعيش عور احنا الاتنين

ههههههههه

شكرا لمرورك رجل من الصحراء

اقتباس

اجعلي قلمك وفرشاة الألوان تجري على الأوراق ..

وترسم كل ما في نفسها ..

كلامك جميل جدا يا مصطفى

شكراً على التعبير الرائع ده

اقتباس

حاولي تفهميها قيمة الرسومات دي وتخليها تكون جنبك طول وقت الرسم وتحضر رسم صورة بالكامل
هي هتفرح بكده وهتساعدك بكل فرحه كمان .. لكن الهدف الاساسي هيكون إنها تعرف التعب اللى إنتي بتتعبيه في الرسمه دي .. ويا سلام لو تخليها تكتب اسمها تحت الرسمه مثلاً كأنها هي اللي رسمتها ..

حاولت

اقتباس

وبعد ماتحب الرسومات حاولي تعلميها الرسم كمان .....
جربي كلامي وأوصفيلي النتيجة يا تقوي وأنا واثق أنها بالطريقه دي هتحب الرسم جداً وممكن كل شويه تقوللك تعالي نرسم كمان ...

محبتش الرسم

لما حاولت معاها قالتلى الكراتيه احسن من الرسم تعالى ادربك انا احسن
واهى هى اللى نجحت فى تدريبى وانا فشلت فى تعليمها الرسم

وحاليا كل ما اغلط هريانى تمرينات ضغط

شكرا لنصيحتك يا بشمهندس علاء


جزاكم الله كل خير على مروركم وردودكم

[El-Saher Fantasy]

اقتباس

لما حاولت معاها قالتلى الكراتيه احسن من الرسم تعالى ادربك انا احسن
واهى هى اللى نجحت فى تدريبى وانا فشلت فى تعليمها الرسم

وحاليا كل ما اغلط هريانى تمرينات ضغط
الموضوع كله كوم والكلمتين دول كوم
للدرجة دي احنا ضعاف أمام الأطفال؟
مش هاقولك أكتر من ربنا يصبرك عليها
وبعدين على فكرة انتي أكيد رسمتي حاجات كتير احلى من الغزال ده
وبعدين فداها
هي ولا الغزال؟
ربنا يخليكم لبعض وسلميلي عليها

[تقوى القلوب]

اقتباس

للدرجة دي احنا ضعاف أمام الأطفال؟
مش هاقولك أكتر من ربنا يصبرك عليها
وبعدين على فكرة انتي أكيد رسمتي حاجات كتير احلى من الغزال ده
وبعدين فداها
هي ولا الغزال؟
ربنا يخليكم لبعض وسلميلي عليها

ههههههههههههه

الله يسلمك

هى دلوقتى كبرت عن الاول وبدل ما انا اقنعها بالرسم اقنعتنى هى بالكاراتيه


شكرا لمرورك

[مؤمنه بالرحمن]

داها ياشيخه ارسمى غيرها ربنا يخليهلك يارب

[المشتاق للجنة]

ربنا يهد يها العيال كلهم كده ربنا يصبر الكبار على الصغار بس انتي لازم تحسسيها انك بتحبيها وتعطفي عليها علشان تحبك هي كمان الصغيرين عاوزين خبره في التعامل مش بالساهل تقنعيها لازم تكوني حنونة عليها

[تقوى القلوب]

شكرا لنصائحكم الغالية


جزاكم الله كل خير

[الرّام]

يا ربي يخليكم لبعضكم و ما يحرمكمش من بعضكم و لا يبعدكم على بعضكم

ربي يحنن قلوبكم على بعضكم يااااااااااااااااااااا ربي

احلى حاجة في الدنيا ان الواحد يكون عنده اخت


(على فكرة احمدي ربك انك عندك اسراء واحدة ... امّاله لو كان عندك ندى ونادية .. شنوة كنتي تعملي .. اكيد كنتي خرجتي من عقلك )

[تقوى القلوب]

اقتباس

ربي يحنن قلوبكم على بعضكم يااااااااااااااااااااا ربي

اللهم آمين

اقتباس

احلى حاجة في الدنيا ان الواحد يكون عنده اخت


(على فكرة احمدي ربك انك عندك اسراء واحدة ... امّاله لو كان عندك ندى ونادية .. شنوة كنتي تعملي .. اكيد كنتي خرجتي من عقلك )

هههههههههه


عندى حسناء واسراء وشيماء اخواتى

شكرا لمرورك الرام