مطلوب عريس فوراااااااااااااااااااا

[بنت مصر 3]

بسم الله الرحمن الرحيم

 

 

 

الموضوع دة شغلنى وقلت اطرح السؤال عليكم

 

 

 

 

دة موضوع مش عارفة

حسيت انه مهم

 

كلنا بندخل نت

 

وبنشترك فى منتديات ومواقع كتير

 

بس ايه نوع المواقع

 

كل واحد ميولة مختلفة

 

عن التانى

 

المهم علشان مطولش عليكم

 

علشان انا عارفة انه وقتكم

 

ثمين ومش عاوزة اضايقكم

 

بكلامى

 

المهم

 

في مواقع منتشرة

 

على النت

للزواج

 

 

بس هل ياترى

مين الى بيفكر يدخل المواقع دى ؟

ويعمل عليها اشتراك

 

وياترى هو او هى

 

لما بيعملوا اشتراك

بيكون بقصد ايه الزواج ؟ولا علشان التعارف بس ؟

 

ولو علشان الزواج ؟

 

 

 

 

ايه رائيكم في الزواج عن طريق النت ؟؟؟؟؟

 

وهل ياترى

 

بيكون فاشل ؟؟؟؟؟؟؟؟؟؟؟

 

ولا بيكون زواج ناجح ؟؟؟؟؟؟؟؟؟؟؟؟

 

وهل ياترى

 

لو انت لقيت البنت المناسبة ليك من المواقع دى

 

 

هتتقدم ليه وتخطبها ؟وتتزوجها ؟

 

ولا هتقول دى بتقععد على النت وبنت مش كويسة ؟

 

 

 

والسؤال بردة للبنات

 

هل ياترى

 

 

لو لقيتى الشاب المناسب من الموقع الزواج

 

هترتبطى بيه ؟ولا هتقولى لاء دة اكيد بيدخل نت

وبيشتغل البنات ؟

 

 

ايه رائيكم

 

ارجوا الصراحة في الاجابة

ملحوظة

دة مش منقول

 

 

[عاشق الصداقه 525]

بحييكى على الموضوع

وعوده جميله بجد .. كنا مفتقدينك أختى / بنت مصر

 

موضوع جميل وحيوى - وفعلاً مواقع الزواج كتيره ، ومنكرش كمان إنها ناجحة ونسبة الزوار عليها كتير

بس زى ما وضحتى .. انا شايف إن أغلبهم بيدخلوا للتعارف ، أو حتى التسالى

 

بس حضرتك سألتى كام سؤال مهمين وانا حابب أجاوب عليهم (من وجهة نظرى المتواضعة)

ايه رائيكم في الزواج عن طريق النت ؟؟؟؟؟

وهل ياترى

بيكون فاشل ؟؟؟؟؟؟؟؟؟؟؟

ولا بيكون زواج ناجح ؟؟؟؟؟؟؟؟؟؟؟؟

 

الزواج عن طريق الإنترنت فيه أكتر من نقطة .. منقدرش نحكم على نجاحة أو فشلة لمجرد مسمى (الزواج عن طريق الانترنت)

لأن معرفة الإنترنت وحدها أكيد لا تكفى لثقة كبيره بين الطرفين وفهم لشخصيات بعض و .......

علشان كده ممكن يكون الإنترنت باب أو طريق لمراقبة الشخصية وانتقاء الشخص المناسب للزواج (ده ممكن) ومن بعدة بالتعارف والمقابلة والمواقف ومعرفة الأهل و ...... (خطوات الجواز الطبيعية لطلاب جامعيين مثلاً)

لكن برضه لازم ألفت الإنتباه إن الموضوع مش بالسهولة دى .. لأن 90% من شباب الإنترنت (إشتغالات) وصعب جداً معرفة الكويس من الوحش بالنسبة للطرفين ولازم الأهل يكونوا على علم تام لضمان عدم الوقوع فى غلط أو (إشتغالة) فى البداية

 

أما مسألة زواج ناجح أو فاشل دى .. فملهاش دعوة بالإنترنت بقى - هتبقى زيها زى زواج طلاب كانوا فى الجماعة مع بعض

لأن زى ما وضحت الانترنت ينفع باب للتعارف وتقرير الشخص بس .. لكن لابد من معرفته معرفة كويسه وقريبة ومعرفة الأهل والزواج أو المعاشرة تاخد مجراها الطبيعى ..

 

أما لو حضرتك بتتكلمى عن الزواج مباشرةً من الإنترنت .. فأرجح إنه فاشل بنسبة 99.9%

 

 

بالنسبة للسؤال التانى :

وهل ياترى

لو انت لقيت البنت المناسبة ليك من المواقع دى

هتتقدم ليه وتخطبها ؟وتتزوجها ؟

ولا هتقول دى بتقععد على النت وبنت مش كويسة ؟

طبعاً .. وعن نفسى مظنش هعمل خطوة زى دى أو هفكر حتى أدخل موقع من دول أعرف (مكتوب فى البروفايل بتاعها) مواصفات تناسبنى وأتجوزها .. ده مستحيل

بس مش علشان هقول انها بتقعد على النت ومش كويسة ، وأنا ضد كلمة إن اللى بتقعد على النت مش كويسة

ووضحت ده بإستفاضة فى موضوعى : نعم لمشاركة الفتاة فى المنتديات .. ولكن

 

لكن أنا مش هاخد خطوة زى دى لأنى زى ما وضحت .. مش هرتبط بحد معرفش عنه أى حاجه غير كلام مكتوب عنه والله أعلم بصحته كمان

 

لكن لو الفتاة محترمة - فيها الصفات اللى انا محتاجها فى زوجة المستقبل ان شاء الله - وعرفت أهلها وكل حاجه عنها (على أرض الواقع) ليه لأ !! - ممكن تمشى خطوات الزواج عادى جداً ..

 

أنا قلت رأيى بكل صدق فى كل نقاط الموضوع - بس ليه الدوشه دى كلها أصلاً .. الدنيا مليانة .. بس اللى مليونير بقى يتجوز

 

انا عارف إن فيه آراء كتير هتناقض رأيى فى الموضوع - وده مطلوب - لأن الموضوع شائك جداً ووجهات النظر فيه بتختلف

بس دى فعلاً مجرد (وجهة نظرى) ومنتظرين نشوف وجهات نظر مفكرينا ومبدعى المنتدى .. خلونا نتعلم منكم

ومفيش مانع من النقاش فى القضية دى والموضوع ده رغم إنه شائك (لكن لازم يكون الكلام فى حدود)

تحيتى لكى - وبارك الله فيكى على موضوعك (اللى مش منقول) - جزاكى الله كل الخير للمشاركة الفعالة

[رجل من الصحراء 36]

والله فكرة الموضوع جديدة برده

احييكي اختي بنت من مصر

وبصراحة انا لا اهوى هذا النوع من المواقع

تقبلي مروري

وتحياتي وتقديري

[ABOTASNEEM 116]

انا غير مقتنع تماما بالصداقة عبر الانترنت

 

فاكيد طبع مش هكون مقتنع بالزواج

 

لانى بصراحة لا اؤمن الا بالعلاقات التى تكون

 

وجها لوجه

 

والتى من خلالها استطيع فعلا ان احكم على الشخص الذى امامى

 

وده طبعا رايى الشخصى

[حياتى من اجل ربى 22]

انا كل يوم بيزداد حبى للمنتدى ده اكتر

انتو بصراحه شباااب تجنن

يااااااااااااااااااااااااااااااارب الشباب العربى كلو يبقى زيكو انت متميزيييييييين فعلا

تختلفون عن الاخرين

اما بالنسبه لرائ

فانا ارفض ذلك الموضوع تماما بدون تفصيل

اذا كان الراجل بيبقى قدامك وبتتخدعى فيه مابالك على الانترنت

كماان هذا منافى لما امر به حبيبى صلى الله عليه وسلم

فيجب ان نراقب الله فى كل افعالنا

جزاك الله خيرا روح قلبى

موضوعك رائع اسال الله لنا جميعا الخير والصلاح وان يرضى عنا

ويرزقنا جمييييعا الازواج الصالحين من عندو هو بقى من غير ولا نت ولا بتاع

[تقوى القلوب 12]

هو ممكن يبقى فى صداقه عبر الانترنت

 

بس طبعا مبتستمرش بالطريقه دى بتخرج عن النطاق ده غالبا

 

اما عن الزواج عن طريق مواقع الانترنت والاشتراكات دى فهو غالبا امر مش جد بياخدوه تسالى مع ان غرضه ممكن يكون التقليل من نسبه العنوسه عند الشباب او البنات

 

وانا هحكيلك مموقف حصل معايا

 

اول ما دخلت نت خالص من كام سنه كدا

كنت فاتحه منتدى لقيت فيه اعلان موقع دخلته واشتركت فيه طلع موقع زواج عبر الانترنت وانا مكنتش اعرف ان فى مواقع للزواج عبر الانترنت

 

لقيت حد داخل علا وبيتكلم زى ما يكون بيحقق معايا

 

فى الاول بغبائى فكرت حد من صحباتى عامله فيا مقلب لحد ما شديت معاه فى الكلام على اساس برضو انه واحده صاحبتى قالى انتى مش مشتركه فى موقع كذا قفلت طبعا بسرعه وغيرت الايميل كله

 

بس اللى كان واضح انه حد بيهزر تسالى يعنى

 

جزاكى الله كل خير

[بنت مصر 3]

طبعا انا بشكركم جميعا على الردود

 

الجميلة دى

واعزرونى انى مكنتش بدخل المنتدى

لانى كنت زعلانة جدا

لان لاحظت انى موضوعاتى

محدش بيرد عليها الى قليل جداااااااااااااا

وطبعا دة بيخلينى اضايق جداااااااااااااااااا

بس لما شف ردودكم الجميلة حسيت انى فرحت

ميرسى لكل الى رد على الموضوع

ميرسى ليك عاشق الصداقة

وميرسى ليكى تقوى

وميرسى ليكى حياتى من اجل ربى الى ديما بتنورى موضوعاتى

 

وميرسى ليك ابو تسنيم

 

وليك اخى رجل الصحراء

[بنت مصرية 65]

مافيش كلام يتقال بعد عمالة لامنتدي

اتفق مع عاشق الصداقة وحياتي من اجل ربي وابو تسنيم ورجل من الصحراء

ومين قال يابنت وطني بس

ان محدش بيرد علي مواضيعك

 

علي فكرة فيه ناس في الفريق الاداري للمنتدي

انا علي سبيل المثال وعاشق الصداقة اللي هو ادمن المنتدي

وفيه مواضيع لينا عدد الردود صفر ومش قليل

ومازعلناش لانه بيكون عادي وكمان لان المنتدي بيتنا وماحدش بيسيب بيته ياعزيزتي

وكمان افرحي لان عدد المشاهدات بتكون كتير جدا اختي حسنات كتير علشان اللي قروا مواضيعك

ومرحبا بعودتك يابنت الوطن

تقبلي مروري

[بنت مصر 3]

ميرسى ليكى اختى بنت مصرية

بجد كلامك ديما بيسعدنى

نورتى

[SMAA 0]

اولا السلام عليكم

دى اول مشاركة ليا فى المنتدى بجد دى منتدى جميل جدا وربنا يوفقوا كلكوا جميع المساهمين فى وموضوعك بجد مهم لانه بقى منتشر قوى فى ظل ظروف مجتمعنا اللى احنا عايشينه

بس اقول بردوه انى فى ناس عايشة حياتها كلها على النت بس النت ده اكبر وهم واذا كان فى فعلا زواج من على النت وانا اعرف ناس متجوزين حاليا من على النت ده بس لو فى صدق من البداية وربنا يوفقنا جميعا

وطبعا لازم كل واحد يشارك برأيه عشان نعرف الافكار

ولتانى مرة انا سعيدة بالمنتدى ده جدا جدا وربنا يوفق الجميع

والسلام عليكم ورحمة الله وبركاته