شرح Selteco Bannershop GIF Animator - الدرس الأول لصناعة الصور والتوقيعات

[Dr.A7MD 130]

 

 

تكملة لما بدأناه فى

 

دورة " التألق والإبداع فى عالم المنتديات "

 

لمتابعة الدورة كاملة من الموضوع الأصلى للدورة هنا

 

نبدأ الدروس

 

 

الدرس الأول

 

Selteco Bannershop GIF Animator

 

 

 

برنامج خفيف جداً وسهل التعامل وله امكانيات كثيرة فى عمل البنرات والصور الساكنة والمتحركة والتى ممكن استخدام تطبيقاته فى عمل اعلانات او تواقيع

 

تخرج تطبيقات البرنامج على هيئة صور GIF

 

ممكن صيغة الصور لما تخرج بالشكل ده فى بعض التطبيقات تبقى الصور المضافة للتصميم مش بتاخد النقاء الكامل وده أغلب الحال مع صور الـــ Gif المتحركة أو الساكنة

 

بس بعد كدا البرنامج لا غنى عنه .... لأنه يحتوى على امكانيات جميلة جداً

 

 

بالنسبة لتسطيب البرنامج فهو مش محتاج شرح ... التسطيب سهل جداً كأى برنامج وبعد انتهاء التسطيب بلاش تفتح البرنامج علطول وأنسخ الكراك المرفق مع البرنامج للمسار اللى سطبت فيه البرنامج

 

بعد كدا يبدأ التعامل مع البرنامج على حسب اللى هنشوفه فى الشرح

 

 

نيجى دلوقتى للتحميل

 

البرنامج مساحته بس 3 ميجا بالكراك .... مرفق مع البرنامج فيديو شرح أساسيات استخدامه وإخراج صورة متحركة على شكل بانر أو توقيع فى ملف حوالى مساحته 11 ميجا

 

تم رفع البرامج على أكثر من سيرفر

 

للدخول لصفحة التحميل

 

 

 

=====================================

 

رابط آخر مقدم من أخى الحبيب eng_alaa على موقع 4shared

 

 

 

 

هنشوف ايه فى الفيديو

 

 

1- فتح البرنامج بعد تسطيبه ووضح الكراك له

 

2- فتح مشروع جديد أو عمل جديد بالأبعاد اللى أنت عاوزها

 

3- البرنامج لا يدعم الكتابة باللغة العربية تلقائيأ .. فهنشوف استعمال برنامج GI-Arabic Now عشان نكتب العبارة بتاعتنا بالعربى بالخط اللى موجود فى البرنامج بتاع اللغة ده ... وبعدين نروح للبرنامج بتاعنا ونختار أداة الكتابة ونختار نفس الخط اللى اخترناه فى برنامج اللغة العربية ده عشان الكلمة تظهر عربية وميحصلش أى مشاكل

 

( بالنسبة لبرنامج الكتابة باللغة العربية ده فاللى عاوز يحمله اللينك بتاعه أهو من تحت )

 

 

4- طبعا هنشوف ازاى بنكبر الكلمة ونحركها بالماوس بكل بساطة ويسر

 

5- بعد كدا هنشوف ازاى نستورد صورة من على الجهاز وننسخها فى الشغل بتاعنا ونتحكم برده فى أبعادها بالماوس

 

6- هنشوف إزاى نعمل مثال حركى للكلمة اللى كتبناها من شوية .... الحتة دى بسيطة اوى بس عاوزة تركيز

 

7- بعد لما خلصنا بنشوف preview للعمل بتاعنا قبل ما ننتهى منه

 

8- طريقة إخراج العمل فى صيغة GIF والتحكم فى إذا كنا عاوزين الصورة شفافة أو لا

 

دلوقتى هنشوف التطبيق اللى هيطلع بعد الشرح ده كله

 

 

 

فى ناس هتقول طيب لسه مش بتشرح كل صغيرة وكبيرة فى البرنامج

 

أولا أنا أؤمن بعبارة علمنى أصطاد وبعدين سبنى

 

أحنا بنشرح أساسيات التعامل مع البرنامج ..... الحاجات الأساسية فيه .... بعد كدا الإبداع ينتج عن طريق التجربة والتكرار والتفكير

 

يعنى مثلا تختار أبعاد العمل بتاعك زى منت عاوز ....... تكتب اكتر من كلمة ...... تضيف أكتر من صورة .... تعمل تحريك لأكتر من حاجة ....... المهم أنك تجرب الأول وبعدين لو غلبت احنا موجودين بعون الله

 

ثانى سبب أنى مقدرش أشرح كل صغيرة وكبيرة ... عشان هياخد وقت كبير جداً فى الفيديو .. ومساحة الفيديو ممكن توصل مثلا لخمسين ميجا ..... وتلاقى الناس فى الاخر مكسلة تحمل البرنامج وتجرب

 

أما لو شرحنا بالصور فشرح الصور لكل صغيرة وكبيرة للبرنامج ده وحده بس هياخد نص يوم

 

فاللى هيحصل بعون الله كالآتى ...... الناس اللى هتشرفنا وتتابع معانا الدورة .. هتاخد شرح الأساسيات وتشوفه وتحاول تطبق منه

 

هتكتشف الناس دى حاجات وامكانيات تانيه فى البرنامج ...... أى حاجة غامضة تيجى هنا وتقول " احنا مثلا عاوزين شرح للحته دى " ... أو الحتة الفلانية دى مش مفهومة

 

بحيث أننا ممكن نشرح البرنامج كله كله على جزئيات ومن خلال تفاعل الأعضاء معانا ومتابعتهم

 

ده هيكون النظام اللى هنمشى بيه فى كل الدورة بعون الله

 

معلش طولت عليكم ..... بس دى أهم الحاجات اللى كان لازم نوضحها من الأول عشان نعرف احنا هنعمل ايه بالظبط

 

الدرس التانى بعون الله هيكون برده بخصوص برنامج جميل جدا فى اضافة الصور لبعضها وعمل ماسكات وادراج شفافية للصور وما إلى ذلك

 

فى انتظار تعليقاتكم وردودكم واستفساراتكم

 

تحياتى للجميع

 

" رجاء من الأخوة متابعى الدورة "

 

يتم طرح الردود العادية والعامة والمختصة بنظام الدورة والإقتراحات والطلبات بشرح برامج

يطلبها الأعضاء فى الموضوع الرئيسى للدورة ..... وأى استفسار أو طلب خاص بدرس معين يوضع فى الموضوع المتعلق بذلك الدرس

 

تم تعديل June 23, 2010 بواسطه Dr.A7md

[عاشق الصداقه 525]

جزاك الله كل الخير حبيبى

أكثر من رائع

[eng_alaa 114]

برنامج جميل جداً وهيساعدني قوي ...

 

جزاك الله خيراً وجعله في ميزان حسناتك ...

 

[Dr.A7MD 130]

عاشق الصداقه ...... بشمهندس علاء

 

منورين الموضوع .... ربنا يبارك فيكم

 

=====================

 

== تحديث وتنشيط ==

 

* تم بحمد الله تحديث وإحياء الروابط ورفع الدرس على أكثر من سيرفر

 

* تنشيط الموضوع

[be good 2]

السلام عليكم

شكرا جزيلا ....جزاكم الله خيرا

 

واسمحوا لى ان اشارك معكم بوضع رابط اخر لتحميل برنامج Sbsga كاملا بالسيريال ويدعم العربية

 

للتحميل

 

http://upload.traidnt.net/dldiTt56171.zip.html

 

سيريال البرنامج

 

الخانة الاولي

 

 

617916

 

 

الثانية

 

100186200

 

 

وشرح استخدام البرنامج باللغة العربية من شرحى الخاص بمنتداى واقدمه اليكم

 

 

شرح طريقة الكتابة بالعربية عن طريق البرنامج

 

لكى تستطيع ان تكتب بالعربية اضغط اولا على حرف A

ثم اكتب فى المستطيل الذى يظهر ما تريد ولا تقلق اذا كانت اللغة غير مفهومة ثم اضغط على font

فيفتح نافذة من اسفل script

اختار arabic

وتختار مثلا خط arial

وok

فتجد ما كتبته تحول الى العربية

وهذا بنر بسيط من اعدادى باستخدام البرنامج

و

تم تعديل June 23, 2010 بواسطه be good