بنت مصرية 65 قام بنشر August 10, 2010 ياللا نتغير كلمة التغيير كلمة مش جديدة علينا كلنا سمعنها قبل كدا ويمكن كمان عارفين صور منها لكن هل حد فينا فعلا فكر في معناها ؟؟ وما اقصدش بمعناها معناه في اللغة لان من الناحية دي فهي معنها الحالة التي تطرأ علي الشيء وتجعله مختلفا في عدة نواحي وعادة ما يكون هذا الاختلاف ظاهر للعين المجردة أنا وأنت وغيرنا عارفين ناس أو سمعنا عنهم اللي هما مش بيحبوا التغيير او غيرهم اللي مش بيتقبلوا التغيير او بيقتنعوا بيه بسهولة مساكين الناس دول عارفين ليه ؟؟ علشان التغيير بيحصل... بيحصل ....بارادتهم ام من غير!!! ازاي يعني؟؟؟ اه بيحصل ...عارفين ليه احنا اتولدنا اطفال ودلوقتي بقينا كبار....مش ده تغيير كل يوم فيه نهار وفيه ليل.... مش ده تغيير إحنا أصحاء وفجأة بنمرض مش .....ده تغيير السنين والشهور والأيام والعمر اللي بيزيد ...مش ده تغيير وغيرها من الصور اللي بتورينا ان الكون كله بيتغير يبقي احنا مين علشان نقف قصاده ؟؟ بس سبحان الخالق الذي ماخلق شيئا باطلا حيث قال جلا علاه ان مع العسر يسرا التغيير بيجي غصب عننا ساعات كتير بيجيلنا من اماكن وجهات بترجعنا لورا مش للأمام فربنا من علينا بنعمة العقل ونعمة الاسلام اللي بشرنا بيه سيد الخلق محمد صلي الله عليه وسلم والذي قال انما بعثت لأتمم مكارم الأخلاق دينا اللي كله أخلاق حسنة بتفيدنا احنا الاول وبعدين اللي حوالينا طيب اكتر من كدا كرم ؟؟ كل ده بيخلينا كمسلمين بيئة صالحة لتقبل التغيير لا وكمان صنع التغيير الايجابي التغيير اللي هو اصلا امتثال لاوامر ديننا الحق ورجوع الي الله جميل جدا الكلام ده برضوا انتي عايزة ايه يعني؟؟ حاضر انا هقول الاول اقلكم علي حد احنا كلنا عارفينه ابليس!!! اه ابليس ابليس عنده هدف محدد وصبور اوي لتحقيقه وعنده خطة ماشي عليها علشان يحقق في النهاية وعده لله يوم ماانطرد من جنته ورحمته وهو ان يضل بني البشر اهل الضلال كدا كلهم عندهم خطة وصبر طيب مااحنا اصلا عادة التخطيط ده شيء موجود في السلام وفي درس قادم هنوضح ده يبقي ده موجود واحنا ماعندناش الصبر وعادة التخطيط من الاساس !!!؟؟؟ الا من رحم ربي يبقي باختصار ياللا نتغير هي سلسلة هنرفع فيها شعار التغيير للافضل هو الحل.... فابدأ بنفسك بس علشان نتغير لازم نخطط وهدف ياللا نتغير في رمضان السنة دي باذن الله ان احنا نكتسب عادة التخطيط بكل توابعها باذن الله ها عرفتوا كدا احنا هنعمل ايه الشهر ده؟؟ بس قبل ما ندخل في الموضوع فيه حاجة مهمة لازم كلنا هنعملها استونوني في الحلقة القادمة هقلوكوا عليها .. ربنا اجعل اعمالنا خالصة لوجهك وبلغنا رمضان واعنا فيه علي الصيام والقيام وتقبل منا واغفر لنا .. سبحان الله وبحمده ....سبحان الله العظيم لمتابعة باقي السلسلة اضغط هنا شارك هذه المشاركه رابط المشاركه شار ك علي موقع اخر
Mr Hamdy Ahmad 36 قام بنشر August 12, 2010 كلمات غاية في الروعة جزاكم الله خيرا شارك هذه المشاركه رابط المشاركه شار ك علي موقع اخر
بنت مصرية 65 قام بنشر August 14, 2010 وجزاك الله كل خير يامستر حمدي اتمني لك الاستفادة من الدورة باذن الله شارك هذه المشاركه رابط المشاركه شار ك علي موقع اخر
دعوه للجنه 457 قام بنشر August 22, 2010 بس علشان نتغير لازم نخطط شارك هذه المشاركه رابط المشاركه شار ك علي موقع اخر
