الجندى المجهول 37 قام بنشر January 25, 2009 القدس قدسي.. يمامة صيف في غيتها. تطير . تيجيني.. بأشواقها .. وغيتها. فاكراني من يد صيادها أنا اغيتها !! فاكراني صوت الأدان الحي في "حطين" ومخبي في ضلوعي قلبك يا "صلاح الدين".. شايل صراخ اليتامى ولوعة المساكين فاكراني كفن الشهيد وخيمة اللاجئين وأول الأتقيا.. وآخر الهاربين.. *** تجيني وتبوسني وتملس على خدودي هاربة بـ حدودها القدام تتحامى في حدودي تبكي على صدري دبكة حزن على عودي تبكي وفاكرة حد هدها وأسكتها !! أنا.. ياللي من موت شراييني اتنسج موتها وصوتي.. يوم الغنا الباطل بلع صوتها مافيش في قلبي ولا آهة أموتها كل الآهات ميتة أنا حبيس همسي نزعت صورتها من بُكرايا من أمسي حطين ولا حطيني ولا قدس الهموم.. قدسي ولا عارفة تنساني زي ما تهت.. ونسيتها !! *** القدس.. تيجي يمامة نور مطفية طالعالي م البرد للصيف الجديد تسعى فاكرة في كفي طعام وف قلبي أخوية هية اللي مش واعية.. والا أنا اللي مش باوعى..؟ لا دمع يسقى عطش عيني ولا مية. يا حزن لا تترجمه أهة.. ولا دمعة.. ... ما كنا فاكرينا أطفالك يا ست الكل. الكدب ما يجيبش همه إحنا مش أطفال وكنا فاكرينا أبطالك أيادي السيف سيوفنا من قش ودي.. ماهيش إيدين أبطال ضيعنا ع القهوة نص العمر نتاوب نتمنوا من ربنا.. تتحسن الأحوال !! *** يا قدس لمي جناحك وارجعي تاني. ولا تصدقي قولي.. ولا تتمني أحضاني نامي في حضن العدو هوه العدو الأول يا قدس.. خافي قوي.. من العدو الثاني. الخنجر المختفي وانتي فاكراه ضلع الأفعى ورا ضحكتي.. والموت في أسناني. وصفحتي في النضال بيضا بياض التلج !! *** لمي الجناح يا قدس لمي الجناح.. "البناني" ف قلبي مسكونة بيمام .. غريب الوطن. يوم ما التهم خضرتك فدان ورا فدان. يوم ما طرد أسرتك إنسان ورا إنسان. يوم ما هدم مادنتك وكسَّر الصلبان *** يا قدس.. قولي لحيطانك اثبتي بقوة حيخلصك ابنك اللي أنا .. مانيش هوه لا تبحثي عن حلول الحل من جوه احل من جوه الحل من جوه !! . اقتباس شارك هذه المشاركه رابط المشاركه شار ك علي موقع اخر
eng_alaa 114 قام بنشر January 25, 2009 لمي الجناح يا قدس لمي الجناح.. "البناني" ف قلبي مسكونة بيمام .. غريب الوطن. يوم ما التهم خضرتك فدان ورا فدان. يوم ما طرد أسرتك إنسان ورا إنسان. يوم ما هدم مادنتك وكسَّر الصلبان معه والله ألف حق ..شكراً جندينا المجهول ... اقتباس شارك هذه المشاركه رابط المشاركه شار ك علي موقع اخر
NADA 34 قام بنشر January 26, 2009 اهى لمتها خير يارب ان شاء الله بس بيتهيألى الكلام ده مقصود من وراه حد معين ؟! ولا انا شكلى بيتهيالى علشان منمتش كويس.. بس بجد شكرا ليك اقتباس شارك هذه المشاركه رابط المشاركه شار ك علي موقع اخر
تقوى القلوب 12 قام بنشر January 26, 2009 (تعديل) أنا.. ياللي من موت شراييني اتنسج موتها وصوتي.. يوم الغنا الباطل بلع صوتها مافيش في قلبي ولا آهة أموتها كل الآهات ميتة انا بحب اقرا لعبد الرحمن الابنودى جداَ كانت اول حاجه خليتنى اقراله الرسائل كنت سمعتها بصوته وحبيتها جداَ بتاعت (لاوسطى حراجي القط العامل في السد العالي ). يا ريت حد يسمعها او على الاقل يقراها هيحبها الجندى المجهول ربنا يكرمك ويوفقك يا رب تم تعديل January 26, 2009 بواسطه تقوى القلوب اقتباس شارك هذه المشاركه رابط المشاركه شار ك علي موقع اخر
الجندى المجهول 37 قام بنشر January 28, 2009 شكرا بجد على كل المشاركات اختى تقوى القلوب قريبا ان شاء الله انتظرى جوبات حراجى القط اقتباس شارك هذه المشاركه رابط المشاركه شار ك علي موقع اخر
لميس المهدى11111 2 قام بنشر April 27, 2010 بجد والله جميلة اقتباس شارك هذه المشاركه رابط المشاركه شار ك علي موقع اخر
نونا19 28 قام بنشر April 28, 2010 أخي الجندي المجهول الموضوع دة حلو اوي وكمان احب اشكرك علي المقتطفات الرائعة التي تعرضها ياشاعر المنتدي اقتباس شارك هذه المشاركه رابط المشاركه شار ك علي موقع اخر
الجندى المجهول 37 قام بنشر April 29, 2010 اختى الكريمه جزاكى الله خيرا ردك رائع ربنا يسعدك والجنه يوعدك اقتباس شارك هذه المشاركه رابط المشاركه شار ك علي موقع اخر
لامار 94 قام بنشر June 24, 2011 بارك الله فيك اقتباس شارك هذه المشاركه رابط المشاركه شار ك علي موقع اخر
الجندى المجهول 37 قام بنشر June 25, 2011 وبارك فيكى اختى الكريمه جعل الله كل ماتكتبى فى ميزان حسناتك اللهم ارزقها الجنه اقتباس شارك هذه المشاركه رابط المشاركه شار ك علي موقع اخر
