المكتبة

[نجمة الكتب 5]

الاشتراك اجباري،

مش مطلوب رسوم للاشتراك،

ولا محتاج كارنيه عضوية،

ولا محتاج حتى حد يضمنك،

كل اللي عليك انك تكلمنا عن كتاب قريته

ولو كتاب واحد بس...

وكل واحد وكرمه بقى

اللي عايز يحكيلنا عن فكرة في الكتاب او

حاجة استفادها منه،

يبقى كتر خيره،

او ممكن حتى تقولنا بس عنوان كتاب

شايف انه هيفيدنا اننا نقراه،

وان شاء الله كلنا هنستفيد،

همتكم يا ابطال ... مستنية مشاركتكم

 

 

....

من لا يقرأ الكتب يقف على شواطئ المعرفة.

[صناع الحياه 14]

تاييدا للفكره العظيمه دي

ووضعا لاول لبنه فيها

انا قريت تلت افكار جمال يارب تعجبكم

" لاني اؤمن ايمان تام بان شجرة الكافور العظيمه اصلها بذره صغيره قد النمله"

 

وردة واحدة لإنسان على قيد الحياة أفضل من باقة كاملة على قبره *

لا تحاول أن تجعل ملابسك أغلى شيء فيك حتى لا تجد نفسك يوماً أرخص مما ترتديه .

* نحن نميل إلى تصديق أولئك الذين لا نعرفهم لأنهم لم يخدعونا من قبل .

[نجمة الكتب 5]

بشكرك يا عبد الله على انك كنت اول مشارك في مكتبة ياللا يا شباب

،جميلة جدا الافكار اللي طرحتها بس يا ريت

تذكرلنا عناوين الكتب اللي طلعت منها بالافكار دي

يمكن حد يقراها ويطلع منها افكار اكتر

وياريت كل اللي هيشارك معانا يذكر

اسم الكتاب وياريت كمان اسم المؤلف

كنوع من العرفان للناس اللي بنتعلم منهم

وبيخلوا حياتنا افضل،

عايزين مشاركات اكتر عشان كلنا نستفيد

ان شاء الله.

[عابدين 3]

اولا اريد ان احي نحمة الكتب على هذه الفكره الرائعه

من احمل الكتب التى قراتها كتاب (ازمة الحريه فى عالمنا)

وهذا الكتاب يتناول الحريه و الديموقراطيه بين الشيوعيه والراءس ماليه

[نجمة الكتب 5]

بشكرك اخي عابدين على مشاركتك

ويا ريت دايما تشاركنا وتضيف كتب

كتير لمكتبتنا

 

ليست الحرية هي التحرر من كل الحاجات ومن كل المطالب،

الحرية هي ان نحتاج ونعمل ونحدث شيئا ونتتج جديدا،

هي ان نصنع حاضرا ومستقبلا ، هي ان نؤثر في الغير،

وفي الحياة من حولنا....الحرية هي الانسانية!

نعم الانسانية هي النقص ولكنها الحرية!

دي فكرة من عدة افكار جميلة عرضها توفيق الحكيم

في مسرحيته التنبؤية الممتعة( رحلة الي الغد)

محبي الخيال العلمي ومحبي الفلسفة

اكيد هيعجبهم جدا الكتاب ده.

[einour 3]

شكرا ليكي اختي نجمه الكتب على هالفكره الحلوه واسمحيلي اشارك معاكم

انا قريت كتاب اسمه* الكلمات* لبديع الزمان سعيد النورسي

ومن اجمل الكلمات كانت *كلمة الموت *: طبعا انا ما رح اقدر اكتب حرفيا عشان الكتاب تركي انا رح انقل و اترجم الفكره بس

بيقول انه الانسان المؤمن بيخاف ليه من الموت

تخيل في شخص عايش في غربه بعيد عن اهله هوه في مدينه ...واهله وحبايبه وقرايبينه في مدينه تانيه

لما يقولوله روح لاهلك وسافر المدينه التانيه حيبقى فرحان عشان هيسافر ويشوف الناس اللي بيحبوه

والموت بقى كده انتا في طرف والرسول عليه الصلاه والسلام والصحابه والائمه والناس المؤمنه اللي بتحبها كلها في طرف

يبقى لما يقولولك روح وزرهم وابقى معاهم يبقى لازم تفرح بدل مانتا خايف

جزاكم الله كل الخير ارجوا اني اكون قدرت اوصل الفكره

[نجمة الكتب 5]

نورتي المكتبة آينور وجميلة الفكرة اللي اضفتيها من كتابك،

مستنية منك مشاركات كتير.

 

الكتاب اللي هكلمكم عنه المرادي اسمه:

هؤلاء علموني

لسلامة موسى

 

الكاتب بيحكي فيه عن شخصيات اتعلم منها وتأثر بيها زي فولتير ، جيته،

داروين، هنريك أبسن وبرنارد شو وغيرهم من الشخصيات وكتب في مقدمته:

 

المؤلف العظيم ليس هو الذي يجعلنا نرى الدنيا بعينيه ونشهد على الناس والاشياء بضميره

وإنما هو الذي يعلمنا الاستقلال رائين ومشاهدين معا.

[:: نبـ القلم ــض :: 8]

السلام عليكم ورحمة الله وبركاته اهل البيت

يارب ياساتر......ياللى هنا...انا جيت

اتاخرت عليكم ...معلش...ادخل برجلى اليمين...

افسحوا لى مكان...مفيش ولا كرسى فاضى!!!!!

أقعد فين يعنى....كل دى ناس فى المكتبة....

ياااااااااااااااااه...ايوة فى كرسى هناااااااك فاضى اهو ...لما الحقه

بسرعة يابت...اجرى...ممكن لو سمحت ...ازاحة شويه كده

ايوة ... انا قصيرة مش طايله الكتاب ده...ممكن لو سمحت تشب وتجيبهولى

ايوة ...ايوة الكتاب ده ****لا تحزن*****

للدكتور عائض القرنى

اشكرك....منجلكاش فى حاجة وحشة

ها ياسوسو ...طلعى الورقه والقلم ..واكتبى ما استفدتيه وانقليه لاخواتك فى المنتدى...فريرة

1- اصنع من الليمون شرابا حلوا

2-اجن العسل ولا تكسر الحلية

3-لا تحمل الكرة الارضية على رأسك

4-لا تحزن وانتظر الفرج

5- ابتسم

6-لاتحزن ولا تياس من روح الله

7- لما تحزن وعند ستة اخلاط؟؟؟؟؟؟؟

يااااااااااه انا اتاخرت قوى....أمى هتقتلنى...

كانت هذه مقتطفات بسيطه جدا من هذا الكتاب الرائع الذى ارى انه لابد ان يكون

فى كل بيت من بيوتنا ...فمن منا لا تمر عليه لحظات ...ويداهمه الحزن

فلالالالالالالالالالاتحزن..........تحياتى ...واترككم تعيشون المتعة والراحة النفسية مع هذا الكتاب

سلام عليكم

[صناع الحياه 14]

رائعه عائض القرني " لاتحزن" درة يجب ان تقتني بالفعل في كل دار ومنزل وخيمه عربيه

[عابدين 3]

السلام عليكم

فراتا ده كاتب ايطالي والد كتور ابراهيم حماده ترجم له مسرحية القفص

وانا اتعلمت منها ان العزله من الناس لاتكون الآ بينهم وان لا اتحول الى اسير لفكر بشر

مهمابلغوا من العبقريه لان البشر يصيب ويخطأ ولا بد ان تكون هناك مساحه للنقد

[عابدين 3]

استطاعت الرأه العربيه ان تفرض ابداعها منذ اقدم العصور مما حدا بالنقاد والؤرخين القدامي ان يسجلوا لها قدرا من اسهاماتها الابداعيه فالمرأه الشاعره مثلا استطاعت ا ن تطرق كل المجالات الشعريه التي انشدها الشراء وفاقتهم حتي ان اعظم الشعراء كجريروابي نواس اقتبس كل منهم من اشعار النساء اما بالفظ او المعني وقد روي ان ابي نواس تحدس عن مصادر ثقافته فقال ما قلت الشعر حتي رويت ل 60 امرأه منهن الخنساء وليلى ـــــــــــ واذا اطلعنا علي مصادر ثقافة ابى تمام نجد انه روي ل 15 امرأه كجزء من مصادر ثقافته وما صاحب ايام ابي نواس وما تلاها كان للمراه اكبر الاثر فى جميع اوجه الحياه والابداع وهذا ماتعلمته من كتاب الادب النسوي المعاصر واسهاب الرمراه العربيه تاليف د/مني ربيع بسطاوي

[ABOTASNEEM 116]

موضوع جميل جدا اختى نجمة الكتب ـ كما تعودنا منكى دائما ـ

وبصراحة انا حابب انى اذكر اسم الكتاب اللى كان هو بمثابة صافرة البدء لماتش التنمية البشرية اللى انا بلعبه قصاد فريق الحياة ومشاكلها .

 

هو كتاب مترجم اسمه ـ يمكنك ان تفعلها ـ للكاتب " بول حنا "

 

You can do it - by Paul Hanna

 

انصح كل من يريد ان يفهم الحياة وكيفية التعامل معها ان يقرأه

 

واسئلكم الدعاء بظهر الغيب

[نجمة الكتب 5]

ما شاء الله، ايه النشاط ده كله

عاشقة القرآن وعابدين وابوتسنيم بجد منورين المكتبة

واضافاتكم رائعة اكيد كلنا هنستفيد منها.

 

الكتاب اللي هكلمكم عنه المرادي اسمه:

 

المعتقدات الدينية لدى الشعوب

من سلسة عالم المعرفة.

 

كتاب جميل جدا بيتعرض لمختلف الديانات القديمة واللي بعضها

لسة موجود لحد دلوقتي ومنعرفش عنها اكتر من اسمائها،

الكتاب بيوضح ان الانسان عنده ميل فطري للتدين وان الفكر الديني جزء

اساسي في تكوين البشر .

عرفت من الكتاب ده معلومات كتير منها مثلا ان بوذا

ده مش اسم شخص،دا لقب معناه ((المستنير )) .

[نجمة الكتب 5]

(لا يمكن ان تدرك الحركة وانت تتحرك معها في الفلك نفسه

وانما لابد لك من عتبة خارجية تقف عليها لترصدها ،وبالمثل لا يمكنك رصد الشمس

وانت فوقها ولكن يمكنك رصدها من القمر او الارض..كما لا يمكنك رصد الارض وانت

تسكن عليها وانما تستطيع رصدها من القمر.

وانت اذ تدرك مرور الزمن لابد ان تكون ذاتك المدركة خارج الزمن.

وهي نتيجة مذهلة تثبت لنا الروح او الذات المدركة كوجود مستقل متعال على

الزمن ومتجاوز له وخارج عنه.)

 

طريقة علمية ومنطقية اثبت بيها دكتور مصطفى محمود ان الروح خالدة

باقية بعد زوال الجسد و اتبع نفس المنهج في تناول معظم الامور اللى بيحتار فيها البشر زي

الايمان والبعث والثواب والعقاب وده في كتابه الرائع "رحلتي من الشك الى الإيمان"

وبعد كل التفكير والجدل بيقولك ببساطة انك ممكن توصل لربنا بطريق اقصر مفطور عليه قلبك

يوفر عليك كل الاسئلة والحيرة،كتاب انصحكم تقروه هتحسوا انكوا بتجددوا ايمانكم عن طريق العقل.

[بركات معبد 0]

جيل جدا يا نجمة الكتب

 

ولكن أتمنى وضع روابط للكتب حتى يتمكن الأعضاء من قراءتها

 

وياريت يتم اختار كتاب واحد أسبوعيا وطرحه للنقاش

 

تحية مرة أخرى

[نجمة الكتب 5]

اشكرك استاذي على تشريفك مكتبة منتدانا المتواضعة.

 

الفكرة اللي حضرتك طرحتها جميلة جدا بس للاسف انا معنديش

اي روابط لكتب ويا ريت لو اي حد عنده يشارك معانا

وهتبقى حاجة ممتعة جدا اننا نتناقش في كتاب معين نحدده كل اسبوع.

 

~~~~~

مؤقتا هتكلم عن كتاب اكتر من رائع بتمنى ان كل الناس تقتنيه،

الكتاب اسمه( رمل وزبد) لجبران خليل جبران، ترجمة دكتور ثروت عكاشة.

اقل ما يقال عنه انه جنة غناء من الحكمة والفلسفة العميقة اللي بتحمل

رسالة انسانية غاية في السمو ،واليكم منه هذه المقتطفات:

 

*مرة ملأت من الضباب يدي

ثم بسطتها،فإذا الضباب دودة.

وقبضت يدي، وثانية بسطتها ،فكان ثم عصفور.

وأخذت اقبض يدي وابسطها،

فإذا في قرارتها رجل قائم ينظر الي عل ساهم الوجه،

ثم قبضت يدي، وحين بسطتها لم يكن ثم شيئ غير الضباب،

لكنني سمعت شدوا ما أعذبه من شدو.

 

 

*كيف افقد إيماني بعدل الحياة، واحلام الراقدين على الفراش ليست

اجمل من احلام الذين يفترشون الغبراء؟؟

 

 

*عندما قذف بي الله الي هذه البحيرة العجيبة ازعجت صفحتها بدوائر لا تحصى،

غير انني لما بلغت اغوارها لفني سكون شامل.

 

*إذا تغنيت بالجمال فستجد من يستمع اليك ولو كنت وحيدا في جوف الصحران

 

 

*ربما عرف البحر المحارة بانها لؤلؤة، وربما كان تعريف الفحم عند الزمان الالماس.

 

 

*بين العالم والشاعر حقل ناضر ان اجتازه العالم غدا حكيما وان عبره الشاعر غدا نبيا.

 

 

*الايمان واحة في القلب ليس لقافلة الفكر ان تبلغها ابدا.

[صناع الحياه 14]

" اذا لم تخطط لحياتك فانت خططت جيدا للفشل"

مقوله رائعه من دورة للدكتور صلاح الراشد بعنوان الرؤيه

الدوره دي مهمه جدا لكل شاب فينا عشان يقدر يرسم ملامح حياته

حملوها من علي المنتدي

ان شاء الله هتفيدكم

[BLACKDREAM 5]

نجمه انتي فعلا نجمه و نجمه عاليه و ثمينه

انا بحب كتب المعرفه بالشيء - من اهم الكتب:

الكتاب الاول : مثلث برمودا

ذلك المثلث اللذي نسمع به من الصغر انه وحش شرير. .

او هي مركز الارض او هو مركز مغناطيسي او او او ؟ ؟ ؟

تتزايذ الاسئله و تقل الاجوبه - ولكن يظهر الكتاب ماليس في الحسبان

 

الكتاب الثاني : محاوره صحفي مع جني مسلم

ذالك العالم الخفي - المجهول - الغريب - المستقل

خفايا و اسرار عالم بعيد كل البعد عن عالمنا

ستقرا فيه اشياءه غريبه جديده اشكال و اوصاف

العالم الغريب . . لا تخف اقتنيه و افهم الحياه

 

الكتاب الثالث : يووووووم الغضب

هل بدأ بانتفاضه رجب ؟ ؟ ؟ ؟

قراءه تفسيريه لنبوءات التورات عن :

نهايه دوله اسرائيل - يوم غضب الرب

اقرا عن نشات دوله الارهاب و الفساد

اقرا عن نهايه هذه الدوله النجسه . .

 

و القادم سيكون اجمل

[عاشق الصداقه 525]

اضافه رائعه يا BLACKDREAM ... وبهنيك على تفاعلك الكبير فى المنتدى .. ومبروك عضو مشارك من اول يومين بـ 55 مشاركه .. فعلاً .. أزهلتنى .. جزاك الله كل الخير على الكتب الرائععه ايضا

[بركات معبد 0]

 

 

كتاب ألف ليلة وليلة

تم حذف رابط لموقع خارجي

 

 

 

 

 

 

 

 

 

تم تعديل المشاركه

سبب التعديل :حذف رابط لموقع خارجي

تم تعديل April 23, 2010 بواسطه alidesoky

[BLACKDREAM 5]

اخواني الاكارم اسمحو لي بتقديم بعض الكتب الدينيه الرائعه

 

 

الكتاب الاول : محبه الله عز و جل

مؤلف الكتاب : ابن قيم الجوزيه .

كتاب رائع فهو يشرح سمو العلاقه بين العبد و الرب

بعض اقسام الكتاب الاكثر من رائع :

1- محبه الله تعالى نجاه و امان

2- حب الله راس مال العبد

3- لذه النظر الى وجه الله يوم القيامه

اللهم احبا و اكرم علينا بحبنا لك يا الله

 

 

الكتاب الثاني : الكبائر " اعوز بالله "

الامام الحافظ شمس الدين ابي عبد الله

كتاب مفيد جدا لكل مسلم و مؤمن بحق

بعض اقسام هذا الكتاب

اخواني الكرام حبيت اختار لكم هذه الاقسام لانها اكثر تداولا بين المسلمين

1- الكبيره الاولى الشرك بالله -

1-1 ان تجعل لله ندا

1-2 الرياء بالاعمال

 

2- الكبيره الثانيه ترك الصلاه

3- الكبيره الثالثه افطار يوم من رمضان

4- عقوق الوالديين

5- اقوال العلماء في لعب النرد

كتاب رائع يعلمك اداب الاسلام بحق.

 

 

الكتاب الثالث : طريق الهجرتيين و باب السعادتيين

 

مؤلف الكتاب العلامه الكبير ابن قيم الجوزيه

 

سادع لكم هذا الكتاب لتكتشفو ما بداخله كتاب مليئ بالجواهر و الدرر الثمينه

انه عصاره تفكير طويل و جهد مديد كتاب يتصف بجمال التعابير و سمو الفكر

[Shetos 2]

موضوع رائع فعلاً نجمة الكتب..

 

أنا كنت بعيد قصة من سلسلة سافارى للداهية د.أحمد خالد توفيق

 

والقصة بعنوان(قصاصات)

 

وهى تتحدث عن الحقد الدفين من اليهود ناحية المسلمين

 

شكراً نجمة الكتب..