عاشق الصداقه

موضوع جميل جداً أختى عاشقة القران وربنا يهدى ..

موضوع جميييييييييييييييييييل جدا جدا جدا ً ... حقاً حبيبى "ميت على قيد الحياه" .. انت رائع فى كل شىء .. وان شاء الله بالنخبه الموجوده هنا .. حنكون من أفضل المنتديات بإذن الله .. وأكتر حاجه بجد عجبانى فى المنتدى هى الترابط الأسرى الحقيقى اللى موجود فيه .. وبنتهز الفرصه علشان أطلب من أى حد نفسه بجد يكون منتدانا من أفضل المنتديات ... إنه لو شايف حاجه ممكن توصلنا لده " فكره جديده مثلاً - قسم جديد ..." أى حاجه تخلينا أفضل ميبخلش علينا بيها .. ويكتبها فى قسم الشكاوى والإقتراحات .. وكن على تمام الثقه اننا حنهتم بيها .. أشكرك مره أخرى حبيبى على الموضوع ... ووفقنا الله جميعا الى كل ما فيه خير

كل الشكر لكى أختى اينور ويشرفنى كثيراً مرورك الكريم

الأرض لا نملك إلا جتتنا خدوها ان كنتوا عاوزنها بعوها فى بورصة الاعضاء وهاتو السبيه نوزنها هتنفعكوا ... ويمكن تشفى اطماعكوا خصوصى الكبد والكليه خدوا ايدينا تهوى لكم وحطوا القلب فى مادليه خدوا ودّنا على صدر القميص حليه على استعداد نقطعها ونحرم راسنا من عينها خدوا حتى الهدوم لخره ونحلف ماحنا مانعنها وطين الارض ما تمسوه ولا عود النخيل تطولوه دى هى المأوى والمرعى ونوعى أد ما نوعى نلاقى جدودنا زارعنها ******************* خطوطها عاشقه خطاوينا وعارفه شكل رجلينا وحافضه حتى أسامينا ما هو احنا فى هوا ترابها شربنا الذل وقسينا ودسنا الوحل والطينَ وياما بدرنا وسقينا .... بعرقنا والمساقى جفاف تعالوا واسألوا الصفصاف ماهو عايش معانا وشاف ما دام داء العمى صابكوا وموت العدل نصبكوا على رقاب العبيد أشراف وشجعكوا وطمعكوا تقاسمونا رغفنا الحاف هنا على الارض دى عشنا ونبشنا وعششنا وياما البرد لسوعنا وياما الحر خربشنا وجدرنا وفرعنا على جبينها وكبشنا لا ارهابكوا يزحزحنا ولا رصاصكوا يطفشنا هنا على الارض دى دارنا ودوارنا واحبابنا وسمارنا وحوادتنا وأسرارنا ما هو احنا وهى شىء واحد لا فى الغربه بنتفارق ولا فى الموت بنتباعد ومهما نعانى ونكابد نسيم ازهارها ينعشنا ***************** هنا ع الارض دى سمعنا مثل شعبى قديم بيقول يا واخد من عيالى القوت وناوى ع الخراب والموت ما ينفع لكش غير نبوت يطفى فى صدرك الأطماع ويملى جتتك أوجاع ومهما تمتلك من باع نلقح جتتك فى تابوت يا ناوى فى غفله تسرقنا وناوى تسف أرزاقنا إذا خطيت تفرقنا هتلقى فى كل غيط نبوت هتلقى فى كل غيط نبوت *************************************** للشاعر : محمد لاشين يمكنك تحميل الموضوع من هنا : ALARD.rtf

انت والناس فتش فى عيبك ، وسيبك من عيوب الناس وإنصح لجيبك ، ولا تفتش جيوب الناس وإرضى بنصيبك ، وغمض عن نصيب الناس واشكى لطبيبك ، ولا تشكى اللى بيك للناس وامشى عدل ، تنشغل عنك عيون الناس كلام قالوه قبلنا ناس ، يفهموا المعنى .. لو كانوا عاشوا ، وحضروا عصرنا معنا كانوا غيروا فى الحروف ... لأ ... غيروا المعنى لأن ناس الزمان ده .. فيهم كتير مش ناس *************************************** للشاعر : محمد لاشين حمل الموضوع من هنا : __________.rtf

أختى زينب ... نصيحه من أخ ... أنا أثق أن القصه جميله دون قرائتها وتشهد مواضيعك بذلك ... ولكنى أرى أنها طويله جدا ولا تشجع على قرائتها أنصحك بإختصار القصه ... لأن الهدف من القصص ليس وجودها فحسب وانما قرائتها تقبلى خالص احترامى وتقديرى ... وشكرا لكى على مجهوداتك الكبيره

جزاكى الله خيراً أختى الكريمه وأدعو فتيات المنتدى لقراءة الموضوع والاستفاده منه

موضوع جمييييييل جداً .. أختى زينب .. وأكثر الله من أمثالك ..

جزاكى الله خيراً .. أختى زينب .. ونفع بك الإسلام والمسلمين وأهلاً ومرحباً بك فى اسرتك الصغيره " ياللا يا شباب " .. أنرتى المنتدى بمواضيعك وتواجدك

شكرا لكى اينور ... ومبسوط انى ضحكتك

خطيييييييييييييييييييييييييييييييييييييييييييييييييير بجد يخرب بيت كده ... انا فكرت فى خطه وحنفذها بنفس الأسلوب بجد موضوع خطيييييييييييييييييييييييييييييييييييير جدا جدا جدا جدا

كلمات جميله اخى الحبيب ومرحباً بك بين أسرتك " ياللا يا شباب " .. نورت المنتدى

بجد .. كلمات جميله جدا جدا .. والله نالت إعجابى الشديد ... وإذا كانت هذه بدايتك .. فلا عجب أن نرى الآن شاعره بارعه .. جداً

موضوع أكثر من رائع حبيبى ميت على قيد الحياه فعلاً إستفدت منه الكثير

جزاكى الله كل الخير عاشقة القران وجعله فى ميزان حسناتك الى يوم الدين سبحان الله وبحمده سبحان الله العظيم

مع كل احترامى استاذ بركات .. ولكن انا عن نفسى مش بحب غير الشعر المقفى ودى أراء وميول فى الشعر وانواعه ... ويمكن يكون التزامها بالقافيه سر جمال الشعر انا عن نفسى معرفش اكتب من غير قافيه ... ولا حتى اقرا .. وأحس بالكلمات الا لو كانت مقفاه ودى وجهة نظر ... وأنصح برضه اشقة القرآن تجرب وتشوف هى ممكن تكتب بأى طريقه أفضل وأقرب للقارىْ .. تحياتى للجميع

ياريت الموضوع ميجيش عند الجديه ويوقف .. عاوزين نشوف حلول علشان نكون إيجابيين ولا انتوا رأيكم ايه ؟؟

الموضوع جميل وأنا بأيد رأى أختى نجمة الكتب وأشكرك على الموضوع .... لكن مفيش داعى لكلمة الإنهزاميه دى .. انا نفسى مش شايف كده زى ما اختى نجمة الكتب ردت وقالت

بصفتى مدمن كبييييييييييييييييير للكمبيوتر .. أحب أقول رأيى انا عن نفسى مولود فى هارد .. زى ما بيقولوا عليا صحابى ... وبقعد أكتر من 13 ساعه متواصله على النت .. وإستحاله يعدى يوم مدخلش فيه نت الا فى الامتحانات .. مع العلم انى مبدخلش من البيت وفى البيت إستخدامى للكمبيوتر بس من غير نت .. بيعدى 48 ساعه مستمره " وانا عارف بقول ايه " والله مستمره حتى بدون نوم ... والأكل بيجينى على الجهاز " ربنا يعين أمى " ... يعنى مظنش فى إدمان أكتر من كده .. بس الموضوع خطورته من وجهة نظرى فى الإجابه على سؤال .. وهو .. بتعمل ايه فى الوقت اللى بتقضيه على الكمبيوتر او النت ؟؟ وبالنسبالى .. والحمد لله طول فترة قعادى على الكمبيوتر او النت بعمل حاجات مفيده ... ولو الموضوع كده يبقى مفيش خطوره للدرجه .. إلا الخطوره المرضيه .. الهوس والعما بس .. بسيطه يعنى

فى الحقيقه لم أتوقع هذا الرد ... لكنه أقرب ما يكون لآلة الزمن فعلا .. تشبيه جميل جداً .. وموضوع رائع أخى عابدين .. وأهلا ًبيك وياريت تمتعنا بمواضيع متميزه زى دى ..

موضوع جميل اختى اينورورد الشاعرابراهيم ظريف جدا جدا جدا اهلا بعودتك لتمتعينا بالمزيد

بسم الله ما شاء الله عليك .. أخى وصديقى وحبيبى وأستاذى أبو تسنيم المغربى .... وحشتنا جدا جدا جدا ووحشتنا مواضيعك الجميله جدا دى ... بجد راجع بنشاط ملحوظ والموضوع كمان جاى فى وقته بالنسبالى ولو اتقال فيك كل الكلام ... مش حيقدر موهبتك واللى بنتعلمه منك حبيبى ...

جمييييييييييييييييييييييييييييييييييييييل جداً يا عاشقة القرآن مواهبك متعدده ... ومتخضرمه " ومتسأليش معناها ايه دى " انتى قلتى كلام كتييييييير معقد برضه بس فهمته الحمد لله " ساعات بفهم " .... بس بجد شعر جمييييييييييييييييييييييييييييل

عاوزه تحسسينى انك فاهمه !! أراهن إن مكان حد غششهالك .. ويا 6 ربنا يستر

على فكره يا نجمة الكتب ... حرصى على نفسك كويس قوى ... لأنك بالكلمه دى .... هددتى كل اللى فى المنتدى " أصحابه " ... أحرجتك ..صح ؟؟ بس كلامى ده بجد والله .. خدى بالك من نفسك ومتطلعيش بالليل.. " وأنا حوصى نجمه تانيه تنور مكانك" ... وأنصحك .. ولا بالنهار