عاشق الصداقه

جزاك الله كل الخير حبيبى عمر حمله رائعه ،، الله أسأل أن يتقبلها منك ويجعلها فى ميزان حسناتك نعم - لا عذر الآن لأحد ممن يتمنون إطلاق اللحيه ،، فالحمد لله قد رحل وسقط من كان يشدد علينا فى ذلك ويمنعنا منه ،، رغم أن الكثيرين قد أطلقوها بفضل الله عز وجل غير ملتفتين للضغط الأمنى الذى يمنعنا من كل فريضة وفضيلة ،، ويقودنا لكل فاحشة ورذيله ،، والله المستعان الان لا عذر لأحد (إن كان ما مضى عذراً) ،، وقد عزمت على تحميل فيديو من قناة الناس شاهدته اليوم تحدث فيه شيخنا الكريم سامى السرساوى ،، وكذا فيديو من قناة الرحمة ،، يتحدثون فيه عن وجوب اللحيه ،، وإجماع العلماء الثقات على أن تاركها يأثم (أو كما وضح علماؤنا تفصيلاً وسأطرحه فى تعديل لردى هذا بإذن الله بعد تحميله وقص الجزء المراد منه) ،، فاللحية اللحية يا شباب ،، والسنة السنة يا أحبابنا والله أسأل أن يهدينا لكل ما يحب ويرضى من الفرائض والسنن والاعمال الصالحة كلها وأسألكم بالله أن تدعو لى بالهدايه والتوفيق ،، فقد عزمت على نفسى لأكونن أفضل بإذن الله الملك - والله أسأل التثبيت لى ولكل المسلمين لك خالص تحيتى وتقديرى وحبى أخى الحبيب أبو تسنيم وجزاك الله كل الخير ملحوظه - قم بتعديل : (إعفاء) - إلى (قص) وبارك الله لك حبيبى الغالى

تقصد : تحميل Adobe Photoshop CS3 !! أنا جربته من فتره قريبه - هل المشكلة تقصد فى الجزء الثانى منه ؟؟ ولا تقصد إيه بالظبط علشان اقدر اتصرف وجزاك الله خيرا

جزاكِ الله كل الخير أختى (نودى) ،، أختى الفاضلة (حورية الجنة) ،، وبخصوص إستفسارك // مركز ياللا نجاح هو المقر لفريق ياللا نجاح للتنمية البشرية ،، وكنا منذ سنوات نقوم بإعطاء التدريبات التنموية فى الجمعيات الأهليه بمحافظة قنا ونجع حمادى وقوص وغيرها ،، وما زلنا كذلك .. أى أن النشاط الأساسى لفريق ياللا نجاح هو تدريبات التنمية البشريه (التخطيط - الاداره - الاتصال والتواصل - الخرائط الذهنيه - .... والكثير من التدريبات) ،، ويمكنك تحميل عروض الباوربوينت الخاصه بأغلب تدريبات الفريق (من هنا) ،، وأغلب تدريباتنا مجانيه ،، ومنها القليل بمقابل مادى ،، وعندما فكرنا فى إفتتاح هذا المركز - نوينا أن نمارس نشاطاً بمقابل مادى يساعدنا على بناء وإفتتاح هذا المقر ،، فزودنا على (ياللا نجاح) نشاط تدريب الطلاب فى كورسات للمناهج التعليميه بالجامعات على أيدى أساتذة متخصصين يعرفهم طلاب الجامعه ،، بالتعاقد معهم .. هذا توضيح لنشاط التدريب الطلابى ،، وقد ذكرت فى نهاية الموضوع ان الإعلان المطبوع الذى وضعته قد تم توزيعه - فقط من أجل نشاط (تدريس الطلاب والكورسات الطلابيه) بالمركز ،، ولكن هناك بالطبع نشاط تدريبات ومحاضرات التنمية البشرية ،، وفى كل تدريب نقوم بالإعلان عنه هنا فى قسم التنمية البشرية ،، وأيضاً فى موقع ياللا نجاح بإذن الله : ( هنا ) .. وملخص كل هذا أن المركز له نشاطان ،، أحدهما خاص بتدريب الكورسات الطلابيه لطلبة الجامعات ،، والنشاط الثانى وهو نشاط الفريق الأساسى (محاضرات وتدريبات التنمية البشرية) ،، وننوى بإذن الله تعالى إن إستطعنا التفرغ أنا وبعض إخوانى بالفريق أن نقوم بعمل تدريبات فى مجال الكمبيوتر بفروعه المختلفه أيضاً ضمن نشاطات المركز ،، ولكن هذا الأمر ليس بالمؤكد فى الوقت الحالى ،، وربما يكون مستقبلاً بإذن الله أخيراً نرجو الله تعالى أن نستطيع أن نقدم كل ما نستطيع لتنمية بلدنا وأمتنا إلى الأفضل ،، وإحداث نهضه حقيقية فى شباب أمتنا فى كافة المجالات تحيتى وتقديرى

جزاك الله خيراً حبيبى زياد ،، وجزاك الله خيراً حبيبى الساهر وإسمحلى أخى زياد أوضح لأخى الساهر فقط رداً على إستفساره .. الموضوع ده مكتوب ضمن (حملة ياللا نبنى مصر أفضل) .. ورابط الموضوع الخاص بيها (من هنا) ،، وإتفقنا فى الحملة إن كل واحد مننا المفروض يكتب موضوع أو أكتر يغطى فيه ممكن يقدم إيه لمصر ،، وإيه أفكاره وإقتراحاته ونصائحه لبناء مصر أفضل ،، وحبيبى زياد وعد بإنه هيقدم مجموعة موضوعات كل موضوع منها يخص أمر بعينه لتنمية وبناء مصر أفضل ،، كان اولها الموضوع ده واللى بيتكلم فيه عن النظافه حتى إنه قال فى نهاية موضوعه : وكمان أنا قلتله فى ردى : وهو فى رده عليا ذكر بوضوح : فيمكن بس حصل لبس عندك حبيبى الساهر لأنك متعرفش هيكلة الحملة وتنفيذها من قبل أخى زياد - جزاه الله خيراً ،، وأخى زياد مختزلش بناء مصر فى النظافه فقط - ده هيقدملنا سلسلة موضوعات بإذن الله لكل حاجه ذكرها فى رده فى الحمله .. وأرجو الله أن يوفقه ويعينه . وبخصوص التبرع بالدم - فياريت تكتب موضوع ضمن الحمله فى المنتدى هنا تطرح فيه الفكره دى واللى تعتبر من أهم الخطوات اللى نعملها من اجل مصر أفضل ،، ومن اجل الحفاظ على صحة وسلامة أبناء شعبنا الحبيب وإنقاذ الالاف من الارواح وجزاكم الله كل الخير

حسبنا الله ونعم الوكيل .. والله يجب محاكمتهم بتهم تضليل الشعب المصرى بما بثه التليفزيون المصرى خلال أيام الثورة ،، فعقول المصريين كريمة ولا يجوز التلاعب بها بهذه السخافه والتضليل ،، وجب لهذا وحده محاكمتهم بأشد العقوبات وأما عن محاربة القنوات الإسلامية - فلا أجد إلا إعدام كل من تورط لهذا ،، ووالله لو سامحهم أهل الأرض جميعاً لن أسامحهم بإذن الله ،، ومن حقى أن أسألهم أمام الله عز وجل عن الأضرار التى لحقت بى كفرد من أبناء الأمة لما فعلوه بشأن قنواتنا الإسلامية منبع الخير والرشاد والتوجيه لنا ،، وحسبنا الله ونعم الوكيل

نتائج الفسد تفوق نتائج الحروب بكثير ،، غير أن الفساد دائم ومتفشى ومستمر أما الحروب تكون لوقت وتنتهى .. فالحمد لله الذى عافانا من الفساد والله أسأل أن يكون بلا عوده والحمد لله أن بدأ التحقيق مجددا ً فى القضايا التى إبتلعتها ذمة الفاسدين ودستها بغير وجه حق .. فالحق يرجع ولو بعد حين بإذن الله جزاكِ الله كل الخير أختى نودى

ما شاء الله يا جميل خطوات رائعه من اجل مصر نظيفه ،، وهكون اول المنفذين ليها إتباعاً لنصائحك دى بإذن الله ومنتظرين البقيه .. وأعجبنى جداً أسلوبك فى الموضوع .. وفعلاً (أنا هقدم إيه لمصر !!) - لأن لازم كل واحد فينا يقدم لمصر .. جزاك الله كل الخير وتم تقييم الموضوع لروعته والاهم من ده التنفيذ بإذن الله تحيتى وحبى

العفو يا جميل - فى خدمتك وقسم الفوتوشوب موجود من بداية المنتدى .. لكن يمكن مأخدتش بالك ليه وتحت امرك فى اى طلب تحيتى وحبى

جزاك الله كل الخير يا حبيبى يا جندينا الرائع ومبسوط إن الكلمات أعجبتك رغم إنها فى طور التعديل - وانا غير راضى عنها لأنى كتبتها مستعجل ومفضيتش اعدلها .. وياااااااااااارب - ربنا يرزقنا صلاة فى المسجد الأقصى يا رب بارك الله فيك حبيبى - نجم قسم الشعر والأدب - وسعيد بمرورك وإعجابك بالكلمات ربنا يكرمك يا دوحه يا حبيب قلبى يا قمر ربنا يخليك ليا يا رب ،، وطبعاً إنت كنت أول واحد يسمع الكلمات دى واكتر حد كان بيستعجلنى أكتب شعر للثوره ربنا ما يحرمنى منك يا غالى ،، ويارب تفضل كلماتى تعجبكم دايماً بارك الله فيكِ أختى الفاضله على الرد والتقييم والنشر ،، وجزاكِ الله كل الخير وسعيد بمرورك وإعجابك بالكلمات - وأرجو الله أن تنال كتاباتى إعجابكم دائماً عاشت مصر .. ومصر هتفضل - بإذن الله عز وجل بارك الله فيكِ أختى الكريمة ،، وكتير بييجى فى بالى موضوع إن إحنا جيل الثوره دى .. واللى أظن هتتدرس فى المدارس بعد كده بإذن الله .. وقصدت إنى اخللى أختى الصغيره تتابع خطاب مبارك الأخير وخطاب التنحى والاحداث كلها .. علشان لما تكبر تفتكر إنها عاصرت الاحداث دى وهى صغيره .. علشان تفضل الثوره تتحكى لما بعد الأجيال القادمة بإذن الله .. بس كتير على كلماتى البسيطه إنها تبقى تأريخ للثوره العظيمة دى - ده يا دوب كلمات كده بسيطه ،، ولون حصل فيها تغييرات جذريه بعد كلام مشايخنا .. كنت (وأثناء الثوره وقبل التنحى) كاتب أبيات عنوانها (شمتان فيك !) ،، وكانت جميله - بس بالفعل ممكن يكون فيها حرمة وعلشان كده وقفتها ومنشرتهاش - لأن وقت كتابتها كان جوايا غل غير عادى للـ (....) عليه من الله ما يستحق وحتى الان ناوى أكتب أكتر من شعر للثوره بإذن الله - ربنا يوفقنى لده .. جزاكم الله جميعاً كل الخير

ما شاء الله ولا قوة إلا بالله بجد بجد انا قاعد أتابع ومبسووووووووووووط مصر لأول مره هتستعين بعلماؤنا الخبراء فى تخصصاتهم لتطوير الدولة بكل أفرعها وفى البحث العلمى بالخصوص - واللى بيمثل واحد من أهم مقاييس تطور الدول ،، واللى مصر مستواها فيه تحت الصفر ،، لما يستعينوا بزويل والباز والعلماء الكبار دول - أكيد بإذن الله الحال هيكون أفضل أتمنى تطوير منظومة التعليم بالكامل ،، بل وتغيير مصر بأكملها للأفضل بإذن الله يااااااااااااااه - ان شاء الله أكيد الجاى احلى جزاكِ الله كل الخير أختى نودى وتم تقييم الموضوع

تفضل أخى زياد .. جميع إصدارات الفوتوشوب المتوفره بمكتبة البرامج لدينا بالترتيب : تحميل Adobe Photoshop CS2 ME الفوتوشوب الاصدار التاسع تحميل Adobe Photoshop CS3 النسخة النهائية الداعمه للعربيه من برنامج فوتوشوب تحميل adobe photoshop cs4 portable الفوتوشوب النسخة المحمولة تحميل Adobe Photoshop Cs5 فوتوشوب 12 الداعم للعربية === وتأكد أولاً أن الروابط تعمل قبل التحميل .. وما لا يعمل منها أبلغنى به تحيتى لك

جزاكم الله جميعاً كل الخير daif // يمكنك البحث بأسماء البرامج فى المنتدى هنا وستجد أغلبها ،، وأيضاً ستجد أغلبها فى أقسام الجرافيك فى مكتبة البرامج بموقعنا : [ قسم التصميم والجرافيك - مكتبة البرامج الذكية ] زياد // تفضل أخى تم الرد عليك بموضوعك هنا : http://forums.yallagroup.net/topic/47762-%D9%85%D9%85%D9%83%D9%86-%D8%A8%D8%B1%D9%86%D8%A7%D9%85%D8%AC-%D9%81%D9%88%D8%AA%D9%88-%D8%B4%D9%88%D8%A8/

هو ده الكلام قعدوا يخوفونا (أو يخوفوا اللى بيخافوا مننا) وحسسونا إن الدستور لا يمكن تعديله الا بوجود الرجل الأوحد فى العالم (مبارك) فى كرسى الرئاسه ،، ويا جماعه مينفعش يمشى علشان الدستور يتغير ،، ولو مشى هنضطر مش عارف ايه ،، وكأن الدنيا هتوقف لو مبارك غار فى داهيه ،، وياما صرخنا وقلنا إن كل دى إشتغالات ،، أهو بمجرد ما غار - بطلت صلاحيات الدستور بأكمله ،، وبدأوا فوراً تعديلات الدستور القديم لإعلان الدستور النهائى بإذن الله بالشكل الصحيح اللى يحافظ على البلد وأهلها ويمشيها صح ،، فى نفس الوقت اللى بتحلف فيه حكومة انتقاليه جديده اليمين - فى نفس الوقت اللى الجيش ولأول مره فى تاريخ مصر بيسلم السلطه لحكم مدنى مش عسكرى .. والدنيا ماشيه زى الفل الحمد لله .. علشان نقول بيشتغلونا - الناس تقول وتقول - والحمد لله على كل حال .. بجد بارك الله فيكِ أختى نودى - ومبسوط جداً بالتغطيه الرائعه اللى مغطياها لأحداث مصر والدول العربيه .. ومتابع بإستمرار وموضوعك ده فى منتهى الأهمية والروعه ، وتم تقييمه - وبارك الله فيكِ يا رب

بارك الله فيكِ أختى نودى ،، ومبروك على كل الفريق وكل أحباء ياللا يا شباب - أول مقر فعلى لإبن من أبناء ياللا يا شباب (ياللا نجاح) على أرض الواقع وسيكون القادم أفضل بإذن الله عز وجل - فها هى الأحلام تتحقق جزاك الله كل الخير حبيبى علاء ،، والحمد لله من قبل ومن بعد ،، والله نسأل أن يكون خيراً للجميع ،، على مستوى ياللا يا شباب وفريق ياللا نجاح بل وللمستفيدين فى محيط محافظة قنا والتوسعات القادمه بإذن الله جزاكِ الله كل الخير أختى الفاضله .. والله نسأل أن يستجب دعاؤك ويرزقكِ بالمثل تفضلى أختى هذا الرابط : (من هنا) - وبعد إكتمال تحميل الصفحه - ومن ثم بالتقريب والإبعاد ستعلمين المكان بالضبط تقريباً من بين شوارع مدينة قنا أيضاً قمت برفع أول إعلان تمت طباعته للمركز فى الموضوع الأصلى هنا يمكنك الإطلاع عليه ،، ويتوفر به المكان مكتوباً ووسائل الإتصال بالمركز من أجل الإستفاده من خدماته خالص تحيتى

أنا أعرف الشعر ده من زمااااااااااااااان - بس أول مره أعرف وبالصدفه إنه شعر لأحمد مطر !!!!!!!!!!! بجد الراجل ده مش طبيعى هنا كل موضوعاته (من هنا) ================= وفكرتنى بالشعر ده - لما سمعته لأول مره .. كان اللى سمعهونى أخويا الكبير مدحت فقاللى إقترح رد للرئيس على البيت الأخير .. فمعرفتش - فهو إقترح التالى / معذرة سيدي.. و أين صاحبي حسن ؟؟ قال الرئيس فى حزن أحرق ربى جسدى أكل ذلك حاصل فى بلدى شكراً على صدقك فى نصحنا يا ولدى سترى حسن غدا !! ===================== بارك الله فيك يا جندى يا مظبطنا

(يا خبر أبيض) كان هذا ردى فعلى بصرخه عندما قرأت آخر بيت بحق - راااااااااااااااااااااااااااااائع جدا جدا جدا جدا جدا جداااااااااااااااااااااااااااااا تم التقييم + نشر على فيس بوك

مرحباً بيك أخى سامح رشاد ،، وأفكار ممتازه فعلاً .. جزاك الله كل الخير كلام مظبوط 100% وطبعاً هنوكل الفكره دى للمدرسين اللى معانا فى المنتدى ،، وأظن غنهم كتير ما شاء الله .. ياريت بجد وضرورى توصلوا الفكره دى لمدارسكم ولو قدرتوا تنفذوها حتى من غير مساعده من إدارة المنتدى نفذوها .. متخلوش حاجه توقفكم عن المشاركة فى نهضة مصر .. جزاك الله كل الخير حبيبى سامح ،، ومرحباً بك فى بيتك على الانترنت - ياللا يا شباب - أتمنى تفيدنا دايماً بمشاركاتك الرائعه زى مشاركتك دى .. وأنا سيفت موقعك فى مفضلتى وهتابعه بإستمرار بإذن الله - وأهنيك على فكرته وتنفيذه ربنا يحفظك ويرعاك ويكتبلك النجاح فى كل امرك ها يا شباب - مين نفذ الأفكار دى ،، ومين هيديلنا أفكار أكتر !!

ما شاء الله - جزاكِ الله كل الخير أختى الفاضله طبعاً ممكن ،، بل أكيد ،، ولازم يحصل بإذن الله .. بإذن الله ربنا ييسرلنا ونقيم دولة الدين ،، بس ده طبعاً محتاج مننا خطوات مبدئيه ،، وإن تكون مصر دولة إسلامية يحكمها الدين الإسلامى بمعنى الكلمة - ده محتاج تدرج علشان نوصل لده أول التدرج ده كان وجود الديمقراطيه اللى تخلينا نقدر نتحرك وننتشر بين شبابنا ونغير أفكارهم للأفضل ونزرع فى الكل روح الدين وحب الاسلام والعمل بيه ،، وده دور علمائنا ودعاتنا ودورنا احنا لأن كل مسلم داعيه الى الله بإذن الله دلوقتى الأمر بقى أسهل وبقى أمكن بإذن الله من قبل كده - ولازم ناخد خطوات جاده ومدروسه وعملية فى تربية أبنائنا على الإسلام ،، وتغيير شبابنا لحب الاسلام وحب العمل بيه والعمل والتعامل بما يرضى الله وتحكيم شرع الله أولاً فى كل أمورنا والله نقدر نعمل ده وهنعمله بإذن الله - بس ياريت كلنا نساعد فى ده ،، والله المستعان بارك الله فيكِ أختى الفاضله ،، وأرجو تقديم كل ما يمكن أن تقدميه للأمه علشان نتغير للأفضل ،، والله والله ولو بتربية وتعليم أخت صغيره ليكِ أو اخ صغير ،، او نصح صديقة أو .... لو كل واحد مننا غير واحد بس للأفضل بكره الصبح مصر كلها هتبقى ملتزمه بإذن الله - بس ( لو كل واحد مننا ) فعلاً - مش نقرأ أو نسمع ومنعملش ربنا يجعلنا من العاملين لدينه ويرزقنا شرف الدعوه اليه .. ايديكوا معانا يا شباب نعمل كل اللى نقدر عليه لدعوة شبابنا وإخواننا وأخواتنا للإلتزام بشرع الله وإقامة دينه فى الأرض - ونعمل كل اللى نقدر نعمله فى مصر بلدنا بما إنها الأقرب للإصلاح مننا دلوقتى جزاكِ الله كل الخير أختى لردك المميز جزاكِ الله كل الخير أختى الكريمة (الدرة المصونه) ،، وبارك الله فيكِ لدعائك وأتمنى من الله الإستجابه ولكم بالمثل بإذن الله ويشرفنا ويشرفنى جداً مشاركة حضرتك فى الحمله بموضوع - وفى إنتظار الموضوع طبعاً بشغف ومتأكد إنه هيكون ممتاز بإذن الله وأعجبنى جداً تعليقك الأخير (جارى التفكير للعمل ...) .. أيوه يا أختى بالظبط - العمل - ده وقت عمل .. لازم نعمل مش نفكر نكتب بس ولا نقوم بس ولا نتمنى بس العمل العمل .. كل واحد مننا يفكر ويتنفذ (هو يقدر يعمل ايه) .. يعمل مش أى حاجه تانيه وجزاكِ الله كل الخير وبإنتظار باقى الشباب وموضوعاتهم تحيتى وتقديرى

جزاكِ الله كل الخير أختى الفاضلة (الحياه) .. دائماً ما تعطينا أكثر مما نستحق ،، ودائماً تعجز كلماتنا عن الرد على رقى مشاركاتك - بارك الله فيكِ وجزاكِ عنا كل الخير والحمد لله أن أفادكِ الموضوع ،، والله اسأل أن يرزقكِ كل خير تتمنيه وان ييسر لكِ كل أمرك تحيتى وتقديرى جزاكِ الله كل الخير أختى الفاضلة (قوس المطر) ،، ومرحباً بكِ معنا نعم أختى .. الصلاة الصلاة .. هى أهم من كرات الجولف نفسها - فأنا أعتبرها الزجاجه - فهى الحياة نفسها .. الله أسأل أن يهدينا جميعاً إلى ما يحب ويرضى ،، وأن يرزقنا حسن عبادته وطاعته على الوجه الذى يرضيه عنا ،، وأن يعفو عن تقصيرنا ويهدينا الى ما يحب ويرضى مرحباً بكِ أختى وشرفنى مرورك وخيراً جزاكم أختى (أو أمى) الكريمة (نادية ام البنين) ومرحباً بكِ معنا فى بيتك على الانترنت والحمد لله أن نال الموضوع إعجابك ،، وأتمنى أن يكون لى هذا الشرف فى جميع موضوعاتى ،، وموضوعات الآخرين من أساتذتى فى ياللا يا شباب مرحباً مكِ معنا مرحباً أختى الفاضله (احلامن الحلا) ،، وشرفنى مرورك وأهلاً بكِ معنا فى بيتك على الانترنت - ياللا يا شباب - ونتمنى ان نرى مشاركاتك معنا دائماً نتمنى لكِ الفائده دوماً ،، وأن تلتحمين مع هدفنا الذى نعمل وهو نصب أعيننا (معاً من اجل شباب عربى أفضل) تحيتى وتقديرى

Dr Abcarino eng_alaa تاجى حجابى MidooDj Mr Hamdy Ahmad طرطوسي حياتى من اجل ربى رجب عظيم دعوه للجنـــــة ========== جزاكم الله كل الخير وأكرمكم بكل خير تتمنوه تحيتى لكم

جزاكِ الله خيراً للمرور الطيب اختى (ماجدة رزاز) ومرحباً بكِ معنا والحمد لله أن نال الموضوع إعجابك والله أسأل أن يحقق الفائده منه دائماً مرحباً بكِ فى بيتك على الانترنت - ياللا يا شباب - نتمنى ان تستفيدى معنا وان تفيدينا بما لديكِ تحيتى وتقديرى

جزاكِ الله كل الخير أختى نودى ربنا يهدى ويلطف بينا - ويحفظ مصر وممتلكاتها من اللى اتربوا على السرقه وحسبنا الله ونعم الوكيل

جزاكِ الله كل الخير أختى الفاضلة - وحفظك الله ورعاكِ بالطبع أنشوده رائعه وموضوع مميز وتم تقييم الموضوع لروعته وتنسيقه ولروعة الأنشوده الله أسأل أن يجعل ما تنشرين فى ميزان حسناتك وأن يسعدكِ فى الدنيا والآخره

السلام عليكم ورحمة الله وبركاته فيديو خطاب الرئيس الليبى .. معمر القذافى .. فى الأحداث الحالية فى ليبيا يوم 22 فبراير 2011 http://www.youtube.com/watch?v=iBLgwpR02ss الرئيس الليبى يقول أن الشعب الثائر ضده يأخذون حبوب وليسوا بإرادتهم .. وقال أنه يعلن الزحف .. وأمور أخرى كثيره شاهدوها فى الفيديو الله نسأل أن يقدم ما فيه الخير للشعب الليبى الحبيب ،، والله نسأل ان يتقبل قتلاهم من الشهداء ،، وأن يحفظ ليبيا وجميع بلاد المسلمين من كل سوء ،، وأن ينتقم من كل جبار أثيم تحيتى لإخواننا فى ليبيا - والله معكم

جزاكِ الله كل الخير أختى الفاضلة والله نسأل أن يحرر إخواننا فى ليبيا من الظلم والطغيان والقتل الذى يتعرضون له ،، والله نسأل أن يظهر وطننا العربى والإسلامى من رموز الفساد والطغاه والظالمين ونسأله سبحانه وتعالى أن يكتب لإخواننا ما فيه الخير لهم ،، وهو اعلم به .. والله المستعان