بنت مصرية

سبحان الله رائع بجد اولا الاسلوب بتاعك رائع جدا جدا وفي تحسن ممتاز ياتاجرة السعادة خالد طفل زي ماقل دكتور أحمد نفسنا يبقي موجود في كل حد صغير وكبير وكلامه ممتاز فعلا لا وحلو الاستغراب اللي هو فيه ده وان دل دل علي ام واب عارفين يعني ايه تربيه خالد فكرني بنفسي وانا صغيرة بصراحة هو اكبر واحسن مني بكتير لكن انا من يومي وانا احب اقرا واحب الكتب ربنا يرزقك بالسعادة والخير احبك في الله

انا قلت يمكن تكون ظلمتها يامستر وفهمت الحوار غلط : لان ساعات البنات بيبقوا كدا علي خفيف يعني مخهم طاقق شوية بس انا نفسي تعبت ومع دعوة العنف هو الحل مع الناس دي هو كان قام طلب واخد طلبه تيك اوي وسابها ومشي بعد كدا هيخلوها تمسح المحل وتسيقه وتغسل الصحون عشان تقول حقي برقبتي ايه ده احنا بنتفرج علي اكشن ورعب كتير ولا ايه ؟؟ الثورة اثرت علينا بالسلب شكلها كدا خير اللهم اجعله خير جزاك الله كل خير يامستر

بالتوفيق يارب يالامار ومستنين مشاركتك في المنتدي ان شاء الله بعد الإمتحانا ت وجزاك الله خيرا يادعوة علي تعريفنا

زيك بالضبط ولايهمك سبحان الله وفعلا حقيقي الي حد كبير شكرا علي الاختبار الجميل [

موضوع جميل جدا جدا يادعوة فعلا حاجة متعبة ومحيرة جدا بستغرب علي اللي بتنادي بالحرية وبتحقيق الذات والحصول علي الكرامة والقائمة الطويلة العريضة دي وتكون متبرجة ملابس ضيقة و...... وكل البلاوي دي طيب ازاي قابلة علي نفسك انك تكوني زي السلعة اللي مايشتري يتفرج وبعدين تقولي كرامتك وحريتك الله المستعان اللهم لاتفتنا اللهم لاتفتنا واغفر لنا ذالتنا واسترنا فوق الارض وتحت الارض وبوم العرض عليك جزاكي الله خيرا يادعوة ورزقك الله نصيبا من اسمك ورزقك مادعوتي اليه بارك الله فيك احبك في الله

موضوع جميل جدا ياحياتي وعندي راي في الموضوع ده هو مش بالضرورة يكون الشخص ده يكون من الجنس الآخر او يمكن لان البحث كدا لان ده كمان لما بنقابل اشخاص من نفس جنسنا بتشتغل خريطة الحب دي لكن المشكلة ان فيه ناس حتي مابنلحقش نتكلم معاها وبنرتحلهم او العكس من قبل اي حاجة ولا شوفنا صفات ولا اي حاجة ده غير ان فيه مشكلة تانية سعات احنا بنقابل ناس وبنرتحلهم وبعد كدا بنغير فكرتنا عنهم والعكس صحيح من راي الخريطة دي مش منطقية الي حد ما اصل مدام احنا موهبين كدا وبنعرف الناس اللي يبنسبونا في مختلف علاقات حياتنا يبقي ليه نرجع في احيان كتير نغير النظرة دي موضوع مميز كعادتك بارك الله فيك ولاحرمني حكمتك ابدا

لا ده جديد ماشفتهوش انا قبل كدا :unsure: جميييييييييييييييييييييييييييييييييل مبدع اوي :keda: مافيش منك في مصر نسخة تاني ؟ تعالي افتحي عندنا اتيليه تسلم ايديك بسم الله ماشاء الله رائع بجد وتم التقييم

الحمد لله يارب من تحسن لتحسن ان شاء الله ربنا يطمنك عليها دايما اخي ابن تيمية

وحشة في القلب قال ابن القيم: " إن في القلب شعث لا يلمه إلا الإقبال على الله، و عليه وحشة لا يزيلها إلا الإنس به في خلوته، و فيه حزن لا يذهبه إلا السرور بمعرفته و صدق معاملته، و فيه قلق لا يسكنه إلا الاجتماع عليه و الفرار منه إليه، و فيه نيران حسرات لا يطفئها إلا الرضا بأمره و نهيه و قضائه و معانقة الصبر على ذلك إلى وقت لقائه، و فيه طلب شديد لا يقف دون أن يكون هو وحده مطلوبه، و فيه فاقة لا يسدها إلا محبته و دوام ذكره و الإخلاص له، ولو أعطي الدنيا و ما فيها لم تسد تلك الفاقة أبدا". ألم يأتك وقت شعرت فيه بالحزن دون سبب,,,,,,,"أو بالألم دون مسبب,,,,,,, و بالغربة وسط الأهل,,,, و بالوحشة بين الأصحاب,,,,,, و بالملل وسط أسباب النعيم,,,,, إن كان أصابك شيء من هذا فلتعلم انه لا بد لك منه. . بدونه ستهلك.. من غير رحمته ستموت … بدون عفوه ستعاقب.... و هذا كله من فطرتك السليمة التي أعانك الله على شيطانك أنت من غير الله كالسمكة إذا خرجت من الماء.. كالمخنوق لا يجد الهواء.......... (من كتاب هبى ياريح الايمان) لو ضاقت بك الدنيا وحسيت انك مش لاقي نفسك افتكر قوله تعالى *وَعَلَى الثَّلاثَةِ الَّذِينَ خُلِّفُوا حَتَّى إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ وَظَنُّوا أَنْ لا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا إِنَّ اللَّهَ هُوَ التَّوَّابُ الرَّحِيمُ } .. هو الي خلقك وهو الي خلق قلبك والي هيدور على السعادة بعيد عنه مسكين زى الي بيدور على أهرامات الجيزة فى فرنسا!!! أبعد واتعب نفسك,, ودور فى كل مكان ,,, ولكن فى الاخر ليس لك غيره... مفيش إلا طريق واحد.. وباب واحد... فهل طرقته؟؟ مالي سوى قرعي لبابك حيلــة فلئن رددت فأي باب اقـرع ومن ذا الذي أدعو واهتف باسمه إن كان فضلك عن فقيرك يمنع حاشا لجودك أن يقنط عاصيا الفضا أجزل و المواهب أوسع منقول اسالكم الدعاء بظهر الغيب

من اروع ماقرأت من مقالات جميل جدا احببت اني اشاركم بيه لعظمة خيره وفائدته الكبيرة جزا الله خيرا كاتبه ... لاتنسوني من صالح دعائكم تعالوا نعمل زوووووم المرة دي على أحد صفات ابن آدم صفة موجودة في ناس كتير للأسف انهم ممكن يكونوا بيغيروا آراءهم - معتقداتهم - أفكارهم - مبادئهم بناءا على " رغباتهم و شهواتهم " الصفة دي موجودة من قديم الأزل تعالوا نعمل زووم : نبدأ بقوم سيدنا نوح قوم سيدنا نوح كانوا ناس مؤمنة بربنا موحدة و لما اتوفى بعض منهم راح الشيطان للناس المتبقية منهم و قالهم الناس اللي ماتت دي كانت ناس طيبة معقول هتخالوا الذكريات الجميلة دي تروح لازم نعمل حاجة و نفتكرهم بيها عشان لما همتنا في العبادة تقل أول ما نشوفهم تعلى همتنا تاني ما تيجي نعملهم تماثيل ! لا لا ما تروحوش بعيد احنا مش هنعبدهم احنا هنفتكر عبادة ربنا بيهم ! و سمعوا الكلام و بنوا التماثيل و توالت الأجيال و انتهى الأمر بهم بيعبدوا التماثيل " الأصنام " و كانوا بيعبدوا الأصنام ليزدادوا قربا من الله عز و جل يعني لم ينكروا وجود ربنا سبحانه و تعالى فأرسل الله إليهم سيدنا نوح و قالهم قال تعالى : لَقَدْ أَرْسَلْنَا نُوحًا إِلَىٰ قَوْمِهِ فَقَالَ يَا قَوْمِ اعْبُدُوا اللَّـهَ مَا لَكُم مِّنْ إِلَـٰهٍ غَيْرُهُ إِنِّي أَخَافُ عَلَيْكُمْ عَذَابَ يَوْمٍ عَظِيمٍ ﴿الأعراف: ٥٩﴾ و بدأ معهم سيدنا نوح رحلة من الدعوة شاقة جدا كانوا بيصموا آذانهم و يغطوا رؤوسهم بثيابهم مش عايزين يسمعوا ! عايزين نعيش زي ما احنا كدا ! قال تعالى : وَمَكَرُوا مَكْرًا كُبَّارًا ﴿نوح: ٢٢﴾ مش مجرد مكر عادي و لا حيل عادية و قال تعالى في وصف حالهم: وَقَالُوا لَا تَذَرُنَّ آلِهَتَكُمْ وَلَا تَذَرُنَّ وَدًّا وَلَا سُوَاعًا وَلَا يَغُوثَ وَيَعُوقَ وَنَسْرًا ﴿٢٣﴾ و ما وقفوش بس لغاية هنا في المكر و الإصرار بل اتهموا سيدنا نوح انه هو في ضلال مبين ! قال تعالى : لَقَدْ أَرْسَلْنَا نُوحًا إِلَىٰ قَوْمِهِ فَقَالَ يَا قَوْمِ اعْبُدُوا اللَّـهَ مَا لَكُم مِّنْ إِلَـٰهٍ غَيْرُهُ إِنِّي أَخَافُ عَلَيْكُمْ عَذَابَ يَوْمٍ عَظِيمٍ ﴿٥٩﴾ قَالَ الْمَلَأُ مِن قَوْمِهِ إِنَّا لَنَرَاكَ فِي ضَلَالٍ مُّبِينٍ ﴿٦٠﴾ فرد عليهم سيدنا نوح رد في غاية المنطق قَالَ يَا قَوْمِ لَيْسَ بِي ضَلَالَةٌ وَلَـٰكِنِّي رَسُولٌ مِّن رَّبِّ الْعَالَمِينَ ﴿٦١﴾ أُبَلِّغُكُمْ رِسَالَاتِ رَبِّي وَأَنصَحُ لَكُمْ وَأَعْلَمُ مِنَ اللَّـهِ مَا لَا تَعْلَمُونَ ﴿٦٢﴾ أَوَعَجِبْتُمْ أَن جَاءَكُمْ ذِكْرٌ مِّن رَّبِّكُمْ عَلَىٰ رَجُلٍ مِّنكُمْ لِيُنذِرَكُمْ وَلِتَتَّقُوا وَلَعَلَّكُمْ تُرْحَمُونَ ﴿٦٣﴾ سيدنا نوح بيقولهم أنا رسول ليكم من ربكم اللي خلقكم ربنا يعلم ما يصلح لكم و لا يصلح لكم فاتبعوني لعلكم ترحمون فلما أصروا على ضلالهم أغرقهم الله و توالت تلك القصص في التاريخ مع الأنبياء و الرسل سلاسل من العناد و التكذيب لرسل الله يلحقها هلاك و تعذيب من الله لهم رسالة من الله إلى جميع الأمم قال تعالى : وَمَا أَرْسَلْنَا مِن قَبْلِكَ مِن رَّسُولٍ إِلَّا نُوحِي إِلَيْهِ أَنَّهُ لَا إِلَـٰهَ إِلَّا أَنَا فَاعْبُدُونِ ﴿الأنبياء: ٢٥﴾ فتتكبر الأمم فيعذبها الله إلى أن جاء نبينا محمد صلى الله عليه وسلم النبي صلى الله عليه وسلم حين البعثة كان بيطلق عليه في قومه " الصادق الأمين " كان لقبه بلا نزاع و فجأة ... دعاهم للتوحيد فأصبح لقبه " الساحر - الكذاب - المجنون - الشاعر -الكاهن " و هو أصدق من صدق صلى الله عليه وسلم هذا هو حال صنف من أصناف بني آدم تغيير المباديء و الأفكار و المعتقدات بناءا على الرغبات و الشهوات ... نعوذ بالله أن نكون من هذا الصنف الصنف دا - اللي هما أصحاب الشهوات و البدع و الانحرافات المتبعي الأهواء - لما تيجي تواجههم بالحقيقة أول حاجة يعملوها " يعنونوك " يعني يدوك عنوان أو لقب لأنك مخالف لأهواءهم عشان يعلموا عليك زي ما سيدنا نوح وصف بالضلال و النبي صلى الله عليه وسلم أطلق عليه ألقاب كتير و دا عشان " يحذروا " الناس منك خالي بالك دا " إسلامي" بشتى أنواع الفئات سلفي - وهابي - متطرف المهم انه بيتكلم في الدين كتير و تلاقي الناس خدت العنوان و اللقب و بدئت تحذر الناس منه خالي بالك دا سلفي !!! سلفي !! إوعى تسمعه دا متطرف !! و الناس مش فاهمة يعني ايه سلفي و أصل الحكاية إيه أو الناس دي أصلا بتقول ايه المهم إنك اتعنونت يا ناصح ! و طبعا الهدف هو اضلال الناس عن الحقيقة زي ما كان الكفار في عهد النبي صلى الله عليه وسلم أول ما يدخل حد يقولوله إوعى تيجي جنب محمد دا شاعر و كاهن و مجنون و هيصيبك شيء إذا قابلته أو سمعت كلامه و يبدؤوا يستخدوا فزاعات الألقاب و لكن دين الله ينتشر رغم أنوف الحاقدين ! دلوقتي تيجي تكلم حد أو تنصحه في الدين و تقوله يا حبيبي في الله كدا ما ينفعش ربنا قال و النبي صلى الله عليه وسلم قال يقولك بس يا سلفي يا متطرف ! و نبدأ الخناقة على اللقب و يُترك الموضوع جانبا ! عايزين نعمل زووم على معركة الألقاب و التحزب و المسميات و إلقاء التهم و السلام ! و أيا كان اللقب إذا كان يشمل التوحيد و عبادة الله وحده كما أمرنا ربنا سبحانه و تعالى و زي ما علمنا النبي صلى الله عليه وسلم فنحن نقبل هذا اللقب لذلك نصيحة من القلب : إذا لقيت ما هو ينتمي إلى الدين " الإسلام " و قد تم عنوته و إلقاء التهم عليه و أصبح يهاجم بشراسة تراجع إلى الوراء و حاول تفهم الناس دي بتقول ايه و بتتكلم على ايه العبرة ليست باللقب و لكن العبرة بما يحويه اللقب من منهج فإن كان المنهج صحيح فاللقب ساعتها مقبول يعني ايه الكلام دا ؟؟ تخيل نفسك في عهد النبي صلى الله عليه وسلم و دخلت مكة و إذا بأبي جهل بيحذرك من النبي صلى الله عليه وسلم و اختار أشد الألقاب نفورا عشان انت ماتسمعش كلام النبي صلى الله عليه وسلم فقدامك أكتر من حل : 1- تثق في أبي جهل لأنه أكثر قوة إعلاميا و صيتا في المكان و بناءا على قوته الإعلامية و نفوذه و ثروته فهو موثوق فيه كلامه ليس محل للنقاش 2- تاخد جنب محايد لأنك مش عارف هل هو على الحق والا النبي صلى الله عليه وسلم هو على الحق 3- تخبط على باب النبي صلى الله عليه وسلم و تسمع ما جاء به فإن وجدته خيرا الكلام فيه نفع الدنيا و الآخرة ليك اتبعته و القصة دي حدثت بالفعل في عهد النبي صلى الله عليه وسلم : كان في صحابي اسمه طفيل بن عمرو و كان فصيح و معروف عنه براعته في الشعر فذهب إلى مكة و أول ما دخل " اصطادوه " إياك و محمد بيقول كلام فيه سحر " يا طفيل ، إنك قدمت بلادنا ، وهذا الرجل الذي بين أظهرنا قد أعضل بنا ، وقد فرق جماعتنا ، وشتت أمرنا ، وإنما قوله كالسحر يفرق بين الرجل وبين أبيه ، وبين الرجل وبين أخيه ، وبين الرجل وبين زوجته ، وإنا نخشى عليك وعلى قومك ما قد دخل علينا ، فلا تكلمنه ولا تسمعن منه شيئا " و فعلا خاف طفيل و كان بيسد آذانه عشان يسمعش كلام النبي صلى الله عليه وسلم و لكن دين الله ينتشر و ينتصر و يصل لمن أراد الله أن يصل إليه فطفيل كان في المسجد مع النبي صلى الله عليه وسلم و سادد ودنه و لكنه سمع النبي صلى الله عليه وسلم و هو بيصلي و يتلو القرآن قال : فسمعت كلاما حسنا قال : فقلت في نفسي : واثكل أمي ، والله إني لرجل لبيب شاعر ما يخفى علي الحسن من القبيح ، فما يمنعني أن أسمع من هذا الرجل ما يقول فإن كان الذي يأتي به حسنا قبلته ، وإن كان قبيحا تركته و هو دا موضوعنا اعرض الكلام على قلبك و ما يرضاه دينك و شوف الكلام بيقول ايه قبل سماع الاتهامات و العنونة و الألقاب قال : فمكثت حتى انصرف رسول الله صلى الله عليه وسلم إلى بيته فاتبعته ، حتى إذا دخل بيته دخلت عليه ، فقلت : يا محمد ، إن قومك قد قالوا لي كذا وكذا ، للذي قالوا ، فوالله ما برحوا يخوفونني أمرك حتى سددت أذني بكرسف لئلا أسمع قولك ، ثم أبى الله إلا أن يسمعني قولك ، ، فسمعته قولا حسنا ، فاعرض علي أمرك . قال : فعرض علي رسول الله صلى الله عليه وسلم الإسلام ، وتلا علي القرآن ، فلا والله ما سمعت قولا قط أحسن منه ، ولا أمرا أعدل منه . قال : فأسلمت وشهدت شهادة الحق ، وقلت : يا نبي الله ، إني امرؤ مطاع في قومي ، وأنا راجع إليهم ، وداعيهم إلى الإسلام ، فادع الله أن يجعل لي آية تكون لي عونا عليهم فيما أدعوهم إليه فقال : اللهم اجعل له آية و أكيد و بلا شك طفيل هو الفائز لأنه اتبع الدين الحق " الإسلام " و دا لأنه لم يكتفي بالاستماع للإعلام الفاسد أو الرأي دون الرأي الآخر و راح شاف النبي صلى الله عليه وسلم و سمعه بيقول ايه إذا انت مكان طفيل هتعمل ايه ؟؟؟ احنا أشبه بالمرحلة دي حاليا إعلام كبير أعد العدة و استخدم نفوذه و حيله أو عرض الرأي و لم يعرض الرأي الآخر " عشان الناس ما تزعلش و تقول حرية الرأي" و بناءا على الاختيارات اللي فوق ناوي تعمل ايه بيقولوا السلفيين والوهابيين و .. إلخ وكمان يضربوا أمثله هنبقى زي ايران هنبقى زي العراق .. ويجيبوا امثله فشلت في تطبيق الدين ! وكمان ده مش جديد .. اي حد يحبوا يسقطوه يطلعوا عليه مسميات .. هضرب مثال على اللعب بالالفاظ دون الدخول في تفاصيل .. وقت الاستفتاء كان الي بيقولوا نعم يقولوا نعم للاستقرار .. عشان يجذبوا الناس .. والي بيقولوا لأ كانوا يقولوا لا للترقيعات لا عشان دم الشهداء ميروحش هدر .. مع ان الموضوع ابسط من كده بكتير .. ففكرة اللعب بالالفاظ بتتحكم تحكم شديد في بناء فكرة الانسان عن الي قدامه .. لكن لازم قبل ما نبني فكرة سطحية نسأل الاول عن التفاصيل .. والافضل نسمعها من أهلها مش من حد تاني .. انا في الموضوع هنا مش هدافع عن أي مفهوم و لكن دعوة إلى تجريد الحقائق و البعد عن " العنونة " أو الألقاب يعني العبرة مش بالإسم انا كذا و انا كذا قد ما انا متبع المنهج الفلاني و لا منهج يجب أن نتبعه إلا منهج واحد بس اللي جاء به خير الأنبياء محمد صلى الله عليه وسلم و عاش عليه خير القرون الصحابة و بالعكس كانت الأمة الإسلامية أقوى أمة باتباعها هذا المنهج الموضوع هنا دعوة لنرقى بالفكر و نبعد كل البعد عن المسميات و التحزب و نشوف الحاجة صح تحت العدسة و ان وافق المنهج كلام حبيبنا النبي صلى الله عليه وسلم اتبعناه مهما كان اللقب و مهما كان المسمى و لنبتعد عن فزاعات الألقاب و العناوين .... اسمع بقلبك و اختار ما يرضاه دينك و اللي تحب تقابل ربنا بيه يوم أن تلقاه و ابتعد عن الأحكام السطحية و ارتقي بفكرك ...

خالد دياب يكتب: جيشُنا العزيز: لقد نفذ رصيدكم نشرت بتاريخ - الاحد,03 ابريل , 2011 -16:38 الجريدة (خاص) – كتب خالد دياب في الحديث عن الجيش يجب الفصل بين الجيش كمؤسسة عسكرية دورها حماية الوطن وهي لا غبار عليها وبين الجيش كمؤسسة قائمة بالدور السياسي في مرحلة انتقاليه لدولة وهو دور يأخذ منه ويرد . كنت في التحرير يوم جمعة انقاذ الثورة وكان الشعور السائد ويعرفه كل من هناك هو السخط العام علي المجلس الاعلي للقوات المسلحة وتم بدأ المحاسبة الشعبية لمبارك بلجنة قضائية يرأسها المستشار محمود الخضيري علي ان يتم الحكم عليه بعد اسبوع اذا لم يحضر الاسبوع المقبل للدفاع عن نفسه ثم سمعنا لعدة مرات في الميكرفون العام من عدة متحدثين انه ان لم تتم محاسبة مبارك من قبل المجلس الاعلي هذا الاسبوع فستكون الشعارات الاسبوع المقبل هي الشعب يريد اسقاط المشير وبغض النظر عن اتفاقي او اختلافي مع هذا الشعار لكني لم أقرأ سخط المتظاهرين من المجلس الاعلي في اية صحيفة اليوم علما بأني اشتريت الشروق والمصري اليوم والدستور مما يعني اننا مازلنا في عصر الخطوط الحمراء حيث انه ليس فقط لا يمكن للصحافة مهاجمة المجلس الاعلي بل ولا تستطيع ايضا نقل حدث وقع فعلا عيانا في التحرير . قرأت الاعلان الدستوري الذي كان بمثابة مفاجأة فبه 53 مادة مضافة الي التسعة مواد التي تم الاستفتاء عليها واذا كانت تلك المواد المضافة لا تنتمي الي دستور 71 فهي ديكتاتوريه من المجلس العسكري لان الدستور ليس اوامر عسكرية ويجب ان يكون نتاج حوار وطني وهذا الاسلوب مرفوض تماما اما اذا كان رد المجلس العسكري ان تلك المواد ليست من اختراعهم بل هي من دستور 71 فهنا يجب ان نواجهم بانهم قالو سابقا ان دستور 71 قد مات مما يعني انهم يقولون ما لا يفعلون . في نهاية الامر النتيجه كانت ان الاستفتاء لم يكن له اي وظيفة طالما المجلس العسكري اضاف 53 بدون رأي الشعب .اذا تكلفة الاستفتاء التي تخطت المائتين مليون يجب ان يحاسب عليها المجلس الاعلي الذي اهدرها بدون اي داع وهذا ما صدق عليه كل المحللين الذين تعجبو من فعلة المجلس الاعلي. سمعنا مداخلة تليفونية للواء ممدوح شاهين مع يسري فودة والدكتور حسام عيسي والدكتور جمال زهران والدكتور حسن نافعه علي قناة او تي في وكانت المكالمة عنيفه من سيادة اللواء لان الضيوف ينتقدون الاعلان الدستوري بل خرج علينا اللواء بفكرة المن بطريقة احنا احسن من غيرنا مشوفتوش ليبيا بيحصل فيها ايه… وهنا لنا وقفه فأي اسلوب فوقي يذكرنا باسلوب النظام السابق بطريقة اانتو تحمد ربنا… هو اسلوب مرفوض تماما ولا يبشر بالخير من جهة من يستخدم هذا الاسلوب ولم يرد يسري فودة لأن هناك خطوط حمراء تمنعه من الحديث مع اللواء ممدوح شاهين بموضوعية مع انه يعلم تماما صحة ماقاله ضيوفه. ماحدث في ماتش الزمالك من تعدي لو غضينا البصر عن نظرية المؤامرة فسنجد ان مسئوليته تقع علي المجلس الاعلي للقوات المسلحة التي لم يأمن الاستاد بقوات من الجيش الا بعد حدوث الكارثة بالرغم من ان وجود قوات من الجيش في الاستاد كانت كافية لارساء الامن هناك . المجلس الاعلي في كل احاديثة يؤكد مرارا وتكرار علي انه يحاول جاهدا نقل السلطة للمدنين لان المسئولية عليه كبيره في حفظ الامن الداخلي والخارجي معا في نفس الوقت لكن هذه هي الاقوال لكن ماذا عن الافعال !!….كل الافعال تقول ان المجلس الاعلي يريد البقاء….فنعم في الاستفتاء كان تعني انتخابات برلمانية بعد شهرين ثم أجلت حتي شهر سبتمبر كما انه اذا فاض بهم الكيل كما يقولون فنحن نريد اراحتهم بفكرة المجلس الرئاسي و التي يمكن تنفيذها وبها يرجع الجيش لثكناته لكن االمجلس الاعلي لا يوافق عليها مستندا لاسباب واهية مثل عدم وجود آليات لاختيار مجلس رئاسي مع ان ذلك له خمسون حلا. عندما تقرأ المادة 56 التي تعطي صلاحيات مطلقة للمجلس الاعلي للقوات المسلحة بداية من سيطرتة علي مجلس الوزراء والشرطة والقضاء والاعلام وغيره تدرك اننا لسنا علي الطريق الصحيح نحو الديمقراطية …اعلم انه سيخرج من ينادي ان تلك الصلاحيات ستنتهي بعد انتخاب الرئيس واقول له هذه هي الكارثة لان الصلاحيات ستنتهي بعد انتخاب الرئيس الذي قد يكرس صاحب السلطة كل سلطاته ليرجح مرشحا بعينه عن غيره….والدليل هو اجابة سؤالي الاتي…. هل وقف المجلس الاعلي محايدا في الاستفتاء ام كان يؤيد وجهة نظر معينه سواء كنت معها او ضدها وروج لها وأثر باعلامه الحكومي علي رأي الشعب واثر علي العامه باتاحته للمساجد بالترويج لفكره؟؟ اذا كان المجلس الاعلي لم يكمن محايدا في الاستفتاء علي تتوقع ان يقف محايدا في الانتخابات البرلمانية وانتخابات مجلس الشعب ؟؟ واقول ان جهه تتحكم في القضاء والشرطة والاعلام يمكن ان توجه الناس الي اختيار رئيس معين من خلال الصناديق لأي غرض ايا كان !! وذلك في معركة غير عادلة كما كان الاستفتاء. الجهة التي تملك الاعلام يمكن ان تشوه مرشح رئاسي ما و تجعل مرشحا رئاسيا آخرا بطلا ويمكنها في ظل عدم استقلال القضاء والذي لا ندري ما الذي يحول دون استقلاله ان يستصدرو الاحكام القضائية التي تحقق مآربهم عن طريق قضاه تابعين وهم موجودين وعن طريق المحافظين والمجالس المحلية يمكنها استجلاب البلطجية الذين اثبتو تواجدهم حتي الان كما رأينا في ماتش الزمالك والذي يلعبون دورا محوريا في ايه انتخابات كما يمكنهم استخدام الشرطة علي الاقل لغض البصر عن كل ما يحدث……هل من الصواب ترك كل هذه الصلاحيات في يد جهة واحدة؟؟ جهة يمكن ان تختار هي البرلمان عن طريق سلطاتها ويمكن ايضا ان تختار الرئيس بنفس السلطات؟؟ اذا كنت مخطئا فاتمني ان يعطني شخصا جواب علي لماذا لم تتخذ خطوات جذرية للاصلاح وهي قرارات تأخذ بجرة قلم مثل استقلال القضاء ولماذا لم يتغير الاعلام تغيرا حقيقيا وليس صوريا كما يحدث….لماذا لا يتم استقلال الازهر وتقويته ليقف امام التيارات المتشددة التي ارعبتنا جميعا ؟؟ هل انا عبقري ام ان وجود تلك التيارات المتشددة فيه مصلحة فيجب تركها لانها يسهل توجيهها في بعض الحالات او استغلالها كفزاعة في حالات اخري….لماذا لم يتم تغيير المحافظين التابعين للنظام الفاسد وماذا عن المحليات التي تقوم بالاتفاق مع البلطجية . السادة المجلس الاعلي انتم تسيئون ادارة المرحلة الانتقاليه من الناحية السياسية وحولكم مائة استفهام نتجية التباطئ الشديد في انهاء محاكمة الكبار واسترجاع الثروات المنهوبة ونرجو الا يسوء الامر اكثر من ذلك .السادة المجلس الاعلي نعلم ان هناك انقسام بينكم فبينكم من ينتمي قلبا وقالبا للنظام القديم وبينكم من يتبني الثورة وندعو الله ان ينتصر من بينكم من يتبني الثورة لينتصر للشعب المصري …وتحيا مصر

يار ب الاخبار دي تكون فعلا صحيحة ولسه ياما ربنا مش بيسيب الظالم ابدا ابدا يمهل ولايهمل ربنا ينصرنا علي من ظلمونا اللهم لاتضيع دماء ضحايا هؤلاء الظالمين شكرا يانودي علي نقلك لخبر من افضل الاخبار الي سمعتها في الفترة دي

لنفترض لمجرد لحظة ان كل الكلام ده صحيح وان شبكة رصد وجروب خالد سعيد لناس مش مصريرن وكمان اسرائلين وان الجروبات دي كانت من اكتر الاسباب اللي خلت الشباب ينزلوا ليوم 25 يناير ويعملوا انقلاب للحكم عي حد تعبير الي بيعارضوا ثورة الشباب دي فين المشكلة ؟؟ ايوة بقلها تاني فين المشكلة لان الشباب دول مش مسيرين هبتدي بكلمة قالتها الاعلامية فوزية سلامة في مقال ليها بيتكلم عن الاحداث في مصر "انقلب السحر علي الساحر" يعني حتي لو كان الفيس بوك وتوتير والمواقع المشابهة عايزة تستغل الشباب لصالحها الشباب دول ضحكوا علي الكل ووروا حقيقتهم فعلا للعالم كله يااخي لو تلاحظ كل الاخبار تقول كفاية فتنة انتوا عايزين تبوظوا مصر كفاية حرام عليكم ده علي اساس ان مصر واقفة علي حسني مبارك طب لو مات كنا هنقول كدا ؟؟ ولا مثلا انا لما انزل الشارع واتظاهر سلميا واحط تحتها الف خط ابقي بولع في البلد او لما اقف ويجي واحد بلطجي يعتدي عليا عشان بطالب بحقي ابقي بخبر البلد ولما الامن والشرطة بتاعة النظام اللي الناس عايزاه تفضل تسيب البلد في حالة هرج ومرج وكمان بايدها تفتح قفص الاسد وتطلق سراحه عشان تعلمني الادب ابقي انا برضوا اللي بخرب البلد الشيوخ والستات الكبار والناس اللي علي باب الله اللي طالعين يطالبه برحيل مبارك هما كمان عايزين يولعوا البلد مع العلم ان اغلبهم ماشي بمدء الستر وخلينا جنب الحيط وملناش دعوة كل ده واكتر ولسه برضوا فيه مؤامؤة علي مصر كل الي بيحصل ده وبيتقال كله ماينضحكش بيه حتي علي عيل صغير الحل السليم هو ان يرحل مبارك ونظامة ويحاكموا عشان هما عملوا كتير وحش وحان التغيير مع العلم اني انا مابيش في السياسية ولا ليا اي توجه سيايي ولاعمري فكرت انضم لاي حزب في الاخر برضوا انا كمان كلوا بعقلي حلاوة وانا عايزة اعمل فتنة في البلد شكر لك اخي علي موضوعك ربنا يحمي مصر وينصرنا ...

تسلم ايدك يااستاذ فهمي ده اللي بنحاول نقوله للكل ولكن فعلا الشعب نفسه مثل رئيسه التصق بكرسي الخوف والذل والانكسار والاستلام سنوات طويلة لدرجة ان شبح التغيير يخيفه وان رئيسا دكتاتوريا في اليد خيرا من عشرة مانعرفش عنهم حاجة اعتبر نفسي من هؤلاء الشباب شباب التحرير برغم بعدي عنهم بمسافات اعترف انه لايوجد لدي نضجا سياسيا كبيرا ولكني اعي وادرك تماما مانحن فيه الان ومانتتطلع اليه في المستقبل لااتوقع التغيير بين ليلة وضحها ان جاء رئيسا اخر ولكني اؤمن تماما انه ان تم كما اردنا بان نختار رئيسنا بانفسنا لغير هو وقمنا معه نحن لنصلح بلدنا التي مافعلنا هذه الثورة الا من اجل هذا كفاكم تلفيقا ورميا بعبارات علينا كلها يحمل معنا واحدا وهو الخوف من التغيير جزاك الله كل خير اخي علي بارك الله فيك علي نقلك المميز حماكي الله يامصر وحمي شبابك الذي لايريد الا غدا افضل لك وله..

نور القران استغرب جدا جدا من ردك ده لان مافيش حد هاجمك ابدا زي ماانتي قلتي اخي عاشق الصداقة حدته في الكلام غيره علي بلده شبابها الي هناك في التحرير بيضحوا بارواحهم عشان يقولوا لا للظلم ووسط كلامه قالك انه عارف ومتاكد من نبل نوايكي ويحذرك من الانجراف ورا الراي ده لانه فعلا قول حق اريد به باطل واهو نصيحة دعوة للجنة نفس الامر ولكنها في كلمات بسيطة ربما احسستي انها مهاجمة ولكن هي نصح لانك منذ تسجيلك معنا واختيارك المشاركة والله الذي لااله الا غيره اعتبرتي كواحدة من اسرة المنتدي بالنسبة لي انا لم اقم بتوجيه اي كلام لك ولكن اكتفيت بسرد راي في موضوعك اعتقد انه لايوجد اي مهاجمة هنا انتي طرحتي موضوع للنقاش وليس معني اننا اختلفنا معك في الراي اننا نهاجمك او نكرهك لاسمح الله ثانينا اغلب اعضاء المنتدي من الصعيد وهنا في موضوعك عاشق الصداقة ودعوة للجنة وانا ايضا من الصعيد مثلك تماما نعم نري مثلك التلفزيون وبصراحة تعبنا من الكلام الكتير لكن في النهاية بنشغل عقلنا وبنحكم بالمنطق والحق كمان احنا بنغلي اكتر من اللي عايشين في القاهرة لاننا مش قادرين نعمل حاجة حتي صوتنا مش هيوصل لو عملنا مظاهرات

بارك الله فيك شيخنا العريفي ولا تقلق فشباب التحرير سلمينو لايخربون خرجوا وخرجنا معهم بقلوبنا وبتأيدنا ومانقدر عليه لرفع الظلم وعدم السكوت عن الحق بارك الله فيكي يادعوة ربنا يثلج صدرك كما كنتي سببا في نقل خيرا لنا اللهم ارفع البلاء عن مصر اخواني واخواتي في ميدان التحرير حماكم الله ونصرنا واياكم

انا راي مع اخواتي عاشق الصداقة ودعوة للجنة لا وكمان احمد شفيق طالع يعتذر علي اللي حصل وبيقول انه مايعرفش حاجة عنه وكمان اسرته طلعت تؤيد حسني مبارك وانهم مااخدوش فلوس عشان حاجة زي كدا وزعان طبعا ازاي الناس تقول ان اللي ايدو مبارك اندفعلهم فلوس انا سمعت الكلام ده بوداني وشفته وهو بيتقال مش نقلته عن حد المشكلة انها كمالة مخطط يطلعوا ولايعرفوا حاجة ده غير ان فيه مجموعة حجات غامضة ومريبة لما الناس اللي بتأييد مبارك قالوا هنتظاهر في ميدان عمر مكرم ايه اللي وداهم ميدان التحرير ؟؟ اصلا المؤيدين دول ظهروا فجاة كانوا فين من قبل كدا ؟؟ لما الحكومة ملهاش دعوة فعلا باللي حصل فين الريس او حكومته من بليل ولا هما الاخبار بتوصلهم متاخر اصلهم عايشين في كوكب آخر ؟؟ انا بعبر عن راي ليه اروح اضرب واحد بسنج ومطاوي وحجارة وقنابل وعلي جمال وملثمين كمان؟؟ لا ماانا بدافع عن راي ماحدش واخد باله واسئلة كتير جدا في النهاية انا كنت بقول مبارك يمشي كدا وخلاص لكن دلوقت بطالب بمحاكمته هو وكل اللي معاه واللي سهموا في كدا وخصوصا وزير الداخلية السابق المشكلة ياجماعة ان دي حرب فعلا ماينفعش منها الانسحاب حرب بين الشعب والنظام الظالم بكره يوم حاسم وصعب وربنا يستر لك الله يامصر وحسبي الله ونعم الوكيل احنا في امس الحاجة لشيوخنا الكبار دلوقت عشان يوجهونا وينوروا الشعب ...

قلت كتير انا الكلام ده وادي اول خطوة في تعليم الشعب المصري الادب لو الناس في التحرير استسلموا يبقي فعلا ماعملناش حاجة مبارك مش هيسيب الكرسي بسهولة وان كان هيسيبوا مش هسيبوا الا وهو ماشي في بحر دماء وخراب ودمار ومعلش يبقي مش بيفكر اللي بيقي ضد الانتفاضة او مطالبة الشعب برحيل مبارك لاني كدا هقله لو انت بقيت ضدها او وافقت علي بقاء مبارك وخصوصا بعد الاحداث دي بالذات يبقي انتظر فالقادم اسوء باذن الله حسبي الله ونعم الوكيل نحن معكم ياشباب التحرير فليسقط مبارك وليرحل حسبي الله ونعم الوكيل الله يقدر ولايقدرون \اتقوا الله اتقوا الله اتقوا الله

فعلا موضوع خطير اللهم لاتجعلنا منهم يارب واعنا علي ذكرك وشكرك وحسن عباديتك جزاك الله خيرا عضونا النشيط اخي عيسي جعل الله ماتكتب في ميزان حسناتك

بصراحة انا مش عارفة ارد علي ايه ولا ايه اتفق مع مستر علي لما قال ان الموضوع يستحق القراءة رغم طوله هو وردوده بسم الله ماشاء الله ورغم ان لك العديد مكن المواضيع التي كتبتها من قبل في المنتدي وربما منها الذي يدعوا للنقاش الا انه ولاول مرة اشعر اني اري شخصية دكتور عبقرينو كما يجب ان تري وهذا ان دل دل علي غيرتك علي دينك وحبك لله ولرسولك صلي الله عليه وسلم لدرجة ان دفعك هذا الحب لتطور من معارفك ومهاراتك وتصبح سياطا يضرب كل من تسول له نفسه بتشوية صورة الاسلام بالحجة والبرهان كما قالت امي عاشة الفردوس ويدا حنونة تأخذ بهؤلاء الذين يرغبون في ان ينصروا الاسلام ولكن لايدرون كيف ؟؟ الله اسال ان ينفع بك وينفعك ويهدي بك ويهديك ويحقق لك الخير ويرزقك مغفرة من الذنوب ورحمته الواسعة بهذا الموضوع الذي جعله الله في ميزان حسناتك اما بالنسبة للموضوع لن اقول الا راي البسيط والمتواضع والذي لن يختلف مع اغلب ماقيل وبداية احب ان ارحب باختي حبيبة الرحمن جعل الله لك في اسمك نصيب ومااجمله من اسم ماحدث هو مهزلة بكل مامكن ان نقول انه كذلك من واجبنا كمسلمين وكابناء وطن واحد ان نقف بجانب اخواتنا النصاري ان حدث لهم شيء وهذا مانفعله طوال الوقت فنحن نعيضش معهم من سنين طويلة في سلام وامان ولا حاجة لان نفعل اي شيء يؤكد ذلك ماحدث بعد احداث الاسكندرية ومع تعاطفي معهم انطلق الاعلام كالعادة بحملة بلبلة وتشوية الصورة وتوجيه اصبع الاتهام للمسلمين بشكل او باخر وانطلق المسلمين وخصوصا علي الانترنت وبالاخص علي موقع الفيس بوك بتغير صورتهم الرمزية ووضعوا صورة الهلال مع الصليب !! وانطلقوا يدافعون عن الدين وان الدين بريء من ذلك والادهي والامر ان كل النصاري وساتكلم عن محيطي انا في محافظتي قنا لبسوا السواد وقام كل من يهنئهم بعيدهم يرد عليهم بعبارات لاتليق برد تهنئة وغيرها من الافعال الي" تفور الدم فعلا" كل مايصيبني بارتفاع ضغط الدم حقيقة هو المسلمين هنا من قال اننا يجب ان ندافع ونقول ان الاسلام بريء مما حدث ومن وضعنا في خانة الاتهام اصلا ؟؟؟؟!!! فليقولوا هم مايرديون ولكن افعال المسلمين التي ظنوا انهم ارادوا خيرا بها هي مازادت الطين بلة ان اردتم ايها الممسلمين ان تدافعوا عن دينكم فتدافعوا عنه بالافعال وحبه ونصرته والتزام به اين الناس الان والاعلام وكل عرائس الدمي هذه مما حدث لاخونا السيد بلال الذي قتل ظلما وقاتله معروف لنا لماذا لم يتضامن الشباب معه ولماذا لم يشغل الاعلام نفسه بهذه القضية اعتقد انها نفس الاجابة التي حاول دكتور عبقرينوا ان يسطرها هنا في موضوعه بارك الله فيك دكتور عبقرينوا علي هذا الطرح الرائع والمتميز واعتذر ان اطلت

بصراحة حادثة بشعة جدا جدا افظع من احداث اسكندرية لان ده اتاخد من بيته ورجع بعدها جثة هامدة وتم دفنه في صمت لازم تكون في ردة فعل علي الحادثة دي حسبي الله ونعم الوكيل ان الله لن يضيع حقه ابدا

& دكتور أحمد & بسمة الأقصي & عاشق الصداقة & beonlinenet& مني احمد & عاشقة الفردوس & اشكر الجميع علي مشاركتهم الفعالة والمميزة في الموضوع وآرائكم كلها اعتز بيها لان ده المطلوب من اعضاء المنتدي اللي دايما متميزين وزي ماقال عاشق الصداقة فعلا الموضوع زي مجموعة مواضيع تانية هو خاص بحثكم علي المشاركة الفعالة والرد علي المواضيع وعمل الموضوعات المتميزة انتوا بداتوا وقيمتوا الموضوع وشاركتو فيه ودي كانت اجابتكم علي كتابة الموضوع التاني علشان نبتدي مع بعض فعلا نفتح كل مااغلقناه او مستنين الوقت المناسب علشان نفتحه واقراوا موضوع عاشق الصداقة عن المرحلة التانية من ياللا ياشباب علشان تكونوا معانا في الصورة اكتر دكتور احمد بارك الله فيك علي مروروك وردك اللي دايما بيكون رد نقاش ومختلف موضوع التنظيم والتخطيط دي حجات تانية مختلفة عن قصدي في الموضوع ده غير ان فيه منها حجات فردية بيتم التعامل معاها في كواليس الاداردة لكن تخطيط المنتدي ماشي خطوة بخطوة وهدف بهدف الحمد لله في انتظاركم في حملة التميز

جزاك الله كل خير اخي عاشق الصداقة فنحن دائما نفخر بانك قائد المنتدي الأول والادارة العليا لادارة المنتدي لتنظيم التفكير وتوزيع الجهود والأدوار الحمد لله علي مافات من مراحل لحلمنا الجميل ياللا ياشباب والمرحلة القادمة كسابقتها تحتاجنا وبقوة وتحتاج اكثر لابداعنا واخراج طاقتنا ورسم احلمنا وتصورتنا علي صفحات المنتدي باذن الله مكملين في حلمنا ويارب يكون دايما ياللا ياشباب زي مااحنا عايزين وبنحلم ربنا يوفقنا ويفرحك بابنك ياللا ياشباب

جزاك الله خيرا اخي عيسي 0انشط عضو في المنتدي ومرحبا بعضوتنا الجديدة ريتاج وان احتجت لشيء نحن مستعدين لمساعدتك ايه ياجماعة ما حدش شاف الموضوع ولا ايه الظاهر فعلا ان مافيش حد عايز يفتح الباب الله المستعان :sad::sad: