خذ ثلاثا ودع ثلاثا

[خذ ثلاثا ودع ثلاثا]

موضوع رائع جدا اخي عيسي وجديد ومميز

ربنا يكرمنا ان ناخذ ونترك ونصبح افضل باذنه

بارك الله فيك واكرمك ونفع بك

 

ربنا يعطيك ويرضيك ويكرمك ويرزقك بكل خير

 

تقبل مروري

[هل تريد أن تموت على الفطرة؟؟؟]

لننصر نبينا لا بالشعارات ولا بالاحتجاجات

 

صدقتي فعلا يازرقا اليمامة

نصرة النبي فعلا تكون كدا ونصرة اخواننا في فلسطين ودينا تكون كدا

 

دعاء جميل جدا بارك الله فيك

وجعلك دائما من الدالين علي الخير باذن الله

 

شكرا وتقبلي مرروي

[ياللا يا شباب 2020 - شقاوة تصميم كلاكيت تانى مرة]

ولو قلنا قاصدين بكل صورة شخص بعينه لكانت صورة الواد والبت على الموتوسيكل تخصك أكتر أختى بنت مصرية

 

مش عار فة ليه اول ماشفت الصورة حسيت كدا برضوا

 

والله شكله علي ايامهم اللا توب توب عامل زي كيس الشبسي ..بتحترم ابوها جدا :kiss:

ابقي اديها بتاعي اهو لونها ينفعها برضوا

 

شكرا اخي دكتور احمد علي الابتسامة والمرح اللي ادخلته علينا

[مملكة الأعداء الخفية]

انا سمعت الفيلم لدرجة اني شفته وعشته

رائع جدا جدا جدا وابداع غير محدود

 

وبما انه اول فيلم لخالد المهدي غهو ابدع فيه بصراحة

هستخدمه في تديرباتي ان شاء الله

 

احلي درس

 

واجه شيطانك لانك لو ماعملتش كدا هو هيواجهك غصب عنك وسعتها هينتصر ....

 

 

جزاك الله كل خير اخي دكتور احمد علي الخير اللي بتدلنا عليه

 

الدال علي الخير كفاعله

 

جعلك الله دائما من الدالين علي الخير

والمثابين عليه

 

جعلكالله من الشاكرين والذين يعملون عملا يرضي الله

 

رزقك الله خير ماتمنين في الدنيا واللآخرة

 

تقبل مروري...

[لحظة حزن]

جزاكم الله كل خير جميعا

كل عام وانتم بخير

وفقنا الله دائما لان نشكر نعمته ونعمل صالحا يرضاه

[نقطة ومن أول السطر .]

انا بعد كدا مش هرد في اي موضوع لك

انا هدخل واكتب لاتعليق علشان انا تعبت بجد

 

رائع فعلا بففرح اوي انا بالحجات دي

خصوصا انها بتقترب من علمي المحبب الي قلبي التنمية البشرية

متابعة باذن الله

 

بارك الله فيك وجزاك الله كل خير اخي دكتور احمد

نفع الله بك ونفعك وهداك وهدي بك

 

تقبل مروري

[[ تصميم ] عائلة الصحراء]

فكرة حلوة اوي والتصميم احلي

جزاك الله كل خير ربنا يكرمك ويوفقك الي مايحب ويرضي ويرزقك خير الامور في الدنيا والآخرة

[عاشق الصداقه فى المرسم - شقاوة تصميم]

ولاتعليق

:kiss::lll:

[[3] جزرة وقضمها جحش]

لحظة واحدة

ماشاء الله دكتور احمد وحاجة برة الكمبيوتر والبرامح

جميل جدا

فكرة السلسلة جميلة

وانا للاسف ماشفتهاش غير النهاردة

 

الاسلوب جميل جدا بارك الله فيك

والموضوع بيناقش حاجة مهمة

 

المثل ده بصراحة انا اول مرة اسمعه ...(بجد انا من كوكب آخرفعلا)

وزي ماقلت هو اصلا الانسان المؤمن فعلا لازم يشوف كل اموره خير

بلاء خير رزق خير اصلي اللي خلقك مش هيرضي ابدا لك غير الخير ...

بالنسبة لموضوع رمضان في المنتدي انا توقعت ده بس للاسف

مش كدا ولاتعليق لاني كنت اكثر المتضررين

وفي العيد طبعا مانقدرش غير اانا نفتح احضان المنتدي لاولاده ...

اما التغيير انا معاك في اللي بتقوله ولكن هناك من رحمهم ربي

وهدف من اهدافي انا اعلم ثقافة التغيير للافضل دي ربنا

يرزقنا الاخلاص في العمل بالوجه الذي يرضيه عنا

 

 

جزاك الله كل خير يعني بجد مش عارفة اقول ايه

 

متابعة باذن الله

 

ربنا يوفقك ويرزقك من غير ماتحتشب اخي دكتور احمد

 

تقبل مروري

[تكريم فريق ياللا يا شباب - العام الرابع 2010]

جزاك الله كل خير اخي عاشق الصداقة وجزا جميع اعضاء فريق ياللا ياشباب

علي عملهم من اجل المنتدي اسعد دائما باي انجاز لاي عضو في المنتدي

جعلنا دائما من تقدم لتقدم ومن افضل لافضل حتي نحقق حلمنا باذن الله من اجل شباب عربي افضل

مبروك لاخوتي مستر علي دسوقي ودكتور احمد ودفء الأنس

علي انضمامهم رسميا لفريق عمل المنتدي مبروك المسؤلية ربنا يعينكم عليها

[((..**..قمة الفخامة فى ابسط اشكالها..**..))]

فعلا فخامة في منتهي البساطة

وده اللي مخليني بعشق الاساس الحديث بكل مافيه

لانه بسيط ومنظم وفي منتهي الجمال والإنسجام

دايما متميزة يافقيرة الي الله

ربنا يغيكي بطاعته وبرزقه وكرمه وعطفه ومغفرته

جزاك الله كل خير

[[ مميز] *مارأيك بكوب شاي يضمن نجاحك؟ وطريقة تحضيره مجانا !!!]

موضوع جميل وويستحق التنشيط

[رحلة صورة]

شهد اشكرك جدا علي كلامك الجميل ربنا يكرمك ياشهمد المنتدي

 

شوفتي ياسجدة اذا عرف السبب بطل العجب ظنتي فيا وحش

 

 

شرفتي صديقتي واختي الحبيبة الرام

 

ربنا يرزقنا الاخلاص في العمل

[صور بمناسبة العيد]

 

بمناسبة عيد الفطر المبارك اعاده الله علينا بالخير واليمن

والبركات هو وشهر رمضان ان شاء الله

حبيت اهديكم مجموعة من الصور الجميلة بهذه المناسبة

نت تجميعي ورفعي..

كل سنة وانتم طيبين يااحلي منتدي في النت

 

 

استمتعوا...

وماتنسوش عديتي

 

 

 

 

 

 

 

 

 

 

 

 

 

 

 

 

 

 

 

 

 

 

[نقل مباشر للحرمين الشريفين في جهازك .. ..]

اهال بيكي يازرقاء اليمامة

ويارب الموضوع يكون عجبك

بارك الله فيك \وكل سنة وانتي طيبة

:yahoo::smile:

[تحرشات جماعية بالبنات فى الحدائق العامة]

تحرشات جماعية بالبنات فى الحدائق العامة تفسد فرحة المصريين بالعيد..

و"الصبية" يدخنون السجائر بحديقة الفسطاط فى يوم حظر التدخين بالأماكن العامة

 

 

 

 

 

 

 

 

 

"هجوم يا رجاله بنت حلوة".. كلمات تكررت أكثر من 10 مرات خلال ساعة زمنية فقط لتعبر عن مأساة حقيقة تعرضت لها زائرات الحدائق العامة، خاصة حديقة الفسطاط بمحافظة القاهرة وحديقة الحيوان بمحافظة الجيزة والتى شهدت تحرشات واشتباكات جماعية من قبل الشباب حتى وصل الأمر لإصابة بعض الفتيات بحالات إغماء.

 

 

 

كارثة بكل المقاييس رصدتها عدسة بحديقة الفسطاط اليوم بعد صلاة الجمعة تمثلت فى حالات التحرش الجماعى بالفتيات حتى وصل الأمر إلى محاصرة حوالى 20 شاباً لفتاتين وسط حالة من الصراخ والعويل منهما والاستغاثة بأفراد شرطة الحديقة لنجدتهما، الغريب فى الأمر أن وقائع التحرش داخل الفسطاط لم تكن تحرشات فردية ولم تكن تحرشات لمرة واحدة بكل لأكثر من 10 مرات خلال ساعة زمنية واحدة بصور جماعية.

 

 

 

ولم يقتصر تأثير حالات التحرش على الفتيات وأسرهن فقط، بل امتد الأمر ليطول الباعة الجائلين ورسامى الوجوه، لما وصفوه بحالة ركود أصابتهم من قلة تردد الزبائن عليهم بسبب حالات التحرش المتزايدة.

 

 

 

حالات الانفلات لم تظهر فى جرائم التحرش فقط، بل امتد الأمر لتعاطى المخدرات داخل حديقة الفسطاط فى ظل غياب لافت للأمن، حيث أفترش الصبية الذين لم يتعدوا أعمارهم خمسة عشر عام حديقة الفسطاط دون وجود رقابة عليهم من مسئولى الحديقة ليدخنون السجائر وسط فرحة عامرة تسيطر عليهم، مبررين ذلك بغياب الرقابة وفرحة العيد وذلك تزامنا مع بدء تطبيق القانون 145 لسنة 2007 الخاص بحظر التدخين فى الأماكن العامة من اليوم الجمعة الموافق 10 سبتمبر الحالى، فى كل من المستشفيات والمدارس والجامعات والمواصلات العامة، والمصالح الحكومية، ومراكز الشباب والأندية الرياضية، فى جميع محافظات الجمهورية.

 

 

 

اتهامات متبادلة بين البائعين وزائرى وموظفى الحدائق، فالأول والثانى يحمل موظفى وشرطة الحدائق مسئوليتهم عن تعرض الفتيات وبناتهن للتحرش الجماعى دون تقديم الحماية الأمنية الكافية لهن فيما أكد بعض أفراد شرطة الحديقة أن عددهم 60 فردا ولكن الشكل العشوائى والنوايا غير السليمة للزائرين هو ما يدفعهم للتحرش.

 

 

 

وفى نهاية الجولة بالحدائق استغاث الزائرون والباعة الجائلين بالدكتور عبد العظيم وزير محافظ القاهرة بضرورة بمحاسبة المسئولين عن حديقة الفسطاط واتخاذ إجراءات قانونية ضدهم على تقصيرهم فى تقديم الحماية الأمنية الكافية لهن.

 

 

 

من جهة أخرى، رصدت فى منطقة الأهرامات أحد عجائب الدنيا السبع حالة من التجمهر الجماعى للزائرين بعد منع المجلس الأعلى للآثار برئاسة الدكتور زاهى حواس المصريين غير حاملى البطاقات الشخصية من الشباب والفتيات من زيارة الأهرامات، بالإضافة لمنع الزائرين المصريين حاملى البطاقات الشخصية من الدخول عبر الباب الرئيس للأهرامات والسماح لهم بالدخول عبر مدخل أبو الهول.. منع المصريين من دخول الأهرامات أثار غضب الزائرين القادمين من المحافظات والذين أكدوا "الهرم هرمنا يشوفه السياح ونحرم منه يا ريت يا ريس متخصصهوش ومتنعناش من زيارته".

 

:yahoo::smile:

 

لاتعليق

حسبي الله ونعم الوكيل

[ياريت اسمع رأيك...]

 

 

كنت سعيدة جدا

طول شهر رمضان المبارك

اعاده الله علينا بالخير واليمن والبركات

وانا بقدم دورة ياللا نتغير

اللي ارجو من الله انها تكون عجبتكم

وتكون من اسباب الإفادة إن شاء الله

اي حد عنده سؤال او استفسار او تعليق

اوي اي حاجة حابب يقولها ياريت بدون أي تردد

 

وحتي نقدر نتجنب اي خطأ قادم باذن الله او عمل اي تطوير

فلازم يكون فيه مشاركة من المستفيدين

أسال الله لي ولكم الاستفادة باذن الله من كل اعمالنا

وان يجعلها خالصة لوجهه الكريم ويزقنا الأخلاص في العمل

ويجعلنا ممن يسمعون القول فيتبعون احسنه

 

أن اخطأت فمن نفسي ومن الشيطان وان اصبت فمن الله

 

سبحان الله وبحمده...سبحان الله العظيم

ولاتنسوني من صالح دعائكم بظهر الغيب..

في انتظار اني اسمع رايكم وتقيمكم ..

 

تم بحمد الله

 

لمتابعة باقي الدورة

اضغط هنا

[سلسلة صح وغلط وقصة طريفة {الحلقة الثلاثون والاخيرة}]

انا فعلا كنت مستمتعة بمتابعة السلسلة طول الشهر الكريم وفيه كذا درس كنت برد عليه والنت الله يسامحه يفصل يضيع الرد الحلو اللي بكون كتباه

:yahoo:

فبطلت اكتب ردود طويلة

بجد خاتمة جميلة جداجدا واسال الله ان يهيدنا لصالح هذه الاعمال

وان يثبتنا مابعد رمضان ان شاء الله

انا بسمع لشيوخ مايختلفش عليهم اتنين

واقربهم الي محود المصري ومحمد حسين يعقوب وهاني حلمي

ولما احب اتفرج علي حجات تاني

انا بريح دماغي بسمح في الحكمة والرحمة

والرسالة وفور شباب كمان كتير صح

لانه فيهم شيوخ باذن الله مانقدرش نختلف عليهم

جزاك الله كل خير مدرس ياللا شباب

وفقت في احضار السلسلة والدال علي الخير كفاعله

اثابك الله اجرا كاملا باذنه

[القياس البعدي]

في أول رمضان عملنا القياس القبلي

واللي كان الهدف منه ان احنا نعرف

معلوماتنا شكلها ايه في موضوع التخطيط والتغيير

واتفقنا ان احنا في آخر الشهر هنعمل القياس ده تاني

علشان نشوف هل احنا استفدنا من الدورة بتاعتنا دي ولا لا

وموضوع القياس ده ليه اشكال كتير

حتي احنا كنا بنعمله طول الدورة

بشكل غير مباشر ومباشر

سواء في تحيد الاهداف

وكتابتها علشان تبقي قدمنا طول الوقت

او حتي في التشك ليست اللي عملنها قبل كدا برضوا

ارحو من الله انكم تكونوا استفدتوا ان شاء الله من الدورة

ونكون كلنا استفدنا من مدرسة رمضان

وارجو دايما اننا نعمل موضوع قياس لمعلومتنا طول الوقت

وماتنسوش ان اساس اي عمل النية ثم النية ثم النية

 

قال الرسول صي الله عليه وسلم (انما الاعمال بالنيات وانما لكل امرء مانوي..) الي آخر الحديث

طبعا هكون في انتظار درجاتكم

 

وافتركوا انت القياس ده ليكم مش ليا

يعني بفدكم انتوا مش انا

اصلها معلوماتكم

واستفادتكم

 

ده الايميل bentmasrea@yallagroup.net

واتفضلوا القياس

 

القياس.doc

وصلي اللهم وبارك علي سيدنا محمد وعلي آاله وصعبه وسلم الي يوم الدين

سبحان الله بوحمده سبحان الله العظيم

 

اسألكم الا تنسوني من صالح دعائكم بظهر الغيب

لمتابعة باقي الدورة

اضغط هنا

[شاحن ...إنسان]

احنا سمعنا كتير قبل كدا

شاحن نوكيا

شاحن سامسونج

شاحن سوني اريكسون

وشاحن لاب توب

وشاحن كاميرا

 

وشواحن كتير ياما اوي

لكن بصراحة اول مرة نسمع عن شاحن انسان دي

عليكي حجات غريبة يابنت مصرية:yahoo:

 

اه عارفة

وكالعادة هريحكوا من التساؤل بتاعكم ده ..

اه ياجماعة فيه شاحن انسان صدقوني

انا مش بهزر بكلم جد جدا كمان

بس هو الشاحن ده مش هتلاقوه في اي حته

ولا عند اي حد

دول اماكن وناس كدا محددين ويابخت اللي يلقي مكان يشتري منه

يجبلي كمان معاه بالمرة لحسن السوق شاحح خالص.

انا هقلكم ايه هو الشاحن ده وايه مواصفاته وممكن تلقوه فين كمان..

 

بس الاول لازم نعرف هو بجد الانسان بيتشحن

بيتحط في الكهربا وكدا يعني

اه علي فكرة هو حاجة شبه كدا

اصل احنا ياجماعة عاملين زي البطارية

ليها عمر شغل بتاعها وبعد ماتنتهي لازم تنشحن علشان تشتغل

لحد ماعمرها الافتراضي ينتهي وده حاجة تاني خالص

طيب ماشي الانسان زي البطارية وبعدين.؟؟

الشاحن ده اي حاجة تخلي البطارية دي شغالة كويس لحد ماتنتهي

الشاحن ده ممن يكون

شخص..

اوي شيء...

او كلام ...

اوصورة ...

او استماع...

 

شخص زي صديق والد اخ اخت معلم مدرس شيخ جليل دعاية اسلامي

ممكن يكون جنبك وممكن يكون بعيد عنك

حد بتشوفه وبيعنك دايما تشكيله يصبرك ويدبرك

تساله ينورك ويبصرك باذن الله

تعوزه تلاقه دايما جنبك وبالدين فارش طريقك معاه

او ممكن حد بتسمعه زي شيوخنا الاجلاء ومحاضراتهم ودروسهم الجميلة

 

او ممكن يكون شيء انت عامله لنفسك علشان يشحنك كل انا تحس انك هتبتدي تفضي

او حتي علشان تفضل معيش نفسك في جو معين زي حالة ايمانيه

او حاجة بتسمعاها او بتقراها

زي اللي في المنتدي

مثلا اقرب حاجة في شهر رمضان

كان فيه فعاليات كتير في المنتدي

منها اتفرج علي ذوقي

وصح وغلط وقصة طريقة لاخونا علي دسوقي

كان فيها مواضيع سماعية ومقروءة

وزي شعار ونصيحة وهمسة وواجب عملي ووقفات مع الكلمات

وزي دورة ياللا نتغير نفسها

وصورة زي اللوحة الرمضانية اللي قولنا عليها في الأول فاكرينها؟؟

او زي خلفية جهازك اللي عليها حديث او اية قرآنية او حكمة بليغة

اوفيديو للعظة والعبرة والتعلم ..

طيب هو الشاحن ده بيشتغل ازاي

انت بتروح للشاحن ايا كان نوعه

انت هتاخد في كل الاحوال اللي انت هتسمعه وهتاخده ده

بيثبتك ان شاء الله

لانه دايما معيشك مع الله وفي الحاجة اللي بيتكلم فيها

يعني مثلا انت عايز تبطل عصبيه

تقوم مختار الشاحن بتاعك وباستمرار

بتسمع اللي بيتقال من الشاحن بتاعك او بتقراه او بتشوفه

ولما تيجي تغضب هتبقي فاكر اللي انت شفته او سمعته او قريته

هتلاقي نفسك مع الوقت بتقدر تتغلب علي الحاجة دي ان شاء الله

علي فكرة ممكن يبقي ليك كذا شاحن كله ينفع

واعظم شاحن هو القرآن الكريم

عيش فعلا بقلبك مع القرآن الكريم واستخرج منه

كل ايات الوعيد والتهديد والصبر والجزاء الحسن وغيره

ودايما هتحس بارتقاء في نفسك ان شاء الله

انت هتبقي زي

اللي حاطط شاحن جواه طول الوقت

يااما بتفكر في العلم الي بتاخده

يااما بتتعلم حاجة جديدة

ان شاء الله ماعندكش وقت ان البطارية تفضي..

وكله حسب قوة ايمانك...

 

الاجندة بتاعتنا دي شاحن

لان انت بتكتب فيها كل الي يفيدك وبتنظمه بطريقتك

ولما تبقي فاضي كل شوية اديها بصة عليها واقراها وقلب فيها

وساعتها ابقوا تعالوا قولولي حسيتوا بإيه؟؟

 

 

اسألكم الدعاء بظهر الغيب

سبحان الله وبحمده سبحان الله العظيم

لمتابعة باقي الدورة

اضغط هنا

[تصميم العيد 2010 "خلفية لسطح المكتب - للطباعة والنشر - ... إلخ "‎]

رائع جدا بارك الله فيك متميز كالعادة كل عام وانت بخير

[في النهاية هدية...]

بمناسبة دورة ياللا نتغير

اللي ارجو الله ان اكون وفقت في طرحها لكم

في نهايتها ونهايتها

احب اني اهديكم هدية

ارجو انها تنال اعجباكم

دورة ياللا نتغير بتتكون من 15 موضوع طول الشهر الكريم

"بعض الزيادة في عدد المواضيع ولكن ليه لها علاقة بصميم الدورة نفسها"

 

والحمد لله الذي بلغنا رمضان اسأل لي ولكم القبول والثبات باذنه جلا علاه

الهدية هتكون عبارة عن وصفة جميلة مكونة من معادلات التغيير اللي اخدنها طول الدورة

وكمان تليخص سريع لكل حاجة

وصفة جميلة واتمني ان الكل ياخدها...

والحاجة التانية نصائح للثبات لما بعد رمضان ان شاء الله

 

نبدأ بسم الله ...

 

اول حاجة وصفة ياللا نتغير

مكونةمن اهم معادالات التغييراللي هي

معادلة النجاح =عمل+دعاء+رضا+صبر= الفلاح باذن الله

 

معادلة الانجاز والنجاح =نية+دعاء صادق + عمل + حسن ظن بالله = نجاح وفلاح باذن الله

 

خلطة التغيير=كوباية نية وارادة+ معلقة معرفة وضع حالي+ معلقيتن نظرة لوضع مستقبلي+

وشوية ادوات + توكل علي الله وتسليم له مقدار كبير علي قد ماتقدر

 

نظرية الكتشن ماشين

 

شنطة الاخلاق والعبادات

 

مدرسة رمضان

 

بصمة علي النفس

والتشك ليست

 

واجندة المشوار

 

واهم حاجة احنا بنخط ليه وايه معني التخطيط

 

وشاحن الانسان

كل ده

 

مع شرح وادوات خاصة بكل حاجة كونت عندنا وصفتنا المركزة

واللي عايز التفصيل يرجع لدروس الدورة تاني

واللي عرفها ماتنساش

الاجندة اولا ثم تطبيقك تاني ان شاء الله بعد كدا

ثانيا

نصائح للثبات بعد رمضان

 

* احذر شيطانك واهزمه

لاترتكب المعاصي في اول ايام بعد رمضان

الشيطان اتفك من اسره وجاي بقي وكل قوته عليك علشان يضيع ثواب شهر كامل منك

فخلي بالك واثبت واهزمه وواجه شيطانك

انصحكم انكم تسمعوا الفيلم الصوتي "مملكة الأعداء الخفية "

 

* اثبت علي الطاعة

كل اللي كنت بتعمله في رمضان وعلي الاقل الحد الادني بتاعه

لو بتصلي نوافل ماتسبهاش

ختمت قران اختم مرة كل شهر وياحبذا لو تبدأ تحفظ

دعيت كتير ادعي في صلاتك وخصص اوقات اللي كنت بتدعي فيها علي الاقل بين الاذان والاقامة

ذكرت ربنا كتير ..وانت رايح شغلك او جامعتك او بتتمشي او بتعمل حاجة رطب لسانك بذكر الله

عملت اعمال خير ..وماله اعمل ولو صدقة بسيطة في الشهر او كل يوم

سبت فعل معاصي او عي ترجعلها علي الاقل لو معصية واحدة

 

يبقي تخلي بالك تهزم الشيطان وتثبت علي الطاعة

وخلي بالك ان احب الأعمال لله أدومها وإن قل

فالله رب رمضان ورب كل الشهور

 

ماتنزلش من همة ايمانية عالية للحضيض مرة واحدة دي انتكاسة سيئة جدا جدا

 

خدوا الهدية وادعولي بالله عليكم ويارب تكون عجبتكم ان شاء الرحمن

لمتابعة باقي الدورة

اضغط هنا

[ليه بنخطط...كلاكيت تاني مرة]

خلاص السوق انفض

 

قال الرسول صلي الله عليه وسلم

(سوق قام ثم انفض ربح فيه من ربح وخسر فيه من خسر)

خلاص سوق رمضان خلص يارب اجعلنا فيه من الرابحين باذنك ياحي ياقيوم

 

اكيد كتير منكم مستغرب من عنوان الموضوع

هي بنت مصرية ايه مالها مخها فوت ولا ايه

لاماتقلقوش انا مخي مافوتش لسه ولا حاجة

انا فعلا كاتبه العنوان ده

وكمان محطوط في المواضيع الختماية للدورة

اصلي زي ماتقولوا كدا انا بحب أكد علي الحاجة

كذا مرة علشان تثبت كدا ونعرف اهميتها

انا مش هطول عليكم كتير المرة دي

هنتكلم عن حاجتين بخصوص التخطيط وبس

اولا حاجة تعالوا نعرف اهمية التخطيط من الناحية العلمية ...

ساعة واحدة من التخطيط توفر لك ساعات ضائعة طول الاسبوع فيما لاينفع

التخطيط بيخليك تعرف انت عايز تعمل ايه بالضبط

بيخليك تستفاد من وقتك بأقصي طريقة ممكنة

وبقلل من مشكلة تداخل الاهداف والاعمال المتراكمة

انت بتخطط

يعني انت بتعرف انت فين ورايح فين وعندك ايه علشان توصل ..

بيخليك تطور من نفسك وتنجز اكتر في وقت اقل

بيخليك نحاسب نفسك كل شوية

لان ماحدش يحب يخسر

فانت دايما في حالة تنافس مع نفسك

 

اما التخطيط واهميته في الاسلام فده مهم جدا

اول خطوة احنا بنعملها كل شوية والاسلام بيحثنا علي كدا

النية

ايوهن ياجماعة النية دي خطة صغيرة

بتعملها وبتخطط بيها لعمل واحلي مافيها انها تجارة مع الله

انت بتخطط لعمل وفي سرك ونيتك لله

هتربح باذن الله

{ وأعدوا لهُم ما استطعتُم من قُوةٍ وَمِن رِبَاطِ الخيلِ ... } " الأنفال : 60 "

الآية دي بتحث المسلمين علي التخطيط العسكري

لكن كمان بتضع سيساة عامة في اهمية الاستعداد والتخطيط

ماهو لما انت مش هتخطط يبقي مش هتعمل حاجة

مثال صغير اي واحد مننا نفسه باذن الله انه يدخل الجنة وينال اعلي الدرجات في الجنان

وطبعا كل واحد وزي مايحب اللي عايز الفردوس ااعلي

واللي عايز مجاورة النبي صلي الله عليه وسلم

واللي عايز يبقي من اللي بشوفوا ربهم بالغداة والعشي

وهكذا

وده هدف كبير

وبنعد نشوف ايه اللي ممكن يوصلنا للمكان اللي بنحلم بيه

صلاة وقيام وصوم وزكاة واعمال صالحة

اديك عرفت هدفك وعرفت الادوات

وبعدين هتشوفك وتعمل كل اللي يناسب ظروفك وتقوي نفسك علشان تدي اكتر

انت كدا عرفت نفسك

مش باقي غير انك تكتب ده لان مهم اوي انك تكتب اهدافك

من غيرها بتكون افكار بااجنحة طائرة

شفتوا ازاي ان من صميم الاسلام التخطيط

والتخطيط مش عملية معقده ولاحاجة

هي بس مهارة وبتطلب منك انك تستخدمها علشان شوية بشوية تتعود عليها

عرفت الاساس وليك حرية الابداع

 

ابتكر خطتتك وازاي هتقيسها وهتعمل فيها ايه

 

فيه اسباب بتخلينا مانخططش اه فيه ...

 

الجهل بالتخطيط

وعدم الاعتراف باهميته

والمبالغة في الطوح والامل

والاعتماد علي مبدأ بالبركة اهي زي ماتيجي تيجي

 

ملحوظة مهمة

التخطيط مش معناه ابدا انك بتختار حياتك خطوة بخطوة

التخطيط عامل زي علية جميلة مليانة ادراج

انت بتشيل فيها حاجتك بنظام علشان تسهل بعد كدا وتلقي بسهولة اللي انت عايزه

لكن فيه حجات ماينفعش تشيلها في العلبة دي

لانها صغيرة او اكبر منها

التخطيط بيفور عليك كتير لكن ساعات النتائج مش بتيجي زي المتوقع

وده تقدير من الله

المهم انت عملت اللي عليك

وتعمل ب( عسي ان تكرهوا شيئا وهو خيرا لكم وعسي ان تحبوا شيئا وهو شرا لكم )

بس المهم فعلا تعمل اللي عليك

 

وافتكروا دايما ان الامور ليست صعبه في ذاتها ولكنها صعبة لاننا لانجروء علي الإقتراب منها

 

كونفوشيس كان يقول : (( الناس بالفطرة متشابهون ، وفي التطبيق مفترقون ))

 

يارب تكونوا حبيتوا التخطيط :yahoo:

 

لمتابعة باقي الدورة

اضغط هنا

[لسته مهمة جدا جدا..check list.. سيب بصمتك علي نفسك!!]

لمتابعة باقي الدورة

اضغط هنا

 

خذ يافاروق ادي لستة بالحجات اللي احنا عايزينها

فاروق خذ اللستة ونزل السوق علشان يشتري الحجات اللي

الست الوالدة قالتلوا عليهم وهو نازل علي السلم

بص بسرعة كدا علي الورقة ورتب نفسه وانا هروح هناك

علشان اجيب دي ودي ودي

ودول هجبهم من الحتة الفلانية او الفلانية

لو مالقتش ا خد لفته ومااتاخرش وجه وجاب الحاجة

بتاعته دعتله امه وهو كان مبسوط والهدف تم انجازه ها ...

فاكرين فاروق اللي حكينا عليه اول يوم في رمضان ؟؟؟

 

فاكرين العيلة الجميلة دي المترابطة علي بركة الله

مين فيكم زي فاروق ده عنده حجات عايز يعملها

او يشتريها وفكر انه يكتب لسته وكمان يبص

فيها ويعرف هيروح فين قبل مايترحك هيوفر

وقت ومجهود ومش هينسي حاجة ان شاء الله

قصدك ايه ؟؟ تعالوا نعمل اللستة دي واللي اسمها "check list"

 

نعمل تشك علي الحجات بتعتنا الحجات اللي كنا

حطينها اهداف في رمضان ونشوف عملنا ايه ومعملناش

ايه ونتأمل في التشك لست بتاعتنا ونكمل بيها لبعد

رمضان نشوف اللي عملناه ونثبت عليه الي الحد الادني

واللي معملنهوش نعمله برضوا حتي لو كل يوم مرة

وبرضوا الحد الادني النهاردة اخر يوم في رمضان

تيجوا نعد النص ساعة قبل المغرب دي وندعي كاننا

عمرنا مادعينا ادعي بقلبك انك تكون اتغسلت من ذنوبك

في رمضان وان ربنا يثبتك علي الطاعة بعد رمضان

احنا خدنا معادلات ووصفات كتير الشهر ده تيجو نعرف

 

معدله النجاح نية+دعاء صادق + عمل + حسن ظن بالله = نجاح وفلاح باذن الله

النهاردة آخر يوم زي آخر يوم في دراستك لما تنجح

وتاخد شهادة نجاحك اثبت وخلي بالك انك لازم تصيب

بصمتك علي نفسك ايوة علي نفسك جديدة صح اصل

الواحد دايما بيسيب بصمته علي اي حاجة حوليه مش

عليه بس انا هتخرج من مدرسة رمضان الهمة الايمانية

العالية اللي كنت عليها في مدرسة رمضان خدها

وخد الحجات اللي عملتها جديد السنة دي

واللي اتعلمته جديد وحطهم في ايدك وسيب بصمة

علي نفسك علشان باذن الله تكمل مابعد رمضان

وتعبد الله رب رمضان ورب كل الشهور

 

ماتنسوش ال"check list" وبصمتك علي نفسك

ومعادلة النجاح

ودعائكم لي بظهر الغيب

اسال الله لي ولكم ان نكون ممن عتقنا من النار

وغفر لنا ماتقدم من ذنوبنا وتقبل الله منا اعمالنا

نسالك يارب ان تعيننا مابعد رمضان وتثبتنا

علي طاعتك وتعينا عليها وشكرك وحسن عبادتك

 

لمتابعة باقي الدورة

اضغط هنا

[نقل مباشر للحرمين الشريفين في جهازك .. ..]

السلام عليكم ورحمة الله وبركاته ،،

في هذا الموضوع شرح لكيفية مشاهدة قناة القران الكريم أو قناة السنة النبوية وذلك من على سطح المكتب في جهازك. وللفائدة فقط، فقناة القرآن الكريم تقوم ببث مباشر للحرم المكي مع تلاوة منوعه للقران الكريم بالاضافة الى نقل الصلوات جميعها والخطب. أما قناة السنة النبوية فتعنى بنقل المسجد النبوي بالاضافة الى أحاديث نبويه على مدار الساعه، مع نقل الصلوات والخطب أيضا.

ستقوم القناتان أيضا بنقل شعائر صلاة الترويح والقيام في رمضان باذن الله، وهذه فرصه للاخوان المغتربين وحتى المقيمين بمشاهدة هذه القنوات على الانترنت.

اليكم الشرح:

(1)

اضغط بالزر اليمين على سطح المكتب ثم اضغط New ثم Shortcut كما في الصورة:

(2)

ضع الرابط التالي في المربع/

لقناة القران الكريم (مكه) :

mms://38.96.148.74/Quran2

لقناة السنة النبوية (المدينة):

mms://38.96.148.74/sunna2

(3)

ضع التسمية المناسبة لك

(4)

ستظهر لك الآن هذه الايقونه في سطح مكتبك:

(5)

اضغط عليها ثم انتظر حتى تعمل القناة معك

لا تنسوني من دعائكم ، تقبل الله من الجميع صيامهم وقيامهم في اخر يوم في هذا الشهر الفضيل وجعلنا ممن غفر لهم واعتقوا من النار آمين يارب العالمين

 

منقول