ويمرّ عام, وعطاء بلا حدود

[ويمرّ عام, وعطاء بلا حدود]

الغريب ف الأمر ان كلكم رديتو قبلي ومافيش واحد فيكم قاللي كل سنة وانت طيب يا ساهر يا حبيبي ولا حاجة؟؟

عموما ... مردودالكم

حبيبي أحمد كل عام أنت بخير

وربنا يكرمك بخيري الدنيا والآخرة

[سلسلة رمضان السنة دي غير كل عاداتي .... مقدمة]

في انتظار الحلقة الأولى مدربنا الكبير

بارك الله لك في علمك ونفعك ونفع بك

[رمضان جرافيك || برنامج معكم فى رمضان]

مازلنا منتظرين يا دوكتور

[ياللا يا شباب يكمل الان 100000 مائة ألف عضو مسجل - ألف مبروك للجميع]

اللهم لك الحمد حمداً كثيراً طيباً مباركاً فيه

حمداً ينبغي لجلال وجهك ولعظيم سلطانك

اللهم اجعل أعمالنا صالحة ولوجهك الكريم خالصة ولا تجعل للشيطان منها شيئا وتقبلها اللهم بقبول حسن

معا من أ جل شباب عربي أفضل

[عائلة فيسبوكية جدااااااااا]

200 لايك لتوكتوك

[أصبح عندي الآن لاب توب]

الف مبرووووك واكيد احنا فرحنالك بس حافظ عليه وربنا يباركلك فيه وتستخدمه في طاعة الله

ومتنساش انك تدعيلي انا كمان انه يكون عندي لاب توب هههههه

أكرمك الله أختنا فراشة

وزادك الله فرحة في الدنيا والآخرة وجعل لك نصيباً من دعائك

وإن شاء الله ربنا يكرمك بأربعة مرة واحدة

اسال الله العظيم ان يحفظلك كل ما رزقك وأعطاك وان يبارك لك فيه وان تستغله فى طاعته عزوجل

وربنا يرزقك البركة فى كل حيااااااتك ويبارك لك فى رزقك ويسعدك ديما...

اللهم آميـــــــــــــــــــــــــــــن.

جزاك الله خيرا أختنا دعوة للجنة

وجعل لكِ نصيباً من دعائك وبارك لك في علمك وعملك ورزقك من حيث لا تحتسبي

الف مبروك يا ساهر ...يتربي في عزك ان شاء الله ..

ربنا يجعله باب خير ليك دايماً يارب ويبعد عنه الفيروسات والتروجانات

..

الله يخليك يا باشمهندس

وفيك بارك وعقبال أولادلك كده إن شاء الله

وآمــــــــــين يارب أحسن الحاجات دي سمعت انها وحشة خالص

[أصبح عندي الآن لاب توب]

جزاك الله خيراً أختنا نور

وتقبل منا ومنك صالح الدعاء وجعل لك وللمسلمين نصيباً منه

وماكونتش عايز أجيبه لأن شاشته LCD ومش باعرف اتعامل معاها في شغلي

بس الحمد لله اتعودت عليها وربنا يصلح الحال

بارك الله لكي في علمك وعملك وعمرك أختي الرام

وإن شاء الله هأحاول أحافظ عليه

[أصبح عندي الآن لاب توب]

بسم الله الرحمن الرحيم

اخوتي الكرام وأصدقائي الأعزاء ... أخواتي الفاضلات

أسعد الله أوقاتكم بذكره والصلاة على نبيه المصطفى صلى الله عليه وسلم

أمــــــــــــــــــــا بعــــــــــــــــــــــــــد

~~~~~~~~~~~~~~~~~~~~~~~~~~~~~~~~~~~~~~

طبعا الجواب باين من عنوانه ومش محتاجة فكاكة

إنما اللي عارفني كويس يعرف إني كنت رافض فكرة إني أشتري لاب توب أصلاً

ليـــــــــــــــــــــــــــــــه بقـــــــــــــــــــــى؟؟؟؟

لأسباب مش عايز أوجع دماغكم بيها

المهم دلوقتي اني أشتريت لاب توب فعلاً وقولت إني لازماً ولابد أول موقع يتفتح يكون بيتي الأول على الانترنت موقع

ياللا يا شباب

وأول حاجة تتكتب على الكيبورد الطاهر الشريف -مع الاعتراف بالأنساب- يكون خبر في

المنتدى

ليــــــــــــــــــــــــــــــــــــــــه بقــــــــــــــــــــــــــــــى؟؟؟؟

لأني لو اخواتي مش هيهنوني ويدعولي ان ربنا يباركلي فيه يبقى مالوش لازمة

وكمان بصراحة بأجمع تمنه فلو كل واحد حط ايد في جيبه وطلع خمسة جنيه هتبقى فل أوي أوي

بجد والله مش عارف المفروض أكتب ايه ولا اقول ايه

بس كل اللي انا عارفه اني سعيد اني اشتريت لاب توب ونفسي تشاركوني الفرحة دي

زي ما قال الشاعر الكبير الليمبي

"مبسوط ونفسي كلكم تبقوا مباسيط "

ياللا ادعولي ربنا يباركلي فيه وأستغله في طاعة الله

وادعولي أعرف أجيب تمنه

............................................

دمتم اخوتي ... في الله

............................................

[دعوة من القلب]

أهلا أستاذ أبو عمار

نورت بيتك الأول على الانترنت ياللا يا شباب

وأتمنى أن يدوم التعاون بين كل من يقدم الخير ويسعى للإفادة

[الى كل أبنائي وبناتي في المنتدى * وردة من القلب *]

بسم الله الرحمن الرحيم

أختنا أغنية المطر

اخوتي في الله

بيتي الأول على الانترنت

[شرف يصلى الظهر بمسجد "القناوى" مع ابناء الصعيد]

اسمحولي اعلق على نقطتين

موضوع انه جاي علشان يحقق المطالب فالمطالب مش محتاجة زيارته

لانها ممكن يعملها بقرار من هناك زي ما عينه من هناك

والجملة دي لا تعني انه هيقيل عماد ميخائيل لانه لو هيقيله كان قال كده صراحة مش محتاجة لف ودوران

وبخصوص ميدان التحرير ففعلا هو ده شرف اللي انا اعرفه ومايقصدش ميدان التحرير اللي عندنا ف قنا ولكن يقصد ميدان التحرير اللي في القاهرة لان اللي عندنا في قنا معروف باسم ديوان المحافظة

[حكاوي الحرية]

انا نزلت الحمد لله

وكان يوم جميل جدا جدا

الغريب ان الناس كتير بس ماحدش بياخد وقت

يعني كله فاهم وعارف هو جاي يعمل ايه ويقول ايه

الناس واقفة في الطوابير ولا في دماغها الشمس ولا التراب ولا أي حاجة

واللي بيقول نعم واللي بيقول لأ واقفين جنب بعض أو ورا بعض ومبسوطين جدا وبيتناقشوا بكل أدب

حاجة جديدة على بلادنا بس مش غريبة عليها

بس أغرب حاجة ان الكل جاي يقول رأيه وهو مقتنع انه رأيه هيفرق

حاجة غريبة جدا يعني هو انا لو قولت لأ هياخدوا بيها!

ولو قولت نعم هيتعمل بيها!!

اللهم ديمها نعمة واحفظها من الزوال يارب

شكرا نودي للحكاية الرائعة دي

[فزورة جديدة]

ليها حل

[العقيد القذافي أحد ال10 المبشرين بجدة]

حسبي الله ونعم الوكيل

نعم حسبي الله ونعم الوكيل

يا شباب احنا بنهز ونهدم وندمر رموزنا

لحد ما هنوصل لاننا مالناش رمز

مالناش كبير

النهاردة الطلبة كانوا بيتكلموا بأسلوب قمة في قلة الأدب مع رئيس الجامعة (جامعة جنوب الوادي) وعمداء الكليات والمدرسين (الدكاترة) وده كله بسبب اننا هزينا الرمز الكبير

الرئيس السابق (اللي عايز يقول المخلوع ومصر على الإهانة ماشي)

ولكن فكر معي

إن لم تحترم أبيك أو أخيك الأكبر ولو كنت مختلف معهم في الرأي من سيحترمهم؟

وكيف تطالب بالديموقراطية باسلوب ديكتاتوري؟

وكيف وكيف وكيف؟؟

[.. المادة 76 تحدد 3 طرق للترشح للرئاسة.. والمادة 77 تنص على تحديد مدة الرئيس بـ4 سنوات لدورتين.]

والله كلام محترم

ولا ايه رأي الشباب؟؟

[لن تصدقووووووا ماذا فعل مبارك]

سبحان الله

[هابنيكي بدمي - حملة ياللا نبنى مصر أفضل]

أختي الكريمة

أشكر لكي تأييدك ودعمك لحملتنا ومشروعنا المستمر إلى الأبد بمشيئة الله

وليست ابنة خالتك فقط هي التي تخاف أو تتوهم بشأن التبرع بالدم

وذلك في الحسبان

هذا جزء من المعلومات الموجودة بصفحة الحملة على الفيس بوك

 

ما هى أضرار التبرع بالدم ؟

ليس للتبرع بالدم أى أضرار على العكس هو يحفز نخاع العظام على زيادة نشاط خلاياه وبالتالى تجديد الدم.

هل هناك مخاطر للتبرع بالدم؟

· لا يمكن انتقال أى عدوى للمتبرع أثناء التبرع, لأن الأدوات المستخدمة معقمة تماما ومصممة بطريقة مطورة بحيث لا يمكن استخدامها إلا مرة واحدة ثم يتم إعدامها فى محارق خاصة.

· يسحب فى كل مرة 400 ملليلتر من الدم أى 8% فقط من إجمالى الدم فى الجسم, وفقدان الجسم هذه الكمية من الدم لا يؤثر إطلاقا على الأنشطة الحيوية و الوظائف المخية للمتبرع.

· نادرا ما يشعر المتبرع بالدوار بعد التبرع فاحتمال حدوثه 4% فى حالة الإناث وأقل من 1% للذكور, إلا أنه لا يشكل خطرا على الإطلاق, فعلى سبيل الاحتياط يقاس ضغط الدم قبل كل تبرع وكذلك نسبة الهيموجلوبين, إضافة إلى ذلك فإن المتبرع يكون مستلقيا على ظهره حتى يصل الدم إلى رأسه بقوة, كما أن المتبرع لا بد أن يكون قد أخذ كفايته من النوم فى الليلة السابقة للتبرع.

· شكة الإبرة: وهى للأسف ما تمنع الكثيرون عن التبرع, وكل ما نرجوه من كل خائف من شكةأن يسأل نفسه ألا تخجل أن تترك أما ترى ابنها يموت أمام عينيها لنقص الدم اللازم لإنقاذه- وذلك خوفا من شكة ؟!

· يقول رسول الله صلى الله عليه وسلم: "ما يصيب المسلم، من نصب ولا وصب، ولا هم ولا حزن, ولا أذى ولا غم، حتى الشوكة يشاكها، إلا كفّر الله بها من خطاياه" صحيح البخارى. فما بالك بشكة من أجل إنقاذ حياة؟

[هبل وغباء الأمن الليبى]

يا جدعان ماتخلوناش نطلع عن شعورنا ونقول كلام ماينفعش بقى

هو المصري ده مالوش حد يدور عليه؟

الكلام ده اتعرض ع التليفزيون

يعني البهوات شافوه

وزمانهم حسب الكتاب الأخضر - لو كان اتقبض عليهم فعلا - اعدموا

هو كل اللي عنده خراب مش عارف يتصرف فيه يلبسه للمصريين؟؟

أقسم بالله ماسك لساني بالعافية

[هابنيكي بدمي - حملة ياللا نبنى مصر أفضل]

بسم الله الرحمن الرحيم

كلنا بنتكلم ازاي نبني مصر

وعايزين نعمل ونبني ونكبر ونشارك

واحنا الشباب لأننا الأغلبية فاحنا اللي المفروض يكون لينا الدور الأكبر في ده

ولأننا كمان احنا اللي عندنا القدرة على ده

علشان كده انا خليت رسالتي لمصر

ســــلام عليك اذا ما دعــانا ..... رسول الجهاد ليوم الفــداء

وسالت مع النيل يوما دمانا ..... لنبني لمصر العلا والرخاء

لما فكرنا بطريقة عملية ازاي نبني مصر

اختنا الحياة اقترحت علينا فكرة أكثر من رائعة

التـــــــــــــــبرع بالــــــــــــدم

الحمد لله كلنا عندنا دم

وكلنا عندنا صحة بيحسدنا عليها الأكبر والأصغر سناً

وفي نفس الوقت كل بنوك الدم محتاجة دم

وكل المستشفيات بتعاني من العجز

وكل مرضى الأورام وأنيميا البحر المتوسط بيموتوا بسبب نقص الدم

احنا فين من ده؟؟

شايفين اننا مالناش دور في ده؟

مانقدرش نكون السبب في انقاذ واحد من الموت؟

لا ده واحد ولا مليون

احنا هننقذ الناس كلها

ده مش كلامي ده كلام ربنا سبحانه وتعالى في الآية 32 من سورة المائدة

"......وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً......."

وكمان هيساعدنا في الدنيا والآخرة

مش بس الراحة النفسية اللي بتحسها بعد مساعدة محتاجلك

ومش بس علشان النشاط اللي بتحس بيه بسبب تجديد الدم

لا كمان زي ما قال الرسول صلى الله عليه وسلم "

من فرج عن مسلم كربة من كرب الدنيا فرج الله عنه كربة من كرب يوم القيامة"

(رواه الشيخان من حديث ابن عمر، كما في اللؤلؤ والمرجان، برقم 1667)

علشان ما اطولش عليكم

احنا الحمد لله ابتدينا بالفعل التنسيق لحملات تبرع بالدم متتالية

تبدأ بإذن الله تعالى يوم الأحد القادم 27 فبراير في نقادة

وكمان عملنا صفحة على الفيس بوك نتواصل من خلالها وننظم الحملات

وتعرف وننشر أهمية وفوائد وتخوفات وموانع التبرع بالدم

الصفحة دي اسمها "هابنيكي بدمي"

أتمنى أن الكل يشارك في الصفحة

وما يتأخرش عن أي فرصة للتبرع

وخلينا فاكرين

الانسان هو المصدر الوحيد للدم

[انا هقدم إيه لمصر ! - حملة ياللا نبنى مصر أفضل]

جزيتم خيراً اخوتي الأعزاء

واعتذر لكم عن جهلي بالحملة

وأعتذر لكم مرة أخرى ان كان ما فُهم من كلامي أني قللت من شأن النظافة أو أن قصدي قصرها على ذلك

ولكن ما دفعني لقول هذا هو ما أراه حولي

فقد أصبح شغل الناس الشاغل كيف ننظف وكيف نفعل وكيف وكيف

وكلها متعلقة بنفس الموضوع (النظافة)

وسأقوم بطرح الفكرة بالتفصيل

بعد أن اتأكد من عدم مخالفة ذلك لسياسات المنتدى

أسف مرة أخرى لجهلي وخطئي

أخي زياد جزاك الله خيراً

[رحله مازالت للاسف .....رحله]

استــــــــاذي

ظن الكثيرون ومنهم أنا أن الفتنة قد انتهت - إن كانت موجودة أساساً - تلك الفتنة التي تجعلنا لا نعرف ما الصحيح وما الخاطئ ما الحقيقي وما المزيف

ولكن عند قراءة القليل جدا من المقالات هنا وهناك تجد أن حالة (مش فاهم) مازالت موجودة

وكأننا لم ننضج بالقدر الكافي الذي يحررنا من نظرية (ماليش فيها) التي احتلت أذهاننا لعصور

ولكني أؤيدك في حلك

الحل في الثلاث قيم السابقه

ان نتعايش جميعا في ظلها المديد تحت دستور يضمن ترسيخها فينا دون حيود

ان نعيش جميعا في الفضاء المصري تجاه رساله ورؤيه واحده تبني بلدنا

ونواجه جميعا عدوا واحد وهو من يحاول سلب اي من هذه القيم منا

وإلى أن يدخل هذا الحل قيد التنفيذ اسمح لي ان أقرر ما أفعل

سأبدأ - ومن يؤيدني - في بناء مصر في مختلف النواحي والمجالات بما لا شك فيه بالتخوين أو المحاباة

وانتقل من صفوف المشاهدين سواء مغيبين كانوا أو واعين إلى صفوف المجاهدين الذين يعملون بعيداً عن الشبهات

وبما أن الحالة مازالت موجودة

فيظـــــــل دعــــــــــــــائي

اللهـــــم اقـــــدر الخـــــير لمصـــــر وأهلهـــــــا

أستاذي، أرفع لك القبعة التي قل ما وضعتها بعيداً عن صدري طول معرفتي بك

[انا هقدم إيه لمصر ! - حملة ياللا نبنى مصر أفضل]

بسم الله ماشاء الله أخي

حماسك وأسلوبك أكثر من رائعين

هو سؤال بس ليه كله مركز في النظافة بس؟ احنا فكرنا (مش من شباب التحرير بس شباب مصريين) اننا ممكن نبني مصر في حاجات تانية زي التبرع بالدم وفعلا عاملين صفحة على الفيس اسمها هابنيكي بدمي بنجمع فيها بعض وعندنا ان شاء الله يوم الأحد اللي جاي حملة للتبرع بالدم وعندنا كمان الاسبوع الجاي ان شاء الله حملة للتوعية بأهمية التبرع بالدم وكل واحد لو فكر هو عنده ايه هيقدر يبني بيه مصر

[حد يفهمني من السادة محترفي ال فوتوشوب]

أخي الكريم

تم الإجابة على سؤالك في الموضوع التالي

 

هــــــــــــنا

[سؤال وجواب فى الفوتوشوب]

بسم الله الرحمن الرحيم

أخي الكريم أنا لا استخدم فوتوشوب cs5

ولكن من خبرتي في الإصدارات السابقة له أن الأسس لا تتغير

وبالتالي قد تفيدك إجابتي التالية

وأرجو من الرد عن الإفادة من عدمها حتى نتمكن من إجابتك كما يجب

----------------------------------------

أولاً أخي عندي الخط موجود ويعمل بشكل جيد كما هو موضح بالصورة التالية

 

 

ولكن المشكلة قد تكون موجودة لديك بسبب الإعدادت

وعليه برجاء اتباع الخطوات التالية

من قائمة edit

تختار الأمر preferences

ثم general

وتأكد من تنشيط الاختيار التالي

 

---------------------

إذا كان الاختيار غير منشط فقم بتنشيطه

وإن كان منشط بالفعل برجاء الإبلاغ بذلك

-------------------------

[تصميمات مبدعي ياللا يا شباب]

بسم الله الرحمن الرحيم السلام عليكم ورحمة الله وبركاته

 

لاحظت وجود قسم فرعي في منتدى الشعر والأدب تحت عنوان أقلام مبدعي ياللا يا شباب

وتنبهت إلى أن لا يوجد مثل هذا القسم الفرعي في منتدانا الغالي بقسم التصميم والجرافيك

وعرفـــــــت السبــــــــــب

والسبب أن المحتوى الأصيل من التصميمات والأفكار لمبدعي ياللا يا شباب ليس بالقدر الذي يسمح بإنشاء قسم فرعي

 

ولذلك قررت أن ابدأ موضوع نبدأ فيه تجميع ما يمكننا من أعمالنا الأصيلة والتي تنتمي إلى أعضاء ياللا ياشباب

لنطرح للعالم العربي والإسلامي ما يمكن لشبابنا أن يضيف ويبدع دون أن يخالف الشريعة الإسلامية أو الآداب العامة

فهل نحن فعلاً نستحق أن يضاف قسم فرعي بعنوان (تصميمات مبدعي ياللا يا شباب)؟؟

 

 

ويحتوي هذا القسم على كل ما هو خاص بالتصميم والجرافيك من أعمالنا

صور، صور متحركة، فلاش، فيديو

أو أي شيء آخر يندرج تحت تصنيفات التصميم والجرافيك

ويحمل حقوق منتديات ياللا ياشباب وحقوق مبدعه

 

 

وأرجو من المشرف العام (عاشق الصداقة) أن يؤكد لنا عدم اعتراضه على هذا الطلب

وأن يوضح لنا متى يمكننا أن نحصل على هذا القسم أو ما هو الحد الذي يعطينا هذا الامتياز؟

وأرجو من كل مبدعينا أن يسارعوا بنشر ما لديهم من أعمال

 

 

إذاً ... دعــــــــــــــــونا للعمــــــل وسأبـــــــــدأ بنفســــــــــي

هذا آخر تصميم لي مساندة لاخواننا الليبيين داعين الله تعالى أن ييسر لهم ما فيه الخير والصلاح