sindrella 26

السلام عليكــم ورحمـة الله وبركاتــة ،، الأمان نعمة من نعم الله سبحانه وتعالى ويمكن مفيش حد بيقدر النعمة دى غير اللى بيفقدها والخوف نوعين ويمكن اكتر أول نوع من انواع الخوف اللى احنا بنتكلم عنه اسمه الخوف الوهمى والنوع ده بيصنعه الإنسان بنفسه لانه بيخلى أوهامه تسيطر عليه فبالتالى يتولد عنده خوف من شئ معين والنوع ده ممكن أن يتبدد بسهولة يعنى يفقده بسهولة لكن لفترة مؤقته يعنى مثلا أقل شئ ان يقعد مع حد يحس معاه بالأمان لكن بقى النوع التانى بيبقى عبارة عن إحساس بالخوف نابع من جوه الإنسان لا هو عارف يعبر عن الإحساس ده بالكلام ولا عارف يعبر عنه بالبكاء لان الإنسان مش بيبقى خايف من شئ مادى لكن بيبقى خايف من شئ حسى يعنى خايف من بكره خايف من الفشل كلها حاجات حسية وساعات مش بيبقى عارف اصلا هو خايف من ايه والإحساس ده من وجهة نظرى احساس أصعب من التعذيب لان جربته كتير قبل كده وصعب التخلص منه بسهولة بس فى حل ممكن احنا اللى نعمله وهو بيتلخص فى جملة واحدة إذا آردت هزيمة مخاوفك فعليك مواجهتها مباشرة والحل ده ممكن ننفذه مع النوعين اللى احنا قولناهم قبل كده ولكم منى تحياتى وانا فى إنتظار ردودكم

فعلا مبانى غريبة سبحان الله شكرا اخى على صورك تقبل تحياتى

الموضوع جميل جدا أخى الضوء الشارد وفعلا الزهور هى أحلى التعبيرات اللى ممكن نعبر بيها عن اللى جوانا بس اهم حاجة صدق التعبير ده عشان الإنسان يكون صادق مع نفسه أولا وكمان صادق مع اللى قدامه أحييك على هذا الموضوع بجد وربنا يوفقك ان شاء الله ونشوف منك الكتير من الموضوعات المتميزة وأهلا بيك فى منتدانا ولك منى تحياتى وشكرى

اخى رجل من الصحراء أقلك على سر وما تقلش لحد أنا معاك فى الموضوع ده بس عايزة اقلك انك حتحبسنا وتقفلنا المنتدى اللى لسه متعينين فيه وبنقول ياهادى حرام عليك تقفلهونا عايزين نشوف أكل عيشنا بقى وزى انت ماقلت العيشة صعبة وتوكلنا على ربنا بجد تسلم ايدك على الموضوع تقبل تحياتى ومرورى

يسلم اختيارك أخى لهذه الكلمات الجميلة والعابرة تقبل تحياتى

بجد موضوع جميل جدا أخى أبو تسنيم وعبارات أجمل ربنا يفتح عليك وان يجعل التغير فى أنفسنا أهم أولوياتنا فى الحياة بإذن الله ولك تحياتى

والله انا مش عارفة اقول ايه بس اتمنى ان يكون كده حتى ولو شخص واحد زى ما قالت اختى جومانة ويكن الحب ده للى بيحبه لشخصه بطبيعته مش عشان حاجة تانى او زى مابيقولو مصلحجى يعنى موضوع جميل يابنت مصرية وفعلا حسستينى ان فى حد فاكرنى تقبلى تحياتى

شكرا على موضوعك يانودى ومنتظرين المزيد من التفاصيل لكى تحياتى

اختى الرام موضوع جميل جدا وأقوال أجمل وانا أيضا مع اخى د.عبقرينو فى رأيه وأحييكى على هذا الموضوع لكى تحياتى وشكرى

ههههههههههههههههه هم يضحك وهم يبكى وعلى رأى رجل من الصحراء حبكت يعنى شكرا ليك يا اخى على الموضوع اللذيذ ده بس اعتقد انه يمشى نكتة اكتر تقبل مرورى

<script language="Javascript"></script> <script language="Javascript"></script> ازيكم اخوتى واخواتى فى المنتدى وحشتنى موضوعاتكم المتميزة قوى انا النهاردة حكتبلكم موضوع يمكن يون قديم وعدى عليه وقت كبير عجبنى وقلت لازم اعرضه عليكوا حوار بين 2008 و2009 - فى يوم 31-12-2008م دار الحوار التالى بين 2008 و2009 "2008":ياااة ..انا بقالى 365 يوم قاعدة على العرش دة....طبعا انا الملكة...مع انى ...مع انى حاسة انى بضعف يوم عن يوم وصحتى بتنقص كل يوم...! "2009"هاهاها...ما تقلقيش يا "2008"كلها كام ساعة وهتنزلى من على العرش. "2008":انتى بتقولى اية...ازاى؟! دة انا 2008 احسن ملكة قعدت على العرش .. ومحدش يقدر يستغنى عنى.. دة الناس كلها من 365 يوم احتفلوا بيا وبقدومى وقعدونى على العرش دة!! "2009":ايوة...بس انتى خلاص انتهيتى وهتييجى ملكة جديدة غيرك تقعد على العرش. "2008":ازاى الكلام دة؟؟...دة انا ...دة انا...دة انا حتى كنت ملكة سعيدة على ناس كتير! "2009":بس للاسف كنتى حزينة على ناس اكتر.. "2008": لأ طبعا ...انا متأكدة انى كنت سعيدة بدليل ان فى فترة حكمى ... اطفال كتير اتولدوا وناس كتير اتجوزوا وناس كتير رجعوا لربنا...وناس كتير لقيت الى هى عايزة .....وناس كتير كانت عيانة وربنا شفاها... وناس كتير دخلوا السجن والمجتمع ارتاح من مشاكلهم وبقى آمان...الخ. "2009": ايوة ... بس انتى ناسية ان كمان فى ناس ماتوا وازواج انفصلوا عن بعض وناس كتير ضلوا ... وناس ملقيتش شغل وطلبة كتير سقطت وناس كتير مرضوا وناس دخلوا السجون ......الخ. "2008": يعنى فكرك الملكة الجديدة مش هيبقى عندها كل دة؟؟ "2009": لالالا...الملكة الجديدة جاية ومعاها رسالة سلام...جاية ومعاها بسمة على كل الوشوش...جاية ومعاها هدايا كتير لكل الناس...جاية ومعاها التفاؤل فى الحياة ورجاءنا فى ربنا...والاهم من دة كلة انها جاية ومعاها نونو صغير يتولد فى قلوب كل الناس من جديد..وهتحاول تصلح الى انتى مقدرتيش تعملية...وترجع الفرحة والامل للناس من جديد..هتخفف المرضى وترد الضالين..هتنجح الطلبة وتهدى المسجونين... "2008": وياترى بقى هى هتعمل دة كلة مقابل اية؟؟ "2009": مقابل ان كل واحد يحط حياتة بين ايدين الله سبحانه وتعالى ... ويطلب منه المغفرة وإنه يتولد فى قلبه التوبة بجد من جديد ويرشده فى حياته لطريق الهداية والصراط المستقيم ويباركها... "2008": ياااة...ياريتنى كنت عملت كدة من زمان.. "2009": إحنا دلوقتى فى اللى جاى ...لازم نبص للحياة بنظرة جديدة ومتفائلة ونرمى كل اللى فات من احزان. "2008": ياااة دى الساعة خلاص داخلة على 12..قوليلى بسرعة إنتى مين ومين هى الملكة الجديدة؟؟ "2009":الملكة الجديدة تبقى "انا" "2009" الى حتملى الدنيا محبة ورضا من الله سبحانه وتعالى.... "أنا" "2009" اللى ربنا بعتنى هنا وزود سنة كمان من عمر العالم علشان يدينا كلنا فرصة جديدة للتوبة.... "أنا" "2009"اللى هحقق أمنيات ناس كتير.... "انا" "2009" اللى جوايا رسايل لناس كتير هوصلها لكل واحد.... "انا" "2009" اللى هحاول أبقى أحسن من السنين اللى فاتت...اللى أكلها الجراد.... "انا" "2009" اللى هجلس مكانك على العرش.... -وفى هذة اللحظة وقفت جميع عقارب الساعة على رقم 12..ووقعت معها "2008"من على العرش وجلست "2009"وهى ملكة متوجة.."كللت السنة بجودك وآثارك تقطر نسما"

ههههههههههههههههههههههه ياسلام ياسلام بقى ده اسمه كلام تحطى الصورة من غير اسم المحل بتاع الفستان عشان الواحد يقدر يشترى زيه موضوع جميل ياندى وعقبالك يارب ان شاء الله وكل البنات بس بلاش الفستان ده احسن ده خراب بيوت ومش حنلاقى عرسان بعد كده

حرااااااااااااااااااااااااااااام عليكى قطعتى قلبى انا لو مكان الست العجوزة كنت اخدت كيس الشيبسى واكلته ياشيخة بلا جوايز بلا كلام فارغ دلوقتى فى عصرنا ده اهم حاجة الأكل ههههههههههههههههههههه بجد موضوع لذيذ بس لو شفتك دلوقتى حخنقك

الله الله الله الله الله الله ايه ده بجد انا مش عارفة اوصفلكم فرحتى قد ايه دلوقتى أول ما شفت الخبر الجمييييييييييييييييييييل ده بجد بجد اول ماشفته كنت خلاص بجد بعيط من فرحتى واول والله ما حصل كده معايا عرفت ان المنتدى ده غالى عندى اوى يااااااااااااااااااااااااارب دايما نبقى كده على طول وفى تقدم ونبقى بجد حققنا حلمنا اللى بنتمناه بجد شكرا ليك ياساهر على الخبر الجميل ده ويكرمك ويوفقك دايما وتعدى السنة دى وتحل عن اخوك بقى انما انت بقى يامصطفى بهجت حاجة تانى ياااااااااااااااااااااااااااارب عقبال مانشوف خبر خطوبتك وانا بقى اللى حنزله بس طبعا المنتدى بس هو اللى معزوم على الفرح وربنا يكرمكم ياعاشق الصداقة وابو تسنيم ويوفقكم وان شاء الله المرة الجاية اللقاء حيكون على القنوات العربية وانا بردو اللى حعمله انا اسفة لو كنت طولت عليكم بس صدقونى ده من فرحتى وان شاء الله ربنا يوفقنا جميعا إلى ما يحبه ويرضاه الله سبحانه وتعالى

السلام عليكــم ورحمـة الله وبركاتــة ،، انا بقى 26 يوليو شجرة السرو: الإخلاص ذو بنية قوية و متكيف يأخذ ما تمنحه له الحياةَ متفاءل ويمتلى سعادة يحب المال والمدح يكره الوحدة حبيب عاطفي الذي لا يمكن أن يكون حبيب عاطفي ومن الصعب أرضاه مخلص حاد الطبع ومتزمت ومهمل انا بصراحة فيا صفات من دى بس مش كلها لأن عمرى ماكنت متزمتة وحادة الطبع و مكن اكون مهملم فى بعض الحاجات بس الحاجات الهايفة لكن وقت الجد والشغل معرفش حد والمال ده آخر حاجة فى اولوياتى والوحدة صحيح بكرهها لكن احيانا بحتجلها بس بجد الموضوع جميل جدا وتسلم ايدك عليه اخى زورو ولك تحياتى

السلام عليكــم ورحمـة الله وبركاتــة ،، أهلا بكم أخوتى وأخواتى فى منتداكم الغالى واللى أنا بأعتبره بيتى التانى ومتأكده أن كلكم شايفينه كده برضه ومحدش يقدر يقول حاجة غير كده أنا النهاردة حبيت أقدم تهنئة كبيرة للمنتدى لشكله ولبسه الجديد الرائع وبقله يارب كل يوم وإنت فى تقدم وتطور ويارب تحقق هدفك فى العالم العربى كله اللى بيسعى دايما عشان يبقى من أجل شباب عربى أفضل وبقدم كل شكرى لكل من تعب وساهم فى عمل هذا الزى المتميز اللى فعلا بقى أحلى من الأول وبأشكر مصممين البرامج والمشرفين على هذا الموضوع وأخى عاشق الصداقة والعارف والمنسى وكلهم عشان مش عايزة أنسى حد وبقول لكل إخوتى وأخواتى فى المنتدى يارب يجزيكم خير ويبارك لكم ويجعل كل ما تضعونه فى المنتدى فى عمل الخير دائما وشكلك كده ياعاشق الصداقة مش حتلاحق على الزباين ولكم تحياتى وتقديرى جميعا

الرائع أن يكتب مثل هذا الموضوع فى المنتدى الأروع أنه كتب من خلال شخص له هذه الأحاسيس موضوع جميل جدا أخى تقبل تحياتى ومرورى

موضوع جميل جدا أختى حيرانة وجزاكى الله كل خيرعليه فعلا الصداقة شئ رائع لا يمكن الواحد يستغنى عنه بس اتمنى اللى يختار صديق يعرف يختاره صح وبارك الله فيكى ولك تحياتى

<script language="Javascript"></script> <script language="Javascript"></script> كيف حالكم إن شاء الله دائمــاً بخير أنا النهاردة حقدملكم موضوع محتارة فى كل موقف فيه وعيزاكم تقولولى رأيكم أمامك ثلاث مواقف وفي عينك دمعة واحدة على أى موقف تسقط دمعتك وتبكى عليها؟؟؟ 1-طفل يبحث في صندوق الزبالة عن شئ يأكله ولا يجد شي فيبكي وأنت لا تستطيع مساعدته. 2-انسان مسجون ومحكوم عليه بالموت وأنت تعلم انه مظلوم وبريئ ولكن لا تستطيع اثبات برائته . 3-تشاهد امرأه تجري وفجأة تسمع صوت حادث والضحية أحد أطفالها وتشاهدها وهي تسقط وتتألم. على من تسقط دمعتك؟؟؟؟ ولماذا

قرأنا حروفهم ..فلامست فينا حقيقه لم نكن ندركها وحركت فينا مشاعر دفينه ننتظر اقلامهم بشغف كي نرد عليها بشفافيه وننتظر ردودهم ...بلهفــه لسنا ضعفاء.... ولكن قلوبنا لامست.... قلما فأنجذب له حينها فقط يصبح القلم سلاح يغزو حياه ومشاعر الطرف الاخر ..حين يخفق القلب لقلم شخص ...حين ينبض القلب بحب قلم هل ممكن ان نميل........... للقلم ...؟؟ وهل من الممكن نميل للشخص... بسبب قلمه... ؟؟ هل من الممكن أن نصل إلى درجة الافتتان بالفكر او الأسلوب او نرسم صوره خياليه للشخص ...؟؟ وهل يتحول الاحترام والاعجاب بالقلم الى انجذاب...؟؟ هل ما يكتب وما يرد به هي حقيقتة...؟؟ أم شخصيته مختلفه عن اسلوبه وحواره وكتاباته..؟؟ متى تخرج المشاعر عن السيطرة ...؟؟ وهل من الممكن أن يصدم الشخص فى قلم ما..؟ ما السبب في ذلك ؟؟ وهل يوجد خطوط حمراء يجب ألا نتعداها فى الحوار وفى كل ما نكتب..؟ وهل هذا خطأ..أم لا.. ؟؟

متشكرة جدا ياساهر على تعليقك الجميل وسعيدة جدا بمرورك رجل من الصحراء شكرا على لفت إنتباهى وأنا كنت واخده بالى للموضوع بس أنا قولت أعديها

شكرا جزيلا لمرورك أخى lovelife ولك تحياتى

أختى الحياة بارك الله فيكى وشكرا لمرورك أختى حياتى من أجل ربى أرجو يكون الموضوع عجبك بجد وشكرا جدا لمرورك أخى شيتوس لك شكرى على تعليقك الرائع وأرجو يكون بجد مش مجاملة لأنى مش قد الكلام الكبير ده كله وكده أنا حتغر ديدو سعيدة جدا لمرورك وربنا يوفقك ويكون الموضوع نال إعجابك بجد واستفادت منه تقبل تحياتى وشكرى