بسمة الاقصى

أكيد احنا فعلاً بنعمل كده وأكيد برضه بحسن نية زى ما قلت حضرتك بس حان الوقت للانتباه لمثل هذه الأفكار الشيطانية شكر الله لك أستاذ فيروس ولو إن اسمك بيخوف وبيرعب بصراحة

السلام عليكم يا جماعة الخير النهاردة أمى كانت بتخيط فستان للبت توتة بنت عمى هى اسمها ملك وعندها 4 سنين وكام شهر ولما جات تقيس الفستان كان الجزء اللى مغطى الصدر مش مظبوط ونازل لتحت شوية راحت توتة بصت لمامتى باستغراب وقالتلها طيب ليه كده يا مرات عمى؟؟؟ يعنى ليه كده صدر الفستان عريان كلنا استغربنا وضحكنا عليها بعد وهى ماشية قالت لأمى ابقى اقفليها يا مرات عمى أمى ضحكت وقالتلها وليضربن بخمرهن على جيوبهن أنا استغربت بعدها وقلت لنفسى ياااااااه على حياء الطفلة تعالى بقى نفتح التليفزيون على قناة أغانى ولا أفلام ولا مسلسلات ونتفرج على بنات المسلمين أحفاد خديجة وعائشة وفاطمة رضى الله عنهن جميعاً تعالى نشوف بناتنا لابسين إيـــــــه طيب بلاش الجماعة دول تعالى ننزل الشارع ونشوف بناتنا لابسين ايه تعالى نشوف حجاب الاستايل والاسبانش والحجاب البادى والهباب والنيلة ولا حول ولا قوة إلا بالله بتصعب عليا البنت اللى ماشية فى الشارع بالبادى والإيشارب اللى بيسموه ظلماً حجاب ضحكوا عليكِ يا أختى وقالولك محجبة أبداً والله مش هو ده اللى أمرنا بيه ربنا ورسولنا نفسى ألم كل الباديهات اللى فى البلد وأولع فيها لأن بقت حاجة تخنق منظر البنات بالبادى طيب ليه يا أختى تدخلى نفسك ضمن الكاسيات العاريات لا يدخلن الجنة ولا يجدن ريحها إيه اللى يساوى فى الدنيا علشان تدخلى نفسك فى العقاب ده بصراحة الله يعين الشباب على غض البصر فى زمن الفتن ده ربنا يهدينا ويتوب علينا أجمعين يـــــــارب

منتظرة شكراً

ربنا يرحمها انا برضه ما أعرفش هى مين لأنى ما كنتش سااكنة فى المدينة لكن الجريمة شكلها مريب وغريب بالمناسبة لسه سامعة عن مسئول فى جامعة جنوب الوادى اختلس ملايين بس مش أخدت بالى بيشتغل إيه واضح إن جنوب الوادى اليومين دول شغالة مسمعة فى الحوادث كنت أتمنى حاجات تانية يالا ربنا يصلح الحال

حقاً كان امتحان مأسااااااااااااة الواد محمد أخويا أول ما دخل سالته أمى كالعادة عملت إيه قالها الحمد لله بس الحمد لله مش زى بتاعت العربى وكان وشه مصفر زى ما يكون مضروب قلمين قالتله الامتحان كان وحش ولا ايه قالها نص نص ولما ادانا ورقة الامتحان أول ما اتصدمت فى جملة الترجمة بتاعت سحابة البركان أنا وأختى قلنا يا لهوى إيه ده وللعلم أحنا الاتنين تربية إنجليزى قعدت أفكر سحابة الرماد البركانى دى تتجاب إزاى وهل هتكون مصطلح علمى معين ولا هتتركب كلمات عادى على بعض فيــــــــــــنك يا دكتور أحمد حسين المهم أمى اتريقت علينا وقالت عاملين نفسكم بتوع انجليزى انا قلتله الجملة دى كانت عاوزة حد يسمع النشر ة الانجليزى وقت ما كان الموضوع ده ولا الجملة التانية اللى كانت عن النسور المهددة بالانقراض يا سلالالالالالالام لما سألت الواد محمد أنت ياض عرفت يعنى إيه نسور ؟؟ ضحك وبصلى وقالى افتكرتها كانت مكتوبة على كولدير الجامع ده كان جزء بس من امتحان الصدمة فعلا وربنا يستررررررررر على التفاضل وحساب المثلثات ياااااااااارب دعواتكم

يارب يوفق كل المجتهدين ويفتح عليكم فتوح العارفين وييسر عليكم كل عسير ويوفقكم لما يحب ويرضى اللهم آميــــــــن

بصراحة بحس بتوع الجرايد دول مبالغين فى كلامهم عن الامتحان ورأى الطلبة فيه يمكن لأنهم بياخدوا رأى شرايح كتيرة من الطلبة وغالباً بيكونوا من متوسطى المستوى انا معايا أخويا فى 2 ثانوى وقال الامتحان كان حلو الحمد لله يمكن فى ناس فعلاً قالت إنه كان طويل شوية ولما سألته عن موضوع التقرير بتاع أطفال الشوارع ده اللى هو سؤال التعبير قالى كان مكتوب النوع ده من التعبير فى مراجعات الجمهورية والبلاغة كانت سهلة وواضحة كانت أبيات جميلة عن القدس يمكن النحو كان مليان وده للمتفوقين اسألكم الدعاء لأخى ولكل المطحونين فى السنوية الغامة وعقبال الإنجليزى بكرة على فكرة أخويا ده عضو معانا هنا بس مش هقولكم مين هو أما أشوف النتيجة علشان لو جاب مجموع يشرف نعمله احتفال ولو غير كده لا قدر الله ولا هعرفه

شكر الله لكِ أختى جزاك الله ألف ألف خير وأطعمك من الجنة أشهى لحم طير فعلاً محتاجين نستعد فأهل الباطل استعدوا من زمان بطوفان المسلسلات بصى ياجميل ياريت تصححى عنوان الموضوع لأنه مكتوب 16 يوم وليس ستين تحياتى وتقديرى

تسلم إيديك مستر على very nice and useful topic thanks alooooooooot

والله طفح الكيـــــــــــــل جاوز الظالمون المدى أنا ضاق صدرى بسبب الموضوع ده وكلنا أكيد مخنوقين من اللى حصل والظلم البيِن ده فما بالكم بأهله ربنا يصبرهم ويربط على قلبهم يـــــــــارب وينتقم من الظلمة الفجرة ما أصعب الإحساس بالظلم والأصعب إنك مش عارف تاخد حقك من الظالم قال إيه بلع كيس بانجو والصورة البشعة دى قالوا إنها متاخدة بعد التشريح علشان تتسبك يعنى حسبــــــــــــنا الله ونعم الوكيل ربنا ينتقم من الظلمة

قالت أسرة خالد سعيد (28 سنة) ضحية التعذيب بالإسكندرية، إنه سوف يتم صلاة الغائب غداً السبت عقب صلاة الظهر من مسجد سيدى جابر. ومن المتوقع أن تفرض قوات الأمن كردوناً أمنيا على المنطقة أثناء الصلاة، تخوفا من حدوث أية مصادمات، فى محاولة منها لاحتواء الموقف وامتصاص غضب المواطنين. كانت أسرة المتوفى قد تقدمت ببلاغ إلى نيابة الإسكندرية تتهم فيه مخبرين بسيدى جابر بالتعدى على نجلهم أثناء وجوده بكافيه نت، وعذبوه برطم رأسه برخامة حتى سقط مغشيا عليه، ثم سحبوه إلى عقار مجاور للكافيه، واستكملوا تعذيبه حتى لفظ أنفاسه الأخيرة. ومن جانبه، ناشد عمرو عفيفى ضابط الشرطة المتقاعد، فى بيان له، أهل "خالد" بالتمسك بمعاقبة المتهمين علنيا ليكونوا عبرة لغيرهم، موضحا أن قانون العقوبات فى مادته 248 أتاح لكل مواطن مصرى حق الدفاع الشرعى ومقاومة الشرطة وأفرادها إذا ما تجاوزوا القانون، وهددوا حياة وسلامة المواطنيين للخطر حتى لو كانوا حسنى النية. وأضاف عفيفى، أن قيام أى فرد من الشرطة بمثل تلك الأعمال إنما يخلع عنه الحمايه القانونية، ويحوله إلى مجرم خارج عن القانون ومباح لأى مواطن مقاومته وصد عدوانه لدرء الخطر عن نفسه وسلامته وسلامة الآخرين. فيما طالبت الحملة الشعبية لدعم البرادعى بالإسكندرية فى بيان لها، بتقديم كل من ارتكب الجريمة أو تستر عليها للمحاكمة العادلة العاجلة، داعياً الشعب للوقوف معا لوقف مسلسل الانتهاكات بالضغط المباشر من أجل التغيير الجذرى لدعائم النظام، وهو ما اتفق عليه أبناء الوطن وتمثله مطالب التغيير السبعة الواردة فى بيان التغيير. ومن ناحية أخرى، طالب الدكتور محمد البرادعى، المدير السابق للوكالة الدولية للطاقة الذرية، على صفحته الخاصة بموقع التويتر، بمحاسبة المسئولين عن مقتل الشاب السكندرى خالد سعيد على يد رجال الشرطة بعد تعذيبه، موضحا أن مقتل "خالد مسئولية كل مصرى". هذا فى الوقت الذى دعا فيه جروب على الفيس بوك يطلق عليه "كلنا خالد سعيد" اليوم الجمعة إلى الالتفاف حول مطالب الحقوقيين بمحاكمة "قاتلى"الشاب خالد سعيد واتهم الجروب أعضاء الحزب الوطنى الديمقراطى بمحاولة "التعتيم" على نشر القضية وكشف ملابساتها من خلال إغلاق أى جروب يدعو للتضامن مع "سعيد" متذرعين باحتواء الجروب على صور بشعة.

جزاكِ الله كل خير يا دكتورة الحديث دائماً ذو شجون عن الأقصى الشريف والقدس المحتل حماه الله من أيدى بنى صهيون اللهم تقبل دعواتك ودعواتنا يارب وارزقنا صلاة فى المسجد الأقصى قبل الممات

أفكار إيجابية بناءة جزى الله كاتبها كل خير

جريمة قتل بشعة فى الإسكندرية (مقتل خالد سعيد) خالد محمد سعيد شاب مصري عنده 28 سنه من منطقة كليوباترا بالاسكندريه و صاحب مكتب استيراد و تصدير كان قاعد في سايبر في وقت متاخر بالليل و دخل بتوع المباحث بيفتشو كل اللي قاعدين باستخدام قانون الطوارئ خالد اعترض و قال احنا بنتفتش ليه كان تمن السؤال البرئ ده ان اتنين مخبرين مسكوه و نزلو في ضرب في المحل و في الشارع و في مدخل عماره جنب السايبر قعدو يرزعو وشه في الرخام بتاع السلم و في مدخل العماره الحديد و خدو جثته و حطوها في البوكس و بعد 15 دقيقه رجعو رموها ف الشارع و مشيو تقدمت أسرة الشاب الراحل خالد سعيد ببلاغ للنيابة العامة حمل رقم 1545/ 2010 تختصم فيها وزارة الداخلية، للتحقيق فى ملابسات مصرع "خالد سعيد"، عقب خروجه من قسم شرطة سيدى جابر. وكانت أسرة الشاب اتهمت بعض المخبرين والضباط بتعذيب الشاب داخل قسم الشرطة بعد القبض عليه أثناء جلوسه على أحد "الكافيهات"، مؤكدين تمسكهم بملاحقة الجناة أمام القضاء، وقال أحمد سعيد، شقيق المجنى عليه، إن نيابة الإسكندرية أمرت باستدعاء الطبيب الشرعى لمناقشته فى الواقعة وظروف الوفاة. ومن ناحية أخرى أصدر مركز نصار لحقوق الإنسان بيانا استنكر فيه مصرع الشاب خالد محمد سعيد صبحى، (28 سنة)، مشيرا إلى أن المجنى عليه كان يجلس على "كافيه نت" بشارع بوباست، بمنطقة كليوباترا، التابعة لقسم شرطة سيدى جابر بالإسكندرية، وقام بعض المخبرين بتفتيش المتواجدين بالكافية، وعندما اعترض المجنى عليه على الطريقة التى تحدث بها أحد المخبرين قام أحدهم بصفعه على وجهه، ثم سحلوه إلى مدخل عقار مجاور للمقهى وانهالوا عليه بالضرب. وأفاد شهود عيان أن أفراد الشرطة اقتادوا المجنى عليه معهم فى سيارة الشرطة، وعادوا بعد ساعات والقوه فى الشارع جثة هامدة. تقدمت أسرة الشاب الراحل خالد سعيد ببلاغ للنيابة العامة حمل رقم 1545/ 2010 تختصم فيها وزارة الداخلية، للتحقيق فى ملابسات مصرع "خالد سعيد"، عقب خروجه من قسم شرطة سيدى جابر. وكانت أسرة الشاب اتهمت بعض المخبرين والضباط بتعذيب الشاب داخل قسم الشرطة بعد القبض عليه أثناء جلوسه على أحد "الكافيهات"، مؤكدين تمسكهم بملاحقة الجناة أمام القضاء، وقال أحمد سعيد، شقيق المجنى عليه، إن نيابة الإسكندرية أمرت باستدعاء الطبيب الشرعى لمناقشته فى الواقعة وظروف الوفاة. ومن ناحية أخرى أصدر مركز نصار لحقوق الإنسان بيانا استنكر فيه مصرع الشاب خالد محمد سعيد صبحى، (28 سنة)، مشيرا إلى أن المجنى عليه كان يجلس على "كافيه نت" بشارع بوباست، بمنطقة كليوباترا، التابعة لقسم شرطة سيدى جابر بالإسكندرية، وقام بعض المخبرين بتفتيش المتواجدين بالكافية، وعندما اعترض المجنى عليه على الطريقة التى تحدث بها أحد المخبرين قام أحدهم بصفعه على وجهه، ثم سحلوه إلى مدخل عقار مجاور للمقهى وانهالوا عليه بالضرب. وأفاد شهود عيان أن أفراد الشرطة اقتادوا المجنى عليه معهم فى سيارة الشرطة، وعادوا بعد ساعات والقوه فى الشارع جثة هامدة. هناك صورة لخالد بعد الجريمة بس بشعة وأنا ما حبيتش أجرح مشاعركم بيها

آه والله يا أم آدم يا بختك حصلتى أيام الرخص أما احنا بقى كان الله فى عوننا