قصيدة جمعت كل سور القرآن

[قصيدة جمعت كل سور القرآن]

أختي الرام .. أخي الجندي المجهول

شكرا لكما على الكلام الرائع ده ..

بارك الله فيكما وعليكما ..

وجزيتما خيرا ..

ويارب أشوفكم في أحسن حال ..

[جسر نصفه تحت الماء ف السويد!!]

أنا عاوز أعرف الناس دي بتآكل و تشرب إيه .. !!

 

و إحنا بنآكل ونشرب إيه ؟؟

 

ده إحنا لسه بدري علينا قوي قوي قوي ...

 

إحنا لسه قاعدين بنعلم الناس أ ب ت

 

الله ينور عليكي يا ندى ..

[فبراير 28 يوما اماذا ؟]

معلومة جميلة جدا يا مي ..

 

الله ينور ..

[لمعلوماتك]

رااااااااااائع

[لمعلوماتك(اوائل اسلامية)]

الله الله الله ..

 

معلومااااااااات أكثر من رااااااائعة ...

 

عقبال ما نشوف الجزء المائة ..

 

شدي حيلك يا أستاذة شيرين ..

[عجز لساني عن الكلام ... !!!]

أخي الغالي : علي المرابط ..

الله يفتح عليك .. جميل جدا جدا جدا ردك الرائع على موضوعي ..

أعجبت كثيرا بفكرة إننا نعمل حملة باسم ( يوم الابتسامة العالمي ) أو ( يوم الكلمة الطيبة ) ..

تصدق و تآمن بالله :: ملامح الفكرة دي في ذهني من زمان لكن إنت بكده عرفت تطلعها صح الصح ..

أنا يا أخي مصاب بالحزن الشديد من الناس اللي بتتعامل بتكبر و تكشير وعبوث في الوجه وكلام غير طيب ..

أما بالنسبة للحياء .. ده من الصفات الجميلة اللي بدأت تختفي من حياتنا .. وربنا يستر ..

و إن شاء الله نشوف كتيب يرى النور باسم ( ابتسم لأخيك ) المؤلف : علي المرابط

جزاك الله خير وربنا يكثر من أمثالك ..

[سيدي السلطان]

أخويا العزيز علي المرابط ..

الله يفتح عليك ..

ما شاء الله شاعر جميل وأسلوبك تعجز كلماتي عن التعبير عليها ..

منور المنتدى ..

خالص التحيات إلى كل الشعب الليبي ..

[انت المستعان]

اللهم تقبل منا ومنكم أطيب الدعوات ..

جزاك الله خيرا ..

[لمعلوماتك]

تسلم إيدك يا كبيرة الفيزيائيين ( شيرين النحاس ) ..

معلومات قيمة جدا جدا جدا ..

أيوه كده شدي حيلك عاوزين يكون عندنا في المنتدى أكبر مكتبة معلوماتية ..

بس عندي اقتراح : ياريت لو تقدري تعمليهم على أجزاء تحت اسم لمعوماتك تعمليها أجزاء ..

إحنا عاوزين نورطك في المنتدى ونخليكي موجودة عليه كل يوم ..

ربنا يوفقك .. و إلى الأماااااااااااااام ..

جزاكي الله خير ..

[كيف تنام الحيتان والدلافين]

الله عليكي وعلى المعلومات القيمة ..

راااااااائع جدا جدا جدا يا شيرين ..

[عجز لساني عن الكلام ... !!!]

أخوتي الأفاضل ..

 

eng_alaa .. الرام .. حيرانة

 

كل كلمة في تعليقاتكم أفادتني كتيييير ..

 

ربنا يحميكم و يحمي ألسنتة الجميييييييع ..

[الملاك الغائب الجزء الثالث]

مهما تكلمت وعبرت .. لن أوفيكي حقك أيتها الوردة الزرقاء

قليل ما نجد في هذا الزمان شابة بهذا الفكر المحترم ..

الحمد لله .. لسه الدنيا بخييير ..

أنا مبسوط جدا جدا إنك عملتي بنصيحتي وخليتي كل جزء في الملاك الغائب لوحده ..

ربنا يكتر من امثالك ..

ونشوف كتاباتك دايما منورة المنتدى ..

[عجز لساني عن الكلام ... !!!]

بســم الله الـرحمــن الرحيــم

 

السلام عليكــم ورحمـة الله وبركاتــة ،،

 

الحمد لله والصلاة والسلام على رسول الله وعلى آله وصحبه أجمعين .

 

أهلاً ومرحباً بمن أتانا بتحية وسلام يريد الترحيب بأحلى الكلام .. يريد أن نعلن له الانضمام .. إلى كوكبة أعضائنـا الكرام ،،

 

أصدقائي .. أعضاء يا للا يا شباب ..

 

أنا بكتب الموضوع ده وكلي حزن على ما أسمعه من تعليقات و ألفاظ وكلمات عجيبة من الناس في هذا الزمان العجيب !!

 

طبعا حتقولوا إيه الكلام الغريب ده ؟؟ و إيه العنوان اللي مش مفهوم ده .. ؟!

 

بعضكم حيقول : هوه الولد ده حيتفلسف علينا ولا إيه ..

 

والباقي حيقول : يا ترى إيه حكاية الكلمة المحرجة دي ؟

 

أقولكم الحكاية والرواية ..

 

ليه الناس اليومين دول مش بيراعوا مشاعر بعضيهم ؟

 

واحد يرمي الكلمة ذي الصاعقة بدون ما يحس بنفسه ..

 

واحد يشتم .. وواحد يطلع لقب .. وواحد يتريق .. وواحد يستهزأ .. وواحد يحرج .. وواحد يلعن ويسب ..

 

وكله من اللسان اللي عاوز قطعه ..

 

الله يرحم أيام الذوق ..

 

تعالوا نتفرج سوا على بعض المشاهد المأساوية ..

 

المشهد الأول : الشتيمة .. لو جلست وسط مجموعة رجالة على قهوة مثلا أو أي تجمع تلقى الشتايم والكلمات الخبيثة نازلة بترف من كل ناحية ، وللأسف بيعتبروا الشتيمة هزار من غير ما يشعروا بعواقبها وخطورتها .. !!!

 

المشهد الثاني : تأليف الألقاب .. هي إحدى الظواهر الغريبة فنجد ناس كتير بيطلعوا ألقاب على بعضيهم ، وعلى الرغم إن الله عز وجل قال في كتابه العزيز ( ولا تنابزوا بالألقاب بئس الاسم الفسوق بعد الإيمان .... ) إلا أنه لا حياة لمن تنادي !!!

 

المشهد الثالث : واحد أكبر منك سنا قالك كلمة على الملأ زعلتك و أحرجتك و شبهك بصفة مش موجودة عندك .. بس للأسف هوه ما حسش بغلطته .. !!

 

وغيره وغيره وغيره كتييييييير من المشاهد ..

 

إحنا المفروض يكون عندينا مدارس تعلم الذوق والأخلاق للناس ..

 

ومن كتاب ( أمراض الأمة ) أنقل لكم تلك الكلمات الهامة :-

 

ما أخطر اللسان ، فاللسان تلك الجارحة الصغيرة ..

 

هل تتصور أخي المسلم .. أختي المسلمة أن بهذه الجارحة قد تدخل الجنة ، أو قد تدخل النار بجارحة اللسان فحسب ..

 

فإما أن يدخلك لسانك الجنة ، و إما أن يدخلك لسانك النار ، ولم لا ؟ وبكلمة واحدة يرددها اللسان تنال الرضوان ..

 

وبكلمة واحدة يرددها اللسان تدخل بيت الكفر من أوسع أبوابه ، وتخرج من بيت الإسلام من أوسع أبوابه ..

 

فكلمة التوحيد يرددها اللسان ، وكلمة الكفر يرددها اللسان ..

 

وبكلمة يمزق شمل وتتشتت أسرة ، وترمي بريئة عفيفة ، وتقذف محصنة ، ويتهم برئ ، وتشتم مسلم موحد بالله ..

 

وإن ترك الألسنة تلقى التهم جزافا دون بينة أو تثبت أو دليل يترك المجال فسيحا لكل من شاء أن يقول ما شاء في أي وقت شاء ، ثم يمضي آمنا مطمئنا ، فتصبح الجماعة وتمسى و إذا أعراضها مجرحة وسمعتها ملوثة ، و إذا كل فرد فيها متهم ، أو مهدد بالاتهام ، وهذه الحالة من القلق والشك والريبة لا تطاق بحال من الأحوال ..

 

إن الإنسان مخبوء تحت لسانه ...

 

قد تجلس أمام رجل ذي هيبة وذي هيئة فإن تكلم عرفت عقله ، وعرفت حجمه ، وعرفت قدره ..

 

أخي .. أختي

 

يحكي شيخنا الجليل محمد حسان عن خطر اللسان ويقول تخيلوا معي :

 

أنه قد نبه على كل مسئول في محافظته أن يركب لكل مسلم ولكل مسلمة جهاز تسجيل بطريقة معينة .. بحيث لا يستطيع اللسان أن يستخرج شريط الكاسيت إلا عن طريق المسئول في مكتب المسئولين ، وهذا المسئول سيقول لك : علق هذا التسجيل على كتفك الأيمن ، وكل كلمة تتلفظ بها مسجلة عليك ، والدولة قررت أو الحكومة قررت بأن كل كلمة تسبيح ستعطيك عنها جنيه ، وبأن كل كلمة غيبة أو نميمة أو سب أو قذف أو شتمة أو إساءة ستضرب عليها جلدة ..

 

كل كلمة تسبيح أو ذكر أو تكبير أو تهليل ستأخذ جنيه – التسجيل معاك – انتبه – أول ما تصبح الصبح سيفتح التسجيل ..

 

لا تستطيع استخدامه أو استعماله أو تستخرج الشريط إلا عن طريق هذا المسئول ، وكل يوم آخر النهار تذهب فيحصوا لك عدد التسبيحات تقبض فلوس ، وعدد الإساءات تضرب بعددها كل إساءة جلدة ..

 

بالله عليك هل سنغفل عن التسبيح ؟؟

 

هل سيقع منا واحد في الإساءة ؟؟

 

مستحيييييييييييييل

 

إيه المانع إن الواحد فينا يراجع نفسه في كل كلمة قبل ما يقولها ..

 

وأخيرا وليس آخرا ..

 

لي عندكم طلب صغير ..

 

كل واحد يقرأ الموضوع المتواضع ده يكتب موقف إساءة تعرض له ، و كان رده عليه إيه ؟؟

[الأطفال الرضع يدركون مقاصد أفعال الناس]

ياريت تكون اخلاقنا زي الأطفال ..

جزاكي الله خير .

[طحن الأسنان أثناء النوم]

الحمد لله .. كل لحظة بتعلم شئ جديد ..

ربنا يحمي كل الاطفال ...

أشكرك أختي بنت مصرية ...

[الملاك الغائب]

سبحان الله .. وللمرة التانية الحمد لله أكون أول واحد يرد على موضوعك ..

أختي الصغيرة .. معاكي حق في كل كلمة .. اسلوبك جمييييييييل ..

أنا لما كنت طالب في الجامعة شوفت حاجات كتيرة جدا جدا غريبة تقشعر لها الأبدان ..

وعلى رأيك فين الأب و الأم ؟ وأين التربية السليمة ؟

لكن أنا ليا هنا تعليق صغير .. في وزارة التربية والتعليم بيقولوا التربية قدموها عن العلم ..

طيب ووزارة التعليم العالي .. راحت فين التربية ؟؟ هيه التربية لغاية ثانوية عامة وخلاص على كده ..

لازم كل شاب يراجع نفسه قبل ما يعمل أي حاجة تغضب ربنا ..

ويتخيل إن أخته بدل البنت اللي واقف وبيتمازح معاها في الجامعة ..

هل هوه سيوافق على ده ؟؟

ويسأل نفسه : لو شاف أخته أو واحدة قريبته بتعمل كده حيعمل فيها إيه ؟؟

ربنا يصلح الأحوال يا أختي ..

أنا كنت أفضل إن كل جزء في موضوعك الملاك الغائب يكون موضوع مستقل عن التاني ..

الملاك الغائب ( الجزء الأول ) ................. الملاك الغائب ( الجزء الثاني ) ...... وهكذا ..

بمعنى إن مش كلهم يكونوا مع بعض ..

شدي حيلك أنا مستني أشوف الجزء الثالث في أقرب فرصة ..

وفقك الله إلى ما فيه الخير ..

[الملاك الغائب]

أهلا بيكي عضوة جديدة في منتدانا الجميل ..

اسمحي لي أن أكون أول واحد يرد على موضوعك المهم جدا ..

أسلوب رائع .. كلمات مرتبة ومنظمة ..

الموضوع اللي بتناقشيه دي في غاية من الأهمية ..

والحمد لله إحنا في المنتدى عملنا موضوعات كتيير بنفس مبادءك ..

لكن عليكي ألا تتشائمي من هذه المدينة .. عليكي بالإصلاح ودعوة الناس إلى كل ما هو خيير ..

 

أما عن المكان الذي ستجدين فيه مبادئ وطنك وتعاليم دينك ..

 

هو

 

منتدى ياللا يا شباب ..

 

والمكان الثاني

 

هو

 

أسرتك و عائلتك

 

بارك الله فيكي على الموضوع الأكثر من رائع ..

 

جزاكي الله خيرا ..

[معاني الشهور السريانية ؟؟!!]

ندى .. دكتور عبقرينو .. الرام

 

الحمد لله إني قدرت أديلكم معلومة تفيدكم ..

 

ومتشكر جدا جدا على الدعوات الجميلة ..

 

إدعولي .. إدعولي

[قرية بلا شوارع,,!!]

وبعدين معاكي يا ندى ..

 

 

بالراحة علينا ..

[المش مهندس وصل]

قلمي ينحني إليك تقديرا و احتراما ..

 

لا تستعجب صديقي على هذا الجميلة .. !!!

يعلم الله .. أنني شعرت وحسيت بكل كلمة إنت كتبتها ..

وتخيلتك قاعد قدامي دلوقتي بتحكيلي الكلام ده بالحرف الواحد ..

أنا معاك في الكلام ده ومقدر ظروفك و حاطط نفسي مكانك ..

ولعلمك بقى إنت باشمهندس ونص .. غصب عن الكل ..

ارمي حمولك على الله .. صحيح إن الدنيا كلها دلوقتي بقيت حاجة تخنق ..

لكن حنعمل إيه ؟؟؟

لازم نرضى بالامر الواقع و تتحل من عنده ..

خلي عم صابر قدام عينيك وخليه قدوة وغيره وغيره كتييير ..

عندي كلام كتييييييير عاوز أقولهولك ..

لكن محتاج مقابلة !!!!!

ياااااارب أشوفك في أحسن حال ..

وبإذن الله حنباركلك على الوظيفة الجميلة قبل الزواج بمشيئة الله تعالى ..

[قطر الجميلة,,]

إلى بنت بطوطة المنتدى ( ندى )

 

خلي بالك كده إحنا مش حنستحمل البلاد الجميلة دي كلها ..

 

وعقاباً ليكي :: تذاكر طيران للكويت إلى كل الأعضاء بالمنتدى ..

 

جزاكي الله خير ..

 

الله ينور ..

[الرموز علي العلب البلاستيكية ..]

معلومات قيمة ومهمة جدا جدا ..

الله يفتح عليكي بنت مصرية ..

بس المشكلة بقى إن المفروض لو في ضمير شوية تتكتب معنى الأرقام دي بالعربي ..

علشان الناس تفهم خطورة كل رمز ..

ربنا يسترها على الجميع ..

يارب نقدر نوصل المعلومات دي لكل الناس ..

[صورة اجمل بطة فى العالـــــم]

بطة جمييييييييييييييلة يا بطوط ..

 

لا تحرمينا من الصور الطبيعية الجميلة ..

 

سبحان الله ..

[الأطفال الرضع يدركون مقاصد أفعال الناس]

صديقي و أخي أغلى الغوالي .. علي المرابط .. دايما إنت منور موضوعاتي بكلماتك الجميلة مع الروعة في التعبيرات والاسلوب .. فعلا معاك حق في كل كلامك .. أنا كمان شايف إن كل واحد فينا جواه طفل بيطلع لوحده وقت اللزوم .. ياريت تكون أخلاقنا زي الأطفال .. أنا بحسد الأطفال في براءتهم .. اللهم ارزقني براءة الأطفال .. ربنا يكثر من أمثالك يا صديقي ..

[الأطفال الرضع يدركون مقاصد أفعال الناس]

أشكرك للإضافة الجميلة دي ..

 

تحية إلى الفيزيائية المتألقة ..

 

جزاكي الله خيرا