ahmed abozeid

مشروع قانون إنشاء نقابة جديدة تحت إسم (النقابة العامة لنظم المعلومات) بمسمى وظيفي/ إخصائي نظم معلومات إدارية لخريجي شعبة/ نـــــظم المعلومـــــــــات الإدارية MIS اعداد/ مهندس. أحمد محمد أحمد علي السيد إخصائي نظم معلومات إدارية تليفون: 0100039242 (2+) e-mail: mis.dev@hotmail.com (( مبـــــــــــــــــــــادرة الـ 100 الف صوت )) كل خريجين وخريجات المعاهد العليا للحاسب الآلي شعبه نظم معلومات ادارية بجميع محافظات جمهورية مصر العربية تعالوا نقف وقفة بجد وصوت واحد يجمعنا بجد للحصول على حقوقنا من قبل وزارة التعليم العالي في مصر واتحاد النقابات في مصر وننادي بـ 100 الف صوت واحد (عايزين نقابة خاصة بينا .. إحنا مش تبع حد) مبادرة الـ 100 الف صوت مصري بتبدأ مرحلة التنسيق للالتحاق بالكليات والمعاهد العليا بعد امتحانات ثانوية عامة وتبتدي المعاهد الخاصة تلعب بطموحات الشباب وتنزل اعلانات في الجرايد كل يوم تقول فيها المعهد الفلاني للحاسب الالي ونظم المعلومات .. اتخرج تلاقي شغل .. اتخرج تنضم فورا لنقابة المهندسين .. اتخرج تلاقي تلاقي تلاقي ..الخ الخ الخ وبعد التخرج بنلاقي فعلاً ... بس بنلاقي حلم حلم أسمه نقابه (التجاريين) مع كامل الإحترام ليها ليه نقابه التجاريين؟ علشان قرار المعادلة بتاع حضرتك صادر بمعادلة بكالوريوس حضرتك ببكالوريوس التجارة شعبة ادارة اعمال من احدى الجامعات المصرية طــــــــــــــب ازاااااااااااااااااااااااااااي ؟؟؟ ما احنا كان ادامنا الاختيارين من الاول : يا حاسب الي شعبة نظم معلومات ادارية يا شعبة ادارة اعمال ــــــــــــــــــــ واحنا اخترنا النظم نقوم في الاخر نتعادل بإدارة الأعمال؟ ده كلام مش منطقي خريجي إدارة الأعمــــــــال بينضموا لنقابه التجاريين وده حقهم خريجي كليات الحاسبات والمعلومات بينضموا لنقابة العلميين وبينادو دلوقتي بإنشاء نقابة مهندسي البرمجيات وتقتصر فقط على خريجي كليه حاسبات ومعلومات فقط فقط فقط وده برضوا حقهم http://www.esea-online.org/news/44-legislation وده كمان http://www.esea-online.org/membership إحنا بقى فين من كل ده ..!!..؟؟ لازم يكون لينا نقابه أو على الأقل خالص في حالة الفشل الزريع يكون لينا جمعية لازم نهتم بالموضوع ده اوي حرصاً مننا على مهنتنا ولتوفير فرص عمل لكل الشباب من خلال الحفاظ على مهنتنا من دخلاء المهنة ، كمان لازم يكون لينا مسمى وظيفي في بطاقة الرقم القومي وجوازات السفر .. كمان عمل معاشات بطالة لغير العاملين ومعاشات شيخوخة بعد سن الـ 60 وتأمينات اجتماعية وتأمين صحي ومشارع ممولة وتقسيط اراضي وعقارات ومميزات تانية كتير ماتقلش عن المميزات اللي بتقدمها اي نقابة لأعضائها .......... لإننا مش أقل من حد ومش هنكون أقل من حد أبداً الموضوع كبير اوي يا جماعة احنا لازم نتقدم بمشروع للدولة احنا كمان لإنشاء نقابتنا المستقلة واللي من خلالها هنطالب وزارة التعليم العالي والمجلس الأعلى للجامعات بعمل كليه لنظم المعلومات الإدارية أسوة بكليات الحاسبات والمعلومات وأسوة بكليات التجارة هنعمل مشروع انشاء النقابة من خلال مكتب استشاري محاماه كبير وهنتقدم بالطلب للجهة التشريعية الأولى فمصر (مجلس الشعب) من خلال اعضاءه المحترمين وهنطلب من (الحزب الوطني الديمقراطي) مساندتنا ومش هنتنازل عن حقنا بس الأول ساندوني في تجميع الأصوات علشان نكون واقفين على أرض صلبة ــــــــــــــــــــ ومرحبا بيكم وبكل تعليقاتكم وارائكم وجديتكم معايا جوة نقابتنا (النقابة العامة لنظم المعلومات) المصرية لمساندتي كلموني على تليفوني (اعلاه) او راسلوني على الإميل بتاعي (اعلاه) واللي معناه Developer of Managment Information System