ربنا يجيرنا ان شاء الله من النار ويهدينا لصالح االاعمال
والله ياندى انت اثرتي موضوع مفيد جدا لان انا في شغلي بدرس الكلام ده عشان هو مصدر كبير للمعادن اللي بنبحث وننقب عنها زي ماقلتي
فاغلب المعادن الهامة او اللي بنسميها فلزات نفيسة زي الذهب والفضة وغيره بتتكون من حاجة اسمها البيزمنت روك وبنتبقى صخور نارية وهي متكونة فعلا من اندفاع السوائل الحرارية من باطن الارض واختراقها للقشرة وتبردها وتكونها على هيئة صخور
اشهرها يمكن الذهب بيتكون بالصورة دي بعد مايتكون الصخور من السوائل الحرارية دي بيتكون حاجة اسمها عروق مرو كلها سيليكا بيبقى لونها ابيض جدا بتاخد اللون الفاتح اللي انتي قلتي عليه في موضوعك وخلال العروق دي بقى بنلاقي ذرات الذهب متبعثرة في العرق نفسه
يمكن اشهرها في مصر منطقة السكري بين ادفو ومرسى علم .
معلش طولت بس انا بحب النوع ده جدا من المواضيع وكل مايختص بعلم الارض والصخور والصحراء
جزاكي الله خيرا كثيرا ربنا يكرمك يارب