حبيبة الرحمن

يا حبيبتي ياعاشقة الفردوس انا هتكلم معاكي بكل صراحة وصدق اذا انا كنت قرات الموضوع ده قبل ما يحصل حادث الكنيسة بصراحة ممكن ما كنتش رديت اصلا كنت هعتبرها معلومات اضافية عرفتها وهقول ساعتها الله المستعان علي اللي احنا فيه زي الاخبار والحوادث اللي احنا بقرائها كل يوم لكن اللي فرق معايا التوقيت علشان كده قلت للدكتور عبقرينو في الرد السابق ان لكل مقام مقال اما بالنسبة للنصاري وموقفي منهم ممكن يبقي فيه فرق في الراي كبير بيني وبين الدكتور عبقرينو بتحكمه طبيعة البلد وده اللي انا فهمته من الرد السابق هما هناك في المنيا ربنا يكون في عونهم لكن احنا عندنا هنا المسحيين جنب المسلمين ومتعايشين مع بعض في سلام بدون اي مشاكل جيران مع بعض عمرنا ما كان عندناموضوع اصل ده مسيحي وده مسلم ما فيش الحاسسيات كنت بتعامل معاهم من منطلق قول الله تعالي (لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين وكان بيلفت نظري في الاية دي كلمة تبروهم كلمة البر كلمة كبيرة ولها معاني كتيرة لكن بكل صراحة انا ولا بحبهم ولا بكرهم بتعامل معاهم بما يرضي الله وخلاص زي ما امرني ربي واللي فهمته من الاخر من الموضوع ده واللي عزرت فيه الدكتور عبقرينو ان طبيعة البلد هي اللي بتؤدي الي اختلاف الراي ولو انا كنت في مكانه هناك والحمد لله انا من اسكندرية كانت وجهة النظر اصبحت متقاربة لانهم بيعتبروا عايشين في قلب الحدث وطبيعة البلد جامده اما بالنسبة للسلف والاخوان المسلمين والسنة وكل المسميات اللي بتقسم وحدة المسلمين انا ضد المسميات انا مع ملة ابيكم ابراهيم هو سماكم المسلمين انا مسلمة واتمني من الله ان اكون من المؤمنين المتقين لكن اللي يسمي نفسه الاخوان المسلمين يعني هو بقية المسلمين كفره واللي يسمي نفسه احنا السلف الفرقة الناجية باذن الله يعني بقية المسلمين لو ما كنوش من السلف هيهلكوا واللي بيسموا نفسهم اهل السنة يعني هما بيتبعوا سنة الرسول واحنا بتبع سنة الكافرين وما احنا كلنا مسلمين بنتبع سنة الرسول وما شيين علي نهج السلف الصالح حضرتك هتشرح لي قصة السلف وهما سموا نفسهم سلف ليه عارفه القصة بس ده كان زمان زمان زمان ايام مكان المسلمين اللي علي حق شوية صغيرين جدا كانوا بيعرفوهم بالمسمي ده واذا حضر الماء بطل التيمم الحمد لله دلوقتي كلنا مسلمين زي الفل بحس انها مسميات مستفزة بتفرق المسلمين لفرق اكتر ما هما متفرقين ما بالك بقي بالعداوة اللي بين الفرق والجماعات دي حدث ولا حرج لدرجة انهم كل فرقة او جماعة لهم مسجد الفرقة التانية استحالة تدخله انا عاوزه اعرف هو المسجد انا داخلاه علشان اصلي لربنا ولا داخلاه علشان الناس علشان كده انا بكره المسميات اللي بتفرق المسلمين عن بعضهم فين انا الاقي اجمل من الاسم اللي اختاروا ليا ابو الانبياء سيدنا ابراهيم مسلمة لكن انا لا اكره العلماء والشيوخ وبسمع لكل العلماء ولا اتعامل معاهم من منطلق الفرقة التي ينتمون اليها لكني اتعامل معاهم كعلماء وشيوخ مسلمين وموحديين بالله وكاي انسان علي وجه الارض اتفق وافهم اسلوب بعضهم والاخر لا اتفق علي حسب قدرة العالم علي توصيل المعلومة لي باسلوب سهل بسيط بعيد عن التشدد والتطرف بالادلة من القران والسنة واعتقد يادكتور عبقرينو ان الاختلاف اللي كان بيننا اتضحت اسبابه الي حد بعيد وعاوزه حضرتك لما اعلق علي اي موضوع تاني تراعي حضرتك ان انا من الاسكندرية يعني عايشين والحمد لله في راحة شويه بحر وهواء ومناظر حلوة اكيد كل ده بياثر علي تفكير الانسان وتكوينه النفسي والعقلي والفكري ما عندناش ولا الطار ولا التطرف ولا الارهاب الحمد لله اللهم اتمها علينا بالستر واكفينا شر الفتن الواحد ما بيحسش بالنعمة غير لما بيتحرم منها انا اول مرة في حياتي اعلق علي موض

السلام عليكم ورحمة الله وبركاته شكرا علي رد حضرتك واهتمامك بما كتبته انا اعترف اني كنت حادة في الكلام مع حضرتك موضوع حضرتك هو اللي الصراحة استفزني وخصوصا ان انا من الاسكندرية والدنيا عندنا مولعة ومش عارفين هل اللي حصل ده فعل يهودي ولاجماعات اسلامية ولاقاعدة ومناظر الناس الميتين صعب جدا بشع اعتقد ان كل الناس مسلمين ومسحيين كانوا حزانا علي المناظر ده ترهيب انسان وترويعه بدون ذنب هو دينه مسيحي هو ربنا اللي هيحاسبه مش احنا قال تعالي لا اكراه في الدين وحضرتك والدنيا مولعة عندنا واحنا بنحاول نصلح الاحوال ونقول ان الدين برئ من هذه الفعلة وحضرتك بتقول كلام يزود النار هي كلها حقائق بس هل هذا هو وقتها لكل مقام مقال وكلمة قاطعوا النصاري في ظل الاحداث اللي حاصلة دي صعب وبالنسبة ان انا مؤمنة بتفكير شخص معين ده غير صحيح انا بحب اسمع كل الشيوخ ولكل الجماعات وباخد منهم ما يتناسب معي ولا يتعارض مع الدين ومش بحب التعصب ولا التشدد ومؤمنة جدا بقول الله تعالي فبما رحمة من الله لنت لهم ولو كنت فظا غليظ القلب لانفضوا من حولك وقال تعالي وما ارسلناك الا رحمة للعالمين انظر الي معني الاية رحمة للعالمين مش للمسلمين فقط وقال تعالي وانك لعلي خلق عظيم وبالنسبة لعمرو خالدما تنكرش ان هو مبادر وبيقوم بعمل حملات كتيرة لصالح الشباب وشباب كتير قوي بيتجاوب معاه لان هو بيشتغل اكتر من الكلام يعني مش مخصص له قناة بيتكلم فيها ويقول حكم ومواعظ وخلاص مع احترامي لكل الشيوخ اللي عندهم قنوات اللي انا بسمع لهم شخصيا بس الشباب عنده طاقه عاوز يطلعها ومحتاج اللي يساعده علشان يطلع الطاقة دي في الخير سمعت عن حملة لا للادمان اللي كان عاملها قبل كده وكام شخص اتعالج في هذه الحملة بالالاف اما بالنسبه لهدفه من اللي بيعمله ده ونيته ده بقي مش اختصاصي النوايا دي يعلمها الله مهما كان عمرو خالد عنده من اخطاء فالعيب هنا مش فيه العيب هنا في الشيوخ لاننا لو لاقين شيوخ مبادرين وبيعملوا حملات يشتغل فيها الشباب علشان يرقي بدينه ليه مثلا ما يعملش الشيوخ حملة لصلاة الفجر ويقولوا مثلا عاوزين مليون شاب ينزل يصلي الفجر في المسجد وتبقي حملة تستمر لمدة شهر الشباب محتاج للمشاركة في الخير نفسك ان لم تشغلها بالحق شغلتك بالباطل وهو ده اللي احنا مفتقدينه لغة التحاور ولاتصال بين الشباب والشيوخ الدين مش كلام الدين فعل قال تعالي وقل اعملوا اما بالنسبة لاننا بنرمي كل حاجه علي الحكومة لا مش كل حاجه بس لازم يبقي في تنظيم للامور مش اي حد يطلع في دماغه حاجه يعملها ممكن يكون مسلم فكر ان هو يعمل تفجير الكنيسة ده علشان ينتقم من اللي عملوه لكاميليا وغيرها فهل هذا هو الصح وهو ده اللي هيحل المشكلة لازم يبقي لنا كبير يوضح لنا الفرق بين التطرف والارهاب واسترداد الحقوق لكن للاسف حكومة ظالمة ومافيش شيوخ ينصحونا لنجتمع علي قبل رجل واحد لنصرة الدين الشباب معظمه ضايع الا من رحم ربي انا اسفة جدا اذا كنت اساءت الادب في الحوار المرة السابقة ومش هقول اكتر من اللهم ارنا الحق حقا وارزقنا اتباعه وارنا الباطل باطلا وارزقنا اجتنابه واكفنا شر الفتنة في الدين واهدنا الي ما تحب وترضي

اعتقد ان اللي كاتب الكلام ده مع احترامي له ان هو عاوز الدنيا تولع في بعضها ونعمل حرب اهلية في مصر علشان يستريح يعني بالعربي كده عاوز يعمل فتنة في البلد لا انكر ان في تجاوزات بتحصل من الطرفين لكن العيب مش في الناس العيب علي الحكومة اللي مش عارفه تعمل حاجه وبالنسبة لحملة الدكتور عمرو خالد اللي بيتريق عليها اعتقد ان هو لو سمع هو قال ايه وهدفه ايه من هذه الحملة عمره ما كان قال كده علي الاقل هو عمل حاجه انت بقي عملت ايه عاوز البلد تولع في بعضها ونطلع نشتم في بعض مسحيين ومسلمين ياريت الدكتور عبقرينو يروح يراجع نفسه في الكلام اللي كتبه لان الله عز وجل قال الفتنة اشد من القتل ومن قتل نفسا فكانما قتل الناس جميعا وقال الرسول صلي الله عليه وسلم استوصوا بقبط مصر خيرا فان لكم فيهم نسبا وصهرا ده في الحرب ايام الرسول كان ممنوع قتل والحرب مع الاطفال والشيوخ والنساء اعتقد ان ده هو الدين بتاعنا اللي احنا اتعلمناه وفي القران بتاعنا ويسئلونك ماذا ينفقون قل العفو هل من المفروض نرد الاساءة بالاساءة هل هذه كانت اخلاق النبي والسلف الصالح كان زمان الدنيا انتهت من زمان والكل بياكل في بعض اما بالنسبة لحملة عمرو خالد اللي مش عاجبه حضرتك الدكتور عمرو خالد ما قالش نكمم الافواه ونكتم الحقيقةومش دي هدف الحملة هدف الحملة ان حضرتك لازم تتحري اي خبر انت بتنشره علي النت قبل ما تقوم بنشره بضغطة share صغيرة ممكن تنقل خبر وغيرك ينقل نف...س الخبر والخبر ده يكون كاذب وفي الاخر تتسبب في عمل فتنة بين الناس وحضرتك تعرف طبعا سرعة انتشار الاخبار عن طريق النت ومن اهداف الحملة ايضا هنتعلم بعض المصطلحات الموجودة علي النت اللي منها تعرف اذا كان الخبر ده صحيح او خبر زائف الحملة مدتها 5 اسابيع وهنتعلم منهاحاجات تانيه كتير اكيد حضرتك ما قراتش غير عنوان الحملة فقط لان لو عرفت اهدافها ما كنتش قلت كده انا عن نفسي اول مرة اعرف ان ممكن بضغطة صغيرة علي الماوس بخبر كاذب ينشر الفتن بين الناس او يعمل زعر في المجتمع ممكن اخد بيه ذنوب لا حصر لها من غير ما اخد بالي زي كده ما الطقس كان سئ عندنا وبعد ما خلصت النوة اشاعوا علي النت ان النوة القادمة... هتكون اشد من الاولي وممنوع حد يخرج من البيت مما سبب لنا خوف اكتر من الاول والطقس كان عادي بعدها وما حصلتش اي نوة ترهيب الناس وتخويفهم بخبر كاذب من هو المسؤل الا تعلم ان من يعمل مثقال ذرة خيرا يره ومن يعمل مثقال ذرة شرا يره واحنا ولا علي بالنا نضغط وننقل الاخبار وخلاص مش عارفين انه ما يلفظ من قول الا لديه رقيب عتيد تفتكر يادكتور عبقرينو الكلام اللي حضرتك كاتبه ده هيحل المشكلة مش كان من المفروض ان حضرتك تقول لنا ازاي نحل المشكلة بدل ما حضرتك كاتب لنا ازاي نولع ونشعلل المشكلة مشكلتنا واحنا عارفينها طب ايه الحل ناخدهم نولع فيهم في ميدان عام نعمل لهم محرقه جماعيه هو ده الدين هو ده السلف الصالح الدين فعل مش مسميات