ابن النيل86

تسلمى اختى الفاضلة ريتال كلمات راقيه ومشاعر مفعمة بالحب والعطاء جزاكى الله الفردوس الاعلى

قـــلـــــــــوب الـنــاس بـتـتـكـَبـَّر *** بـَـحـِــب الــنـــاس ؛ ولـمـَّـا حـَـد يـتـكـَـبـَّـر ! أنـــا بَـــــزعـَـــل ، لإن الـنــــــــــــاس ؛ قــلـوبـهـا طـالـعـه فى الـعـــالـى ولابـِتـحـِـب ، ولاتـِقـبـَـل تِـحِــس بحـَـد ، وتِـعـمـِــل سَـــد مـابـيـنـهـا وبـيـن قـلـوب غـيـرها ، يـضـيـع خـيـرهـا ، ماتِـلـقـاشــى ، ويـيــجـى حـَظـَّـها ف تـانـيـيـن ، مـاتِـســـواشـــى ؛ ونـَـظـر ِة عـيـن ، مـاتِـحـلاشـــى ؛! سـِـوَى بـيـن الـقـلـــوب طـاهـره ، بـِـتِـزرَع فـى الـوجـــود زهـرَه ، وزهـر ِة خـيــــر ؛! عِـشــــان الـغِــيـر ، مـايـجـرحـهـاش ، مـايـقـطـُـفـهـاش ؛ يـراعـيـهـــا ، ويـرويـهـــا ، يـلاقـى كـُـل شـئ فـيـهــــا ، بـيـكـبَــر حـُــب ، وَيـَّــا حـَـنـان ؛ يـعَـلـِّــى قـيـمِــة الإنـســان ، يـخـَـلـِّـى الـحـُـب مَـوَّالـُـه ، يــروق بـالـُــــه ، يـســـيـب سَـفـَـرُه ، وتِـرحـالـُــه ، عَـشـــان يـرسَــــى ؛ يـلاقـى فى الـقـلــــوب مَـرسَــــى ، لِـكـُـل غـَـريــــــب ، ويـبـقــَــى الـعـيـب ؛! إذا شـُـفت الـجـَـريـح يـنـز ِف ، وانـا سِـــبـتـُـه ، لاخـاطِـبـتـُـه ، ولاشِـــلـتـُــه ، ولاحـتــَّـى بَـقـيـت جَـنـبُــه ، أسَــنـِّـد خـَـطـو ِتـُــه يـمـشــِـــى ، مـايـعـلـَـمـشـــِــى ؛ بـإن الـنـاس قـلـــــوب واحــده ، ومـِـتــِّـحدَه ، تـعـيـش فى الـكـون حـيـاه واحـده ؛ مـافـيـش غـيـرهـا ، يـدَمـَّـرهـا ، تـكـون بـالـكـُـره مَـلـيـانـَــه ، ويـبـقـــَــى الـكــُـره جـوَّانـا ، بـيـمـلانــا ، ويـحـضـُـنـَّــا ويـلـقـانــــا ؛ بـِـنـرمـِـى نـَـفـسِـــنا عـَــنـدُه ، يـزيـــد عِــنـدُه ، يـخـَـلـِّـيـنـا ، نـِـحـِــس الـكــون دا إحـنـا وبـَـس مـافـيـش غـيـرنــــــــــــا وبـِـنـمَـوِّت ضـَـمـايـرنـا ، عـَـشـــان نِـبـقـَـى احـنا مِـرتـاحـيـن ؛! ونـشــــــــــــكـى لـمـيـــــــن ؟! إذا كـانِـت قـلــــوب الـنـاس بـتـتـكـَـبـَّـر ؛! وتِـطـلـَـع عـالـى وتـكـَـبـَّـر، تـقـول إن الـمـقـام يـكبـر ، إذا عِـشـنـا لِـوَحـديـنـا ، وفـَـكـَّـرنـا فى نـفـســـــــــيـنـا ؛؛ ومـيـن فى الـكــــون يـســـــــــاويـنـا ؟؟! وتِـلـقـاهـُـم فى وِحـدِتـهـُـم ، إذا مـا الدُنـيـــا فـاتِـتـهـُـم ؛ يـعـودوا للقـلـــــــوب تـانـى !! يـقـولـوا احـنـا هـجـرنـاكـُـم ، وِلـَـكِــن إنتـُـم الأحباب عَـشان يفتـَـح عليهـُـم باب ، يلاقوا صحاب ؛ وبَـس قلوبهـُـم اتقـَـفـَـلِـت ، وروح الخير هِنا اتقـَـتـَـلِـت ، وبَــس ازاى ؟! أنين الناى ؟! يـسَــمَّـعـنا ، بميت معـنـَـى ؛ مانِـفهـَـمشـِـى !! ولو أمرى ، أنا هامشـِـى ، من الدُنيا . لإن الدنيا مليانه ، قلوب كارهة وعطشانه ؛ لـِـطعم الدم ، وانادى الأ ُم ؛؛ أقول إنتى الحنان إروى ، وتسمعنى الدياب تِـعـوى ، وانا حَـسـَّـاس ، ودُقت الكاس وطعم المـُـر بلسانى ، ودايماً باشربُـه تانى ! عشان دايماً فى أحزانى ، ماالاقى الناس ورغم المُـر بالقانى ، باداوى الناس ، واشوف مالها ، لإن الحـُـب ر ِسـمالها ور ِسمالى ؛ ألاقى الناس بـِـتصفالى .. واشوف جــوَّا القلوب معـنـَـى ، بيجمعـنا ، ولاحاجـِـز بيمنعـنا ؛ نِحِب الخير لبعـضينا ، ويجمع حُـبـِـنا ملايين نفوت الكـُـره والكارهين ، ويـــــــــــــــــــوم الديـــــن ،! أنا لازم هافوت يأسى ، واشوف نفسى وهالقاها ، بـِـتـتـمَـتـَّـع بمعناها ؛ لإن المـعـنـَـى جــوَّايا ، هيفضـَـل حـُـب ويـَّـايا ومهما اكبر ، لاهاتكـَـبـَّـر ، ولاهاكبَـر ، سِـوَى ف نفسى عشان نفسى ، بادوس فيها على نفسى ، ومااتكـَـبـَّـر عشان بازعَــل فى يوم لوشـُـفت قلوب غِـيـِّـتها تـتكـَـبـَّـر ؛! وتِـنسَــــى الناس حواليها يـبان معـناها فى عنيها ، يخـَـلـِّـيها ، فى عين الناس تِـبان أصغـَـر وتِــصغـَـر مهـمــــــــــــــــــــــا تِـتكـَـبَّــــــــر ***** منقول

بارك الله فيكى اختى الفاضلة تشرفت بمرورك الكريم دمتى فى حفظ الرحمن

مشكورة اختى الفاضلة على مرورك وطلتك الكريمة بارك الله فيكة

اختى الفاضلة دعوة للجنة مشكورة على اطلالتك العطرة وجزاكى الله خيرا

اخى الفاضل الجندى المجهول بارك الله فيك على هذه الكلمات الرائعه لا حرمنا الله عطر اطروحاتك دمت فى حفظ الرحمن

اختى الفاضلة الفقيرة الى الله مشكورة على هذا الطرح الرائع وعلى الكلمات التى تعبر عن واقعنا المرير الذى نشهده حفظ الله عباده المؤمنين من كل شخص مات ضميره بوركتى اختى الفاضلة ودمتى فى رضا من الرحمن

الاخت الفاضلة دعوة للجنة مشكورة على هذا الطرح الرائع جزاكى الله عنا كل الخير

اللهم وحد صفوفنا على كلمة الحق اختى الفاضلة ريتال لك كل الثناء والتقدير على هذا الشعر القيم بارك الله فيكى

اختى الفاضلة نور مشكورة على هذه الكلمات الرائعة بارك الله فيكى وجزاكى الجنة

هَلْ مِنْ مُقـْدِمِ ؟! *** من كلمات ** الطبيب الشاعر / د. محمد رزق * * * يامَرحَباً شَهْرَ الصِيامِ الأعظـَمِ أكْرِمْ بـِما يأتِى بـِهِ مِنْ أنـْعُـم ِ نوراً بَدا فِى كَونِنا يَرجو لنا فـَضلاً مِنَ الرَحمَنِ ، هَل مِن مُقدِم ِ ؟! ياأيُّها الشـَهرُ الكَريمُ المُغدِقُ هل نـَرتـَجِى فيكَ العُلا بالمَغـْنـَم ِ ؟! بالصَّومِ عَمَّا نـَشتـَهِى فى يَومِـنا والذِّكر ِ والقـُرآن ِ فِى لـَيْـل ٍ عَـم ِ كـَفُّ اللـِّسانِ السوءِ ؛ قـَولاً طاهِراً أو صَمتـَنا خـَيراً لـَنا مِنْ مَغـْرَم ِ والعَينُ لاتـَرنو إلـَى مايَحرُمُ والقـَلبُ لايَهفو سِوَى لِلأنـْعُم ِ والنـَّفسُ تَأبَى أن تـُجارِى عاصياً فـَالفِسقُ والعِصيانُ ضِدُّ الصُوَّم ِ والبَطنُ لاتـَرجُو سِوَى بَعْضُ اللـُّقـَم عوناً عَلـَى بَعضِ النـَشاطِ الأعزَم ِ والكَفُّ لايُؤذِى ولـَكِنْ يَكتـَفِى بالخـَير ِ والإحسانِ عِندَ الأحكَم ِ والرِجلُ لاتـَمْشِى سِوَى فِى خـَيرِنا تأبَى المَسِيْرَ الشـَرَّ رَغمَ اللـُوَّم ِ هَذا هُوَ الإحسانُ يامَنْ تـَرتـَجـِى عَـفواً مِنَ الرَّحْمَـنِ ، هَلْ مِـنْ مُقـْدِم ِ ؟! ***

واحد مدمن facebook كان دايما بيمشي جنب الـ wall ف حاله ف يوم م الأيام شاف female ماشية ف الشارع راح عامل comment على جمالها وأظهرلها like بشياكتها راحت قالعة الشبشب وعاملة block على دماغة ...وعملت remove للأرض بكرامته وخلت فضيحته shared ف الشارع وعملت tag للناس اللي ماشيين ف أفاه كل واحد عمله post عليه وروح الـ home اتنين م الـ friends شايلينه وبعد الموقف ده البنت مافرقتش خياله فقرر يفتح page جديدة ف حياته ويروح يقدم request للـ father بتاعها عشان يـغيير الـ relationship ويبقى married لكن her father قاله not now وبعد ما مشي الـ mather بتاعتها suggested عليه انه يـ accept عشان الشاب كويس ومايتعيبش راح الـ father بتاعها sent message لصاحبنا قاله تعالى وهات أبوك عشان أنا accepted you بس وراحو واتفقوا على كل حاجة وحددوا ميعاد الـ event اللي هو الفرح وبعتوا invitations للـ friends و الـ families بتوعهم بس واتجوزوا وانهوا حياة الـ single وخلفوا girls و boys

وسابت إيدي في المولد مهداه مع التحية لشباب ثورة مصر في جميع ميادين مصر بحبك وانتي هاجراني وفاكرك وانتي نسياني وفارد في الهوا جناحي وبحلم بيك وانا صاحي وانا نايم.......وانا قايم كابوس دوخني توهني لقصة حلم شوهني ورجعني ليوم مافلت من ايدك بهاجس لغز تشريدك بقى مش فاكره في المولد في وسط الزحمه قلتيلي انا ممكن أضيع منك تتوه مني ماتفرقشي !!! مين الأول؟...هتفلت إيده م التاني وفاكرك وانتي بصالي برعشة نجمه بتلالي وعينك ساطعه في عنيه بنظرة فيها حِنيه وقسوة بنت جِنِيِه وانا بنده بعلو الصوت وم الحسره سكني الموت وتُهتي مني في المولد أيا ويلي !!! أقول ايه ماهو مولد كتير ستات ورجاله وناس كدابه هواله ووضع الخلق متلخبط وانا في لقاكي بتشعبط وبرضه فيه كتير تايهين وفي المولد أهم عايشين أكيد فاكرا وعذراني وحاسه مين باع التاني جريت وشقيت وحصلتك ومديتلك انا دراعي تركتيني وبعتيني وضاعت كل أطماعي على اني هالاقيكي في يوم مولد بقى بتقولي مش فاكره ولسه برضه ناكراني بقى مش فاكرا موالي وانا داير على مدارك بلف بروحي في الساقيه وانتي بقسوة مش باقيه وانا متغمي كالعاده ونكراني وبصالي وبقرا العطف في عنيكي وبتقولي كدا زياده وهفضل برضه أنده لك ودا قدري أعيش العمر محتاجلك ومشتاقلك أيا نضري بقى مش فاكرا واد أسمر نحيل الجسم بتغندر وكان عاشقك ومش اكتر وكان عاملك حبابي عنيه وشال قلبه وحطك فيه بقى مش فاكرا ياخساره بناتنا الحلوه في الحاره كتير كانت ألاعيبهم وحاسدني وحاسدينك ودا عيبهم وفاكريني بأشعاري باداعبهم غاروا منك ومش فاهمه قالوا عاشق ودي تهمه وقالوا عني مغزلجي وبكتب شعر ف عنيكي وهمي إنني ارضيكي وبرضه لسه مش عاجب بقى ناسيه؟ أيا قاسيه!! ولسه برضه مش فاكره ؟ قصيدتي الأولى ياسمرا وانا صغير كلام تافه !! كدا قالوا دا واد متوول ومتحير وكانوا كلهم واهمين ومش فاهمين وانا قاصد جميع قولي ولايمكن يوم اتغير وترمش عيني وادير سكبت العشق في حروفي وواضح في الهوى خوفي عليكي ...وانتي شغلاني وفاكرك.... وانتي نسياني بحبك وانتي هاجراني ونرجع تاني للمولد وتشريدك وتشريدي ليوم مافلتي من ايدي آدي بداية حكايتنا بدمي الحر هسقيها وهحكيها لكل الكون آدي بداية حكايتنا بدمي الحر هسقيها وهحكيها لكل الكون عشان الكل يعذرني إذا عشقك بيأسرني ويسحرني ويجبرني أعيش العمر مستني ومستنظر بلهفة طفل عاش عمره يجيه اليوم وشوف امه وتاخده في حضنها تضمه تِنَسيه الزمن الاغبر وقسوة بٌعدها المره ودا كله بيجبرني وسامحيني إذا بأذيك أشك في شيء محيرني تكوني طفشتي للزهره وانا دايخ في كوكبنا ألف عليك يمين وشمال مابقيتشي سألت عليك ما مليتشي ماخليتشي لأني ف حبي مش جاحد فهل فعلا أنا واهم ؟ ! ومش فاهم ! وحبي من طرف واحد ؟ أنا ف عرضك دا انا عِرضك وانا أرضك وفيه عاقل يفوت أرضه ؟ يجوز برضه !!!! ******** كتير قالوا و م الأول بأني في الهوى طايش وعشقي في الخيال عايش ودا قولهم ... ودا طبعي ولايمكن يوم اتحول قالوا لك مين ؟؟ وبرضو تاني مش عارفه؟ وقلبك فين ؟ مفيش مره في يوم قالك حبنا كان نبع صافي مش تسالي ف نظرتين وف براءة طفل بلعب ويا طفلة لما كانوا صغيرين **** آدي قصتنا في المولد ! بقالها كتير ؟؟؟ ! ! وبرضو تاني مش فاكره ؟ باقي شهرين ! ! ويكمل بيا في بعادك عامي العشرين! أنا ياسكره فاكر وهفضل عمري مش ناكر قابلتك فين ؟ ! أنا لاحبي كان صدفه ولا كنا شباب طايشين ويشهد لي ضفاف نيلك في عز البرد بنداهلي في ضي البرق باجريلك أرد الدين! وتستاهلي أخيراً : : : أخيراً قالوا فيه لمه وفيه مولد وحشد كبير وفيه ثوره لناس حره وخلق كتير شاغلهم نفس حرمانك ملوا التحرير فروحت بروحي وياهم ومديتلك انا دراعي لمحتيني ! ! في وسط الهيصه والزحمه عرفتيني ! ! لقيت الكل عاشقينك وحابينك وشاريينك وانا معاهم وأقسم إني محتاجلك ومشتاقلك تضميني ولايمكن هيرضيني سوى حضنك يدفيني كما اعتدتك وانا صغير بلمسه من حنان إيدك تريحني وهمسه بحس تنهيدتك تفرحني وحاسك عاوزه تتعاتبى ودا وقته ؟! كلامك نبضه جوايا بدون ماتقولي صدقته ! وأنا آسف وسامحيني واكون ممنون أقولك وانتي سمعاني بحبك وانتي عشقاني وفاكرك وانتي ضماني وفارد في الهوا جناحي وبحلم بيك وانا صاحي ياعز الدنيا ياحره يافخر الكون

اختى الفاضلة نور مرورك اسعدنى وعطر موضوعى بارك الله فيكى

اختى الفاضلة الفقيرة الى الله لكى جل الشكر والتقدير عى تواجدك وردودك العطرة بارك الله فيكى

لِـيه الـنـَّهاردَة بـنِـنـتِحِـر ...؟! *** من كلمات ** الطبيب الشاعر / د. محمد رزق * * * إحساس غـَريب ...! ساعِة مااشوف الدم سايـِل لِـلـرُّكـَب والأصل طين .! واحنا اتخـَلـَقـنا مِن تـُراب وحـدِتـنا فى الأصل الحَـقـيقـَة فـُرقِـتـنا كِـدبَة أو سَـراب وازَّاى نِقـَطـَّع هِدمِة السَّـتـر البـَرئ ؟! ونـبان عَـرايا كـُلـِّنا وِسـط الطـَّريق ؟! مِـش كـُنـَّا دايماً نِـلـتِـقى عَـند الـشـَّدايـِد ؟! مِـش كان بـِيـِجمَع شـَملِـنا قـَهر الـسِّـنـين ؟! مِـش كـُنـَّا بـِنرُد العِـدا عَـن أرضِنا ؟ وان مات شـَهـيد العِـشق كـُنـَّا بـنِـدفِـنـُه تـَحت النجـوم ؟ ، وِنـرُش قـَبرُه بـِالمَحَـبة والحَـنـين ؟ مِـش كـُنـَّا دايماً طـَيـِّبـين ؟! واللا الكلام دا كان زَمان ؟ أيَّـام ماكان لِـلخوف مَكان ؟، والـسِّـن بـِيعُـض الـلـِّسـان ، أيَّـام ماكان الشـَّر حُـر ومُفـتـَرِى والخـيط فِ إيـد الأ ُلعـُـبان .؟ لـيه النـَّهاردَة دَمِّـنا يـِتـباع بَـلاش ؟! لـيه الوَطـَن مِن ظـُلمِنا فى الـذ ُّل عاش ؟ لـيه اللى يصرُخ بـِالحَـقـيقـَة نِـكتِـمُه ؟ ونقول عَـليه : خايـِن ، جَـبان ..؟ هِىَّ الشـَّجاعَـة إنـِّنا نِـقـتِـل بَـرئ ؟ ، أو نِـضرَبـُه تـَحـت الحِـزام ؟ والكـُل يـِمشِـى وف إيـديه شايـِل سِـلاح ؛ ومعَـمَّـرُه حَـبـِّة كلام ؟! واللا الشـَّجاعَـة إنـِّنا وَقـت الخـَطـَر نـِتلـَم نِـحضـُن بَـعضِـنا ؟ ونمـِد إيـد الحُب تِـبعِـد بـُـعـدِنا ؟ لازِم ياعالم نِـختِـشِـى ؛ لازِم نِـخاف مِن رَبـِّنا ...! وِنحِس أحزان الوَطـَن وِنخاف عَـلـيه ، لازِم نِعالجُـه ونـداويه ، لازِم تِـدور الساقـيَـة وِتـبـِلِّ الغـيطان لازِم يـدور كـُل الـمَكـَن والـنور يـِبان ، لازِم يعـود مِن غـُربـِتـُه تانِى الغـَريب لازِم نِـطـَبطـَب عَ الحَـبـيب لازِم نِـقابـِل بَعـضِنا نِـرمى الـسَّـلام لازِم يعـود تانِى الـوِئام تِـبقـَى الحِكايَـة بـِالعـَمَل مش بالكلام وِان حَـد جانا وقالـِّنا حَـبـِّة كـَلام نِـسمَع كلامُـه ونِـفـهَـمُـه ، مانصَـدَّقـوش نِـصـبُـر ونِـسـأل نـَفـسِـنا حَ يـفـيد بـِإيـه ؟ إنِّ احنا نِـخـسَـر بَـعـضِـنا وَقـت الغـَضـَب ؟ وِنمِـد إيـد الغـَدر يـوم تِـقـتِـل حَـبـيب ؟ وِنـقـَطـَّع الخـيط اللى واصِـل بـين عروق ونطـَوَّل الليل اللى سابـِق لِـ الشـروق مِيـن اللى مات مِ الجوع فِ يـوم ؟! طـَب مااحنا واخديـن عَ الهموم ..! لِـيه الـنـَّهاردَة بـنِـنـتِحِـر ...؟!؛ ونـرُش يومنا بـِالغـيوم ؟ طـَيـِّب وبُـكرَة ازَّاى يـِبان ؟ واللا الأمل يـِقـدَر يـشـوف ؟ ساعِة مايـِمشِى ف سِكـِّتـُه وِسـط الضَّلام ... ؟! ياناس حَـرام ... هِىَّ الحِكايَـة بَـلطـَجَـة ، واللا التِـزام ؟ واللا القِـيامَة قـَرَّبـِت والنـَّاس نِـيام ...؟! واللا الحِـكايَة إنـِّنا مِـسـتـَغـرَبـين ؛ والدم سايـِل لِـلـرُكـَب ، والأصل طين ... ***

اختى الفاضلة الفقيرة الى الله مشكورة على تواجدك العطر بارك الله فيكى وجزاكى الفردوس الاعلى

نشرة اخبار اخر تهييس سيداتى ساداتى اهلا بكم فى يوم التهيس المفتوح الحقيقه النهارده الارسال اتعطل كتير واحتمال كبير اوى القنوات تدخل فى بعضها فا..... خلوا بالكوا كل واحد يظبط القنوات كويس جدا جدا علشان تعرفوا تتفرجوا على فقراتنا النهارده واولا مع نشرة الاخبار .. النشره : سيداتى ساداتى نقدم لكم نشرة الاخبار وفى نشرتنا ........ ...... علبتيييين زابادى وكيلو لبن وخمس خيارات وتروحى جايبه ....خمس لاعبيييييين فى خط الظهر .. و3 فى خط النص و 2 فى الهجوم وبيحكم مباراة النهارده الكابتن جمال الغندور اللى نزل ارض الملعب وقدامه .............. عين بوتاجازك وتحطى عليها حلة وتروحى سايباها ................ فى المغاره وبعدين يا عمو وبعدين يا حبيايبى راح على بابا وسمسمه داخلين وهناك بقى ايه لقوا اييييييه لقوا .........قوات مجلس الامن وادان بشده ما يحدث فى القدس كما اعلن الرئيس جورج بوش انه ...... حمار كبير اوى وراحوا راكبينه وطلعين على الغابه ولقوا هناك ........اللاعيب الكبير اللاعيب الكبير اوى وماشى بالكوره وهايعدى منه يا خساره اتخدت منه ووصلت للــ..........الفيل الكبير اللى راح ضارب امنا الغوله وحطها جوه ........الكنافه المحشيه بالزبيب وجوز الهند وبعد كده تحطي الشربات....... على حسام حسن اللى ماشى بالكوره وهايشوط ياخساره .............. باظت البصاره انا قلتلك ياستى ما تحطيش ملح كتير على الاكل عشان ما يعملش ........... زلازل وبراكين فى جنوب شرق آسيا مما ادى اللى .........هجوم سلاحف النينجا ...........وهدف اكيد يضيع منه ويشوط عصام الحضرى الكوره ويوصلها لــ............ حلة الشوربه وتحطى فيها حتت الخيار والكوسه بعد ما تسلقيها كويس وتروحى حطاها على .......... كوسوفا حيث هاجم ميلوسوفيتش رئيس الصرب المجتمع الدولى ووصف ما يحدث بانه ............ كوسه وقبل ما تسويها لازم تحطيها ............. فى الجووووووووون يا واد يا لاعيب دى ما يحطهاش غير حسام حسن صاحب الراس الدهبيه اللى بيفكرنا .......... بقرع العسل وتحطيه على بوتاجازك .............. كابتن ماجد اللى خد بسام وراحوا يلعبوا ........... فى الفرن لمدة خمس دقايق و32 ثانيه وبعدها تجيبى حله كبيره اوى اوى وتخطى فيها ... ........ ياسر ريان وبيرقص وبيدخل منطقة الجزاء وبيضرب ودخل رجال الاسعاف وشالوه فى ........... كنكه وبعد ما تقدمى الشاى لضيوفك تقوليلهم بابتسامه رقيقه .......... براااااااه وهادى خشبه يا واد يا لاعيب يخطف الكوره من .......... ام على وبعد ما تحطى عليها الشربات تروحى مديه لجوزك ....... ببوز الجزمه وزى ما احنا شايفين جماهير الدرجه التالته ....... اتحرقت فى الفرن يا خساره يا خساره لكن ماتزعليش تقدرى تقدميها للــ.........المفوضين العرب فى مباحثات السلام حيث صرح السيد جورج بوش انه سوف يضطر للمضى قدما فى عملية السلام وسيعرض مقترحاته على ........ صدره يا واد يا لاعيب هانى رمزى بيعمل عجايب النهارده رقص خمسه وشاط الكوره قنبللللللللله ....... فى قلب العالم الاسلامى الذي ادان كل ما يحدث داخل ........... بيت الاشبااااااح ههههههه ولما باسم شاف العفريت قام جرى بسرعه وراح داخل ............ مجلس الشعب الذي قرر عقد اولى جلساته ....... فى الزبالة يعنى لازم تتخلصى من الزباله اول باول وعلشان نجهز الشوربه لازم نسلق ...... القوانين الجديده وقد تم ضبط احد اعضاء مجلس الشعب ........... وهو بيلعب فى مناخيره ودا يصح يا عمو .لا يا حبيبى طبعا دى عاده سيئه جدا كان زمان بيعملها .............الحكم واللاعبيه اللى شرفونا النهارده ........... دى حله كبيره اوى

حَـبـِّـة كـَــلام مـالـهــــــــــــوش لِـــزوم ... *** من كلمات ** الطبيب الشاعر / د. محمد رزق * * * كـُترِ المَـلام خلـَّى الكـَلام ، مالهـوش لِـزوم ؛ والـفِـعل حَـبـِّة بـَلطـَجَـة أو ناس تِـزوم ؛ أهلِـى وأهلـَك ياوَطـَن مِـتكـَتـِّفـين ..! وتقول يامين ؟ أو تِـشـتِـكِى جَـرحَـك لِـمين ...؟! وِالكـُلَّ ماسِك مَطـرَقـَة بـِيـدُق بـيها عَ الأمَل يـِمكِـن يقــوم ..! وِازَّاى يقــوم ؟! وِالكـُره نازِف مِن شـَواشِى قـَلـبـِنا ، والـدَّم عـُوم ..؟! بـِيدَحرَج الحِلم اللى واقِـف عَ الجَـبَـل ، وِيكـَتـِّفـُه بمِـلـيون رُباط ، يـِضرَب خيالـُه بـِالـسِّـياط ، إكـمِـنـُّه ماشِى ف سِكـِّتـُه رَغم الألـَم ، لـَكـِن بَـطئ ..؛ شايـِف طـَشاش ، ضـَىِّ الطـَّريـق ..! وِيـمِـد إيـدُه مِن حِـبال الـصَّبر يـِمسِـك فى الأمَـل ؛ رَغـم الهـِموم ..، يـِندَه عَلى الـحُبِّ اللى ضاع ، يـِمكِـن يعـود ؛ يـِزرَع بَـسـاتـين اللـُّـقـا ، تِـطرَح ورود ، يـِفـرِد شِـراعُه لِـلجَـميع ، بـِالحَـقِّ ويعـود الرَّبـيع ...، يـِفـتـَح شـَرانـِق عُـمرِنا ، يـِغـزِل هـِدوم ، تـِكسِى العَـرايا مِنـِّنا وِالمَحرومـين ، وِيحُـطـِّ كـُلِّ المُجـرِمـين جُـوَّا الـقـَفـَص وَقـت الـقـَصاص ، يـِضرَب عَـليهـُم بـِالـرُّصاص وِالـمَشـنـَقـَة تِحصُد رِقابِ الظـُّلم وِتـرُدِّ الحقـوق ؛ لـيه تِحكمونا بـِالهـَبَـل ، وِتمَـجـِّدوه ؟! لـيه تِحرِمونا مِ الأمَـل ، وِتـكـَتـِّفوه ؟! وِانـتوا اللى شـُفـتوا ذ ُلـِّنا وَيـَّا اللى راح ؛ وِانـتوا اللى غـَطـِّيـتوا الجـِراح ، وِانـتوا اللى كـُنـتوا جَـنـبـِنا وَقـت الخـَطـَر ، وِالـدَّمِّ سـايـِل مِـنـِّنا زَىِّ الـمَـطـَر ، وِانـتوا اللى عَـلـِّمتوا الصَّـبـِى مَـعنـَى الثـَّبات ، وِانـتوا اللى كـَفـِّنـتوا اللى مات ؛ وِالموت حَـقـيقـَة فـوق رِقاب كـُلِّ الـبَـشـَر ، بَـسِّ الـبَـشـَر دول أ ُمَّـهات ..! ضايـِع ضـَناها _ إبنـَها أو بـِنتـَها _ مِن غـير تـَمَن ، بـَسِّ الـتـَّمَن مُـمكِـن يكـون ، نورِ الـشـُّعاعِ اللى اتـوَلـَد ساعِة خـَلاص ؛ يـِبقـَى الـتـَّمَن هُـوَّ الـقـَصاص ..! وِالـشـَّعب قايـِل كِـلمِتـُه ، لـيه تِكتـِموه ؟! لـَو تِحكـُموا بـِالحَـقِّ يـِمكِـن تِـحكموه ..! أو تِطلِـقوه ، يـِرفـَع جـِبـينـُه لِلأبـَد ، يـِطلـُب مِنَ الله الـمَـدَد ، وِان كـُنـتوا شاطرين فى العَـدَد ..!، عِـدُّوا اللى ماتـوا مِـنـِّـنا وَقـت العـبور ، عِـدُّوا اللى عاشوا ؛ بَـسِّ عاشوا فى القبور ، عـِدُّوا اللى واقـفيـن فى الطابـور ..! عِـدُّوا الضـَّحايا فى الـسَّـفـَر والاغـتِراب ، عِـدُّوا اللى قاعِـد عَ القـَهاوِى مِ الـشـَّباب ، عِـدُّوا اللى واكِـل لـُقمِـتـُه مِن غير غموس ، وِسط الـزِّبالـَة والتـُّراب ، عِـدُّوا اللى بايـِع ذِمِّـتـُه لـَجل الفِـلوس ، عِـدُّوا اللى رايـِد لِـلخـَراب ..! عِـدُّوا اللى قافِـل سِـكـِّتى ، قاطِع طـَريق ، عِـدُّوا اللى واقِـف وِسطِـنا ، عامِل صَديق ، عِـدُّوا اللى عاموا عَ الشطوط ، عِـدُّوا الغـَريق ، عِـدُّوا اللى قاتِـل شـَعبـِنا ، وِالحُكم فى الآخِـر بَـرئ .....! عِـدُّوا الطيور اللى اتهـَدَم يوم عِـشـَّها ، عِـدوا الـوِلاد اللى اتقـَتـَل نـور حِلـمَها ، عِـدُّوا المِحَـن ، عِـدُّوا البَلاوِى كـُلـَّها ، وِان يوم تِـعِـبـتوا مِ العَـدَد ، هاتـُولـنا حَـدِّ يعِـدَّها ... * ياااه ياوَطـَن ، هـَمَّـك تِـقـيل وِالكـُلَّ مِش عايـِز يـشـيل ، خايـِف يـِراهـِن عَ الأمَل يـِطلـَع سَـراب ، عايـِز يـِداهـِن أو يتاجـِر بالعَـذاب ؛ وِانتَ اللى ضايـِع وِسـطِنا ..! وِمكـَتـِّفـينـَك بـِالحِـبال ، وِمقـَسِّـمينـَك عَ الـمِلـَل ، وِمتـَوِّهـينـَك فى الجـِبال ، وِانتَ اللى كابـِش نار عَـدِوَّك وِالـصَّديق ، وِانتَ اللى عايـِم فى الغـَريق ، وِانتَ اللى رافِـض تِـنحِـنى لِـلظـُّلمِ فـيك ، وِانتَ اللى شارى ياوَطـَن ، مين يـِشـتِريك ؟! وِانتَ اللى دايمًا نِـشـتِكيلـَك ، وَامَّا تِـسكـُت نِـشـتِكيك ؛ وِانتَ اللى حابـِس دَمعِـتـَك ، وِانتَ الأسير ، وِانتَ اللى كاتِـم أنـِّتـَك ، وِانتَ الكـَسـير ، وِانتَ اللى قايـِل كِـلمِـتـَك ، وِانتَ الكبـير ، وِانتَ اللى زارِع لـُقمتك فوق سِـن فاس ، وِانتَ اللى صانِع ثـَورِتـَك ، وِانتَ الحَماس ، وِانتَ المؤسِّـس لِـلعُلا وِانتَ الأساس ، وِانتَ اللى فارِد بَـسـمِتـَك ، سِـكـِّة أمَل ؛ رَغم الغـيوم ، وِانتَ اللى ماشى ف سِـكـِّتـَك ، وِانتَ اللى كاسراكِ الهموم ، وِانتَ اللى رافِع جَـبهـِتـَك طولِ الـزَّمَن وِسط الـنجوم ، وِانتَ اللى صاحِى رَغم إنِّ الكـُلِّ نـام ، وِانتَ الأسـود المُخلِـصين وَقـت الحروب ، وِانتَ القـلوب الطـَّيـِّبـين وَقـت الـسَّـلام ، وَانتَ اللى مَهما قـُلـت فـيك مايكـَفـِّيـنـيـش كـُلِّ الكَـلام .. بَـسِّ اللـِّئام خـَلـُّوا الكـَلام ، مالهـوش لـِزوم .. والـفِعـل سَـمُّوه بَـلطـَجَة ، أو ناس تـِزوم ..

حكايه الــــ50 جنيه طبعا كلنا عارفين الشباب اليومين دول زي مهو مش بيفضل في جيبهم مليم احمر اخر اليوم كمان مش بيفضل في رصيدهم قرش واحد حتي يدي بيه ميسد كول فزميلنا ده قرر انه يطلب من مامته فلوس علشان يشحن ولكن للاسف باباه حالف علي مامته بالطلاق لو ادتله فلوس او حتي حولتله رصيد فقرر انه يتصل بتيته علشان يطلب منها فلوس وكان الحوار كالتالي هو : إزيك يا ستى . هى : بنتى .. إيه بنتى دى ياقليل الأدب . هو : يا ستى بقولك إززززززززززيك يا ستتتتتتتتتتتتى . هى : أنت بتزعق ليه يا واد أنت أنا بافتكر بتقول بنتى . هو : بتفتكرى إيه !! هو أنتى يا ستي حتى بتفتكرى إسمك . هى : جسمك .. ماله جسمى يا قليل الأدب . هو : يا ستى إرحمينا شويه بقي وشيلى الزلط اللى فى ودانك . هى : قدامك !؟ هو إيه اللى قدامى يا واد أنت . هو : يووووووووووووه يادى النيله . هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى هو : يا حول الله يا رب هو حد جاب سيرة البليله يا ناس . هى : القلقاس !؟ أه بأحب القلقاس أهو كله نعمة ربنا . هو : يا ستى ابوس ايديكي أرحميني أنا لا جيبت سيرة قلقاس ولا أناناس . هى : لأ لأ لأ عيب يا بنى ..عيب لما تجيب فى سيرةالناس . هو : يا ستى هو أنا جيبت في سيرة حد . هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه ياواد . هو : لا يا ستى النهارده الخميس . هى : البوليس!! وعايز منك أيه البوليس إنت عملت إيه يا منيل على عينك؟ هو : يييييه بقولك إيه يا ستى نفضى ودانك وطرطقيهم كده وإسمعينى . هى : رضعينى !! أرضعك إيه ياواد أما إنك قليل الأدب صحيح . هو : يا ستى أنا إتفطمت من زمان الحمد لله بس عايز منك قرشين كده سلف . هى : علف !! إنت بتربى بهايم يا واد ؟؟ هو : يا ستى بقولك سلف !! سلفينى خمسين جنيه عايز أشحن التليفون هى : كومبيليزون !! كومبيليزون إيه يا للى مش متربى هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن . هى : أشتم !! وكمان عايز تشتم يا قليل الأدب . هو : بقى كده يا ستى طب ماشى خدي عندك بقا !! بقولك إيه يا ستى . هى : وظيفتى .. وظيفة إيه يا بنى أنا طالعه علي المعاشمن زمان . هو : رمان إنتى عايزه يا ستى تاكلى رمان . هى : أه نفسي في السمان .. هو فيه سمان دلوقتى يا بنى من بعد أنفلونزا الطيور . هو : أه العبور !! أه ده كان سنة تلاته وسبعين . هى : سامعين ؟؟ سامعين إيه خير الله إما إجعله خير هو فيه حاجه . هو : بتقولي ايه يا ستى ..عايزة قهوة سادة . هى : عياده ..عايز تودينى العيادة ليه يا بنى هو أنا عيانه . هو : صقعانه .. صقعانه ليه بس يا ستى دا حتى الجو النهاردة حر . هى : كفالله الشر !! شر إيه يا بنى اللى بتقول عليه ده . هو : بقولك إحنا على البرررررررر . هى : أه يابنى منا عارفه الخروف ليه فرو .. وبيبقي كمان تخين . هو : أه إبنك حسين !!..ماله إبنك حسين . هى : العجل سمين !! أه هانجيب إن شاءالله في العيد عجل ندبحه ولازم يكون سمين . هو : إيه يا ستي بتقولي ايه .. أسفين .. طب أسفين ليه !! هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه . هو : ياااااااااااااااااااااااه أخيرآيا ستى الحمد لله .. هاتى بقى . هى : أجيب إيه ؟ هو : هاتى الخمسين جنيه !! هى : تحسين بيه .. تحسين بيه مين يا واد . هو : يالاهووووووووووووووووووووووووى .............. اناا بتهيالي ان الواد النهارده بايت في الانعااش عشان الخمسين جنيــه