البحث في الموقع

قصة سورة الحشر برصيصا العابد مين هو برصيصا ده؟ عابد كان علي أيام بني اسرآئيل ؛ قعد ٧٠ سنة في صومعة يعبد ربنا صيام و صلاة و كان ممكن يصوم بال ٤٠ يوم لا يفطر ؛ المهم ؛ ثلاث رجال عندهم اخت بنت؛ فهما مسافرين ؛ قالوا يا تري نسيب اختنا عند مين أمين ؟ مين ياتري؟ دي الوحيدة البكر اللي عندنا ؛ قالوا بس مفيش غيره هو برصيصا ؛ عرضوا عليه و رفض ؛ ثم قالوا له مفيش غيرك ، قالهم خلاص أبنوا لها صومعة جنبي هنا و انا هبقي ادخلها الاكل و خلاص . مرت الايام و برصيصا بيحط الاكل قدام الصومعة و يمشي ؛ يحط الاكل و يمشي ؛ في يوم الشيطان جه و قال له ؛ " انت ليه بتحط الاكل كده و تمشي ; دخل الاكل جوا و تكلم شوية معاها ؛ سمع كلامه و نجح الشيطان في خطواته خطوة ب خطوة لحد ما برصيصا زنا بالبنت و حملت منه؛ الشيطان جاء قاله " مقدمكش حل غير إنك تقتلها و تدفن مصيبتك دي و بعدين اخواتها مش هيرحموك لو عرفوا " بالفعل قتلها و قتل الطفل و دفنها؛ الاخوة رجعوا يسالوا قال لهم هربت و معرفش؛ الشيطان يسكت؟ جآء في رؤية للثلاثة قالهم بمكان دفن اختهم و الطفل بتاعها ؛ الثلاثة صحيوا كل واحد بيحكي للثاني ؛ قالوا ايه ده احنا الثلاثة معقولة نفس الحلم!!؟ لازم نروح و نشوف ؛ راحوا فعلاً لاقوا اختهم مدفونة و مقتولة هي و طفلها : رفعوا الموضوع للملك ؛ و قبض علي برصيصا و صلبه؛ الشيطان جاء ل برصيصا و هو يصلب و هيموت خلاص قاله أنا اللي عملت فيك كل ده و أنا اللي اقدر انقذك ؛ قاله ازاي؟ قاله سجدة واحدة فقط لي ؛ سجد برصيصا ثم قتل و هذا مما انزل الله فيه قوله تعالي "كَمَثَلِ ٱلشَّيۡطَٰنِ إِذۡ قَالَ لِلۡإِنسَٰنِ ٱكۡفُرۡ فَلَمَّا كَفَرَ قَالَ إِنِّي بَرِيٓءٞ مِّنكَ إِنِّيٓ أَخَافُ ٱللَّهَ رَبَّ ٱلۡعَٰلَمِينَ " [الحشر 16] يعني يا محمد ما يفعله المنافقون في تحريض اليهود علي قتلك كمثل هذا الشيطان مع ذلك العابد . - هذه القصة حدث بها ابن عباس و علي بن ابي طالب و ابن مسعود. - هي من الاسرائيليات ؛ و قال الواحدي في كتابه الاستيعاب سندها حسن. - قال النبي " حدثوا عن بني اسرائيل و لا حرج" لناخذ العبر لا للتشريع منقول