mahdi 2 قام بنشر May 13, 2007 (تعديل) فوت علينا بكرة صحيت الصبح زي كل يوم علي زعيق الناس (بنص جنيه فول واتوصى)(عندك واحد حار وكتر الشطه).......الخ طبعا ده مش صوت الشارع انما صوت جي من مكان نومي(المطعم) وانا طالب في الطب ازاي متستغربوش الل رماني الرميه دي حكايه طويله باختصار الروتين انا مش بتكلم في نظام شغل وانما قسوه القلوب وان البني آدم اللي ماسك قلم يمضي بيه ورقه ميعرفش الامضه دي ممكن تحل مشاكل ملهاش عدد علي العموم لبست هدومي وفطرت طبق فول حار ومشيت في طريقي (رايح فين يا احمد) ده كان صاحب المطعم بصتله وابتسمت بياس وقلت(مشوار كل يوم) وركبت المكروباص ونزلت عند المدينه الجامعيه وانا بدعي وقول يارب سهلهالي المره دي دخلت لمكتب السيد المسؤل وسألته وانا كلي خوف من الرد(ورقي وصل لفين) رد عليا من غير ميبصلي (لسه اخر الاسبوع) قلت وانا بتقطع(بس حضرتك الاسبوع اللي فات قلتلي السبت وادي احنا السبت) راح رافع راسه وبصلي وقال (اه هو انت.....احنا بعتنا الورق الجامعه روح اسال هناك) مكنتش مصدق وداني وطيران علي الجامعه ودخلت المكتب واتجهت للسكرتيره وسالتها اخدت اسمي ودورت في الورق وبعد ربع ساعه تقليبفي الورق قالتلي (ورقك مجاش عندنا ارجع تاني اسال هناك) رحت تاني وانا هعيط ده الاسبوع السابع اللي يوعدني ان ورقي هيروح الجامعه ويوم مينطقها يكدب عليا دخلت المكتب ملقيتش السيد المسئول اسال فينه يقولوا روح بدري النهارده تعالاله بكره وامشي وانا نفسي اخنق كل واحد قاعد علي مكتب ونفس اللي بيحصل كل يوم وارجع تاني يوم واسال نفس السؤال لكن كل مره اسمع رد غير التاني المره دي (انا اسف انا افتكرت ان ورقك راح .... وان شاء الله بكره يبقي هناك) واستمر الموضوع ده شهرين ونص علشان يطلع من المكتب ده بس بعد ما لجات لطريق مكنتش احب الجأله وهوه الكوسه بدون ذكر تفاصيل ولما راح الجامعه افتكرت المشكله خلصت بس بالعكس مشكله تاني بدأت ومتفرقش عن اللي قبليها بس المسئول هنا اكبر من اللي هناك وبعد مرور 10 ايام علي (فوت علينا بكره)صعبت علي السكرتيره فادتني رقم المكتب اسألها عليه بدل ماجي كل يوم واضيع وقتي وفي يوم بكلمها قالتلي النهارده ورقك هيتمضي وطرت من الفرح وطيران علي هناك ودخلت للسكرتيره وقلتلها(ها....) قالتلي (ورقك اهه هديهوله يتمضي) ورحت معاها لمكتب السيد المسئول وفعلا الورقه قدامه وفتح القلم وهيمضيوفجاه بصلي وقال (ايوه؟) قلت (انا هنا عشان الورق اللي قدام حضرتك) بص للورق وغطى القلم وقاللي (طيب تعالى بكره) ولسبب يعلمه الله والمسئول الورق ما اتمضاش إلا بعد عشرين يوم من بكره منقول من - طالب في طب تم تعديل April 29, 2010 بواسطه دفءُ الأٌنْــــــــسِ شارك هذه المشاركه رابط المشاركه شار ك علي موقع اخر
NADA 34 قام بنشر May 15, 2007 يااااااااااااااااااااااااااااااااااااااه ده ايه الذل ده ربنا يرحمنا بقى وياريت كلنا ناخد بالنا علشان لو قدر الله واشتغلنا مانبقاش نعمل ف الناس كده وكل واحد يراعى ربنا وضميره شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر March 28, 2010 (تعديل) ايييييييييييييييييييييييه ده بجد حاجه صعبه ااووووووووووووووووووووى يااااااااااااااااااااااااااااااااااااااه ده ايه الذل ده ربنا يرحمنا بقى وياريت كلنا ناخد بالنا علشان لو قدر الله واشتغلنا مانبقاش نعمل ف الناس كده وكل واحد يراعى ربنا وضميره جزاك الله خيرا كاتب الوضوع وربنا يعافينا ياااااااااااارب ويهدى كل الناس يارب تم تعديل March 28, 2010 بواسطه حياتى من اجل ربى شارك هذه المشاركه رابط المشاركه شار ك علي موقع اخر
omar_altawel 6 قام بنشر March 30, 2010 لو عاوز الرد على اللى بيحصل ده فوت علينا بكرة يا سيد شارك هذه المشاركه رابط المشاركه شار ك علي موقع اخر
happy dreams 0 قام بنشر September 25, 2010 لا إله الا الله ، فعلا محدش بيراعى ربنا لو كل واحد حط نفسه مكان الشخص اللى قدامه لكن كل واحد بيمارس سلطته على اللى تحت ايده ، ربنا يرحمنا ويعافينا شارك هذه المشاركه رابط المشاركه شار ك علي موقع اخر
لامار 94 قام بنشر September 1, 2011 ياه الا يعرفون بان الله في عون العبد ما كان العبد في عون اخيه جزيت خيرا شارك هذه المشاركه رابط المشاركه شار ك علي موقع اخر
mahaa 3 قام بنشر April 2, 2012 بجد كتر خيرك هو اللى ملهوش واسطة فى البلد دى ميعرفش يعمل حاجة حتى بعد الثورة مفيش حاجة اتغيرت انا لو منك كنت رميت الورق هههههههههه ربنا معااااااااااك والف مبروك انة اتمضى شارك هذه المشاركه رابط المشاركه شار ك علي موقع اخر
