السيد جمال وقطة مراته لولو حاجة تفرس :))

[einour]

كان السيد جمال ومراته الست زينات عايشين في بيت في بلده صغيرة .... وكانت الست زينات بتحبب القطط اوي

 

عندها قطه صغيره اسمها لولو بتموت فيها .... كانت بتسيب جمال بيه يقعد لوحده ساعات هوه زهقان وقاعد يتفرج عليها ويتحسر على حظه الوحش

 

..... جمال بيه بقا كان ما بيحبش لولو وبيغير منها ومش عارف هيقدر يبعدها عن مراته ازاي

 

وفيوم من الايام وهوه قاعد بيراقب مراته وهيه بتلعب مع القطة لولو .... خطرت بباله فكره

 

- ايوه انا هاخد القطه دي من غير ما زينات تعرف وحرميها بعيد بعيد اوي

 

وفعلا جمال بيه اخد القطة الصغننة وحطها بعيد عن البيت ب 20 عماره ورجع البيت وهوه طاير من الفرح و بيغني ويرقص

 

ولما رجع البيت لقى مراته بتلعب مع القطه لولو في حديقة البيت ايه ده ما سدقش اللي شافه

 

و الست زينات بتقله : يا حبيبي انتا عارف انا فضلت ادور على لولو طول النهار وافتكرت اني افتقدتها ومش هشوفها تاني بس هيه طلعت ذكية ورجعت البيت

 

لوحدها حبيبة قلبي لواو الصغيره مفتحة وذكية زيي

 

وفياليوم التاني قام السيد جمال من الصبح و اخد القطة وخرج بيها من غير ما زينات هانم تحس بحاجة .... وراح بعيد عن البيت ب 40 عماره وحط لولو على

 

الارض وقلهال وريني بقى يا ست لولو يا مفتحه يا ذكيه انتي هتعلرفي ترجعي البيت من هنه ازاااااااااااااااااي؟؟؟؟

 

ولما رجع البيت لقا لولو بتلعب مع زينات هانم في الصالون يا دي المصيبة ...هوه ايه اللي بيحصل .... استني يا ست لولو لما وريكي

 

خرج السيد جمال ومعاه القطه في اليوم التالت من جديد وقالها انا هوريكي ده مفروس منك

 

ان ما خليتك تندمي يا لولو هانم وراح بعيد عن البيت ب 60 عماره

 

ولما رجع لقى لولو بتلعب مع زينات ..... لا بقا يا قاتل يا مقتول مهو مافيش حل تاني يا جماعه سيبوني انا مفروس منها

 

وفي اليوم التاني اخد لولو وراح بعيد عن البيت ب 100 عمارة ودخل من على اليمين وبعديها من على الشمال مرتين ورجع لف على اليمين لغايه ما دوخ القطة

 

وتركها على الارض وقلها

 

-ورينا بقى شطارتك باي باي يا حياتي وزينات بتسلم عليكي وبتقلك خلي بالك من نفسك يا روحي ...

 

وبعد ساعة بيرن جرس التلفون ترفع الست زينت السماعه

 

-الووووووووووووووو مين

 

- انا يا زينات انا جمال

 

- انتا فين من الصبح

- قوليلي الاول لولو القطه لولو رجعت البيت

 

- ايوا يا حبيبي اهي جنبي

- طب اديني اكلمها وحياة ابوكي لحسن انا ضيعت البيت ومش قادر الاقيه

[NADA]

جميل جدا يا اينور بجد موضوعاتك جميله جدا وظريفه

الله يكون ف عون الاستاذ جمال

وحمدالله على سلامتك يا لوله

[BLACKDREAM]

ههههههههههههههههههههههههههههههه

و اللهي قصه جميله جدا و فكاهيه جدا

ربنا يضحكك يا اختي اينور و يسعدك

زي ما بتحبي تسعدي اخواتك

[einour]

بتشكر مروركم اختي ندى واخي black dream وبيشرفني والله انه الموضوع اعجبكم

[أحمد سيف]

ياريت يا اختي اينور

تدي القطه لولو

لكل واحد دخل المنتدى ونسي عنوانه

هههههههههههههههههه

[einour]

ههههههههههههههههههههههه انتا بتامر اخي احمد وبتشكر مرورك

[عاشق الصداقه]

طب اديني اكلمها وحياة ابوكي لحسن انا ضيعت البيت ومش قادر الاقيه

خطييييييييييييييره يا لولو ... قصدى يا آينور ..

وأنا قصدت أقول لولو ... لأنك مهما الظروف بعدتك عن المنتدى بترجعيله تانى .. وبنشاط غير عادى ..

موضوع جميل جدا جدا ... بشكرك كتييييييييييير أختى آينور .. وسلامنا لــ لولو والحاج جمال

[einour]

هههههههههههههههههههههههههههه

اسعدني مرورك اخي عاشق الصداقة

وانا سعيدة باني اكون مفتحة وذكية متل لولو