مصباح مهدى

[الجندى المجهول]

كل عام وانت راجل ما فيش منّه خوفْ

متنّح

مصلّح قفاك للظروفْ

مسبّح بحمد الحرامي

اللي حامي النعاج والخروفْ

تعدّي عليك المحن وانت طيّبْ

قريّب ها تشرب لبن في الفطارْ

وطبعاً ها تلقى الغدا والفطارْ

وتلقى ف جيوبك مصاريف نهارْ

وتلقى الجدار اللي تسند عليه

وتلقى الحبيب اللي مادد إديه

وتسكر بضحكة عنيه

مش هزارْ

لعيد الضحية

هدوم الولاد الجداد والضحية

اللي عايز يجيب لحم عيد الضحية

الضحية

الضحية

الضحية

الخروفْ

كل عام وانت راجل ما فيش منه خوف

كل عام وانت راجل شديد البراءة

مطلّع بطاقة لمواطن سليم

سليم يعني أطرش

وأعمى

وطناني

وساكت عن الحق

حافظ أغاني العبور

واللي بعد العبور من أغانيخوفْ

[رجل من الصحراء]

الحرامي

اللي حامي النعاج والخروفْ

احبسنا احبس

[الجندى المجهول]

مش قلتلك متخفش

مش حتتحبس لوحدك