مصر - نائب مدير مستشفى النجيلة يعلن إصابته بفيروس كورونا

[الأخبار 4]

كشف الدكتور محمد علام، نائب مدير مستشفى النجيلة، عن إصابته بفيروس كورونا المستجد (كوفيد 19)، لافتًا إلى أنه غير حزين على ذلك، ويعلم أنه معرض للإصابة، وأن هذا عمله.

وكتب "علام"، عبر حسابه على موقع التواصل الاجتماعي "فيسبوك": "للأسف في حاجه مكنتش حابب أتكلم فيها دلوقتي عشان مبقاش سبب ذعر وقلق للناس اللي بطمنهم باستمرار ولأنها حاجة متوقعة لكل طبيب وكل لما الفترة تطول فرص حدوثها بتزيد لكن في ناس ظلمانى ولازم أوضحلهم حاجة مهمة وأنا مش زعلان منهم على فكرة، بس الحمد لله اتشخصت كوفيد ١٩ إيجابي من يوم ٦-٤".

وأضاف نائب مدير مستشفى النجيلة: "أنا كنت عارف من أول يوم إنى معرض لكده وراضي ده شغلى وأنا مش زعلان ولا كنت خايف والحمد لله هتكمل على خير وحالتي اتحسنت كتيير وإن شاء الله قريب أتحول سلبى وأروح. دي الحقيقة اللي كنت مخبيها باختيارى، أنا اللى طلبت محدش يعرف عشان أهلي ميقلقوش اللي بيعدوا الأيام وهما عارفين اللي أنا فيه. وأسف أنى اتاخرت كل ده محبتش أعرفهم غير لما أكون بقيت كويس.. آسف للناس اللي بطمنها باستمرار أني مقلتلكمش بس ان شاء الله هتعدي التزموا باللى بننصح بيه، اللى حصل ده وارد لأي طبيب ولا يلام عليه أحد نهائيا ومش معرض ليه أي واحد ملتزم في بيته أو في الشارع، ده بسبب إجراءات طبية معينة وكلنا عارفين الخطر اللي احنا فيه وراضيين وده حسابه عند ربنا مش عاوزين حساب من بشر فيه، ده واجبنا أولا وأخيرا وشرف ما بعده شرف لكل طبيب".

اقرأ الخبر من المصدر