دى ملوخيه

[الجندى المجهول]

سالت جارتنا ام بهيه جوزها العامل فى البلديه

ال قلى ليفندى ياجوزى ايه معنى الكلام الاراجوزى اللى قله فى التلفزيون

دمرقاطيه درمقاطيه

كلمه لاتجى فيوم على بال واحلف دى شتمه ياعبدالعال

قام قاله السيد جوزها وهى بتمط فى بوزها متبطلوا جهل ياجدعان

ديمقراطيه يا باهيه متفهمى بقى يا وليه

ديمقراطيه ديمقراطى اصل الكباب عند الحاتى

واتعشى على كيلو حراتى وانا ابوس فىقرطاس طعميه

ديمقراطيه و مقريه فى صحف جرايد مطويه

بتقول نعم بكره وبعده ولحد والفين سنه جيه

ديمقراطيه دى لعبتنا عملوها جدعان حتتنا علشان متحلو صورتنا

ويصدقوا انى عشتنا عيمه فى بحور العسليه

ديمقراطيه ندلعها وسعات كمان نلوى درعها وانا مستعد ارجعها بس اشترى فيوم عتقيه

ديمقراطيه ديمقراطرطرطراط وكلام كتير وبقى مراطرط

والكل فرحان ومظقطط ببنتطوظوا اللى منقط من كدبه بقى ماشى يسقط على باب حرتنا المنسيه

ديمقراطيه ومش هي بس الشبه عشره الميه

تسعه علشان العالميه وواحد لمون بالمولوخيه

متسكتى بقى ياوليه فى دهيه روحى انت وهى

دى علشان تفوت الدوريه يموت غفير عشرين ميه

واعيش خروف من غير لييه

وموت قتيل وماليش ديه

وتعيش جناب الملوخيه

تم تعديل March 2, 2009 بواسطه الجندى المجهول

[El-Saher Fantasy]

ديمو قراطية

ديمو يعني نسخة تجريبية مش كاملة

وللأسف لسه احنا مش عارفين نجيب الFull version

ولا حتى مصدقين انها خلاص expired

لنا الله

متميز كعادتك وتقبل مروري

[الجندى المجهول]

تسلم يا ساهر شكرا لمرورك