صناع الحياه قام بنشر June 2, 2007 قام بنشر June 2, 2007 هشكيلكم من حرف كتبته حرف اكلته من مشاعري واحاسيسي لما كتبته حرف ارتوي من حبري حرف اتنفس من عبق كل الناس اللي قرته حرف اتغطي من برد الشتا بجلفة كتاب الحياه بحالها حرف اتفسح وزار كل البلاد واتنقل من ايد لايد بعد كل اللي عملته معاه ده موت ورقتي وخللاها دبلت وخللا لونها اصفر ولما عاتبته ليه قاللي مش انا ده تاثير الزمن كداب في اصل وشه اشمعني الزمن خللاه حرف اثري وذود من قيمته خللاه حرف مقدس وزود اريج عبقه ليه ورقتي تدبل وتصفر وتقرب كل يوم من الموت وهو كل يوم يعدي عليه يخليه انفس واقيم انا بشكيلكم من حرفي بس بيني وبينكم هو اللي عبيط واهبل وانا اللي ضحكت عليه اقولكم ليه عشان انا خلاص قربت اموت وهسيبه هو يعيش مكاني ويكونلي ذكري بين الناس شكرا ليك ياحرفي
عاشق الصداقه قام بنشر June 3, 2007 قام بنشر June 3, 2007 ده حرف ايه ده يا عرابى ... تعدمنى إن كنت فهمت حاجه يا ولدى
صناع الحياه قام بنشر June 5, 2007 الكاتب قام بنشر June 5, 2007 عايزين تعرف ايه هو الحرف ده حاضر هقولكم هو حرف بيتكرر كتير في حياتي وبيطاردني في كل شئ لما اشوفك يا احمد انت وكرينكل هقولكم عليه اصلي لو سيحت في النتدي ولميت عليه الناس هستكسف مني ويبعد وانا بصراحه مقدرش علي بعاد
einour قام بنشر June 6, 2007 قام بنشر June 6, 2007 يا بخت الحرف ده يا عرابي متل ما بتقوله كداب في اصل وشه عجبني هالتعبير وانا فقعت مرارتي وصار بدي اعرف مين هاد الحرف اذا ما عندك مانع ليش بس كرينكل واحمد بتقلهن عليه؟ وانا بدي اعرف كمان وانا مالييييييييييييييييييييييشس دعوه بدي اعرف يعني بدي اعرف
صناع الحياه قام بنشر June 6, 2007 الكاتب قام بنشر June 6, 2007 انا في نص هدومي منك يا اينور لاني مقصر معاكي خالص بس ربنا يعلم ان ظروف شغلي هي اللي منعاني من اصحابي واخواتي ورفاقي في منتدانا العزيز اما بخصوص الحرف حاضر هقولك في اقرب فرصه ان شاء الله تمنياتي ليكي بالتوفيق وبالسعاده
مشرفي الأقسام NADA قام بنشر June 8, 2007 مشرفي الأقسام قام بنشر June 8, 2007 احلى حاجه ف الدنيا ان الواحد يحس انه مش فاهم اى حاجه ف اى حاجه خالص عامة معنى اننا مش فاهمين ان الحرف بتاعك ده رائع ومتميز وبعدين انا كمان عايزه اعرف ايه الحرف ده ومين اللى ظلم علشان نعرف ناخدلك حقك منه او ناخدله حقه منك بما انك انت ضحكت عليه وطلعته عبيط واهبل ف الاخر
صناع الحياه قام بنشر June 15, 2007 الكاتب قام بنشر June 15, 2007 امري لله هقول وخلاص زمان لما منت في خامسه ابتدائي كنت واد فلحوص وبحب اقلد عمي الصغير في كل حاجه مره من المرات عملو مجله في الكليه وجاب معاه نسخه وحطها في الشنطه طبعا لازم افتشها كل مبيجي عشان اخد مثلثات الجبنه والعلب المربي الصغيره المهم وقعت المجله تحت ايدي قريت فيها المواضيع مكدبتش خبر اشتريت ورق فلوسكاب واتلميت علي مجلات العربي اللي في المكتبه وشويه الكتب اللي فيها صور وبالصمغ عملت مجله فيها مواضيع بالصور عملتلها غلاف وحطيت اسمي عليها بخطي الملولوالوحش بعد مظبطتها جريت فريره علي المكتبه عشان اصورها واوزعها في المدرسه وكانت الكارسه انا وماشي في الطريق الكلاب جريت وراي وعضتني المجله وقعت في الميه وباظ كل تعبي نزلت الترعه عشان اجيبها لقيتها باظت خالص وحبرها بهت قلت فينك ياحروفي روحتي فين بس خطرت في بالي فكره قلت اكيد السمك هيقرا الحبر ويستفيد من المواضيع رجعت البيت وانا فرحان بس ماسك ايدي من عضة الكلاب وضاع الحرف وضاعت المجله
AMR DAWAM قام بنشر June 15, 2007 قام بنشر June 15, 2007 اولا حبيبى عبدلله الموضوع اكثر من رائع وكتاباتك جميلة جداجدا ********************* بس تعرف انت السبب فى ان الكلب يعضك لانك مش اديته مجلة يقراها اشمعنا السمك ********************** جمييييييييييييييييييييييل جدا اخى العرابى **********************
BLACKDREAM قام بنشر June 16, 2007 قام بنشر June 16, 2007 انا بئول اني الحرف دا اكله بتتاكل يعني يم يم
صناع الحياه قام بنشر June 17, 2007 الكاتب قام بنشر June 17, 2007 ههههههههههههههههههههههههههههههههههههههههههههههههه كمان دمك خفيف يايامن فعلا انت انسان متعدد المواهب
einour قام بنشر June 18, 2007 قام بنشر June 18, 2007 ههههههههههههههههههههههههههههههههههههههههههه من صغرك وانتا شقي بس هي الله عوضك وصاروا كل السمك اللي في المنتدى بيقرا مواضيعك
BLACKDREAM قام بنشر June 18, 2007 قام بنشر June 18, 2007 هههههههههههههههههههههههههههههههههههههههههههههه ربنا ما يحرمني منكم ابدا يا اجمل مشرفيين بالعالم
تقوى القلوب قام بنشر June 25, 2007 قام بنشر June 25, 2007 بعد الشر عليك طبعا من الموت ان شاء الله يا رب اللى يكرهك هو اللى يموت ولا يموت ليه خليه عشان تغيظه وانا اعتقد ان الحرف ده مزيج بين خوف على احلام تضيع وهدف نفسه يتحقق وروح حلوة بتدعم كل ده وبتدي امل جديد فى الحياة والتجديد والانقلاب اللى عايز تعمله ياسى الدكتور عبد الله (ده على ما اظن يعنى)
تقوى القلوب قام بنشر June 28, 2007 قام بنشر June 28, 2007 متشكرة يا بلاك دريم بس فى حاجه تانية عن الحروف كان قالها نزار قبانى (ان الحروف تموت حين تقال ) وانا مع نزار بصراحه لانه انت اللى هتعبر عن حرفك وانت اللى هتخليه يعيش من خلالك مش هو اللى هيعبر عنك
BLACKDREAM قام بنشر June 29, 2007 قام بنشر June 29, 2007 حرفي هو حرف الحب حرفي حرف القلب حرف الهوى و العشق حرفي حرف لا بدايه له و لا انتهاء حرفي حرف ولد في السما حرف حرف من اربعه اجزاء فحرف -د- دره في الاعالي تراها تسابق النجوم في السماء و حرف -ي- يهيم لها القمر و تذوب من جمالها الشمس اما حرف -م - مرجانه في اعماق البحار تفوص و تغوص لترافق الجواهر و اخيرا -ه- هائمه روحي بها و قلبي و عقلي لا يرغب الا هي هل عرفتم من هي ؟ ؟ ؟ نعم انها حبيبتي ديمه ستظل في تفكيري و ستبقى حبي الاول و الاخير
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥