شمس نص الليل

[battot]

كنت مرة

 

في مرة ماشية

 

ماشية وفي شارع طويل

 

مش عارفة رايحة ولا جاية

 

بس كان الليل جميل

 

ومرة واحدة وقفني صوتها

 

صوتها اللي بيشفي العليل

 

قالتلي مالك؟!

 

حيرانة ليه؟!

 

قولتلها : وانتي مالك

 

عاوزة مني إيه

 

قالتلي أنا دليل الحيران

 

ودوا كل سهران

 

عندي تلاقي دواكي

 

وأدلك علي هواكي

 

قولتلها انتي مين

 

ومالك صوتك عذب وحزين

 

ردت وقالت

 

ببكي لما ألاقي اللي يظلمني

 

وأزعل من اللي مش يفهمني

 

قولتلها خلاص متزعليش

 

وعلي خطرك متخديش

 

بس برده مقولتليش

 

انت مين ؟

 

قالتلي ببساطة ووضوح

 

من غير ما آجي ولا أروح

 

أنا حضن لكل محتاج

 

أنا للمجروح علاج

 

وبنظرة مني عرفت حالتك

 

وبكلمة مني هتتحل مشكلتك

 

عشان تداوي أحزانك

 

ومتكونيش أبدا جريحة

 

وتسعدي كل أوقاتك

 

خديها مني نصيحة

 

عيش لحظة بلحظة

 

مع الهوى وجماله

 

ومتسبيش أي لحظة

 

من غير ما تحلمي بدلاله

 

سيبك من أوجاعه

 

إحنا السبب فيها

 

ده الهوى صورة جميلة

 

صورة طفلة رضيعة

 

ملاك في الهوا طاير

 

ما يرسي علي غصن حاير

 

عرفتينى ؟؟؟؟

 

انا شمس نص الليل

 

انا الراحة لكل عليل

 

انا قلب الهوى

 

ومن غيرى كله جوى

 

خدى بنصيحتى

 

عشان ترتاحي راحتى

[الجندى المجهول]

وبعدين حنفضل نصقف لغايه امتى

شاعره المنتدى الكبرى

battotاختى

رائع كالعاده

خطى ثابته نحو التميز

[رجل من الصحراء]

الشاعرة المتميزة

احسنتي وابدعتي

شكرا لك على هذه الروعة

تحيتي وتقديري

[NADA]

ووواااااااااااااااووو

 

اسم يشد فعلا ,, وكلام مش لاقية له وصف يليق به

 

شمس نص الليل ( * _ * )

[battot]

وبعدين حنفضل نصقف لغايه امتى

شاعره المنتدى الكبرى

battotاختى

رائع كالعاده

خطى ثابته نحو التميز

 

فى البداية اشكرك اخى العزيز الجندى المجهول على هذا الرد الجميل والمشاركة الرائعة

 

وبجد يعجز لسانى عن التعبير لك بالشكر عن هذا الكلام الجميل

 

واتمنى ان تكون القصيدة نالت اعاجبك

 

الشاعرة المتميزة

احسنتي وابدعتي

شكرا لك على هذه الروعة

تحيتي وتقديري

 

بجد يا جماعة مش عارفة اقولكم اية

 

لسانى مش عارف يعبر عن مقدار السعادة التى بداخلى لان اسمع منكم كل هذات الكلام الجميل

 

اشكرك اخى الغالى رجل من الصحراء على هذه المشاركة الغالية والرد الذى اغمرتى بالسعادة

 

 

ويارب تكون القصيدة عجبتك

 

 

ووواااااااااااااااووو

 

اسم يشد فعلا ,, وكلام مش لاقية له وصف يليق به

 

شمس نص الليل ( * _ * )

 

اشكرك اختى الغالية ندى على هذه المشاركة الغالية والرد الجميل

 

وبجد كده كتير

 

يارب اكون عند حسن ظنكم علطول

 

وكم شرفنى وجودك

 

ويارب تكون القصيد عجبتك

[medoaso2007]

الحيرة هي اصعب ما يواجهه الانسان

 

 

ولكن افضل الحلول دائما هو الحب

 

لان الحب هو طريق لهداية كل الحياري

 

 

شكرا علي القصيدة الرائعة وفي انتظار المزيد

[battot]

اشكرك على المشاركة الجميلة والرد الرائع ده

 

 

ويارب تكون القصيدة عجبتك

[حياتى من اجل ربى]

عيش لحظة بلحظة

 

مع الهوى وجماله

 

ومتسبيش أي لحظة

 

من غير ما تحلمي بدلاله

 

الله الله الله الله عليكى يا احلى بطووووووووط

تسلم ايدك حبيبتى

رووووووووووووووووووووووعه بجد

متمرزه كعادتك

جزاك الله خيرا

ربنا يحقق لك كل ما تتمنى

[Dr.A7MD]

كلمات جميلة جداً يا بطوط وموضوع رائع

 

وسبحان الله مفارقات غريبة جداً

 

وأنا بدور على لينك الموضوع ده ودوخت عشان ألاقيه من البحث

 

وبعد لما لقيته ..... ألاقى رد لأختى حياتى من أجل ربى عمل تنشيط للموضوع

 

 

قلت فى نفسى لو صبرت شوية كنت لقيته قدامى

 

شكراً ليكى أختى الكريمة ومنتظرين منك المزيد والمزيد من الإبداع

 

تحياتى ليكى

[El-Saher Fantasy]

بسم الله ماشاء الله لا قوة إلا بالله

ربنا يباركلك في موهبتك يارب

ويرزقك من حيث لا تحتسبي

بس انا كان ليا سؤال ...

ياترى يا بطوط انتي قصدك ايه بشمس نص الليل؟؟

ولا ده مجرد تعبير مجازي؟

 

اصل وصفك خيلي انها صلاة القيام

ولا انا فهمت غلط؟

 

متميزة دائماً ... استمرى في التميز

[الرّام]