مشرفي الأقسام الجندى المجهول قام بنشر March 19, 2009 مشرفي الأقسام قام بنشر March 19, 2009 بعد الفطار بعد الفعينى غفلت حبتين كل عام و انتم بخير رمضان كريم عينى غفلت ، م التعب طول النهار ، و المجاهده ، و المناهده ، وسين وجيم ، لحظه و التانيه ، و بعد اللحظتين ، جانى احساس إن حد دخل قعد ، و ابتدا يسبّح ، و ابص بنص عين ، نص قلبى انسرّ ، و النص ارتعد شفت بيرم .. أيوه بيرم .. أيوة هوّه .. لبده مصرى ، جلابيه مغربى ، شمَله شامى ، سبحه من أرض النبوه حد ما يعرفش بيرم و النبى ... ؟ شفت بيرم ، بالصديرى اسكندرانى ، شفه ، متلفع بشال من العراق ، و الحزام يمَنَى ، و عطر الايد سودانى ... حد ما يعرفش بيرم يا رفاق .. ؟ ضحكته المره اللى بتنقط عسل قلت : خير إنشاء الله قال : فين الديوان . فين ديوان بيرم ) ما بطلتوش كس ...؟ قلت له : معلهش قال معلهض إيه ! و نا تايه عن بلدنا يا ولد ... ؟ البعيد عن عينها ، يا حسرة عليه .. يا بلدنا ، يا حلوه ، آه منك بلد ! قلت له : راح نحتفل بك قاللى : لا ، احتفالكو وفّروه على نفسكو قلت له : ح نشيد بفضلك قاللى : ها ، فضلى فين ، إذا كنتو ناسيين درسكو ؟ قلت له : علَّمنا : بيرم قاللى : شوف ، المياتم فى الأزة ملطَّعه ، أنا مش عايز كراسى صفوف صفوف أنا .. صفّولى حروف المطبعة !!طار
مصطفى بهجت قام بنشر March 20, 2009 قام بنشر March 20, 2009 الله يرحمك يا عم صلاح جاهين يا جاااااااامد .. وتسلم إيدك يا جندي يا مجهول ( يا أبو حميد ) خلينا نشوفك ونسمع صوتك ..
El-Saher Fantasy قام بنشر March 20, 2009 قام بنشر March 20, 2009 يابن الذين يابن الذين يابن الذين ياعم صلاح جاهين الله يرحمك بس هو ماماتش على فكرة هو عايش في قلوبنا تأكد من الهجاء
مشرفي الأقسام الجندى المجهول قام بنشر March 20, 2009 الكاتب مشرفي الأقسام قام بنشر March 20, 2009 الله يسلمك يا مصطفى احنا تحت النظر بس اللى يسال شكر يا ساهر على المرور
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥