التطور الطبيعى للانسان

[NADA 34]

الموضوع دة علشان كل واحدة تعرف اية الي حيحصلها مستقبلا بعد الارتباط

 

بحبك

بعد 6 اسابيع : بحبك بحبك بحبك ... بحبك

بعد 6 شهور : اكيد بحبك

بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟

 

 

بعد الشغل

بعد 6 اسابيع : حبيبتي انا جيت من الشغل

بعد 6 شهور : انا رجعت

بعد 6 سنين : فين الاكل ؟؟

 

 

جرس التليفون

بعد 6 اسابيع : حبيبتي فى حد عايزك على التليفون

بعد 6 شهور : التليفون دة ليكى

بعد 6 سنين : ماتردى ! انا عندى صداع

 

 

وقت الغدا

بعد 6 اسابيع : ماكنتش اعرف ان نفسك حلو اوى كدة

بعد 6 شهور : عاملة ايه النهاردة

بعد 6 سنين : بامية تانى

 

 

لما تشترى فستان جديد

بعد 6 اسابيع : مبروك ياحبيبتي , هياكل منك حتة

بعد 6 شهور : انتى جبتى فستان جديد تانى ؟

بعد 6 سنين : همم بكام ؟

 

 

لما يتفرجوا على فيلم

بعد 6 اسابيع : تحبي نشوف فيلم ايه ؟

بعد 6 شهور : ماتقلبيش المحطة انا عايز الفيلم دة

بعد 6 سنين : انا رايح السينما , نامى انتى بقى

 

لما تعزم اصحابها

بعد 6 اسابيع : وماله اهلا بيهم فى اى وقت

بعد 6 شهور : انتى كل اسبوعين هاتعزميلنا حد ؟

بعد 6 سنين : يوووووه دة مابقاش بيت

 

 

لما يروحو السوبر ماركت

بعد 6 اسابيع : تحبي تروحى انهى سوبر ماركت يا حياتى

بعد 6 شهور : وماله عم انور البقال ؟

بعد 6 سنين : انتى بتودى الاكل فين !؟؟

 

لما ييجى عيد ميلادها

بعد 6 اسابيع : معلش كان نفسي اجيبهولك الماظ

بعد 6 شهور : خدى 50 جنيه وهاتى اللى انتى عايزاه

بعد 6 سنين : مش عيد ميلادك كان السنة اللى فاتت هوكل سنة ولا ايه !؟

 

فى العيد

بعد 6 اسابيع : حبيبتي الكحك والبسكوت برة على السفرة

بعد 6 شهور : مش واجب بقي مامتك تجيب لنا الكحك

بعد 6 سنين : مش لازم كحك السنة دى .. انتى تخنتى اوى

 

وهى رايحة للدكتور

بعد 6 اسابيع : حبيبتي قولىبى قبلها عشان اعمل حسابي فى الشغل

بعد 6 شهور : خدى مامتك ولا حد من صحابك

بعد 6 سنين : دكتور دكتوووووووور .. مانتى زى البمب اهو

 

المولود الاول : زى القمر .... شبهك

المولود التانى : شبه اخوه

المولود التالت : ياريت تخللى بالك المرة الجايه

 

 

هذا للعلم علشان متقولوش احنا اضحك علينا

[BLACKDREAM 5]

بعد 6 اسابيع : متشكرين يا اختي الغاليه ندى

بعد 6 شهور : ربنا ما يحرمناش منك يا اختي الغاليه جدا

بعد 6 سنوات : يا ندوش ايه المواضيع الجميله دي ربنا يخليكي لينا يا رب

[NADA 34]

هههههههههههه

ربنا يخليك يا يامن

متشكرة جدا عالرد

[BLACKDREAM 5]

مافيش شكر بين الاخوات يا ندى

عل لاعموم ليا الشرف اني اكون اول واحد يرد على موضوعك الجميل

و ارجو منكي يا اختي الغاليه انك ما تحرمينا من مواضيعك العسسل زيك

 

 

الله ايه دا دي نحله بئا انتي جايبه العسل كله لهنا يا ندى

اتفضلي النحل حياكلنا اهو بيئولي هم هم جاي اكلك يا كابوسس

يا لهووووووووووووووووووووووووووووووووووووووووووووي الحقوني

اي اي اي اي اي انا اتبهدلت خالص يا جماعه الحقوووووووووووووني

[NADA 34]

متخافش يا يامن همشيه دلوقتى

بس على فكره هو مش بياكل حد

هو هتلاقيه بيهزر معاك

[عاشق الصداقه 525]

ههههههههههههههههههههههه

 

جامد جداً يا ندى ..

 

والله خطيييييييييييييييييير بجد

[NADA 34]

كويس انه عجبك يا احمد

متشكرة جدا عالرد

[BLACKDREAM 5]

لو بيهزر بس معلش بس انا خايف انو يكون عاوز ياكلني بجد بئا

[NADA 34]

لو بيهزر بس معلش بس انا خايف انو يكون عاوز ياكلني بجد بئا

 

انت خفت بجد ومشيت ولا ايه يا يامن

[Shetos 2]

خطير فعلاً يا ندى..

 

يا ريت تقومى بتنشيط كل مواضيعك..

[NADA 34]

خطير فعلاً يا ندى..

 

يا ريت تقومى بتنشيط كل مواضيعك..

 

ميرسى يا شيتوس

 

وان كان على تنشيط المواضيع

 

فتأكد انى مغرمه بالمواضيع الاوليه اللى فالمنتدى

 

حتى لو مش برد فيها

 

لكن انا عادة ما بحب اتجول كده ف المواضيع

 

بجد تحس كده انك ف عالم تانى مفيد ولذيذ

[NADA 34]

انا بجد بقيت اتطور

 

بس عكس الناس الطبيعين

 

ربنا يستر

[ABOTASNEEM 117]

هو التطور ولا بلاش

[abdallh_hazaa 0]

I am new member in this Forum

I want to comment about topic name this name is very good but I think i was deceived because I thought that it is real topic

[NADA 34]

I am new member in this Forum

I want to comment about topic name this name is very good but

I think i was deceived because I thought that it is real topic

 

أهللا بيك يا عبدالله ف المنتدى

 

هو الموضوع بجد لكن واخد طابع فكاهى إلى حد ما

 

لكن هو حقيقى,, ولا إنت أيه رأيك؟؟

تم تعديل May 5, 2009 بواسطه NADA

[abdallh_hazaa 0]

شكرا ليكي بجد الموضوع اللي في اللينك جميل جدااااااااااااا معذرة اننا كنت بعلق علي الموضوع الفكاهي

[NADA 34]

ولا يهمك حصل خير

 

ومتشكرة جداً لك

[الرّام 173]

يا والله حال و احوال

[El-Saher Fantasy 21]

المولود الاول : زى القمر .... شبهك

المولود التانى : شبه اخوه

المولود التالت : ياريت تخللى بالك المرة الجايه

 

ايوة تاخد بالها يعني هتعمل ايه؟؟

 

موضوع متميز كالعادة او كالسوبر

 

منورة المنتدى

[شاكر 0]

أهنيك على الموضوع الجميل

والأسلوب الرائع

في انتضار اصدار جديد أتمنى انو يكون في العدد الجاي

التطور الطبيعي للانسان(لاكن عن المرأه) لكي نلم بجانبي التطور

[«۞۩ أبو سليمان ۩۞» 179]

ههههههههههههه

 

:wassat: :wassat:

 

جميل جدا ندا

[NADA 34]

يا والله حال و احوال

 

سبحان من يغر ولا يتغير

 

شكراً لك الرام وربنا يوفقك ويكرمك يا قمر

 

ايوة تاخد بالها يعني هتعمل ايه؟؟

 

موضوع متميز كالعادة او كالسوبر

 

منورة المنتدى

 

 

تشيل كل المرايات من البيت ومتفكرش تبص ف مرايا

 

ميرسي لك الساهر ,, أهو إنت

 

وعلى فكرة عقدتوني من منورة ** هي الكهربا قاطعة ف قنا و أنا مش أخدة بالى ؟!

 

عامة شكراً لك ,, أتمنى يكون الموضوع عجبك

 

 

 

 

أهنيك على الموضوع الجميل

والأسلوب الرائع

في انتضار اصدار جديد أتمنى انو يكون في العدد الجاي

التطور الطبيعي للانسان(لاكن عن المرأه) لكي نلم بجانبي التطور

 

ميرسي لك شاكر و إن شاء الله المرة الجاية

 

شكراً لك و المهم يكون ده عجبك الأول

 

 

ههههههههههههه

 

 

جميل جدا ندا

 

واضح إن الموضوع أثر فيك جامد يا دكتور

 

شكلك هتعمل كده ولا أيه ؟؟ ربنا يستر إن شاء الله

 

 

شكراً لكم كلكم بجد وربنا يوفقكم ويكرمكم يارب